ܦܝܠܝܦܣܝ̈ܐ 4:7 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

⁷ ܘܫܠܵܡܵܐ ܕܐܲܠܵܗܵܐ، ܗ̇ܘ ܫܠܵܡܵܐ ܕܝܼܠܹܗ ܥܸܠܸܠ ܡ̣ܢ ܟܠ ܦܲܪܡܲܝܬܵ‌ܐ، ܒܸܬ ܢܵܛܹܪ ܠܠܸܒܵܘܟ݂ܘܿܢ ܘܪܸ̈ܥܝܵܢܵܘܟ݂ܘܿܢ ܒܝܼܫܘܿܥ ܡܫܝܼܚܵܐ.

ܦܝܠܝܦܣܝ̈ܐ 4:7 Iomraidhean Croise

ܡܙܡܘܪܐ 29:11

ܡܵܪܝܵܐ ܩܵܐ ܥܲܡܹܗ ܚܲܝܠܵܐ ܒܸܬ ܝܵܗܒܹܠ، ܡܵܪܝܵܐ ܒܸܬ ܒܲܪܸܟ݂ ܠܥܲܡܹܗ ܒܫܠܵܡܵܐ.

ܡܙܡܘܪܐ 85:8

ܫܵܡܥܹܢ ܡܘܼܕܝܼ ܒܸܬ ܗܲܡܙܸܡ ܐܲܠܵܗܵܐ ܡܵܪܝܵܐ، ܣܵܒܵܒ ܒܸܬ ܗܲܡܙܸܡ ܫܠܵܡܵܐ ܠܥܲܡܹܗ ܘܠܙܲܕܝܼܩܘܼ̈ܗ‌ܝ، ܘܠܵܐ ܕܵܝܪܝܼ ܠܣܲܟ݂ܠܘܼܬܵ‌ܐ.

ܠܘܩܐ 1:79

ܠܒܲܗܪܘܼܢܹܐ ܠܐܵܢܝܼ ܕܝܼܢܵܐ ܝܬܝܼܒܹܐ ܒܚܸܫܟܵܐ ܘܒܛܸܠܵܢܝܵܬܹ̈‌ܐ ܕܡܵܘܬܵ‌ܐ، ܠܡܗܲܕܘܼܝܹܐ ܐܲܩܠܵܬܲܢ̈ ܒܐܘܼܪܚܵܐ ܕܫܠܵܡܵܐ.“

ܠܘܩܐ 2:14

”ܬܸܫܒܘܿܚܬܵ‌ܐ ܠܐܲܠܵܗܵܐ ܒܲܡܪ̈ܵܘܡܹܐ، ܘܥܲܠ ܐܲܪܥܵܐ ܫܠܵܡܵܐ ܘܣܲܒ݂ܪܵܐ ܛܵܒ݂ܵܐ ܠܒܢܲܝ̈ܢܵܫܵܐ.“

ܝܘܚܢܢ 14:27

”ܫܠܵܡܵܐ ܒܸܫܒ݂ܵܩܵܐ ܝܘܸܢ ܠܟܸܣܠܵܘܟ݂ܘܿܢ، ܫܠܵܡܝܼ ܒܝܼܵܗܒ݂ܵܐ ܝܘܸܢ ܐܸܠܵܘܟ݂ܘܿܢ. ܠܵܐ ܕܵܐܟ݂ܝܼ ܕܥܵܠܡܵܐ ܟܹܐ ܝܵܗܒܹܠ ܒܝܼܵܗܒ݂ܵܐ ܝܘܸܢ ܐܸܠܵܘܟ݂ܘܿܢ. ܠܵܐ ܦܵܐܹܫ ܫܓ݂ܝܼܫܵܐ ܠܸܒܵܘܟ݂ܘܿܢ ܘܠܵܐ ܙܵܕܹܥ.

ܝܘܚܢܢ 16:33

”ܐܲܢܹܐ ܐܡܝܼܪܝܼ ܐܸܠܵܘܟ݂ܘܿܢ ܕܗܵܘܹܐ ܠܵܘܟ݂ܘܿܢ ܫܠܵܡܵܐ ܒܝܼܝܼ. ܓܵܘ ܕܘܼܢܝܹܐ ܒܸܬ ܗܵܘܹܐ ܠܵܘܟ݂ܘܿܢ ܐܘܼܠܨܵܢܵܐ، ܐܝܼܢܵܐ ܗܘܹܝܡܘܼܢ ܠܸܒܵܢܹ̈ܐ، ܐܵܢܵܐ ܓ݂ܠܝܼܒܵܐ ܝܘܸܢ ܠܕܘܼܢܝܹܐ.“

ܪ̈ܗܘܡܝܐ 1:7

ܫܵܦܵܩܲܬ ܘܫܠܵܡܵܐ ܡ̣ܢ ܐܲܠܵܗܵܐ ܒܵܒܲܢ ܘܡ̣ܢ ܡܵܪܲܢ ܝܼܫܘܿܥ ܡܫܝܼܚܵܐ، ܠܟܠܵܝܗ‌ܝ ܡܘܼܚܸܒܹ̈ܐ ܕܐܲܠܵܗܵܐ ܕܓܵܘ ܪܗܘܿܡܹܐ ܕܦܝܼܫܹܐ ܝܢܵܐ ܩܸܪܝܹܐ ܩܲܕܝܼܫܹ̈ܐ.

ܪ̈ܗܘܡܝܐ 14:17

ܡܲܠܟܘܼܬܵ‌ܐ ܕܐܲܠܵܗܵܐ ܠܹܐ ܝܠܵܗ̇ ܐܟ݂ܵܠܬܵ‌ܐ ܘܫܬܵܝܬܵ‌ܐ، ܐܝܼܢܵܐ ܙܲܕܝܼܩܘܼܬܵ‌ܐ، ܘܫܠܵܡܵܐ، ܘܚܲܕܘܼܬܵ‌ܐ ܒܪܘܼܚܵܐ ܕܩܘܼܕܫܵܐ.

ܪ̈ܗܘܡܝܐ 15:13

ܐܲܠܵܗܵܐ ܕܝܼܠܹܗ ܡܲܒܘܼܥܵܐ ܕܗܹܒ݂ܝܼ ܡܵܠܹܐ ܠܵܘܟ݂ܘܿܢ ܟܠܵܗ̇ ܚܲܕܘܼܬܵ‌ܐ ܘܫܠܵܡܵܐ ܐܲܝܟ݂ ܕܗܲܡܸܢܝܼܬܘܿܢ ܒܝܼܹܗ، ܕܙܵܝܕܝܼܬܘܿܢ ܒܗܹܒ݂ܝܼ ܒܝܲܕ ܚܲܝܠܵܐ ܕܪܘܼܚܵܐ ܕܩܘܼܕܫܵܐ.

ܪ̈ܗܘܡܝܐ 5:1

ܒܵܣ ܟܲܕ ܦܝܼܫ ܠܲܢ ܡܘܼܟܫܸܛܹܐ ܒܗܲܝܡܵܢܘܼܬܵ‌ܐ ܐܝܼܬ ܠܲܢ ܫܠܵܡܵܐ ܥܲܡ ܐܲܠܵܗܵܐ ܒܝܲܕ ܡܵܪܲܢ ܝܼܫܘܿܥ ܡܫܝܼܚܵܐ.

ܪ̈ܗܘܡܝܐ 8:6

ܬܲܚܡܲܢܬܵ‌ܐ ܕܟܝܵܢܵܐ ܚܲܛܵܝܵܐ ܡܵܘܬܵ‌ܐ ܝܠܵܗ̇، ܘܬܲܚܡܲܢܬܵ‌ܐ ܕܟܝܵܢܵܐ ܪܘܼܚܵܢܵܝܵܐ ܚܲܝܹ̈ܐ ܝܠܵܗ̇ ܘܫܠܵܡܵܐ.

ܒ ܩܘܪ̈ܢܬܝܐ 10:5

ܘܠܡܲܚܪܘܼܒܹܐ ܟܠܵܝܗ‌ܝ ܚܘܼܫܵܒܹ̈ܐ ܥܸܠܵܝܹ̈ܐ ܕܩܵܝܡܝܼ ܕܲܠܩܘܼܒ݂ܠ ܝܕܵܥܬܵ‌ܐ ܕܐܲܠܵܗܵܐ، ܘܠܙܲܒܛܘܼܢܹܐ ܟܠ ܚܝܼܵܠ ܘܠܡܲܠܘܼܦܹܐ ܟܠ ܐܢܵܫܵܐ ܕܡܲܨܝܸܬ ܠܡܫܝܼܚܵܐ.

ܒ ܩܘܪ̈ܢܬܝܐ 13:11

ܒܚܲܪܬܵ‌ܐ ܐܲܚܘܿܢܘܵܬ‌ܝܼ̈، ܚܕܹܝܡܘܼܢ، ܗܘܹܝܡܘܼܢ ܓܡܝܼܪܹ̈ܐ، ܦܘܼܫܘܼܢ ܠܸܒܵܢܹ̈ܐ، ܗܘܹܝܡܘܼܢ ܒܚܲܕ ܪܸܥܝܵܢܵܐ، ܚܹܝܡܘܼܢ ܒܫܠܵܡܵܐ، ܘܐܲܠܵܗܵܐ ܕܚܘܼܒܵܐ ܘܕܫܠܵܡܵܐ ܗܵܘܹܐ ܥܲܡܵܘܟ݂ܘܿܢ.

ܓܠܛܝ̈ܐ 5:22

ܐܝܼܢܵܐ ܛܥܘܼܢܝܵܬܹ̈‌ܐ ܕܪܘܼܚܵܐ ܐܲܢܹܐ ܝܢܵܐ: ܚܘܼܒܵܐ، ܚܲܕܘܼܬܵ‌ܐ، ܫܠܵܡܵܐ، ܚܡܵܠܬܵ‌ܐ، ܒܲܣܝܼܡܘܼܬܵ‌ܐ، ܛܵܒ݂ܬܵ‌ܐ، ܡܗܘܼܡܢܘܼܬܵ‌ܐ،

ܐܦܣܝ̈ܐ 3:19

ܘܕܝܵܕܥܝܼܬܘܿܢ ܚܘܼܒܵܐ ܕܡܫܝܼܚܵܐ ܕܝܼܠܹܗ ܥܸܠܸܠ ܡ̣ܢ ܟܠ ܝܕܵܥܬܵ‌ܐ، ܕܦܵܝܫܝܼܬܘܿܢ ܡܸܠܝܹܐ ܒܟܠܵܗ̇ ܡܠܵܝܬܵ‌ܐ ܕܐܲܠܵܗܵܐ.

ܦܝܠܝܦܣܝ̈ܐ 1:1

ܦܵܘܠܘܿܣ ܘܛܝܼܡܵܬܹܐܘܿܣ، ܥܲܒ݂ܕܹ̈ܐ ܕܝܼܫܘܿܥ ܡܫܝܼܚܵܐ، ܠܟܠܵܝܗ‌ܝ ܩܲܕܝܼܫܹ̈ܐ ܒܝܼܫܘܿܥ ܡܫܝܼܚܵܐ ܕܝܼܢܵܐ ܓܵܘ ܦܝܼܠܝܼܦܘܿܣ، ܥܲܡ ܐܲܦܸܣܩܘܿܦܹ̈ܐ ܘܡܫܲܡܫܵܢܹ̈ܐ،

ܦܝܠܝܦܣܝ̈ܐ 1:2

ܫܵܦܵܩܲܬ ܘܫܠܵܡܵܐ ܐܸܠܵܘܟ݂ܘܿܢ ܡ̣ܢ ܐܲܠܵܗܵܐ ܒܵܒܲܢ ܘܡ̣ܢ ܡܵܪܲܢ ܝܼܫܘܿܥ ܡܫܝܼܚܵܐ.

ܦܝܠܝܦܣܝ̈ܐ 4:19

ܘܐܲܠܵܗ‌ܝܼ ܒܸܬ ܡܵܠܹܐ ܟܠܵܗ̇ ܣܢܝܼܩܘܼܬܵܘܟ݂ܘܿܢ ܡ̣ܢ ܥܘܼܬܪܵܐ ܕܚܸܩܪܹܗ ܒܝܼܫܘܿܥ ܡܫܝܼܚܵܐ.

ܦܝܠܝܦܣܝ̈ܐ 4:21

ܗܲܒ݂ܠܘܼܢ ܫܠܵܡܵܐ ܠܟܠܵܝܗ‌ܝ ܩܲܕܝܼܫܹ̈ܐ ܒܝܼܫܘܿܥ ܡܫܝܼܚܵܐ. ܒܝܼܵܗܒ݂ܵܐ ܝܢܵܐ ܫܠܵܡܵܐ ܐܸܠܵܘܟ݂ܘܿܢ ܐܲܚܘܿܢܘܵܬܹ̈‌ܐ ܕܝܼܢܵܐ ܥܲܡܝܼ.

ܦܝܠܝܦܣܝ̈ܐ 4:9

ܐܲܢܹܐ ܕܝܠܝܼܦ ܠܵܘܟ݂ܘܿܢ ܘܩܘܼܒܸܠ ܠܵܘܟ݂ܘܿܢ ܘܫܡܝܼܥ ܠܵܘܟ݂ܘܿܢ، ܘܚܙܹܐ ܠܵܘܟ݂ܘܿܢ ܒܝܼܝܼ، ܐܲܢܹܐ ܥܒ݂ܘܿܕܘܼܢ، ܘܐܲܠܵܗܵܐ ܕܫܠܵܡܵܐ ܒܸܬ ܗܵܘܹܐ ܥܲܡܵܘܟ݂ܘܿܢ.

ܩܘܠܣܝ̈ܐ 3:15

ܘܫܒ݂ܘܿܩܘܼܢ ܫܠܵܡܵܐ ܕܡܫܝܼܚܵܐ ܙܲܒܛܸܢ ܠܠܸܒܵܘܟ݂ܘܿܢ، ܕܐܸܠܹܗ ܦܝܼܫ ܠܵܘܟ݂ܘܿܢ ܩܸܪܝܹܐ ܒܚܲܕ ܦܲܓ݂ܪܵܐ؛ ܘܗܵܘܹܝܬܘܿܢ ܫܲܟܘܼܪܹܐ.

ܒ ܬܣܠܘܢܝܩܝ̈ܐ 3:16

ܘܡܵܪܵܐ ܕܫܠܵܡܵܐ ܒܓܵܢܹܗ ܝܵܗܒܹܠ ܠܵܘܟ݂ܘܿܢ ܫܠܵܡܵܐ ܒܟܠ ܙܲܒ݂ܢܵܐ ܘܒܟܠ ܐܘܼܪܚܵܐ. ܡܵܪܲܢ ܥܲܡ ܟܠܵܘܟ݂ܘܿܢ.

ܥܒ݂ܪ̈ܝܐ 13:20

ܘܐܵܕܝܼܵܐ ܐܲܠܵܗܵܐ ܕܫܠܵܡܵܐ، ܗ̇ܘ ܕܡܘܼܩܸܡ ܠܹܗ ܠܡܵܪܲܢ ܝܼܫܘܿܥ ܡ̣ܢ ܡܝܼ̈ܬܹ‌ܐ، ܕܝܼܠܹܗ ܪܵܥܝܵܐ ܓܘܼܪܵܐ ܕܡܲܪܥܝܼܬܵ‌ܐ ܒܫܲܦܲܟ݂ܬܵ‌ܐ ܕܕܸܡܹܗ، ܗ݁ܘ ܕܸܡܵܐ ܕܒܝܼܹܗ ܦܝܼܫܵܐ ܝܠܹܗ ܚܬܝܼܡܵܐ ܘܲܥܕܵܐ ܥܵܠܡܝܼܢܵܝܵܐ،

ܝܗܘܕܐ 1:1

ܝܼܗܘܼܕܵܐ، ܪܹܓܵܐ ܕܝܼܫܘܿܥ ܡܫܝܼܚܵܐ، ܘܐܲܚܘܿܢܵܐ ܕܝܲܥܩܘܿܒ݂، ܠܐܵܢܝܼ ܕܝܼܢܵܐ ܦܝܼܫܹܐ ܩܸܪܝܹܐ، ܡܘܼܚܸܒܹ̈ܐ ܒܐܲܠܵܗܵܐ ܒܵܒܵܐ ܘܦܝܼܫܹܐ ܢܛܝܼܪܹܐ ܒܝܼܫܘܿܥ ܡܫܝܼܚܵܐ.

ܓܠܝܢܐ 1:4

ܡ̣ܢ ܝܘܿܚܲܢܵܢ، ܠܫܒܲܥ ܥܹܕܵܬܹ̈‌ܐ ܕܝܼܢܵܐ ܓܵܘ ܐܵܣܝܼܵܐ: ܫܵܦܵܩܲܬ ܐܸܠܵܘܟ݂ܘܿܢ ܘܫܠܵܡܵܐ، ܡ̣ܢ ܗ̇ܘ ܕܝܼܠܹܗ، ܘܕܝܼܗܘܵܐ، ܘܕܒܸܬ ܐܵܬܹ‌ܐ؛ ܘܡ̣ܢ ܫܒܲܥ ܪ̈ܘܼܚܹܐ ܕܝܼܢܵܐ ܩܲܕܡ ܬܪܘܿܢܘܿܣ ܕܝܼܹܗ،

ܓܠܝܢܐ 2:17

”ܗ̇ܘ ܕܐܝܼܬ ܠܹܗ ܢܵܬܝܵܬܹ̈‌ܐ ܫܵܡܹܥ ܡܘܼܕܝܼ ܪܘܼܚܵܐ ܒܹܐܡܵܪܵܐ ܝܠܹܗ ܠܥܹܕܵܬܹ̈‌ܐ. ܠܗ̇ܘ ܕܓ݂ܵܠܹܒ ܒܸܬ ܝܵܗܒܹܢܹܗ ܡ̣ܢ ܡܲܢܢܵܐ ܕܝܼܠܹܗ ܛܸܫܝܵܐ، ܘܒܸܬ ܝܵܗܒܹܢܹܗ ܟܹܐܦܵܐ ܚܘܵܪܵܐ، ܘܥܲܠ ܟܹܐܦܵܐ ܟܬܝܼܒ݂ܵܐ ܫܸܡܵܐ ܚܵܕܬܵ‌ܐ، ܐܲܝܢܝܼ ܕܐܢܵܫܵܐ ܠܹܐ ܝܵܕܹܥ ܠܹܗ ܫܒ݂ܘܿܩ ܡ̣ܢ ܗ̇ܘ ܕܩܲܒܸܠ ܠܹܗ.“‘