ܒ ܛܝܡܬܐܘܣ 4:8 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

⁸ ܘܐܵܕܝܼܵܐ ܦܝܼܫܵܐ ܝܠܹܗ ܢܛܝܼܪܵܐ ܐܸܠܝܼ ܟܠܝܼܠܵܐ ܕܙܲܕܝܼܩܘܼܬܵ‌ܐ، ܐܲܝܢܝܼ ܕܡܵܪܲܢ، ܕܝܼܠܹܗ ܕܲܝܵܢܵܐ ܟܹܐܢܵܐ، ܒܸܬ ܦܵܪܹܥ ܠܝܼ ܒܗ̇ܘ ܝܵܘܡܵܐ؛ ܘܠܵܐ ܐܲܚܟ̰ܝܼ ܐܸܠܝܼ، ܐܝܼܢܵܐ ܐܘܼܦ ܠܟܠܵܝܗ‌ܝ ܐܵܢܝܼ ܕܡܲܚܸܒܝܼ ܠܹܗ ܓܸܠܝܵܢܹܗ.

ܒ ܛܝܡܬܐܘܣ 4:8 Iomraidhean Croise

ܡܙܡܘܪܐ 31:19

ܟܡܵܐ ܓܘܼܪܬܵ‌ܐ ܝܠܵܗ̇ ܛܵܒ݂ܬܘܼܟ݂ ܕܚܘܼܡܝܘܼܗ̇ ܝܘܸܬ ܩܵܐ ܙܕܝܼܥܘܼ̈ܟ݂، ܕܗܘܼܕܪܘܼܗ̇ ܝܘܸܬ ܩܲܕܡ ܒܢܲܝ̈ܢܵܫܵܐ ܩܵܐ ܣܵܒܪ̈ܵܢܹܐ ܕܒܝܼܘܼܟ݂.

ܡܙܡܘܪܐ 7:11

ܕܲܝܵܢܵܐ ܙܲܕܝܼܩܵܐ ܝܠܹܗ ܐܲܠܵܗܵܐ، ܘܓܵܘ ܚܸܡܬܵ‌ܐ ܝܠܹܗ ܐܲܠܵܗܵܐ ܟܠ ܝܘܿܡ.

ܡܬ‌ܝ 24:36

”ܐܝܼܢܵܐ ܠܗ̇ܘ ܝܵܘܡܵܐ ܘܠܗ̇ܝ ܣܵܥܲܬ ܐܘܼܦ ܚܲܕ ܐܢܵܫܵܐ ܠܹܐ ܝܵܕܹܥ، ܘܐܘܼܦ ܠܵܐ ܡܲܠܲܐܟܹ̈ܐ ܕܫܡܲܝܵܐ، ܐܸܠܵܐ ܒܵܒܵܐ ܒܢܲܦ̮ܫܹܗ.

ܡܬ‌ܝ 7:22

”ܪܵܒܵܐ ܒܸܬ ܐܵܡܪܝܼ ܐܸܠܝܼ ܒܗ̇ܘ ܝܵܘܡܵܐ: ’ܡܵܪܝܼ، ܡܵܪܝܼ، ܠܹܐ ܝܗܘܵܐ ܒܫܸܡܘܼܟ݂ ܢܘܼܒܹܐ ܠܲܢ؟ ܘܒܫܸܡܘܼܟ݂ ܫܹܐܕܹ̈ܐ ܦܘܼܠܸܛ ܠܲܢ؟ ܘܒܫܸܡܘܼܟ݂ ܪܵܒܵܐ ܚܲܝ̈ܠܹܐ ܓܘܼܪܹ̈ܐ ܥܒ݂ܝܼܕ ܠܲܢ؟‘

ܠܘܩܐ 10:12

”ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ، ܠܣܕܘܿܡ ܒܸܬ ܗܵܘܹܐ ܢܝܵܚܵܐ ܒܝܵܘܡܵܐ ܕܕܝܵܢܬܵ‌ܐ ܒܘܼܫ ܙܵܘܕܵܐ ܡ̣ܢ ܠܗ̇ܝ ܡܕܝܼܢ݇ܬܵ‌ܐ.

ܪ̈ܗܘܡܝܐ 2:5

ܐܝܼܢܵܐ ܒܘܼܬ ܩܸܫܝܘܼܬܘܼܟ݂ ܘܠܸܒܘܼܟ݂ ܠܵܐ ܬܲܘܸܒܵܢܵܐ، ܓ̰ܲܡܘܼܥܹܐ ܝܘܸܬ ܥܲܠ ܓܵܢܘܼܟ݂ ܟܲܪܒܵܐ ܠܝܵܘܡܵܐ ܕܟܲܪܒܵܐ ܕܐܲܠܵܗܵܐ، ܐܝܼܡܲܢ ܕܦܵܝܫܵܐ ܓܠܝܼܬܵ‌ܐ ܕܝܵܢܬܵ‌ܐ ܙܲܕܝܼܩܬܵ‌ܐ ܕܝܼܹܗ.

ܪ̈ܗܘܡܝܐ 8:23

ܘܠܵܐ ܐܲܚܟ̰ܝܼ ܗܵܕܟ݂ܵܐ، ܐܝܼܢܵܐ ܐܘܼܦ ܐܲܚܢܲܢ ܕܐܝܼܬ ܠܲܢ ܪܘܼܚܵܐ، ܕܝܼܠܵܗ̇ ܛܥܘܼܢܬܵ‌ܐ ܩܲܕܡܵܝܬܵ‌ܐ، ܬܲܢܘܼܚܹܐ ܝܘܲܚ ܒܓܵܢܲܢ ܘܒܸܣܦܵܪܵܐ ܕܦܵܝܫܲܚ ܥܒ݂ܝܼܕܹܐ ܒܢܘܿܢܹ̈ܐ، ܠܦܘܼܪܩܵܢܵܐ ܕܦܲܓ݂ܪܲܢ.

ܐ ܩܘܪ̈ܢܬܝܐ 2:9

ܐܲܝܟ݂ ܕܝܼܠܹܗ ܟܬܝܼܒ݂ܵܐ: ܥܲܝܢܵܐ ܠܹܐ ܝܠܵܗ̇ ܚܙܝܼܬܵ‌ܐ، ܘܢܵܬܵ‌ܐ ܠܹܐ ܝܠܵܗ̇ ܫܡܝܼܥܬܵ‌ܐ، ܘܓܵܘ ܗܵܘܢܵܐ ܕܒܲܪܢܵܫܵܐ ܠܹܐ ܝܢܵܐ ܥܒ݂ܝܼܪܹܐ، ܡܸܢܕܝܼܵܢܹ̈ܐ ܕܐܲܠܵܗܵܐ ܗܘܼܕܪܵܝ ܠܹܗ ܠܐܵܢܝܼ ܕܡܲܚܸܒܝܼ ܠܹܗ.

ܐ ܩܘܪ̈ܢܬܝܐ 3:13

ܒܸܬ ܦܵܐܹܫ ܚܸܙܝܵܐ ܦܘܼܠܚܵܢܵܐ ܕܟܠ ܚܲܕ، ܣܵܒܵܒ ܒܗ̇ܘ ܝܵܘܡܵܐ ܒܸܬ ܦܵܐܹܫ ܓܸܠܝܵܐ ܒܢܘܼܪܵܐ، ܒܗ̇ܝ ܕܢܘܼܪܵܐ ܒܸܬ ܨܲܚܨܹܐ ܦܘܼܠܚܵܢܵܐ ܕܟܠ ܚܲܕ ܐܢܵܫܵܐ ܕܵܐܟ݂ܝܼ ܕܝܼܠܹܗ.

ܐ ܩܘܪ̈ܢܬܝܐ 9:25

ܟܠ ܐܢܵܫܵܐ ܕܥܵܒܹܕ ܐܵܓ݂ܘܿܢܵܐ ܟܹܐ ܕܵܒܹܩ ܠܵܗ̇ ܓܵܢܹܗ ܒܟܠ ܡܸܢܕܝܼ. ܐܵܢܝܼ ܟܹܐ ܥܵܒ݂ܕܝܼ ܗܵܕܟ݂ܵܐ ܕܩܲܒܠܝܼ ܟܠܝܼܠܵܐ ܚܵܪܒ݂ܵܢܵܐ، ܐܝܼܢܵܐ ܐܲܚܢܲܢ ܟܹܐ ܥܵܒ݂ܕܲܚ ܗܵܕܟ݂ܵܐ ܕܩܲܒܠܲܚ ܟܠܝܼܠܵܐ ܠܵܐ ܚܵܪܒ݂ܵܢܵܐ.

ܒ ܩܘܪ̈ܢܬܝܐ 5:2

ܒܘܼܬ ܐܵܗܵܐ ܬܲܢܘܼܚܹܐ ܝܘܲܚ ܘܫܲܗܘܘܼܬܹ‌ܐ ܝܘܲܚ ܕܦܵܝܫܲܚ ܡܘܼܠܒܸܫܹܐ ܒܲܝܬܲܢ ܫܡܲܝܵܢܵܝܵܐ،

ܦܝܠܝܦܣܝ̈ܐ 3:11

ܕܩܵܘܡܵܐ ܡܵܨܹܝܢ ܡܵܛܹܝܢ ܠܩܝܵܡܬܵ‌ܐ ܡ̣ܢ ܓܵܘ ܡܝܼ̈ܬܹ‌ܐ.

ܩܘܠܣܝ̈ܐ 1:5

ܡ̣ܢ ܥܸܠܬܵ‌ܐ ܕܗܹܒ݂ܝܼ ܕܦܝܼܫܬܵ‌ܐ ܝܠܵܗ̇ ܢܛܝܼܪܬܵ‌ܐ ܐܸܠܵܘܟ݂ܘܿܢ ܓܵܘ ܫܡܲܝܵܐ، ܗ̇ܝ ܕܩܲܕܡܵܝܬܵ‌ܐ ܫܡܝܼܥܵܐ ܠܵܘܟ݂ܘܿܢ ܒܗܹܡܸܙܡܵܢ ܕܫܪܵܪܵܐ ܕܐܹܘܲܢܓܲܠܝܼܘܿܢ

ܐ ܬܣܠܘܢܝܩܝ̈ܐ 1:10

ܘܕܣܵܦܪܝܼܬܘܿܢ ܠܒܪܘܿܢܹܗ ܡ̣ܢ ܫܡܲܝܵܐ، ܠܝܼܫܘܿܥ، ܗ̇ܘ ܕܡܘܼܩܸܡ ܠܹܗ ܡ̣ܢ ܡܝܼ̈ܬܹ‌ܐ، ܗ̇ܘ ܕܟܹܐ ܦܲܨܹܐ ܠܲܢ ܡ̣ܢ ܟܲܪܒܵܐ ܕܒܹܐܬܵܝܵܐ ܝܠܵܗ̇.

ܐ ܬܣܠܘܢܝܩܝ̈ܐ 5:4

ܐܝܼܢܵܐ ܐܲܚܬܘܿܢ ܐܲܚܘܿܢܘܵܬ‌ܝܼ̈، ܠܹܐ ܝܬܘܿܢ ܓܵܘ ܚܸܫܟܵܐ، ܕܗ̇ܘ ܝܵܘܡܵܐ ܐܲܝܟ݂ ܓܹܢܵܒ݂ܵܐ ܡܵܛܹܐ ܠܵܘܟ݂ܘܿܢ.

ܒ ܬܣܠܘܢܝܩܝ̈ܐ 2:8

ܗ̇ܝܓܵܗ ܒܸܬ ܦܵܐܹܫ ܓܸܠܝܵܐ ܗ̇ܘ ܕܝܼܠܹܗ ܥܵܘܵܠܵܐ، ܗ̇ܘ ܕܡܵܪܲܢ ܝܼܫܘܿܥ ܒܸܬ ܛܲܠܸܩ ܠܹܗ ܒܢܦܵܚܬܵ‌ܐ ܕܦܘܼܡܹܗ، ܘܒܸܬ ܒܲܛܸܠ ܠܹܗ ܒܫܲܦ̮ܩܵܐ ܕܐܬܵܝܬܹܗ.

ܐ ܛܝܡܬܐܘܣ 6:19

ܒܐܵܗܵܐ ܐܘܼܪܚܵܐ ܒܸܬ ܡܲܬܒ݂ܝܼ ܠܓܵܢܵܝܗ‌ܝ ܣܝܼܡܬܵ‌ܐ ܐܲܝܟ݂ ܚܕܵܐ ܒܸܢܝܲܬ ܨܦܵܝܝܼ ܩܵܐ ܕܲܥܬܝܼܕ، ܕܕܵܒ݂ܩܝܼ ܠܚܲܝܹ̈ܐ ܫܲܪܝܼܪܹ̈ܐ.

ܒ ܛܝܡܬܐܘܣ 1:10

ܐܝܼܢܵܐ ܐܵܕܝܼܵܐ ܦܝܼܫ ܠܵܗ̇ ܓܠܝܼܬܵ‌ܐ ܒܓܸܠܝܵܢܵܐ ܕܦܵܪܘܿܩܲܢ ܝܼܫܘܿܥ ܡܫܝܼܚܵܐ، ܗ̇ܘ ܕܒܘܼܛܸܠ ܠܹܗ ܠܡܵܘܬܵ‌ܐ ܘܡܘܼܚܙܹܐ ܠܹܗ ܚܲܝܹ̈ܐ ܘܠܵܐ ܚܪܵܒ݂ܬܵ‌ܐ ܒܐܹܘܲܢܓܲܠܝܼܘܿܢ.

ܒ ܛܝܡܬܐܘܣ 1:12

ܒܘܼܬ ܐܵܗܵܐ ܩܲܒܘܼܠܵܝ ܝܘܸܢ ܐܲܢܹܐ، ܐܝܼܢܵܐ ܠܹܐ ܝܘܸܢ ܒܸܢܟ݂ܵܦܵܐ، ܣܵܒܵܒ ܟܹܐ ܝܵܕܥܹܢ ܒܡܵܢܝܼ ܗܘܼܡܸܢܵܐ ܝܘܸܢ، ܘܚܵܬܸܪܓ̰ܲܡܥ ܝܼܘܸܢ ܕܟܹܐ ܡܵܨܹܐ ܢܵܛܹܪ ܗܲܝܡܲܢܬ‌ܝܼ ܗܲܠ ܗ̇ܘ ܝܵܘܡܵܐ.

ܒ ܛܝܡܬܐܘܣ 1:18

ܥܵܒܹܕ ܡܵܪܲܢ ܕܡܲܫ݇ܟ̰ܸܚ ܪ̈ܲܚܡܹܐ ܡ̣ܢ ܡܵܪܲܢ ܒܗ̇ܘ ܝܵܘܡܵܐ. ܘܟܹܐ ܝܵܕܥܹܬ ܪܵܒܵܐ ܨܦܵܝܝܼ ܟܡܵܐ ܗܘܼܝܸܪܹܗ ܐܸܠܝܼ ܓܵܘ ܐܵܦܸܣܘܿܣ.

ܒ ܛܝܡܬܐܘܣ 2:5

ܘܐܸܢ ܐܵܬܠܝܼܛܵܐ ܥܵܒܹܕ ܐܵܓ݂ܘܿܢܵܐ ܓܵܘ ܡܲܝܕܵܢ، ܠܹܐ ܩܲܒܸܠ ܟܠܝܼܠܵܐ ܐܸܢ ܠܵܐ ܩܵܢܘܿܢܵܐܝܼܬ ܥܵܒܹܕ ܐܵܓ݂ܘܿܢܵܐ.

ܒ ܛܝܡܬܐܘܣ 4:1

ܚܲܦܘܼܛܹܐ ܝܘܸܢ ܐܸܠܘܼܟ݂ ܩܲܕܡ ܐܲܠܵܗܵܐ ܘܝܼܫܘܿܥ ܡܫܝܼܚܵܐ، ܗ̇ܘ ܕܗܕܝܼܪܵܐ ܝܠܹܗ ܕܕܵܐܹܢ ܠܚܵܝܹ̈ܐ ܘܠܡܝܼ̈ܬܹ‌ܐ ܒܓܸܠܝܵܢܹܗ ܕܡܲܠܟܘܼܬܹܗ،

ܛܛܘܣ 2:13

ܟܲܕ ܒܸܣܦܵܪܵܐ ܠܗܹܒ݂ܝܼ ܒܪܝܼܟ݂ܬܵ‌ܐ ܕܝܼܠܵܗ̇ ܓܸܠܝܵܢܵܐ ܕܚܸܩܪܵܐ ܕܐܲܠܵܗܲܢ ܓܘܼܪܵܐ ܘܦܵܪܘܿܩܲܢ، ܝܼܫܘܿܥ ܡܫܝܼܚܵܐ،

ܥܒ݂ܪ̈ܝܐ 12:11

ܟܠ ܬܲܥܠܲܡܬܵ‌ܐ ܠܹܐ ܡܲܒܝܸܢܵܐ ܒܲܣܝܼܡܬܵ‌ܐ ܒܥܕܵܢܘܼܗ̇ ܐܸܠܵܐ ܡܲܦܫܸܡܵܢܬܵ‌ܐ؛ ܐܝܼܢܵܐ ܒܚܲܪܬܵ‌ܐ ܟܹܐ ܡܲܝܬܝܵܐ ܛܥܘܼܢܬܵ‌ܐ ܕܙܲܕܝܼܩܘܼܬܵ‌ܐ ܘܕܫܠܵܡܵܐ ܠܐܵܢܝܼ ܕܦܵܝܫܝܼ ܬܘܼܥܠܸܡܹܐ ܒܝܼܘܼܗ̇.

ܥܒ݂ܪ̈ܝܐ 9:28

ܗܵܕܟ݂ܵܐ ܐܘܼܦ ܡܫܝܼܚܵܐ ܚܕܵܐ ܓܵܗܵܐ ܦܝܼܫ ܠܹܗ ܡܘܼܩܪܸܒ݂ܵܐ ܕܛܵܥܹܢ ܚܛܝܼܵܬܹ̈‌ܐ ܕܪܵܒܵܐ، ܘܒܸܬ ܦܵܐܹܫ ܓܸܠܝܵܐ ܓܵܗܵܐ ܕܬܲܪܬܹܝ، ܠܵܐ ܕܛܵܥܹܢ ܚܛܝܼܬܵ‌ܐ، ܐܝܼܢܵܐ ܕܡܲܝܬܹ‌ܐ ܦܘܼܪܩܵܢܵܐ ܠܐܵܢܝܼ ܕܒܸܣܦܵܪܵܐ ܝܢܵܐ ܐܸܠܹܗ.

ܝܥܩܘܒ݂ 1:12

ܛܘܼܒ݂ܵܐ ܠܐܢܵܫܵܐ ܕܚܵܡܹܠ ܒܓ̰ܘܼܪ̈ܵܒܹܐ، ܣܵܒܵܒ ܐܝܼܡܲܢ ܕܦܵܐܹܫ ܨܘܼܚܨܝܼܵܐ ܒܸܬ ܩܲܒܸܠ ܟܠܝܼܠܵܐ ܕܚܲܝܹ̈ܐ، ܗ̇ܘ ܕܐܲܠܵܗܵܐ ܩܘܼܘܸܠ ܠܹܗ ܠܐܵܢܝܼ ܕܡܲܚܸܒܝܼ ܠܹܗ.

ܐ ܦܛܪܘܣ 1:4

ܘܝܵܪܬܘܼܬܵ‌ܐ ܠܵܐ ܚܵܪܒ݂ܵܢܬܵ‌ܐ ܘܕܠܵܐ ܡܘܼܡܵܐ ܘܠܵܐ ܢܵܘܠܵܢܬܵ‌ܐ، ܕܝܼܠܵܗ̇ ܢܛܝܼܪܬܵ‌ܐ ܐܸܠܵܘܟ݂ܘܿܢ ܒܫܡܲܝܵܐ،

ܐ ܦܛܪܘܣ 5:4

ܘܐܝܼܡܲܢ ܕܪܵܥܝܵܐ ܓܘܼܪܵܐ ܦܵܐܹܫ ܓܸܠܝܵܐ، ܒܸܬ ܩܲܒܠܝܼܬܘܿܢ ܟܠܝܼܠܵܐ ܕܚܸܩܪܵܐ ܕܠܹܐ ܟ̰ܵܡܹܟ̃.

ܓܠܝܢܐ 1:7

ܗܵܐ، ܒܹܐܬܵܝܵܐ ܝܠܹܗ ܥܲܡ ܥܢܵܢܹ̈ܐ، ܘܟܠ ܥܲܝܢܵܐ ܒܸܬ ܚܵܙܝܵܐ ܠܹܗ، ܘܐܘܼܦ ܐܵܢܝܼ ܕܟ̰ܪܝܼܙ ܠܗܘܿܢ ܐܸܠܹܗ. ܘܟܠܵܝܗ‌ܝ ܫܲܒ݂ܛܹ̈ܐ ܕܐܲܪܥܵܐ ܒܸܬ ܥܵܒ݂ܕܝܼ ܬܵܥܙܝܼ ܥܲܠܘܼܗ‌ܝ. ܗܹܐ، ܐܵܡܹܝܢ.

ܓܠܝܢܐ 19:11

ܗ̇ܝܓܵܗ ܚܙܹܐ ܠܝܼ ܫܡܲܝܵܐ ܦܬܝܼܚܬܵ‌ܐ، ܘܗܵܐ، ܣܘܼܣܵܐ ܚܘܵܪܵܐ، ܘܗ̇ܘ ܕܝܬܝܼܒ݂ܵܐ ܝܗܘܵܐ ܥܲܠܘܼܗ‌ܝ ܦܵܐܹܫ ܗܘܵܐ ܩܸܪܝܵܐ ܡܗܘܼܡܢܵܐ ܘܫܲܪܝܼܪܵܐ، ܘܒܙܲܕܝܼܩܘܼܬܵ‌ܐ ܟܹܐ ܕܵܐܹܢ ܘܟܹܐ ܥܵܒܹܕ ܦܠܵܫܵܐ.

ܓܠܝܢܐ 2:10

”ܠܵܐ ܙܵܕܥܹܬ ܡ̣ܢ ܓ̰ܘܼܢܓ̰ܵܪܹ̈ܐ ܕܗܕܝܼܪܵܐ ܝܘܸܬ ܕܩܲܒܠܸܬ. ܗܵܐ، ܗܕܝܼܪܵܐ ܝܠܹܗ ܐܵܟܹܠܩܲܪܨܵܐ ܠܸܕܪܵܝܵܐ ܚܲܕܟܡܵܐ ܡܸܢܵܘܟ݂ܘܿܢ ܓܵܘ ܒܹܝܬ ܐܲܣܝܼܪܹ̈ܐ ܕܦܵܝܫܝܼܬܘܿܢ ܓ̰ܘܼܪܒܹܐ، ܘܒܸܬ ܗܵܘܹܐ ܠܵܘܟ݂ܘܿܢ ܐܘܼܠܨܵܢܵܐ ܩܵܐ ܥܸܣܪܵܐ ܝܵܘܡܵܢܹ̈ܐ. ܗܘܝܼ ܡܗܘܼܡܢܵܐ ܗܲܠ ܡܵܘܬܵ‌ܐ، ܘܒܸܬ ܝܵܗܒܹܢܘܼܟ݂ ܟܠܝܼܠܵܐ ܕܚܲܝܹ̈ܐ.

ܓܠܝܢܐ 22:20

ܒܹܐܡܵܪܵܐ ܝܠܹܗ ܗ̇ܘ ܕܒܸܣܗܵܕܵܐ ܝܠܹܗ ܠܐܲܢܹܐ: ”ܗܹܐ، ܒܹܐܬܵܝܵܐ ܝܘܸܢ ܓ̰ܲܠܕܹܐ.“ ܐܵܡܹܝܢ. ܗܹܐ ܬܵ‌ܐ، ܡܵܪܲܢ ܝܼܫܘܿܥ.

ܓܠܝܢܐ 4:10

ܟܹܐ ܢܵܦܠܝܼ ܐܵܢܝܼ ܥܸܣܪܝܼ ܘܐܲܪܒܲܥ ܚܘܵܪ̈ܕܸܩܢܹܐ ܩܲܕܡ ܗ̇ܘ ܕܝܼܠܹܗ ܝܬܝܼܒ݂ܵܐ ܥܲܠ ܬܪܘܿܢܘܿܣ، ܘܟܹܐ ܣܵܓ݂ܕܝܼ ܐܸܠܹܗ ܕܚܵܝܵܐ ܝܠܹܗ ܠܥܵܠܲܡ ܥܵܠܡܝܼܢ، ܘܟܹܐ ܕܵܪܝܼ ܟܠܝܼܠܵܝ̈ܗ‌ܝ ܩܲܕܡ ܬܪܘܿܢܘܿܣ ܒܹܐܡܵܪܵܐ:

ܓܠܝܢܐ 4:4

ܘܠܚܵܕܸܪ̈ܘܵܢܹܐ ܕܬܪܘܿܢܘܿܣ ܐܝܼܬ ܗܘܵܘ ܥܸܣܪܝܼ ܘܐܲܪܒܥܵܐ ܬܪ̈ܘܿܢܘܿܣܹܐ ܐܚܹܪ̈ܢܹܐ، ܘܥܲܠ ܐܲܢܹܐ ܬܪ̈ܘܿܢܘܿܣܹܐ ܝܬܝܼܒܹܐ ܝܗܘܵܘ ܥܸܣܪܝܼ ܘܐܲܪܒܥܵܐ ܚܘܵܪ̈ܕܸܩܢܹܐ، ܠܒ݂ܝܼܫܹܐ ܓ̰ܘܼܠܹ̈ܐ ܚܘܵܪܹ̈ܐ، ܘܥܲܠ ܪܹ̈ܝܫܵܝܗ‌ܝ ܟܠܝܼܠܹ̈ܐ ܕܕܲܗܒ݂ܵܐ.