HEBRU 11:3 - Rabu Athar New Testament (BSI)

³ Mit mu torlui an phut ramuol kan mu tor hi takngai jarra Pathian chong han a sin ani tihi kein in kan jet.

HEBRU 11:3 Iomraidhean Croise

JOHON 1:3

A ma jiang anphut phur rakip a ranak alui sin, ankhat om iluisinna ha Pathian ama niluia ite khat om lui kan sin mak.

TIRLON 14:15

Miringngai, nang nin iruija mo hivahi nan tho? Keini om nang ni anga miringke kanni, nang nin nem na buia nan tho rakip hi a ring Pathian tiang vakanhei na ranga, asat chong hi kein in nang ni jiang kan hong choike, a man vanram, ramuol, tui, an khat om hiva sunga a om rakip asin ke.

TIRLON 17:24

Ramuol an khat om a sunga i om rakip a sin Pathian ha ning vanram le ramuol Puma ini jarra, kut an sin biakinna om mak.

ROM MINGAI JIANG PAUL NING A JIAK CHITHI 4:17

Abraham ko athi ngai ha man ringkhir le ahuia om pui suam ranga a kui Pathian a man takngai na nuk juia ama madonna keini kan pa ani; kein ama ha jat rakip ning an pa asuak tia kan jiak ang hin ani.

1 KORINTH 2:7

Tak-ha ramuol a luisin madona Pathian in keini lurna ranga athup chian na ana lui siak pe Pathian chongruk chingna ha kei ning kari ani.

1 TIMOTHI 4:5

Ajarko Pathian chong le Pathian manpak na chong hin Pathian lungdo ha ani.

HEBRU 1:2

Tak-ha atun hin ko a nai ning keini le ana kan biakpui jui, Pathian in a naija an phut ramuol hi a sin, hale aman i rakip a neipu a man chang jui.

HEBRU 6:5

Anmanin Pathian chong ha asat an jet hale, nuk a hong rang ranak rat a hong rang ham an jet jui ani.

2 PITAR 3:5

Anmani ning jet chak a an lui da phat sot madonna Pathian ning vanram le ramuol alui sin hi, ramuol hi ko tuia akan sin ani.

MANJETNA 4:11

“Kan Puma Pathian nang hi chit jak rang le chubeibuk rang rahui na suak, na lungdo nuk juia hiva ranak rakip hi na sin na anmani ning ring na an nei jui.”