ܦܝܠܝܦܣܝ̈ܐ 2:2 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

² ܬܲܡܸܡܘܼܢ ܚܲܕܘܼܬ‌ܝܼ ܕܗܵܘܹܝܬܘܿܢ ܒܚܲܕ ܪܸܥܝܵܢܵܐ، ܘܒܚܲܕ ܚܘܼܒܵܐ، ܘܒܚܕܵܐ ܓܵܢܵܐ ܘܒܚܲܕ ܚܘܼܫܵܒ݂ܵܐ.

ܦܝܠܝܦܣܝ̈ܐ 2:2 Iomraidhean Croise

ܡܙܡܘܪܐ 122:8

ܒܘܼܬ ܐܲܚܘܿܢܘܵܬ‌ܝܼ̈ ܘܪ̈ܵܚܡܝܼ، ܒܸܬ ܐܵܡܪܹܢ: ”ܗܵܘܹܐ ܫܠܵܡܵܐ ܓܵܘܵܟ݂ܝ.“

ܝܘܚܢܢ 3:29

”ܡ̇ܢ ܕܐܝܼܬ ܠܹܗ ܟܵܠܬܵ‌ܐ ܚܸܬܢܵܐ ܝܠܹܗ، ܘܪܵܚܡܵܐ ܕܚܸܬܢܵܐ، ܗ̇ܘ ܕܟܵܠܹܐ ܘܡܲܨܝܸܬ ܐܸܠܹܗ، ܟܹܐ ܚܵܕܹܐ ܚܲܕܘܼܬܵ‌ܐ ܓܘܼܪܬܵ‌ܐ ܐܝܼܡܲܢ ܕܫܵܡܹܥ ܩܵܠܵܐ ܕܚܸܬܢܵܐ. ܐܵܗܵܐ ܚܲܕܘܼܬܵ‌ܐ ܕܝܼܝܼ ܝܠܵܗ̇، ܘܐܵܕܝܼܵܐ ܬܘܼܡܸܡ ܠܵܗ̇.

ܣܘܥܪ̈ܢܐ ܕܫܠܝܚ̈ܐ 1:14

ܐܲܢܹܐ ܟܠܵܝܗ‌ܝ ܒܟܠ ܥܕܵܢܵܐ ܡܥܘܼܕܵܠܹܐ ܝܗܘܵܘ ܒܚܕܵܐ ܓܵܢܵܐ ܨܲܠܘܼܝܹܐ، ܥܲܡ ܒܲܟ݂ܬܵܬܹ̈‌ܐ ܘܥܲܡ ܡܲܪܝܲܡ ܝܸܡܵܐ ܕܝܼܫܘܿܥ ܘܐܲܚܘܿܢܘܵܬܘܼ̈ܗ‌ܝ.

ܣܘܥܪ̈ܢܐ ܕܫܠܝܚ̈ܐ 2:1

ܐܝܼܡܲܢ ܕܗܘܹܐ ܠܹܗ ܝܵܘܡܵܐ ܕܦܲܢܛܹܩܘܼܣܛܹܐ، ܟܠܵܝܗ‌ܝ ܬܲܠܡܝܼ̈ܕܹܐ ܓ̰ܡܝܼܥܹܐ ܝܗܘܵܘ ܡܥܘܼܕܵܠܹܐ ܒܚܕܵܐ ܕܘܼܟܵܐ.

ܣܘܥܪ̈ܢܐ ܕܫܠܝܚ̈ܐ 2:46

ܟܠ ܝܵܘܡܵܐ ܟܹܐ ܓ̰ܵܡܥܝܼ ܗܘܵܘ ܓܵܘ ܗܲܝܟܠܵܐ ܒܚܕܵܐ ܓܵܢܵܐ ܘܩܵܨܝܼ ܗܘܵܘ ܠܲܚܡܵܐ ܓܵܘ ܒܵܬܵܝ̈ܗ‌ܝ، ܘܐܵܟ݂ܠܝܼ ܗܘܵܘ ܡܹܐܟ݂ܘܼܠܬܵ‌ܐ ܒܚܲܕܘܼܬܵ‌ܐ ܘܦܫܝܼܛܘܼܬܵ‌ܐ ܕܠܸܒܵܐ،

ܣܘܥܪ̈ܢܐ ܕܫܠܝܚ̈ܐ 5:12

ܟܹܐ ܥܵܒ݂ܕܝܼ ܗܘܵܘ ܫܠܝܼܚܹ̈ܐ ܪܵܒܵܐ ܢܝܼܫܲܢܩܹ̈ܐ ܘܕܘܼܡܵܪܹ̈ܐ ܓܵܘ ܥܲܡܵܐ، ܘܟܠܵܝܗ‌ܝ ܒܚܕܵܐ ܓܵܢܵܐ ܟܹܐ ܓ̰ܵܡܥܝܼ ܗܘܵܘ ܓܵܘ ܨܘܼܦܵܐ ܕܫܠܹܝܡܘܿܢ.

ܪ̈ܗܘܡܝܐ 12:16

ܗܵܘܹܝܬܘܿܢ ܒܚܲܕ ܪܸܥܝܵܢܵܐ ܚܲܕ ܥܲܡ ܗ̇ܘ ܐܚܹܪܢܵܐ. ܠܵܐ ܗܵܘܹܝܬܘܿܢ ܫܲܒ݂ܗܸܪ̈ܵܢܹܐ، ܐܸܠܵܐ ܗܘܹܝܡܘܼܢ ܥܲܡ ܐܵܢܝܼ ܕܝܼܢܵܐ ܡܲܟܝܼܟܹ̈ܐ. ܠܵܐ ܗܵܘܹܝܬܘܿܢ ܚܲܟܝܼܡܹ̈ܐ ܒܪܸܥܝܵܢܵܐ ܕܓܵܢܵܘܟ݂ܘܿܢ.

ܐ ܩܘܪ̈ܢܬܝܐ 1:10

ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ، ܐܲܚܘܿܢܘܵܬ‌ܝܼ̈، ܒܫܸܡܵܐ ܕܡܵܪܲܢ ܝܼܫܘܿܥ ܡܫܝܼܚܵܐ، ܕܟܠܵܘܟ݂ܘܿܢ ܣܲܙܓܸܪܝܼܬܘܿܢ ܥܲܠ ܚܲܕ ܡܸܢܕܝܼ، ܕܠܵܐ ܗܵܘܝܼ ܓܵܘܵܘܟ݂ܘܿܢ ܦܘܼܠܵܓܹ̈ܐ، ܐܸܠܵܐ ܕܚܵܕܹܝܬܘܿܢ ܚܲܕ ܥܲܡ ܗ̇ܘ ܐܚܹܪܢܵܐ، ܘܗܵܘܹܝܬܘܿܢ ܒܚܲܕ ܪܸܥܝܵܢܵܐ ܘܒܚܲܕ ܚܘܼܫܵܒ݂ܵܐ.

ܒ ܩܘܪ̈ܢܬܝܐ 13:11

ܒܚܲܪܬܵ‌ܐ ܐܲܚܘܿܢܘܵܬ‌ܝܼ̈، ܚܕܹܝܡܘܼܢ، ܗܘܹܝܡܘܼܢ ܓܡܝܼܪܹ̈ܐ، ܦܘܼܫܘܼܢ ܠܸܒܵܢܹ̈ܐ، ܗܘܹܝܡܘܼܢ ܒܚܲܕ ܪܸܥܝܵܢܵܐ، ܚܹܝܡܘܼܢ ܒܫܠܵܡܵܐ، ܘܐܲܠܵܗܵܐ ܕܚܘܼܒܵܐ ܘܕܫܠܵܡܵܐ ܗܵܘܹܐ ܥܲܡܵܘܟ݂ܘܿܢ.

ܒ ܩܘܪ̈ܢܬܝܐ 2:3

ܟܬܝܼܒ݂ ܠܝܼ ܐܵܗܵܐ ܡܸܢܕܝܼ ܣܵܒܵܒ ܐܝܼܡܲܢ ܕܐܵܬܹܝܢ ܕܠܵܐ ܦܵܝܫܹܢ ܡܘܼܦܫܸܡܵܐ ܒܐܵܢܝܼ ܕܘܵܠܹܐ ܝܠܵܗ̇ ܕܡܲܚܕܝܼ ܠܝܼ، ܣܵܒܵܒ ܚܵܬܸܪܓ̰ܲܡܥ ܝܼܘܸܢ ܕܟܠܵܘܟ݂ܘܿܢ ܒܸܬ ܫܲܪܸܟܝܼܬܘܿܢ ܒܚܲܕܘܼܬ‌ܝܼ.

ܒ ܩܘܪ̈ܢܬܝܐ 7:7

ܘܠܵܐ ܐܲܚܟ̰ܝܼ ܒܐܬܵܝܬܹܗ ܐܝܼܢܵܐ ܐܘܼܦ ܒܝܵܗܒ݂ܵܠܬܵ‌ܐ ܕܠܸܒܵܐ ܕܝܘܼܗܒܹܠ ܠܵܘܟ݂ܘܿܢ ܐܸܠܹܗ. ܡܘܼܚܒܸܪܹܗ ܐܸܠܲܢ ܒܘܼܬ ܪܲܚܪܲܚܬܵܘܟ݂ܘܿܢ ܠܸܚܙܵܝܵܐ ܐܸܠܲܢ، ܘܦܵܫܲܡܬܵܘܟ݂ܘܿܢ ܓܘܼܪܬܵ‌ܐ، ܘܩܲܝܪܲܬܵܘܟ݂ܘܿܢ ܠܟܸܣܠܝܼ، ܕܗܵܕܟ݂ܵܐ ܚܲܕܘܼܬ‌ܝܼ ܒܘܼܫ ܓܘܼܪܬܵ‌ܐ ܗܘܹܐ ܠܵܗ̇ ܡ̣ܢ ܩܲܕܡܵܝܬܵ‌ܐ.

ܦܝܠܝܦܣܝ̈ܐ 1:4

ܒܟܠܹܗ ܙܲܒ݂ܢܵܐ ܟܹܐ ܦܲܪܦܸܠܸܢ ܒܚܲܕܘܼܬܵ‌ܐ ܒܘܼܬ ܕܝܼܵܘܟ݂ܘܿܢ ܓܵܘ ܟܠܵܝܗ‌ܝ ܦܲܪ̈ܦܲܠܝܵܬ‌ܝܼ،

ܦܝܠܝܦܣܝ̈ܐ 2:16

ܕܒ݂ܝܼܩܹܐ ܒܗܹܡܸܙܡܵܢ ܕܚܲܝܹ̈ܐ، ܕܥܵܒ݂ܕܹܢ ܫܘܼܒ݂ܗܵܪܵܐ ܒܝܵܘܡܵܐ ܕܡܫܝܼܚܵܐ ܕܠܵܐ ܪܚܝܼܛ ܠܝܼ ܘܟܟ̰ܝܼܚ ܠܝܼ ܒܗܵܒܵܣܘܼܬܵ‌ܐ.

ܦܝܠܝܦܣܝ̈ܐ 2:20

ܣܵܒܵܒ ܠܲܝܬ ܠܝܼ ܚܲܕ ܐܚܹܪܢܵܐ ܡܐܲܝܟ݂ ܕܝܼܹܗ، ܕܫܲܪܝܼܪܵܐܝܼܬ ܐܝܼܬ ܠܹܗ ܒܘܼܣܵܡܵܐ ܒܫܘܼܠܵܘܟ݂ܘܿܢ،

ܦܝܠܝܦܣܝ̈ܐ 4:2

ܦܲܪܦܘܼܠܹܐ ܝܘܸܢ ܒܐܹܘܗܵܕܝܼܵܐ، ܘܦܲܪܦܘܼܠܹܐ ܝܘܸܢ ܒܣܘܼܢܛܹܟܹܐ، ܕܗܵܘܝܼ ܒܚܲܕ ܪܸܥܝܵܢܵܐ ܒܡܵܪܲܢ.

ܩܘܠܣܝ̈ܐ 2:5

ܣܵܒܵܒ ܐܘܼܦ ܐܸܢ ܕܪܸܚܩܵܐ ܝܘܸܢ ܡܸܢܵܘܟ݂ܘܿܢ ܒܦܲܓ݂ܪܵܐ، ܥܲܡܵܘܟ݂ܘܿܢ ܝܼܘܸܢ ܒܪܘܼܚܵܐ، ܘܒܸܚܕܵܝܵܐ ܝܘܸܢ ܕܒܸܚܙܵܝܵܐ ܝܘܸܢ ܟܡܵܐ ܪܹ̈ܐܙܵܢܵܝܹܐ ܝܬܘܿܢ، ܘܟܡܵܐ ܩܘܝܼܬܵ‌ܐ ܝܠܵܗ̇ ܗܲܝܡܵܢܘܼܬܵܘܟ݂ܘܿܢ ܒܡܫܝܼܚܵܐ.

ܒ ܬܣܠܘܢܝܩܝ̈ܐ 2:13

ܐܝܼܢܵܐ ܐܲܚܢܲܢ ܐܲܚܘܿܢܘܵܬܹ̈‌ܐ، ܘܵܠܹܐ ܝܠܵܗ̇ ܕܫܲܟܪܲܚ ܠܐܲܠܵܗܵܐ ܒܟܠ ܙܲܒ݂ܢܵܐ ܒܘܼܬ ܕܝܼܵܘܟ݂ܘܿܢ، ܡܘܼܚܸܒܹ̈ܐ ܒܡܵܪܲܢ، ܣܵܒܵܒ ܡ̣ܢ ܩܲܕܡܵܝܬܵ‌ܐ ܐܲܠܵܗܵܐ ܩܵܡ ܓܲܒܹܐ ܠܵܘܟ݂ܘܿܢ ܠܦܘܼܪܩܵܢܵܐ ܒܡܩܲܕܲܫܬܵ‌ܐ ܕܪܘܼܚܵܐ ܘܗܲܝܡܵܢܘܼܬܵ‌ܐ ܒܫܪܵܪܵܐ.

ܒ ܛܝܡܬܐܘܣ 1:4

ܘܟܲܕ ܒܸܕܟ݂ܵܪܵܐ ܕܸܡ̈ܥܹܐ ܕܥܲܝ̈ܢܘܼܟ݂، ܫܲܗܘܘܼܬܹ‌ܐ ܝܘܸܢ ܠܸܚܙܵܝܘܼܟ݂، ܕܦܵܝܫܹܢ ܡܸܠܝܵܐ ܚܲܕܘܼܬܵ‌ܐ.

ܦܝܠܡܘܢ 1:20

ܗܹܐ ܐܲܚܘܿܢܝܼ، ܗܲܝܸܪܝܼ ܒܡܵܪܲܢ؛ ܡܲܚܕܝܼ ܠܸܒܝܼ ܒܡܫܝܼܚܵܐ.

ܒ ܝܘܚܢܢ 1:4

ܪܵܒܵܐ ܚܕܹܐ ܠܝܼ ܕܫܡܝܼܥ ܠܝܼ ܚܲܕܟܡܵܐ ܡ̣ܢ ܝܵܠܵܕ݇ܟ݂ܝ̈ ܒܸܚܕܵܪܵܐ ܝܢܵܐ ܒܫܪܵܪܵܐ، ܐܲܝܟ݂ ܕܩܘܼܒܸܠ ܠܲܢ ܦܘܼܩܕܵܢܵܐ ܡ̣ܢ ܒܵܒܵܐ.

ܓ ܝܘܚܢܢ 1:4

ܠܲܝܬ ܠܝܼ ܚܲܕܘܼܬܵ‌ܐ ܒܘܼܫ ܓܘܼܪܬܵ‌ܐ ܡ̣ܢ ܐܵܗܵܐ، ܕܫܵܡܥܹܢ ܕܝܵܠܕ݇ܝܼ̈ ܒܫܪܵܪܵܐ ܒܸܚܕܵܪܵܐ ܝܢܵܐ.