ܒ ܛܝܡܬܐܘܣ 4:5 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

⁵ ܐܝܼܢܵܐ ܐܲܢ݇ܬ، ܗܘܝܼ ܪܥܝܼܫܵܐ ܒܟܠܵܝܗ‌ܝ ܡܸܢܕܝܼܵܢܹ̈ܐ، ܩܲܒܸܠ ܓ̰ܘܼܢܓ̰ܵܪܹ̈ܐ، ܦܠܘܿܚ ܦܘܼܠܚܵܢܵܐ ܕܚܲܕ ܡܲܟܪܸܙܵܢܵܐ، ܘܡܲܟܡܸܠ ܠܚܸܠܡܲܬܘܼܟ݂.

ܒ ܛܝܡܬܐܘܣ 4:5 Iomraidhean Croise

ܡܬ‌ܝ 25:16

”ܐܙܝܼܠ ܠܹܗ ܗ̇ܘ ܕܫܩܝܼܠ ܠܹܗ ܚܲܡܫܵܐ ܟܲܟܪܹ̈ܐ ܘܦܠܝܼܚ ܠܹܗ ܒܝܼܵܝܗ‌ܝ، ܘܡܘܼܙܝܸܕ ܠܹܗ ܥܲܠܵܝܗ‌ܝ ܚܲܡܫܵܐ ܟܲܟܪܹ̈ܐ ܐܚܹܪ̈ܢܹܐ.

ܡܪܩܘܣ 13:34

”ܐܲܝܟ݂ ܐܢܵܫܵܐ ܝܠܹܗ ܕܐܙܝܼܠ ܠܹܗ ܒܣܵܦܵܪ: ܫܒ݂ܝܼܩ ܠܹܗ ܒܲܝܬܹܗ، ܘܝܘܼܗܒܹܠ ܠܹܗ ܫܘܼܠܛܵܢܵܐ ܠܪܹ̈ܓܵܘܵܬܘܼܗ‌ܝ ܘܠܟܠ ܐܢܵܫܵܐ ܦܘܼܠܚܵܢܹܗ، ܘܦܩܝܼܕ ܠܹܗ ܠܢܵܛܘܿܪܵܐ ܕܗܵܘܹܐ ܪܥܝܼܫܵܐ.

ܡܪܩܘܣ 13:37

”ܡܸܢܕܝܼ ܕܐܸܠܵܘܟ݂ܘܿܢ ܒܹܐܡܵܪܵܐ ܝܘܸܢ، ܒܹܐܡܵܪܵܐ ܝܘܸܢ ܠܟܠܵܘܟ݂ܘܿܢ: ܗܘܹܝܡܘܼܢ ܪܥܝܼܫܹܐ.“

ܠܘܩܐ 12:37

”ܛܘܼܒ݂ܵܐ ܠܐܵܢܝܼ ܪܹ̈ܓܵܘܵܬܹ‌ܐ ܐܝܼܡܲܢ ܕܐܵܬܹ‌ܐ ܡܵܪܵܝܗ‌ܝ ܘܡܲܫ݇ܟ̰ܸܚ ܠܗܘܿܢ ܪܥܝܼܫܹܐ. ܬܪܘܼܨܵܐ ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ، ܒܸܬ ܡܲܬܸܒ݂ ܠܗܘܿܢ ܘܗ̇ܘ ܒܸܬ ܗܲܕܸܪ ܓܵܢܹܗ ܘܥܵܒܹܕ ܠܗܘܿܢ ܚܸܠܡܲܬ.

ܣܘܥܪ̈ܢܐ ܕܫܠܝܚ̈ܐ 21:8

ܒܝܵܘܡܵܐ ܐܚܹܪܢܵܐ ܦܠܝܼܛ ܠܲܢ ܘܐܬܹ‌ܐ ܠܲܢ ܠܩܹܣܲܪܝܵܐ، ܘܫܪܹܐ ܠܲܢ ܓܵܘ ܒܲܝܬܵ‌ܐ ܕܦܝܼܠܝܼܦܘܿܣ ܡܲܫܚܸܕܵܢܵܐ، ܗ̇ܘ ܕܝܼܗܘܵܐ ܚܲܕ ܡ̣ܢ ܫܲܒ݂ܥܵܐ.

ܪ̈ܗܘܡܝܐ 15:19

ܒܚܲܝܠܵܐ ܕܢܝܼܫܲܢܩܹ̈ܐ ܘܕܕܘܼܡܵܪܹ̈ܐ، ܘܒܚܲܝܠܵܐ ܕܪܘܼܚܵܐ، ܗܵܕܟ݂ܵܐ ܡܘܼܟܪܸܙ ܠܝܼ ܐܹܘܲܢܓܲܠܝܼܘܿܢ ܕܡܫܝܼܚܵܐ ܒܡܸܠܝܘܼܬܵ‌ܐ، ܡ̣ܢ ܐܘܿܪܸܫܠܸܡ ܘܚܵܕܸܪ̈ܘܵܢܘܼܗ̇ ܗܲܠ ܐܹܠܘܿܪܝܼܩܘܿܢ.

ܐܦܣܝ̈ܐ 4:11

ܘܗ̇ܘ ܝܘܼܗܒܹܠ ܠܹܗ ܠܚܲܕܟܡܵܐ ܕܗܵܘܝܼ ܫܠܝܼܚܹ̈ܐ، ܘܠܚܲܕܟܡܵܐ ܢܒ݂ܝܼܹ̈ܐ، ܘܠܚܲܕܟܡܵܐ ܡܲܫܚܸܕܵܢܹ̈ܐ، ܘܠܚܲܕܟܡܵܐ ܪ̈ܵܥܝܹܐ ܘܡܲܠܦܵܢܹ̈ܐ،

ܐܦܣܝ̈ܐ 4:12

ܠܗܲܕܘܼܪܹܐ ܩܲܕܝܼܫܹ̈ܐ ܩܵܐ ܦܘܼܠܚܵܢܵܐ ܕܚܸܠܡܲܬ ܠܸܒܢܵܝܵܐ ܦܲܓ݂ܪܵܐ ܕܡܫܝܼܚܵܐ،

ܩܘܠܣܝ̈ܐ 1:25

ܗܘܹܐ ܠܝܼ ܥܵܒ݂ܕܵܢܵܐ ܕܚܸܠܡܲܬ ܐܸܠܘܼܗ̇ ܐܲܝܟ݂ ܡܕܲܒܪܵܢܘܼܬܵ‌ܐ ܕܐܲܠܵܗܵܐ ܕܝܘܼܗܒܹܠ ܠܹܗ ܐܸܠܝܼ ܕܡܲܩܪܸܒܸܢ ܐܸܠܵܘܟ݂ܘܿܢ ܗܹܡܸܙܡܵܢ ܕܐܲܠܵܗܵܐ ܒܟܠܵܗ̇ ܡܸܠܝܘܼܬܵ‌ܐ،

ܩܘܠܣܝ̈ܐ 4:17

ܘܐܡܘܿܪܘܼܢ ܠܐܲܪܟܝܼܦܘܿܣ: ”ܗܘܝܼ ܗܸܫܝܲܪ ܕܬܲܡܸܡܸܬ ܠܚܸܠܡܲܬ ܕܩܘܼܒܸܠ ܠܘܼܟ݂ ܒܡܵܪܲܢ.“

ܐ ܬܣܠܘܢܝܩܝ̈ܐ 5:6

ܒܘܼܬ ܐܵܗܵܐ ܠܵܐ ܕܵܡܟܲܚ ܐܲܝܟ݂ ܐܚܹܪ̈ܢܹܐ، ܐܸܠܵܐ ܗܵܘܲܚ ܒܫܵܗܲܪܬܵ‌ܐ ܘܪܥܝܼܫܹܐ.

ܐ ܛܝܡܬܐܘܣ 4:12

ܠܵܐ ܫܵܒ݂ܩܹܬ ܐܢܵܫܵܐ ܡܲܣܠܹܐ ܠܘܼܟ݂ ܣܵܒܵܒ ܙܥܘܿܪܵܐ ܝܘܸܬ ܒܫܸܢܹ̈ܐ، ܐܸܠܵܐ ܗܘܝܼ ܛܘܼܦ̮ܣܵܐ ܠܡܗܘܼܡܢܹ̈ܐ ܒܗܹܡܸܙܡܵܢ ܘܒܕܘܼܒܵܪܹ̈ܐ ܘܒܚܘܼܒܵܐ، ܘܒܗܲܝܡܵܢܘܼܬܵ‌ܐ ܘܒܕܸܟ݂ܝܘܼܬܵ‌ܐ.

ܐ ܛܝܡܬܐܘܣ 4:15

ܚܲܦܸܛ ܒܐܲܢܹܐ، ܘܟܠܝܼ ܩܸܘܝܵܐ ܒܝܼܵܝܗ‌ܝ، ܗܵܕܟ݂ܵܐ ܕܟܠܵܝܗ‌ܝ ܐܢܵܫܹ̈ܐ ܚܵܙܝܼ ܠܡܲܢܬܲܝܬܘܼܟ݂.

ܒ ܛܝܡܬܐܘܣ 1:8

ܒܘܼܬ ܐܵܗܵܐ ܠܵܐ ܢܵܟ݂ܦܹܬ ܠܝܼܵܗܒ݂ܵܐ ܣܵܗܕܘܼܬܵ‌ܐ ܒܘܼܬ ܡܵܪܲܢ، ܘܐܘܼܦ ܠܵܐ ܒܝܼܝܼ ܕܝܼܘܸܢ ܐܲܣܝܼܪܹܗ، ܐܸܠܵܐ ܗܘܝܼ ܫܲܪܝܼܟܵܐ ܒܓ̰ܘܼܢܓ̰ܵܪܹ̈ܐ ܒܘܼܬ ܚܵܬܸܪ ܕܐܹܘܲܢܓܲܠܝܼܘܿܢ ܐܲܝܟ݂ ܕܐܲܠܵܗܵܐ ܝܵܗܒܹܠ ܠܘܼܟ݂ ܚܲܝܠܵܐ،

ܒ ܛܝܡܬܐܘܣ 2:10

ܒܘܼܬ ܐܵܗܵܐ ܩܲܒܘܼܠܹܐ ܝܘܸܢ ܟܠ ܡܸܢܕܝܼ ܒܘܼܬ ܚܵܬܸܪ ܕܓܘܼܒܝܹ̈ܐ، ܕܐܘܼܦ ܐܵܢܝܼ ܩܲܒܠܝܼ ܦܘܼܪܩܵܢܵܐ ܒܝܼܫܘܿܥ ܡܫܝܼܚܵܐ، ܥܲܡ ܚܸܩܪܵܐ ܥܵܠܡܝܼܢܵܝܵܐ.

ܒ ܛܝܡܬܐܘܣ 2:3

ܗܘܝܼ ܫܲܪܝܼܟܵܐ ܒܓ̰ܘܼܢܓ̰ܵܪܹ̈ܐ ܐܲܝܟ݂ ܕܲܚܫܵܐ ܛܵܒ݂ܵܐ ܕܝܼܫܘܿܥ ܡܫܝܼܚܵܐ.

ܒ ܛܝܡܬܐܘܣ 4:17

ܐܝܼܢܵܐ ܡܵܪܲܢ ܟܠܹܐ ܠܹܗ ܒܕܸܦܢܝܼ ܘܩܵܡ ܚܲܠܸܢܝܼ، ܗܵܕܟ݂ܵܐ ܕܡܲܟܪܲܙܬܵ‌ܐ ܒܝܼܝܼ ܦܵܝܫܵܐ ܬܘܼܡܸܡܬܵ‌ܐ، ܘܟܠܵܝܗ‌ܝ ܐܸܡܘܵܬܹ̈‌ܐ ܫܵܡܥܝܼ. ܘܦܝܼܫ ܠܝܼ ܦܘܼܨܝܵܐ ܡ̣ܢ ܦܘܼܡܵܐ ܕܐܲܪܝܵܐ.

ܥܒ݂ܪ̈ܝܐ 13:17

ܡܲܨܝܸܬܘܼܢ ܠܬܲܓܒܸܪ̈ܵܢܵܘܟ݂ܘܿܢ ܘܫܠܘܿܡܘܼܢ ܐܸܠܵܝܗ‌ܝ، ܣܵܒܵܒ ܐܵܢܝܼ ܟܹܐ ܡܕܲܒܪܝܼ ܠܓܵܢܵܬܵܘ̈ܟ݂ܘܿܢ، ܐܲܝܟ݂ ܐܵܢܝܼ ܕܒܸܬ ܝܵܗܒ݂ܝܼ ܚܸܫܒܘܼܢܵܐ. ܫܠܘܿܡܘܼܢ ܐܸܠܵܝܗ‌ܝ ܕܥܵܒ݂ܕܝܼ ܦܘܼܠܚܵܢܵܝܗ‌ܝ ܒܚܲܕܘܼܬܵ‌ܐ ܘܠܵܐ ܒܦܵܫܲܡܬܵ‌ܐ، ܣܵܒܵܒ ܠܹܐ ܗܵܘܹܐ ܠܝܘܼܬܪܵܢܵܐ ܐܸܠܵܘܟ݂ܘܿܢ.

ܐ ܦܛܪܘܣ 1:13

ܒܘܼܬ ܐܵܗܵܐ، ܗܲܕܪܘܼܢ ܪܸܥܝܵܢܵܘܟ݂ܘܿܢ ܠܦܘܼܠܚܵܢܵܐ ܩܸܫܝܵܐ، ܗܘܹܝܡܘܼܢ ܪܥܝܼܫܹܐ، ܘܕܪܹܝܡܘܼܢ ܗܹܒ݂ܝܼܵܘܟ݂ܘܿܢ ܟܠܵܢܵܐܝܼܬ ܥܲܠ ܫܵܦܵܩܲܬ ܕܦܵܝܫܵܐ ܝܘܼܗܒܹܠܬܵ‌ܐ ܐܸܠܵܘܟ݂ܘܿܢ ܒܓܸܠܝܵܢܵܐ ܕܝܼܫܘܿܥ ܡܫܝܼܚܵܐ.

ܓܠܝܢܐ 3:2

”ܪܥܘܿܫ، ܘܡܲܩܘܝܼ ܠܡܸܢܕܝܼܵܢܹ̈ܐ ܕܦܝܵܫܵܐ ܝܢܵܐ ܟܲܕ ܗܕܝܼܪܹܐ ܝܗܘܵܘ ܠܸܡܝܵܬܵ‌ܐ، ܣܵܒܵܒ ܠܵܐ ܚܙܹܐ ܠܝܼ ܠܦܘܼܠܚܵܢܘܼ̈ܟ݂ ܡܘܼܟܡܸܠܹܐ ܩܲܕܡ ܐܲܠܵܗ‌ܝܼ.