HEBRU 10:22 - Rabu Athar New Testament (BSI)

²² Hiva jarra asat le a siat jet thei na lung adik mak le tak sa ngaihi, lung a thianga takngai le nei man rei.

HEBRU 10:22 Iomraidhean Croise

MATHIU 3:11

Nanlungthul ha jet na rang kein tuija baptais ka na man tho tak-ha, kanuk a ahong pako a lian ranaknei ani, kein a kekok choi rang tenna rahui nei making. A ma ningko, nang ni ha Thavang Thiang le meija baptais namantho nati.

LUK NING A JIAK CHONGSAT 1:1

Aphut na tak anmipa anluimungai hale, chong lui ringai anmani ning, keini jiang an na lui ripe nuk jui a,

JOHON 3:5

Jisun a sanga, “Kein nang jiang adik tak ka na ri ke ani, tui le thavang an phut akanjirmak miha tuachang in num Pathian rengram lut tor noniu.

JOHON 8:9

Anmanin hava an jet phat han, Ulian tenna an phut mi ankhat, ankhat anluichea, an renga an tanpetjui. Jisu amai kunga anmanngir numei jak ha a ngirra an luimak jui.

TIRLON 22:16

Atun nangin imo nilakansai? Thui in lang tuilutna neiro, ama a ming ha tel in lang na siatna ngaiha rasukro.

TIRLON 8:21

Hiva chuan ruia nang rang animakle natum rang ite khat kanchelma, ajarko Pathian mai kunga na lung dik mak.

1 KORINTH 6:11

Hiva ngaihi nan karra aviar ko an om tak-ha hava ngaiha ko puma Jisu Khrista a thiang Thavang ning a rasuk jui.

2 KORINTH 7:1

Pathian ning keini jiang chongsan na alui nei ha kan mu jui, ka lungsiat ngai keini kan tak le kan thavang a man chok rang rakip ha man thiang tor hale Thavang a Pathian ha chit da om ru.

EPHESIA 3:12

Jisu Khrista jarra ama takngai le kan ruaia keini hi Pathian kol la ningsat tak a kan lut tor jui.

EPHESIA 5:26

Biakrup hi puma Pathian jiang pek lut na ranga tuija an rasuk suale Pathian ama chongsat han a rasuk jui.

EPHESIA 6:5

Suakngai ning om ramuol la nan neipungai ha chitlejak ha neiru hale Pathian jiang om, hingahin ni ru.

1 TIMOTHI 4:2

Hiva chong lam ngaihi asat kan rol mingai ning an man suak ani, anmani an lung ril la an ngaidon ngaihi thina rang lam ani, thir ning a linga akang anga ani.

TITAS 3:5

keinin adik chuan kan tho jarra nimak, tak-ha Puma mi lungsiat thei jarra; keini ha vei khat a tharra nai changle ana rasuk thianga, Thavang thiang in ina man thar jarra ana san ring jui ani.

HEBRU 10:1

Jiwngai dan ha lungdo tunga takngai rang lui chang mak; nuk a tak khet asat det an khat a hong rang melpua ha ani. Akum racham kan bol na ha hangahan anga ngaija a om chak ani, ha aninko Pathian jiang a che mingai ha hiva kan bol na dan ha ijamo lungdo a tung tor rang ani jui.

HEBRU 10:19

Hiva jarra ulenaingai Jisu a thisen tenna phut, mun thiang na han tung rang kan ni.

HEBRU 11:28

Takngai na in a man kan na ut le thisen suak han a sin na a rapa an nei nai thina ranga anmani ko tok mak na rang ani.

HEBRU 12:24

chong shakhi thar a sin Jisu jiang, Abel thi sen nek asat det a ri thisen a chai thuan na mu na a hong man nei,

HEBRU 4:16

Hiva jarra manrit na mun Pathian chung nung tak ong na tiang lungam tak le ningsat tak a che rei. Hava mun na han keini kan dei le kan ngai tui na chunga ana kan ruai pui rang manrit nale tum rang ha kan mu rang ke.

HEBRU 6:11

Nangni na ngaidon a adik tak a hong tung na rang a torna tunga nan ning nan man sat rang hi kan dei ani.

HEBRU 7:19

Ajarko Mousi dan han i jum lungdo tung tor mak hale atun ko asat det an khat a hong choi jui, hava han kein in Pathian jiang kan nai det jui.

HEBRU 9:10

Anmanin chak le nek han dan nuk juia man thiang na a tam tak an tho rang a om ani. Hava ngaiha, Pathian in irakip a sin man sat mak kar je rang jak ma pal phuang a nei man ranga dan ngaiha alui chang.

HEBRU 9:19

Ajarko dan sunga chong pek a om rakip ha Mousi mingai madonna a man chu jui. Hava sua tui le Serat le Kel thi sen ha a luia puan sen dup, tui kha han dan rabu hale mirakip a thing thuan jui.

JEMS 1:6

Tak-ha nan lam phat han takngai tak le, lunga kei chi keiokna nei chil lui a lamru; ajarko tu a chang innom lunga kei chi keiokna a nei ha ko tui pui chunga phaivou in a sem tui a kan nok anga ani.

JEMS 4:8

Nang nin Pathian nairu, hale a man a na dep rang ke. E, siat nei mingai; nan kut rasuk thiangru! A sat kan rol ngai, nan lung man thiangru!

1 PITAR 1:2

Pathian ning nang ni ngaihi a na thang sa mi ha nan ni hale Pathian ning ana man thiang jui, ama thavang thiang le Jisu Khrista nuk jui na ranga ama thisen hin na rasuk rang ani.

1 PITAR 3:21

Tui han hava anga jet thei na ha ani. Ti ko baptais nan tho jarra san ring na nan mu jui, taksa a chok ha man thiang na rang jak nimak, Jisu Khrista a hong ringkir jarra ani, Pathian jiang adik dik lui jet na ranga lungdo a tok ha ani.

MANJETNA 1:5

Hale Jisu Khrista tenna ama sat a thi ngai ha thui nanti, hale a man ramuol chunga rengpa la ni nati; a man keini hi a na lungsiat jarra a thisen tenna keini ana rasuk.