ܦܝܠܝܦܣܝ̈ܐ 3:20 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

²⁰ ܐܝܼܢܵܐ ܐܲܚܢܲܢ ܒܢܲܝ̈ ܡܕܝܼܢ݇ܬܵ‌ܐ ܕܫܡܲܝܵܐ ܝܘܲܚ، ܡܐܲܝܟܵܐ ܕܒܸܣܦܵܪܵܐ ܝܘܲܚ ܠܦܵܪܘܿܩܲܢ، ܡܵܪܲܢ ܝܼܫܘܿܥ ܡܫܝܼܚܵܐ،

ܦܝܠܝܦܣܝ̈ܐ 3:20 Iomraidhean Croise

ܡܙܡܘܪܐ 16:11

ܒܸܬ ܡܲܕܥܸܬ ܠܝܼ ܐܘܼܪܚܵܐ ܕܚܲܝܹ̈ܐ، ܣܘܼܒ݂ܵܥܬܵ‌ܐ ܕܚܲܕܘܼܝܵܬܹ̈‌ܐ ܐܝܼܬ ܒܗܸܙܘܼܪܘܼܟ݂، ܒܘܼܣܵܡܹ̈ܐ ܒܝܲܡܝܼܢܘܼܟ݂ ܠܥܵܠܲܡ.

ܡܙܡܘܪܐ 17:15

ܐܝܼܢܵܐ ܐܵܢܵܐ، ܒܸܬ ܚܵܙܹܝܢ ܠܦܵܬܘܼܟ݂ ܒܙܲܕܝܼܩܘܼܬܵ‌ܐ، ܒܸܬ ܣܵܒ݂ܥܹܢ ܒܨܘܼܪܬܘܼܟ݂ ܐܝܼܡܲܢ ܕܪܵܥܫܹܢ.

ܡܬ‌ܝ 19:21

ܐܡܝܼܪܹܗ ܐܸܠܹܗ ܝܼܫܘܿܥ: ”ܐܸܢ ܒܵܥܹܝܬ ܕܗܵܘܹܝܬ ܟܡܝܼܠܵܐ، ܙܹܠ݇ ܙܲܒܸܢ ܡܸܢܕܝܼܘܼܟ݂ ܘܗܲܒ݂ܠ ܠܹܗ ܠܡܸܣܟܹܢܹ̈ܐ ܘܒܸܬ ܗܵܘܹܐ ܠܘܼܟ݂ ܣܝܼܡܬܵ‌ܐ ܒܫܡܲܝܵܐ، ܘܬܵ‌ܐ ܒܵܬܪܝܼ.“

ܠܘܩܐ 12:21

”ܗܵܕܟ݂ܵܐ ܝܠܹܗ ܗ̇ܘ ܕܡܲܬܸܒ݂ ܠܓܵܢܹܗ ܣܝܼܡܵܬܹ̈‌ܐ، ܘܠܟܸܣ ܐܲܠܵܗܵܐ ܠܹܐ ܝܠܹܗ ܥܲܬܝܼܪܵܐ.“

ܠܘܩܐ 14:14

”ܛܘܼܒ݂ܵܐ ܐܸܠܘܼܟ݂ ܕܠܲܝܬ ܠܗܘܿܢ ܕܦܵܪܥܝܼ ܠܘܼܟ݂، ܣܵܒܵܒ ܒܸܬ ܦܵܝܫܹܬ ܦܪܝܼܥܵܐ ܒܩܝܵܡܬܵ‌ܐ ܕܙܲܕܝܼܩܹ̈ܐ.“

ܣܘܥܪ̈ܢܐ ܕܫܠܝܚ̈ܐ 1:11

ܐܡܝܼܪܗܘܿܢ ܐܸܠܵܝܗ‌ܝ: ”ܝܵܐ ܐܢܵܫܹ̈ܐ ܓܠܝܼܠܵܝܹ̈ܐ، ܩܵܡܘܿܕܝܼ ܟܸܠܝܹܐ ܝܬܘܿܢ ܘܒܸܚܝܵܪܵܐ ܒܫܡܲܝܵܐ؟ ܐܵܗܵܐ ܝܼܫܘܿܥ ܕܦܝܼܫ ܠܹܗ ܡܘܼܐܣܩܵܐ ܡܸܢܵܘܟ݂ܘܿܢ ܠܫܡܲܝܵܐ، ܗܵܕܟ݂ܵܐ ܒܸܬ ܐܵܬܹ‌ܐ ܕܵܐܟ݂ܝܼ ܕܚܙܹܐ ܠܵܘܟ݂ܘܿܢ ܒܹܐܣܵܩܵܐ ܠܫܡܲܝܵܐ.“

ܐ ܩܘܪ̈ܢܬܝܐ 1:7

ܒܘܼܬ ܐܵܗܵܐ ܠܹܐ ܝܬܘܿܢ ܒܵܨܘܿܪܹ̈ܐ ܒܗܸܟ̃ ܡܵܘܗܲܒ݂ܬܵ‌ܐ ܪܘܼܚܵܢܵܝܬܵ‌ܐ ܟܲܕ ܒܸܣܦܵܪܵܐ ܝܬܘܿܢ ܠܓܸܠܝܵܢܵܐ ܕܡܵܪܲܢ ܝܼܫܘܿܥ ܡܫܝܼܚܵܐ،

ܐ ܩܘܪ̈ܢܬܝܐ 15:48

ܐܲܝܟ݂ ܕܝܼܗܘܵܐ ܒܲܪܢܵܫܵܐ ܐܲܪܥܵܢܵܝܵܐ، ܗܵܕܟ݂ܵܐ ܝܢܵܐ ܐܘܼܦ ܐܵܢܝܼ ܕܡ̣ܢ ܐܲܪܥܵܐ. ܐܲܝܟ݂ ܕܝܼܠܹܗ ܒܲܪܢܵܫܵܐ ܫܡܲܝܵܢܵܝܵܐ، ܗܵܕܟ݂ܵܐ ܝܢܵܐ ܐܘܼܦ ܐܵܢܝܼ ܕܡ̣ܢ ܫܡܲܝܵܐ.

ܒ ܩܘܪ̈ܢܬܝܐ 4:18

ܒܘܼܬ ܐܵܗܵܐ ܠܹܐ ܝܘܲܚ ܓܲܫܘܼܩܹܐ ܠܡܸܢܕܝܼܵܢܹ̈ܐ ܕܦܝܵܫܵܐ ܝܢܵܐ ܚܸܙܝܹܐ ܐܸܠܵܐ ܠܐܵܢܝܼ ܕܠܹܐ ܝܢܵܐ ܦܝܵܫܵܐ ܚܸܙܝܹܐ، ܣܵܒܵܒ ܡܸܢܕܝܼܵܢܹ̈ܐ ܕܟܹܐ ܦܵܝܫܝܼ ܚܸܙܝܹܐ ܙܲܒ݂ܢܵܢܵܝܹ̈ܐ ܝܢܵܐ، ܐܝܼܢܵܐ ܐܵܢܝܼ ܕܠܹܐ ܦܵܝܫܝܼ ܚܸܙܝܹܐ ܥܵܠܡܝܼܢܵܝܹ̈ܐ ܝܢܵܐ.

ܒ ܩܘܪ̈ܢܬܝܐ 5:8

ܚܵܬܸܪܓ̰ܲܡܥ ܝܼܘܲܚ ܘܒܸܚܫܵܒ݂ܵܐ، ܒܘܼܫ ܨܦܵܝܝܼ ܝܠܵܗ̇ ܕܗܵܘܲܚ ܪܸܚܩܵܐ ܡ̣ܢ ܐܵܗܵܐ ܦܲܓ݂ܪܵܐ، ܕܗܵܘܲܚ ܥܲܡ ܡܵܪܝܵܐ.

ܓܠܛܝ̈ܐ 4:26

ܐܝܼܢܵܐ ܐܘܿܪܸܫܠܸܡ ܕܥܸܠܸܠ ܚܹܐܪܬܵ‌ܐ ܝܠܵܗ̇، ܘܝܸܡܵܐ ܕܕܝܼܲܢ ܝܼܠܵܗ̇.

ܐܦܣܝ̈ܐ 2:19

ܒܵܣ ܐܚܹܪܢܵܐ ܐܲܚܬܘܿܢ ܠܹܐ ܝܬܘܿܢ ܢܘܼܟ݂ܪ̈ܵܝܹܐ ܘܩܵܪ̈ܝܼܒܵܝܹܐ، ܐܸܠܵܐ ܒܢܲܝ̈ ܡܕܝܼܢ݇ܬܵ‌ܐ ܕܩܲܕܝܼܫܹ̈ܐ ܝܬܘܿܢ، ܘܗܲܕܵܡܹ̈ܐ ܕܒܲܝܬܵ‌ܐ ܕܐܲܠܵܗܵܐ.

ܐܦܣܝ̈ܐ 2:6

ܘܩܵܡ ܡܲܩܸܡ ܠܲܢ ܥܲܡܹܗ ܘܩܵܡ ܡܲܬܸܒ݂ ܠܲܢ ܥܲܡܹܗ ܒܕܘܼܟܵܢܹ̈ܐ ܫܡܲܝܵܢܵܝܹ̈ܐ ܒܝܼܫܘܿܥ ܡܫܝܼܚܵܐ،

ܦܝܠܝܦܣܝ̈ܐ 1:10

ܕܗܵܘܹܝܬܘܿܢ ܒܸܦܪܵܫܵܐ ܠܡܸܢܕܝܼܵܢܹ̈ܐ ܕܝܼܢܵܐ ܒܘܼܫ ܨܦܵܝܝܼ، ܕܗܵܘܹܝܬܘܿܢ ܕܸܟ݂ܝܹܐ ܘܕܠܵܐ ܠܵܘܡܵܐ ܗܲܠ ܝܵܘܡܵܐ ܕܡܫܝܼܚܵܐ،

ܦܝܠܝܦܣܝ̈ܐ 1:27

ܐܲܚܟ̰ܝܼ ܚܹܝܡܘܼܢ ܐܲܝܟ݂ ܕܚܵܫܚܵܐ ܠܐܹܘܲܢܓܲܠܝܼܘܿܢ ܕܡܫܝܼܚܵܐ، ܕܐܸܢ ܐܵܬܹܝܢ ܘܚܵܙܹܢܵܘܟ݂ܘܿܢ، ܝܲܢ ܫܵܡܥܹܢ ܒܘܼܬ ܕܝܼܵܘܟ݂ܘܿܢ ܡ̣ܢ ܪܸܚܩܵܐ، ܗܵܘܹܝܬܘܿܢ ܟܸܠܝܹܐ ܩܸܘܝܵܐ ܒܚܕܵܐ ܪܘܼܚܵܐ، ܒܚܕܵܐ ܓܵܢܵܐ ܒܸܥܒ݂ܵܕܵܐ ܐܵܓ݂ܘܿܢܵܐ ܡܥܘܼܕܵܠܹܐ ܒܗܲܝܡܵܢܘܼܬܵ‌ܐ ܕܐܹܘܲܢܓܲܠܝܼܘܿܢ،

ܩܘܠܣܝ̈ܐ 1:5

ܡ̣ܢ ܥܸܠܬܵ‌ܐ ܕܗܹܒ݂ܝܼ ܕܦܝܼܫܬܵ‌ܐ ܝܠܵܗ̇ ܢܛܝܼܪܬܵ‌ܐ ܐܸܠܵܘܟ݂ܘܿܢ ܓܵܘ ܫܡܲܝܵܐ، ܗ̇ܝ ܕܩܲܕܡܵܝܬܵ‌ܐ ܫܡܝܼܥܵܐ ܠܵܘܟ݂ܘܿܢ ܒܗܹܡܸܙܡܵܢ ܕܫܪܵܪܵܐ ܕܐܹܘܲܢܓܲܠܝܼܘܿܢ

ܐ ܬܣܠܘܢܝܩܝ̈ܐ 1:10

ܘܕܣܵܦܪܝܼܬܘܿܢ ܠܒܪܘܿܢܹܗ ܡ̣ܢ ܫܡܲܝܵܐ، ܠܝܼܫܘܿܥ، ܗ̇ܘ ܕܡܘܼܩܸܡ ܠܹܗ ܡ̣ܢ ܡܝܼ̈ܬܹ‌ܐ، ܗ̇ܘ ܕܟܹܐ ܦܲܨܹܐ ܠܲܢ ܡ̣ܢ ܟܲܪܒܵܐ ܕܒܹܐܬܵܝܵܐ ܝܠܵܗ̇.

ܐ ܬܣܠܘܢܝܩܝ̈ܐ 4:16

ܣܵܒܵܒ ܡܵܪܲܢ ܒܓܵܢܹܗ ܒܸܬ ܨܵܠܹܐ ܡ̣ܢ ܫܡܲܝܵܐ ܒܩܲܘܲܚܬܵ‌ܐ ܕܦܘܼܩܕܵܢܵܐ، ܒܩܵܠܵܐ ܕܪܹܝܫ ܡܲܠܲܐܟܹ̈ܐ، ܘܒܫܝܼܦܘܿܪܵܐ ܕܐܲܠܵܗܵܐ، ܘܩܲܕܡܵܝܬܵ‌ܐ ܡܝܼ̈ܬܹ‌ܐ ܒܡܫܝܼܚܵܐ ܒܸܬ ܩܵܝܡܝܼ.

ܒ ܛܝܡܬܐܘܣ 4:8

ܘܐܵܕܝܼܵܐ ܦܝܼܫܵܐ ܝܠܹܗ ܢܛܝܼܪܵܐ ܐܸܠܝܼ ܟܠܝܼܠܵܐ ܕܙܲܕܝܼܩܘܼܬܵ‌ܐ، ܐܲܝܢܝܼ ܕܡܵܪܲܢ، ܕܝܼܠܹܗ ܕܲܝܵܢܵܐ ܟܹܐܢܵܐ، ܒܸܬ ܦܵܪܹܥ ܠܝܼ ܒܗ̇ܘ ܝܵܘܡܵܐ؛ ܘܠܵܐ ܐܲܚܟ̰ܝܼ ܐܸܠܝܼ، ܐܝܼܢܵܐ ܐܘܼܦ ܠܟܠܵܝܗ‌ܝ ܐܵܢܝܼ ܕܡܲܚܸܒܝܼ ܠܹܗ ܓܸܠܝܵܢܹܗ.

ܛܛܘܣ 2:13

ܟܲܕ ܒܸܣܦܵܪܵܐ ܠܗܹܒ݂ܝܼ ܒܪܝܼܟ݂ܬܵ‌ܐ ܕܝܼܠܵܗ̇ ܓܸܠܝܵܢܵܐ ܕܚܸܩܪܵܐ ܕܐܲܠܵܗܲܢ ܓܘܼܪܵܐ ܘܦܵܪܘܿܩܲܢ، ܝܼܫܘܿܥ ܡܫܝܼܚܵܐ،

ܥܒ݂ܪ̈ܝܐ 12:22

ܐܝܼܢܵܐ ܐܲܚܬܘܿܢ ܩܘܼܪܒܸܢܵܘܟ݂ܘܿܢ ܠܛܘܼܪܵܐ ܕܨܸܗܝܘܿܢ، ܠܡܕܝܼܢ݇ܬܵ‌ܐ ܕܐܲܠܵܗܵܐ ܚܵܝܵܐ، ܠܐܘܿܪܸܫܠܸܡ ܫܡܲܝܵܢܵܝܬܵ‌ܐ، ܘܠܪܸ̈ܒܘܵܬܹ‌ܐ ܕܡܲܠܲܐܟܹ̈ܐ،

ܥܒ݂ܪ̈ܝܐ 9:28

ܗܵܕܟ݂ܵܐ ܐܘܼܦ ܡܫܝܼܚܵܐ ܚܕܵܐ ܓܵܗܵܐ ܦܝܼܫ ܠܹܗ ܡܘܼܩܪܸܒ݂ܵܐ ܕܛܵܥܹܢ ܚܛܝܼܵܬܹ̈‌ܐ ܕܪܵܒܵܐ، ܘܒܸܬ ܦܵܐܹܫ ܓܸܠܝܵܐ ܓܵܗܵܐ ܕܬܲܪܬܹܝ، ܠܵܐ ܕܛܵܥܹܢ ܚܛܝܼܬܵ‌ܐ، ܐܝܼܢܵܐ ܕܡܲܝܬܹ‌ܐ ܦܘܼܪܩܵܢܵܐ ܠܐܵܢܝܼ ܕܒܸܣܦܵܪܵܐ ܝܢܵܐ ܐܸܠܹܗ.

ܓܠܝܢܐ 1:7

ܗܵܐ، ܒܹܐܬܵܝܵܐ ܝܠܹܗ ܥܲܡ ܥܢܵܢܹ̈ܐ، ܘܟܠ ܥܲܝܢܵܐ ܒܸܬ ܚܵܙܝܵܐ ܠܹܗ، ܘܐܘܼܦ ܐܵܢܝܼ ܕܟ̰ܪܝܼܙ ܠܗܘܿܢ ܐܸܠܹܗ. ܘܟܠܵܝܗ‌ܝ ܫܲܒ݂ܛܹ̈ܐ ܕܐܲܪܥܵܐ ܒܸܬ ܥܵܒ݂ܕܝܼ ܬܵܥܙܝܼ ܥܲܠܘܼܗ‌ܝ. ܗܹܐ، ܐܵܡܹܝܢ.