ܓܠܝܢܐ 1:3 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

³ ܛܘܼܒ݂ܵܐ ܠܗ̇ܘ ܕܩܵܪܹܐ ܘܠܐܵܢܝܼ ܕܫܵܡܥܝܼ ܗܹܡܸܙܡܵܢܹ̈ܐ ܕܐܵܗܵܐ ܢܒ݂ܝܼܘܼܬܵ‌ܐ، ܘܢܵܛܪܝܼ ܠܟܠ ܡܸܢܕܝܼ ܕܝܼܠܹܗ ܟܬܝܼܒ݂ܵܐ ܓܵܘܘܼܗ̇، ܣܵܒܵܒ ܙܲܒ݂ܢܵܐ ܩܘܼܪܒܵܐ ܝܠܹܗ.

ܓܠܝܢܐ 1:3 Iomraidhean Croise

ܡܬ‌ܝ 24:15

”ܗܵܕܟ݂ܵܐ ܐܝܼܡܲܢ ܕܚܵܙܹܝܬܘܿܢ ܢܝܼܫܲܢܩܵܐ ܕܛܲܢܦܘܼܬܵ‌ܐ ܕܚܵܪܵܒܵܐ، ܒܸܟܠܵܝܵܐ ܒܕܘܼܟܵܐ ܩܲܕܝܼܫܬܵ‌ܐ، ܕܦܝܼܫܬܵ‌ܐ ܝܠܵܗ̇ ܡܘܼܕܟܸܪܬܵ‌ܐ ܒܝܲܕ ܕܵܢܝܼܐܹܝܠ ܢܒ݂ܝܼܵܐ،ܗ̇ܘ ܕܩܵܪܹܐ ܦܲܪܡܹܐ،

ܠܘܩܐ 11:28

ܘܗ̇ܘ ܓ̰ܘܼܘܸܒ ܠܹܗ ܐܸܠܘܼܗ̇: ”ܛܘܼܒ݂ܵܐ ܒܘܼܫ ܙܵܘܕܵܐ ܠܐܵܢܝܼ ܕܫܵܡܥܝܼ ܗܹܡܸܙܡܵܢ ܕܐܲܠܵܗܵܐ ܘܢܵܛܪܝܼ ܠܵܗ̇.“

ܪ̈ܗܘܡܝܐ 13:11

ܗܵܐ ܟܹܐ ܝܵܕܥܝܼܬܘܿܢ ܕܐܵܕܝܼܵܐ ܝܠܵܗ̇ ܥܕܵܢܵܐ ܕܪܵܥܫܝܼܬܘܿܢ ܡ̣ܢ ܫܸܢܬܵܘܟ݂ܘܿܢ، ܣܵܒܵܒ ܦܘܼܪܩܵܢܲܢ ܐܵܕܝܼܵܐ ܒܘܼܫ ܩܘܼܪܒܵܐ ܝܠܹܗ ܐܸܠܲܢ ܡ̣ܢ ܕܗܘܼܡܸܢܲܢ ܒܫܘܼܪܵܝܵܐ.

ܪ̈ܗܘܡܝܐ 13:12

ܠܲܝܠܹܐ ܒܸܥܒ݂ܵܪܵܐ ܝܠܹܗ، ܘܐܝܼܡܵܡܵܐ ܩܲܪܒܘܼܢܹܐ ܝܠܹܗ. ܫܵܒ݂ܩܲܚ ܠܗܘܿܢ ܦܘܼܠܚܵܢܹ̈ܐ ܕܚܸܫܟܵܐ ܘܠܵܒ݂ܫܲܚ ܙܲܝܢܵܐ ܕܒܲܗܪܵܐ.

ܐ ܦܛܪܘܣ 4:7

ܫܘܼܠܵܡܵܐ ܕܟܠܵܝܗ‌ܝ ܡܸܢܕܝܼܵܢܹ̈ܐ ܩܘܼܪܒܵܐ ܝܠܹܗ. ܒܵܣ ܗܘܹܝܡܘܼܢ ܨܲܠܝܼܠܹ̈ܐ ܘܪ̈ܥܝܼܫܹܐ ܠܨܠܵܘܵܬܹ̈‌ܐ.

ܒ ܦܛܪܘܣ 3:8

ܐܝܼܢܵܐ ܡܘܼܚܸܒܝܼ̈، ܠܵܐ ܡܲܢܫܹܝܬܘܿܢ ܐܵܗܵܐ ܡܸܢܕܝܼ، ܠܟܸܣ ܡܵܪܝܵܐ ܚܲܕ ܝܵܘܡܵܐ ܐܲܝܟ݂ ܐܲܠܦܵܐ ܫܸܢܹ̈ܐ ܝܠܹܗ، ܘܐܲܠܦܵܐ ܫܸܢܹ̈ܐ ܐܲܝܟ݂ ܚܲܕ ܝܵܘܡܵܐ ܝܢܵܐ.

ܓܠܝܢܐ 22:10

ܘܐܡܝܼܪܹܗ ܐܸܠܝܼ: ”ܠܵܐ ܚܵܬܡܹܬ ܠܗܹܡܸܙܡܵܢܹ̈ܐ ܕܢܒ݂ܝܼܘܼܬܵ‌ܐ ܕܐܵܗܵܐ ܟܬܵܒ݂ܵܐ، ܣܵܒܵܒ ܙܲܒ݂ܢܵܐ ܝܠܹܗ.

ܓܠܝܢܐ 22:12

”ܗܵܐ، ܒܹܐܬܵܝܵܐ ܝܘܸܢ ܓ̰ܲܠܕܹܐ ܘܦܘܼܪܥܵܢܝܼ ܥܲܡܝܼ، ܕܦܵܪܥܹܢ ܠܟܠ ܚܲܕ ܐܲܝܟ݂ ܦܘܼܠܚܵܢܹܗ.

ܓܠܝܢܐ 22:20

ܒܹܐܡܵܪܵܐ ܝܠܹܗ ܗ̇ܘ ܕܒܸܣܗܵܕܵܐ ܝܠܹܗ ܠܐܲܢܹܐ: ”ܗܹܐ، ܒܹܐܬܵܝܵܐ ܝܘܸܢ ܓ̰ܲܠܕܹܐ.“ ܐܵܡܹܝܢ. ܗܹܐ ܬܵ‌ܐ، ܡܵܪܲܢ ܝܼܫܘܿܥ.

ܓܠܝܢܐ 3:11

”ܒܹܐܬܵܝܵܐ ܝܘܸܢ ܓ̰ܲܠܕܹܐ. ܕܒ݂ܘܿܩ ܠܡܸܢܕܝܼ ܕܐܝܼܬ ܠܘܼܟ݂، ܕܐܘܼܦ ܚܲܕ ܠܵܐ ܫܵܩܹܠ ܠܟܠܝܼܠܘܼܟ݂.