HEBRU 3:14 - Rabu Athar New Testament (BSI)

¹⁴ Ajarko a phut lai tenna kein in tak kan ngaiha kan otit inko, keini kan renga Khrista le tum kan neisuom ani.

HEBRU 3:14 Iomraidhean Croise

ROM MINGAI JIANG PAUL NING A JIAK CHITHI 11:17

Tak-ha thingchang aviar ha a kiak inko, hale nang in ramcholopho akung na lui nia, anmani karra nang ha a chiak an nasuia ni tui ha anmani le na om suam.

ROM MINGAI JIANG PAUL NING A JIAK CHITHI 11:22

Hiva jarra Pathian lungsiat nale lung thak na ha enro, an tuk tanngai tianga lung thak na, tak-ha nang in Pathian lungsiat na tianga na om chak inko, nang jiang ama lungsiat na ha hong om nati, animak inko nangham na tuk tan nati.

1 KORINTH 1:30

Pathian ning nang niha Jisu Khrista jiang ana juang tuang jui, ama hi nan ringkhuo hong suak na ani, Jisu Khrista tenna ama han theina tangbung ha a sin, adik lam ma om na ranga ana manthianga ana sanring jui.

1 KORINTH 10:17

Ajarko tal khat jak ani, keini mitamngai hi om tak khat jak kan ni, kan renga tal khat jak kan chak chun ani.

1 KORINTH 9:23

Hale kein irakip ka lui tho hi Pathian chongsat jarra ani ama phual musuam na ranga ani.

EPHESIA 3:6

Pathian chong ruk ha ko, nang ni jatdangai ngaihi, Jiwngai le tak khat anga ana man om jui, Jisu Khrista chongsat jarra Pathian phual rakip ha Jiwngai le a kan ang rip amu rang nan ni.

1 TIMOTHI 6:2

Khristian mi jiang om suakngai ning ngom suak tia kan lui maru, ajarko anmani ha nan u nan nai anni, hiva rahut a anmani ning a khel la an suakngai tenna an chuan ngai rakip asat a antho pe, hiva chong hi nangni ning man churru.

HEBRU 11:1

Takngai hi lungam puina phur le paingai khat ranga jet chiak a mit mu lui phurlepai ngai khat ha a om khet tina ani.

HEBRU 12:10

Tak sa ramuol pangai ning pha bongkhat jak an na man chu ke ani, tak-ha keini Pathian a thiang na ha kan tum pui thei na rang hivahi keini satna ranga Pathianin ina var ani.

HEBRU 3:1

A e sap le jar, Pathian in a na kui Khristianngai, Pathian a hong tir thiampu chung nung, kan takngai Jisu hi enru.

HEBRU 3:6

Aninom Khrista ha Pathian in sunga put ranga takngai jot nai an khat ani, keinin kan ngaidon na chunga tak kan ngai le kan ningsat na jak ha a torna tunga kan otit inko, keni hi a inn sung kan ni.

HEBRU 6:11

Nangni na ngaidon a adik tak a hong tung na rang a torna tunga nan ning nan man sat rang hi kan dei ani.

HEBRU 6:4

Ajarko vei khat an kan lum sa mingai ha hongan mo an lung an hong kan hei na rang an hong thui khir ret rang, Pathian va ralla an om jui; anmanin vanram kutchoi Thavang Thiang ha an mu va an lui jet jui.

1 PITAR 4:13

Hiva rakip hin nan ning man satru, nang ni ning Khrista a pong ha nan san ani, hi aninko nang ni ning ningsat na ha nan mu rang ani, puma ning mahok lian na a hong karra.

1 PITAR 5:1

Kei ning ulian khat changa biakrup ulianngai jiang ka na ri ani, kein Khrista a khodengthei na shakhi ha ka jet, hale ama lianpui na ham ka mu rang ke, ama a hong karra, hiva jar hin kein nang ni jiang ka na ri ani.

1 JOHON 1:3

A pa le a nai Jisu Khrista le kan kan chun na ha nang ni jom kan chel thei na ranga, kan mu kan jet ngaiha nang ni jiang kan na ripe ani.