ܦܝܠܝܦܣܝ̈ܐ 2:6 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

⁶ ܗ̇ܘ ܕܟܲܕ ܝܼܗܘܵܐ ܒܟܝܵܢܹܗ ܐܲܠܵܗܵܐ، ܠܵܐ ܚܫܝܼܒ݂ ܠܹܗ ܕܫܵܘܝܘܼܬܵ‌ܐ ܥܲܡ ܐܲܠܵܗܵܐ ܚܵܛܹܦ ܗܘܵܐ ܠܵܗ̇.

ܦܝܠܝܦܣܝ̈ܐ 2:6 Iomraidhean Croise

ܡܬ‌ܝ 1:23

ܗܵܐ ܒܬܘܼܠܬܵ‌ܐ ܒܸܬ ܒܵܛܢܵܐ ܘܒܸܬ ܗܲܨܠܵܐ ܒܪܘܿܢܵܐ، ܘܒܸܬ ܩܵܪܝܼ ܫܸܡܹܗ ܥܲܡܲܢܘܼܐܹܝܠ،ܕܦܝܵܫܵܐ ܝܠܹܗ ܦܘܼܫܩܵܐ: ”ܐܲܠܵܗܵܐ ܥܲܡܲܢ.“

ܝܘܚܢܢ 1:18

ܐܘܼܦ ܚܲܕ ܠܹܐ ܝܠܹܗ ܚܸܙܝܵܐ ܠܐܲܠܵܗܵܐ. ܐܝܼܢܵܐ ܒܪܘܿܢܵܐ ܝܼܚܝܼܕܵܝܵܐ، ܗ̇ܘ ܕܝܼܠܹܗ ܒܥܘܼܒܵܐ ܕܒܵܒܘܼܗ‌ܝ، ܗ̇ܘ ܡܘܼܕܸܥ ܠܹܗ ܒܘܼܬ ܕܝܼܹܗ.

ܝܘܚܢܢ 10:30

”ܐܵܢܵܐ ܘܒܵܒܝܼ ܚܲܕ ܝܼܘܲܚ.“

ܝܘܚܢܢ 10:33

ܓ̰ܘܼܘܸܒ ܠܗܘܿܢ ܐܸܠܹܗ ܝܗܘܼܕܵܝܹ̈ܐ: ”ܠܹܐ ܝܘܲܚ ܒܸܪܓ̰ܵܡܘܼܟ݂ ܒܘܼܬ ܦܘܼܠܚܵܢܹ̈ܐ ܛܵܒܹ̈ܐ، ܐܝܼܢܵܐ ܕܝܼܘܸܬ ܒܸܓܕܵܦܵܐ. ܘܟܲܕ ܐܲܢ݇ܬ ܒܲܪܢܵܫܵܐ ܝܘܸܬ، ܒܸܥܒ݂ܵܕܘܼܗ̇ ܝܘܸܬ ܓܵܢܘܼܟ݂ ܐܲܠܵܗܵܐ.“

ܝܘܚܢܢ 10:38

”ܐܝܼܢܵܐ ܐܸܢ ܥܵܒ݂ܕܹܢ، ܐܘܼܦ ܐܸܢ ܕܠܵܐ ܗܲܡܸܢܝܼܬܘܿܢ ܒܝܼܝܼ، ܐܝܼܢܵܐ ܗܲܡܸܢܘܼܢ ܒܦܘܼܠܚܵܢܹ̈ܐ، ܕܝܵܕܥܝܼܬܘܿܢ ܘܦܲܪܡܹܝܬܘܿܢ ܕܒܵܒܵܐ ܒܝܼܝܼ ܝܠܹܗ ܘܐܵܢܵܐ ܒܒܵܒܵܐ.“

ܝܘܚܢܢ 14:28

”ܫܡܝܼܥ ܠܵܘܟ݂ܘܿܢ ܕܐܡܝܼܪܝܼ ܐܸܠܵܘܟ݂ܘܿܢ: ’ܒܹܐܙܵܠܵܐ ܝܘܸܢ، ܐܝܼܢܵܐ ܒܸܬ ܕܵܝܪܹܢ ܠܟܸܣܠܵܘܟ݂ܘܿܢ.‘ ܐܸܢ ܗܵܘܹܝܬܘܿܢ ܗܘܵܘ ܡܲܚܘܼܒܝܼ ܒܸܬ ܚܵܕܹܝܬܘܿܢ ܗܘܵܘ ܕܐܵܢܵܐ ܒܹܐܙܵܠܵܐ ܝܘܸܢ ܠܟܸܣ ܒܵܒܵܐ، ܣܵܒܵܒ ܒܵܒܵܐ ܒܘܼܫ ܓܘܼܪܵܐ ܝܠܹܗ ܡܸܢܝܼ.

ܝܘܚܢܢ 14:9

ܓ̰ܘܼܘܸܒ ܠܹܗ ܐܸܠܹܗ ܝܼܫܘܿܥ: ”ܝܵܐ ܦܝܼܠܝܼܦܘܿܣ، ܟܠܹܗ ܐܵܗܵܐ ܙܲܒ݂ܢܵܐ ܥܲܡܵܘܟ݂ܘܿܢ ܝܼܘܸܢ ܘܗܸܫ ܠܹܐ ܝܘܸܬ ܒܝܼܕܵܥܝܼ؟ ܡ̇ܢ ܕܐܸܠܝܼ ܚܵܙܹܐ ܚܸܙܝܵܐ ܝܠܹܗ ܠܒܵܒܵܐ. ܕܵܐܟ݂ܝܼ ܒܹܐܡܵܪܵܐ ܝܘܸܬ: ’ܡܲܚܙܝܼ ܠܲܢ ܒܵܒܵܐ‘؟

ܝܘܚܢܢ 17:5

”ܘܐܵܕܝܼܵܐ ܚܩܘܿܪܝܼ ܥܲܡܘܼܟ݂ ܝܵܐ ܒܵܒܵܐ، ܒܚܸܩܪܵܐ ܕܐܝܼܬ ܗܘܵܐ ܠܝܼ ܠܟܸܣܠܘܼܟ݂ ܡ̣ܢ ܩܲܕܡ ܕܕܘܼܢܝܹܐ ܦܵܝܫܵܐ ܗܘܵܐ ܒܪܝܼܬܵ‌ܐ.

ܝܘܚܢܢ 20:28

ܓ̰ܘܼܘܸܒ ܠܹܗ ܬܐܘܿܡܵܐ ܘܐܡܝܼܪܹܗ ܐܸܠܹܗ: ”ܡܵܪܝܼ ܘܐܲܠܵܗ‌ܝܼ.“

ܝܘܚܢܢ 5:18

ܒܘܼܬ ܐܵܗܵܐ ܒܘܼܫ ܙܵܘܕܵܐ ܒܵܥܝܼ ܗܘܵܘ ܝܗܘܼܕܵܝܹ̈ܐ ܠܸܩܛܵܠܹܗ، ܠܵܐ ܐܲܚܟ̰ܝܼ ܕܒܸܫܡܵܛܵܐ ܝܗܘܵܐ ܫܲܒܬܵ‌ܐ، ܐܸܠܵܐ ܕܒܹܐܡܵܪܵܐ ܝܗܘܵܐ ܐܲܠܵܗܵܐ ܒܵܒܘܼܗ‌ܝ ܝܗܘܵܐ؛ ܗܵܕܟ݂ܵܐ ܒܸܥܒ݂ܵܕܘܼܗ̇ ܓܵܢܹܗ ܫܵܘܝܵܐ ܥܲܡ ܐܲܠܵܗܵܐ.

ܝܘܚܢܢ 5:23

”ܗܵܕܵܐ ܕܟܠ ܐܢܵܫܵܐ ܡܝܲܩܸܪ ܠܒܪܘܿܢܵܐ ܐܲܝܟ݂ ܕܟܹܐ ܡܝܲܩܸܪ ܠܒܵܒܵܐ، ܘܡ̇ܢ ܕܠܵܐ ܡܝܲܩܸܪ ܠܒܪܘܿܢܵܐ، ܠܹܐ ܡܝܲܩܸܪ ܠܒܵܒܵܐ ܕܫܘܼܕܸܪܹܗ ܠܒܪܘܿܢܵܐ.

ܪ̈ܗܘܡܝܐ 9:5

ܘܕܝܼܵܝܗ‌ܝ ܝܢܵܐ ܐܲܒ݂ܵܗܵܬܹ̈‌ܐ، ܘܡܸܢܵܝܗ‌ܝ ܝܠܹܗ ܡܫܝܼܚܵܐ ܡ̣ܢ ܐܢܵܫܘܼܬܹܗ ܓܹܒܵܐ، ܗ̇ܘ ܕܝܼܠܹܗ ܐܲܠܵܗܵܐ ܥܲܠ ܟܠ، ܡܒܘܼܪܟ݂ܵܐ ܠܥܵܠܡܝܼܢ، ܐܵܡܹܝܢ.

ܒ ܩܘܪ̈ܢܬܝܐ 4:4

ܣܵܒܵܒ ܐܲܠܵܗܵܐ ܕܐܵܗܵܐ ܥܵܠܡܵܐ ܡܘܼܣܡܹܐ ܠܹܗ ܪܸ̈ܥܝܵܢܹܐ ܕܠܵܐ ܗܲܡܸܢܵܢܹ̈ܐ، ܕܠܵܐ ܚܵܙܝܼ ܒܲܗܪܵܐ ܕܐܹܘܲܢܓܲܠܝܼܘܿܢ ܕܚܸܩܪܵܐ ܕܡܫܝܼܚܵܐ، ܗ̇ܘ ܕܝܼܠܹܗ ܕܡܘܼܬܵ‌ܐ ܕܡܵܪܝܵܐ ܐܲܠܵܗܵܐ.

ܒ ܩܘܪ̈ܢܬܝܐ 8:9

ܣܵܒܵܒ ܟܹܐ ܝܵܕܥܝܼܬܘܿܢ ܫܵܦܵܩܲܬ ܕܡܵܪܲܢ ܝܼܫܘܿܥ ܡܫܝܼܚܵܐ، ܕܐܘܼܦ ܐܸܢ ܕܥܲܬܝܼܪܵܐ ܝܗܘܵܐ، ܒܘܼܬ ܕܝܼܵܘܟ݂ܘܿܢ ܗܘܹܐ ܠܹܗ ܡܸܣܟܹܢܵܐ، ܕܐܲܚܬܘܿܢ ܗܵܘܹܝܬܘܿܢ ܥܲܬܝܼܪܹ̈ܐ ܒܝܲܕ ܡܸܣܟܹܢܘܼܬܹܗ.

ܐ ܛܝܡܬܐܘܣ 1:17

ܐܵܕܝܼܵܐ ܠܡܲܠܟܵܐ ܥܵܠܡܝܼܢܵܝܵܐ، ܠܵܐ ܡܵܝܘܿܬܵ‌ܐ، ܠܵܐ ܡܸܬܚܲܙܝܵܢܵܐ، ܠܗ̇ܘ ܕܝܼܠܹܗ ܒܢܲܦ̮ܫܹܗ ܐܲܠܵܗܵܐ، ܗܵܘܝܼ ܐܝܼܩܵܪܵܐ ܘܬܸܫܒܘܿܚܬܵ‌ܐ ܠܥܵܠܲܡ ܥܵܠܡܝܼܢ. ܐܵܡܹܝܢ.

ܐ ܛܝܡܬܐܘܣ 3:16

ܫܲܪܝܼܪܵܐܝܼܬ ܓܘܼܪܵܐ ܝܠܹܗ ܐܪܵܙܵܐ ܕܙܲܕܝܼܩܘܼܬܵ‌ܐ، ܗ̇ܘ ܕܦܝܼܫ ܠܹܗ ܓܸܠܝܵܐ ܒܦܲܓ݂ܪܵܐ، ܦܝܼܫ ܠܹܗ ܡܘܼܟܫܸܛܵܐ ܒܪܘܼܚܵܐ، ܦܝܼܫ ܠܹܗ ܚܸܙܝܵܐ ܒܡܲܠܲܐܟܹ̈ܐ، ܦܝܼܫ ܠܹܗ ܡܘܼܟܪܸܙܵܐ ܓܵܘ ܐܸܡܘܵܬܹ̈‌ܐ، ܦܝܼܫ ܠܹܗ ܗܘܼܡܸܢܵܐ ܒܥܵܠܡܵܐ، ܘܦܝܼܫ ܠܹܗ ܡܘܼܐܣܩܵܐ ܒܚܸܩܪܵܐ.

ܛܛܘܣ 2:13

ܟܲܕ ܒܸܣܦܵܪܵܐ ܠܗܹܒ݂ܝܼ ܒܪܝܼܟ݂ܬܵ‌ܐ ܕܝܼܠܵܗ̇ ܓܸܠܝܵܢܵܐ ܕܚܸܩܪܵܐ ܕܐܲܠܵܗܲܢ ܓܘܼܪܵܐ ܘܦܵܪܘܿܩܲܢ، ܝܼܫܘܿܥ ܡܫܝܼܚܵܐ،

ܥܒ݂ܪ̈ܝܐ 1:3

ܗ̇ܘ ܕܝܼܠܹܗ ܫܲܦ̮ܩܵܐ ܕܫܘܼܒ݂ܚܹܗ، ܘܨܲܠܡܵܐ ܓܡܝܼܪܵܐ ܕܐܝܼܬܘܼܬܹܗ، ܡܘܼܩܘܹܐ ܠܹܗ ܟܠ ܡܸܢܕܝܼ ܒܚܲܝܠܵܐ ܕܗܹܡܸܙܡܵܢܹܗ. ܡ̣ܢ ܒܵܬܪ ܕܩܵܡ ܕܲܟܹܐ ܠܲܢ ܡ̣ܢ ܚܛܝܼܵܬܹ̈‌ܐ، ܝܬܝܼܒ݂ ܠܹܗ ܥܲܠ ܝܲܡܝܼܢܵܐ ܕܥܸܠܵܝܵܐ ܒܲܡܪ̈ܵܘܡܹܐ.

ܥܒ݂ܪ̈ܝܐ 1:6

ܘܡܸܢܕܪܸܫ، ܐܝܼܡܲܢ ܕܐܲܠܵܗܵܐ ܫܲܕܸܪ ܒܪܘܿܢܹܗ ܒܘܼܟ݂ܪܵܐ ܠܕܘܼܢܝܹܐ، ܐܵܡܹܪ: ܕܐܸܠܹܗ ܣܵܓ݂ܕܝܼ ܟܠܵܝܗ‌ܝ ܡܲܠܲܐܟܹ̈ܐ ܕܐܲܠܵܗܵܐ.

ܥܒ݂ܪ̈ܝܐ 1:8

ܐܝܼܢܵܐ ܒܘܼܬ ܒܪܘܿܢܵܐ ܐܡܝܼܪܹܗ: ܬܪܘܿܢܘܿܣܘܼܟ݂، ܝܵܐ ܐܲܠܵܗܵܐ، ܠܥܵܠܲܡ ܥܵܠܡܝܼܢ ܝܼܠܹܗ، ܘܚܘܼܛܪܵܐ ܕܙܲܕܝܼܩܘܼܬܵ‌ܐ، ܚܘܼܛܪܵܐ ܕܡܲܠܟܘܼܬܘܼܟ݂.

ܥܒ݂ܪ̈ܝܐ 13:8

ܝܼܫܘܿܥ ܡܫܝܼܚܵܐ ܗܲܪ ܗ̇ܘ ܝܼܠܹܗ، ܐܬܸܡܵܠܝ ܘܐܸܕܝܘܿܡ ܘܗܲܠ ܥܵܠܲܡ.

ܓܠܝܢܐ 21:6

ܗ̇ܝܓܵܗ ܐܡܝܼܪܹܗ ܐܸܠܝܼ: ”ܗܘܹܐ ܠܵܗ̇. ܐܵܢܵܐ ܝܘܸܢ ܐܵܠܲܦ ܘܬܵܘ، ܫܘܼܪܵܝܵܐ ܘܫܘܼܠܵܡܵܐ. ܗ̇ܘ ܕܝܼܠܹܗ ܨܹܗܝܵܐ، ܐܵܢܵܐ ܒܸܬ ܝܵܗܒܹܢܹܗ ܕܫܵܬܹ‌ܐ ܚܘܼܪܵܝܝܼ ܡ̣ܢ ܥܲܝܢܵܐ ܕܡ̈ܝܼܵܐ ܕܚܲܝܹ̈ܐ.