ܦܝܠܝܦܣܝ̈ܐ 3:2 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

² ܗܘܹܝܡܘܼܢ ܗܸܫܝܲܪ ܡ̣ܢ ܟܲܠܒܹ̈ܐ، ܗܘܹܝܡܘܼܢ ܗܸܫܝܲܪ ܡ̣ܢ ܦܲܠܵܚܹ̈ܐ ܒܝܼܫܹ̈ܐ، ܗܘܹܝܡܘܼܢ ܗܸܫܝܲܪ ܡ̣ܢ ܩܛܵܥܬܵ‌ܐ ܕܒܸܣܪܵܐ.

ܦܝܠܝܦܣܝ̈ܐ 3:2 Iomraidhean Croise

ܡܙܡܘܪܐ 119:115

ܪܚܘܿܩܘܼܢ ܡܸܢܝܼ، ܝܵܐ ܒܝܼܫܹ̈ܐ، ܕܢܵܛܪܹܢ ܦܘܼܩܕܵܢܹ̈ܐ ܕܐܲܠܵܗ‌ܝܼ.

ܡܙܡܘܪܐ 22:16

ܒܗ̇ܝ ܕܩܵܡ ܚܲܪܕܝܼ ܠܝܼ ܟܲܠܒܹ̈ܐ، ܟܸܢܫܵܐ ܕܒܝܼܫܹ̈ܐ ܩܵܡ ܟܵܪܟ݂ܝܼ ܠܝܼ، ܒܙܝܼܥ ܠܗܘܿܢ ܠܐܝܼܕܵܬ‌ܝܼ̈ ܘܠܐܲܩܠܵܬ‌ܝܼ̈.

ܡܙܡܘܪܐ 22:20

ܦܲܨܝܼ ܡ̣ܢ ܣܲܝܦܵܐ ܠܓܵܢܝܼ، ܡ̣ܢ ܐܝܼܕܵܐ ܕܟܲܠܒܵܐ ܐܝܼܚܝܼܕܵܝܘܼܬ‌ܝܼ.

ܡܬ‌ܝ 24:10

”ܗ̇ܝܓܵܗ ܒܸܬ ܩܵܠܒܝܼ ܪܵܒܵܐ، ܘܒܸܬ ܣܵܢܝܼ ܚܲܕ ܠܗ̇ܘ ܐܚܹܪܢܵܐ، ܘܒܸܬ ܣܲܦܝܼ ܚܲܕ ܠܗ̇ܘ ܐܚܹܪܢܵܐ.

ܡܬ‌ܝ 7:15

”ܗܵܘܹܝܬܘܿܢ ܗܸܫܝܲܪ ܡ̣ܢ ܢܒ݂ܝܼܹ̈ܐ ܕܲܓܵܠܹ̈ܐ ܕܐܵܬ‌ܝܼ ܠܟܸܣܠܵܘܟ݂ܘܿܢ ܒܠܒ݂ܝܼܫܝܵܬܹ̈‌ܐ ܕܦܹܐܪܹ̈ܐ، ܐܝܼܢܵܐ ܓܵܘܵܐܝܼܬ ܕܹܐܒܹ̈ܐ ܟ̰ܵܠܘܿܓ̰ܹ̈ܐ ܝܢܵܐ.

ܡܬ‌ܝ 7:6

”ܠܵܐ ܝܵܗܒ݂ܝܼܬܘܿܢ ܡܸܢܕܝܼ ܡܩܘܼܕܫܵܐ ܠܟܲܠܒܹ̈ܐ، ܘܠܵܐ ܕܵܪܹܝܬܘܿܢ ܡܲܪ̈ܓܵܢܝܵܬܵܘܟ݂ܘܿܢ ܩܲܕܡ ܚܙܘܼܪܹ̈ܐ، ܕܠܵܐ ܕܲܫܕܸܫܝܼ ܠܗܘܿܢ ܒܐܲܩܠܵܬܵܝ̈ܗ‌ܝ، ܘܒܚܲܪܬܵ‌ܐ ܕܵܝܪܝܼ ܘܟ̰ܲܢܟ̰ܸܪܝܼ ܠܵܘܟ݂ܘܿܢ.

ܪ̈ܗܘܡܝܐ 2:28

ܝܗܘܼܕܵܝܵܐ ܠܹܐ ܝܠܹܗ ܗ̇ܘ ܕܒܲܪܵܐܝܼܬ ܝܗܘܼܕܵܝܵܐ ܝܠܹܗ، ܘܠܵܐ ܓܙܘܼܪܬܵ‌ܐ ܗ̇ܝ ܕܒܲܪܵܐܝܼܬ ܒܒܸܣܪܵܐ.

ܒ ܩܘܪ̈ܢܬܝܐ 11:13

ܐܲܢܹܐ ܐܢܵܫܹ̈ܐ ܫܠܝܼܚܹ̈ܐ ܕܲܓܵܠܹ̈ܐ ܝܢܵܐ، ܦܲܠܵܚܹ̈ܐ ܦܟ̰ܝܼܠܹ̈ܐ، ܕܡܲܕܡܘܼܝܘܼܗ̇ ܝܢܵܐ ܓܵܢܵܝܗ‌ܝ ܠܫܠܝܼܚܹ̈ܐ ܕܡܫܝܼܚܵܐ.

ܓܠܛܝ̈ܐ 5:13

ܐܲܚܬܘܿܢ ܐܲܚܘܿܢܘܵܬ‌ܝܼ̈، ܦܝܼܫܹܐ ܝܬܘܿܢ ܓܘܼܒܝܹܐ ܠܚܹܐܪܘܼܬܵ‌ܐ. ܠܵܐ ܥܵܒ݂ܕܝܼܬܘܿܢ ܠܵܗ̇ ܚܹܐܪܘܼܬܵܘܟ݂ܘܿܢ ܦܸܪܣܲܬ ܠܟܝܵܢܵܐ ܚܲܛܵܝܵܐ، ܐܝܼܢܵܐ ܥܵܒ݂ܕܝܼܬܘܿܢ ܚܸܠܡܲܬ ܚܲܕ ܠܗ̇ܘ ܐܚܹܪܢܵܐ ܒܚܘܼܒܵܐ.

ܓܠܛܝ̈ܐ 5:15

ܐܝܼܢܵܐ ܐܸܢ ܢܵܝܨܝܼܬܘܿܢ ܘܐܵܟ݂ܠܝܼܬܘܿܢ ܚܲܕ ܠܗ̇ܘ ܐܚܹܪܢܵܐ، ܗܘܹܝܡܘܼܢ ܗܸܫܝܲܪ ܣܵܒܵܒ ܒܸܬ ܛܲܠܩܝܼܬܘܿܢ ܚܲܕ ܠܗ̇ܘ ܐܚܹܪܢܵܐ.

ܓܠܛܝ̈ܐ 5:6

ܣܵܒܵܒ ܒܝܼܫܘܿܥ ܡܫܝܼܚܵܐ ܠܵܐ ܓܙܘܼܪܬܵ‌ܐ ܘܠܵܐ ܥܘܼܪܠܘܼܬܵ‌ܐ ܐܝܼܬ ܠܗܘܿܢ ܝܘܼܬܪܵܢܵܐ، ܐܸܠܵܐ ܗܲܝܡܵܢܘܼܬܵ‌ܐ ܒܸܦܠܵܚܵܐ ܒܚܘܼܒܵܐ.

ܦܝܠܝܦܣܝ̈ܐ 3:19

ܐܵܢܝܼ ܕܚܲܪܬܵܝܗ‌ܝ ܛܠܵܩܵܐ ܝܠܵܗ̇، ܘܐܲܠܵܗܵܝܗ‌ܝ ܟܹܪ݇ܣܵܝܗ‌ܝ ܝܠܵܗ̇، ܘܚܸܩܪܵܝܗ‌ܝ ܢܟܸܦܬܵ‌ܐ ܝܠܹܗ ܐܸܠܵܝܗ‌ܝ، ܘܬܲܚܡܲܢܬܵܝܗ‌ܝ ܝܼܠܵܗ̇ ܒܡܸܢܕܝܼܵܢܹ̈ܐ ܐܲܪ̈ܥܵܢܵܝܹܐ.

ܦܝܠܝܦܣܝ̈ܐ 3:3

ܣܵܒܵܒ ܐܲܚܢܲܢ ܝܼܘܲܚ ܕܓܙܘܼܪܬܵ‌ܐ، ܐܲܚܢܲܢ ܕܒܸܣܓ݂ܵܕܵܐ ܝܘܲܚ ܠܐܲܠܵܗܵܐ ܒܪܘܼܚܵܐ، ܘܒܸܥܒ݂ܵܕܵܐ ܫܘܼܒ݂ܗܵܪܵܐ ܒܝܼܫܘܿܥ ܡܫܝܼܚܵܐ ܘܠܹܐ ܝܘܲܚ ܒܗܹܒ݂ܝܼ ܥܲܠ ܦܲܓ݂ܪܵܐ،

ܐ ܛܝܡܬܐܘܣ 1:19

ܕܒ݂ܝܼܩܵܐ ܒܗܲܝܡܵܢܘܼܬܵ‌ܐ ܘܐܸܢܝܲܬ ܛܵܒ݂ܬܵ‌ܐ، ܐܲܝܢܝܼ ܕܚܲܕܟܡܵܐ ܪܘܼܦܝܵܝ ܠܗܘܿܢ، ܘܡ̣ܢ ܓܹܒܵܐ ܕܗܲܝܡܵܢܘܼܬܵ‌ܐ ܗܘܹܐ ܠܗܘܿܢ ܐܲܝܟ݂ ܐܸܠܦܵܐ ܚܪܝܼܩܬܵ‌ܐ.

ܛܛܘܣ 1:16

ܟܹܐ ܡܵܘܕܝܼ ܕܟܹܐ ܝܵܕܥܝܼ ܠܐܲܠܵܗܵܐ، ܐܝܼܢܵܐ ܒܦܘܼܠܚܵܢܵܝ̈ܗ‌ܝ ܟܹܐ ܣܵܪܒ݂ܝܼ ܠܹܗ. ܟ̰ܘܼܦܠܸܢܹ̈ܐ ܝܢܵܐ ܘܕܠܵܐ ܡܲܨܝܲܬܬܵ‌ܐ، ܘܠܹܐ ܝܢܵܐ ܚܫܝܼܚܹܐ ܠܟܠ ܦܘܼܠܚܵܢܵܐ ܛܵܒ݂ܵܐ.

ܒ ܦܛܪܘܣ 2:22

ܘܩܘܼܘܸܡ ܠܵܗ̇ ܐܸܠܵܝܗ‌ܝ ܐܲܝܟ݂ ܡܲܬܠܵܐ ܫܲܪܝܼܪܵܐ ܕܐܡܝܼܪܹܗ: ”ܟܲܠܒܵܐ ܕܝܼܪܹܗ ܠܓܸܣܝܼܬܹܗ،ܘܚܙܘܼܪܬܵ‌ܐ ܣܚܝܼܬܵ‌ܐ ܠܓܲܪܡܲܠܬܵ‌ܐ ܕܓܵܘ ܛܝܼܢܵܐ.“

ܝܗܘܕܐ 1:4

ܣܵܒܵܒ ܚܲܕܟܡܵܐ ܐܢܵܫܹ̈ܐ، ܐܵܢܝܼ ܕܦܝܼܫܹܐ ܝܗܘܵܘ ܪܫܝܼܡܹܐ ܡ̣ܢ ܩܲܕܡܵܝܬܵ‌ܐ ܠܕܝܵܢܬܵ‌ܐ، ܥܒ݂ܝܼܪܗܘܿܢ ܒܛܸܫܘܵܐ ܓܵܘܵܘܟ݂ܘܿܢ، ܐܢܵܫܹ̈ܐ ܕܥܵܘܠܵܐ، ܕܫܘܼܚܠܸܦ ܠܗܘܿܢ ܫܵܦܵܩܲܬ ܕܐܲܠܵܗܲܢ ܠܫܪܝܼܚܘܼܬܵ‌ܐ، ܘܣܪܝܼܒ݂ ܠܗܘܿܢ ܠܗ̇ܘ ܕܝܼܠܹܗ ܒܢܲܦ̮ܫܹܗ ܡܵܪܝܵܐ، ܝܼܫܘܿܥ ܡܫܝܼܚܵܐ ܡܵܪܲܢ.

ܓܠܝܢܐ 2:9

”ܐܵܢܵܐ ܟܹܐ ܝܵܕܥܹܢ ܠܐܘܼܠܨܵܢܘܼܟ݂ ܘܠܡܸܣܟܹܢܘܼܬܘܼܟ݂، ܐܝܼܢܵܐ ܥܲܬܝܼܪܵܐ ܝܘܸܬ. ܟܹܐ ܝܵܕܥܹܢ ܠܓܘܼܕܵܦܹ̈ܐ ܕܐܵܢܝܼ ܕܒܹܐܡܵܪܵܐ ܝܢܵܐ ܒܘܼܬ ܓܵܢܵܝܗ‌ܝ ܕܝܗܘܼܕܵܝܹ̈ܐ ܝܢܵܐ، ܐܝܼܢܵܐ ܠܹܐ ܝܢܵܐ، ܐܸܠܵܐ ܟܢܘܼܫܬܵ‌ܐ ܕܣܵܛܵܢܵܐ ܝܢܵܐ.

ܓܠܝܢܐ 21:8

”ܐܝܼܢܵܐ ܠܙܵܕܘܿܥܹ̈ܐ ܘܠܵܐ ܡܗܘܼܡܢܹ̈ܐ، ܘܟ̰ܘܼܦܠܸܢܹ̈ܐ، ܘܩܵܛܘܿܠܹ̈ܐ ܕܐܢܵܫܹ̈ܐ، ܘܙܲܢܵܝܹ̈ܐ، ܘܚܲܪ̈ܵܫܹܐ ܘܣܵܓ݂ܕܵܢܹ̈ܐ ܕܨܵܢܲܡܹ̈ܐ ܘܟܠܵܝܗ‌ܝ ܕܲܓܵܠܹ̈ܐ، ܕܘܼܟܵܝܗ‌ܝ ܒܸܬ ܗܵܘܝܵܐ ܓܵܘ ܗ̇ܝ ܝܵܡܵܐ ܕܝܼܠܵܗ̇ ܒܸܩܝܵܕܵܐ ܒܢܘܼܪܵܐ ܘܒܟܸܒܪܝܼܬ. ܐܵܗܵܐ ܝܠܹܗ ܡܵܘܬܵ‌ܐ ܕܬܪܹܝ.“

ܓܠܝܢܐ 22:15

ܠܒܲܕܲܪ ܝܼܢܵܐ ܟܲܠܒܹ̈ܐ ܘܚܲܪ̈ܵܫܹܐ ܘܙܲܢܵܝܹ̈ܐ ܘܩܵܛܘܿܠܹ̈ܐ، ܘܣܵܓ݂ܕܵܢܹ̈ܐ ܕܨܵܢܲܡܹ̈ܐ، ܘܟܠ ܕܡܲܚܸܒ ܘܥܵܒܹܕ ܕܲܓܵܠܘܼܬܵ‌ܐ.

ܓܠܝܢܐ 3:9

”ܗܵܐ، ܐܵܢܝܼ ܕܝܼܢܵܐ ܡ̣ܢ ܟܢܘܼܫܬܵ‌ܐ ܕܣܵܛܵܢܵܐ، ܐܵܢܝܼ ܕܒܹܐܡܵܪܵܐ ܝܢܵܐ ܒܘܼܬ ܓܵܢܵܝܗ‌ܝ ܕܝܗܘܼܕܵܝܹ̈ܐ ܝܢܵܐ، ܟܲܕ ܠܹܐ ܝܢܵܐ ܘܕܲܓܘܼܠܹܐ ܝܢܵܐ، ܒܸܬ ܡܲܥܒܸܕܸܢܗܘܿܢ ܕܐܵܬ‌ܝܼ ܘܣܵܓ݂ܕܝܼ ܩܲܕܡ ܐܲܩܠܵܬܘܼ̈ܟ݂، ܘܕܝܵܕܥܝܼ ܕܐܵܢܵܐ ܩܵܡ ܡܲܚܸܒܸܢܘܼܟ݂.