HEBRU 13:7 - Rabu Athar New Testament (BSI)

⁷ Pathian chong nang ni jianga an na ripengai, lam a keia alui ngaiha ngaidon chakru, anmaningai hongan mo an lui ringa, hongan mo an lui thi tiha ngaidon chak un na, anmani takngai na ha juiru.

HEBRU 13:7 Iomraidhean Croise

MATHIU 24:45

Ha aninko chak le nek a pha chapcha anmani jiang pe na rang; inneipun inn sung mirakip chunga vai hom ranga aluimak, takngai om rang a ching suak ha tu mo?

LUK NING A JIAK CHONGSAT 12:42

Han Jisun alui sang, a phat a hong tung karra anmani jiang chak rang nek rang an tum pek na ranga, anrengpa ning inn sunga i rakip entorranga, a ching a var akanlingrang tu ha mo imanchang rang?

LUK NING A JIAK CHONGSAT 5:1

Nikhat Jisu ning Genesaret pat kolla a om laitak mipuining ama jiang Pathian chong thiang ngai ranga an hong kankhomjui.

LUK NING A JIAK CHONGSAT 8:11

Tetan na kariha hi ani; Chimu ruha Pathian chong thiang ha ani,

TIRLON 13:46

Han Paul le Barnabas ning thauna sat an ria an hong ti, nang ni jiang ke man Pathian chong hi ri rang a suak, tak-ha nang nin nan kan jet amongtibui ring na tum ranga suak mak tihi hiva jarra enru keini ko a dangjat mi jiang kan che jui.

TIRLON 14:23

Anmanin biakrup chuan putranga ulian an thangpe han nom, bungei le kan ruaia lamna an neija a takngai miha Puma chuan sin ranga apejui.

TIRLON 4:31

Anmanin lam na an nei pha an om na mun ha a hong kan nikjui, hale anmani rakip ha a thiang Thavang ning a sip thauna sat Pathian chong an hong ri jui.

ROM MINGAI JIANG PAUL NING A JIAK CHITHI 10:17

Hiva jarra chong a ngai jarra takngai na an nei, hale chong ha ko Khrista ruia ani.

1 KORINTH 10:13

Nang ni chunga a om siatna mathemna ha mirakip chunga a om, hale pathian ko a ri ha a tho. A ma ning nan torlui chuan na mathema na pek noning, nang in na khang tor rang le na dui tor ranga mathemna a na pek rang ke.

1 KORINTH 11:1

Kein Khrista omchan ka lui anga, nang ni om kei nun chan ha luiru.

1 KORINTH 4:16

Kein ka na mathem, kei ka tho anga nang nin om thoru.

PHILIPI 3:17

U le naingai! nang ni rakip in kei ka nunchan chanru keinin nang ni ranga tetan na kan chang anga, ha anga alon mingai ha asat enru.

1 THESSALONIKA 1:6

Nang nin kan nuk nan na jui ha atam nan pong a chang nom chongsat nan lui jui ha ningsat a om, Chongsat ha Pathian Thavang tenna a hong ani.

1 THESSALONIKA 2:13

Pa pathian hi ka manpak chak, ajarko chongsat hi nan jet karra Pathian chong ke tia nan lei lui. Hiva hi Pathian chong tak ha ani. Pathian chong han nan sunga chuan a tho jui.

2 THESSALONIKA 3:7

Keini hi chuan sin na thasiat mi ni masing tihi nangni le kan lui om lai han nan jet jui, Keini anga nang ni om thasiat maru.

2 THESSALONIKA 3:9

Hingahin keinin kan rat tia kan tho chang mak tak-ha kan nuk nan na jui thei na ranga kan tho ani.

1 TIMOTHI 3:5

A ma ning a insung tak asat da a en tor mak aninko, ijamo biakrup khat hi a man a en tor rang?

HEBRU 13:17

Nan lam kaingai chong jui le kan ruaia an chong na be ha juiru, anmanin an sepa tho na chung changa Pathian jiang an la pek rang ani jarra anmanin pong kan sak chil luia nan thavang chunga an na en chak ani, nang nin chong nan jui aninko anmanin ningsat tak chuan nan tho rang ani, hava ni luia an lunga ning dong pumma chuan an tho aninko nang ni ranga a nemna om noning.

HEBRU 13:24

Pathian mingai rakip le lam a keingai rakip kan chubei lui pekru, Itali a om sap le jar ngai ning chubei an na hong pek.

HEBRU 6:12

Keinin nan tha siat rang hi dei making, tak-ha Pathian chong shakhi a mungai anga takngai le a dui rat nan chang rang kan dei.

1 PITAR 4:11

Tu ang khat ning chong thiang a ri jot inko Pathian chong thiang ha ri rase. Tu ang khat ning Pathian chuan a tho inko Pathian ning a pek a rat na rakip han chuan tho rase.

MANJETNA 1:9

Johon kei hi Jisu Khrista a nuk jui nan u nan nai ha ka ni, kei hi nang ni le pong a dui suam hale, Pathian rengram hi khodengtheingai ranga ani; Kei hi Patmos tui sirra an na siak, ajarko, Jisu ning ana manjet, Pathian chong thiang ha ka lui ri.

MANJETNA 20:4

Kei ning reng ong na mun ha ka mu, hava mun na a omngai jiang ranak le lian na ha a pek, chong jenna ranga hale kein Jisu ruija le Pathian chong an ri jarra an that mingai thavang ha kein ka mu, anmani ning sale mi ramil ha chubeibuk ma u, hale an challe an kut han nom sa ning jet na mun khat jak om lui om mak, anmanin an hong ringret, Jisu le kum lising khat reng a changa a om.

MANJETNA 6:9

Hale belram ning che chun ranga chang na ha a long karra, kein ka mu, Pathian chong sem man na a thi thavangngai ha, a thiang phur pek na a thuaija ka lui mu.