ܒ ܛܝܡܬܐܘܣ 3:3 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

³ ܕܠܵܐ ܚܘܼܒܵܐ ܟܝܵܢܵܝܵܐ، ܠܵܐ ܦܲܚܠܵܢܹ̈ܐ، ܡܵܚܝܵܢܹ̈ܐ ܕܕܲܪܗܲܩ، ܠܵܐ ܙܲܒܛܸܢܵܢܹ̈ܐ ܕܓܵܢܵܝܗ‌ܝ، ܟܹܘܝܼܹ̈ܐ، ܣܵܢܝܵܢܹ̈ܐ ܕܛܵܒ݂ܵܬܹ̈‌ܐ،

ܒ ܛܝܡܬܐܘܣ 3:3 Iomraidhean Croise

ܡܙܡܘܪܐ 15:4

ܘܒܥܲܝܢܘܼ̈ܗ‌ܝ ܦܝܼܫ ܠܹܗ ܡܘܼܣܠܝܼܵܐ ܟܵܦܘܿܪܵܐ، ܘܟܹܐ ܡܝܲܩܸܪ ܠܙܕܝܼ̈ܥܹܐ ܕܡܵܪܝܵܐ، ܘܟܹܐ ܝܵܡܹܐ ܠܓܵܢܹܗ ܘܠܹܐ ܫܲܚܠܸܦ، ܐܵܦܸܢ ܕܐܵܬܝܵܐ ܥܲܠܘܼܗ‌ܝ ܒܝܼܫܬܵ‌ܐ.

ܡܙܡܘܪܐ 22:6

ܐܝܼܢܵܐ ܐܵܢܵܐ ܬܸܘܸܠܥܵܐ ܝܘܸܢ ܘܠܵܐ ܐܢܵܫܵܐ، ܠܵܘܡܵܐ ܕܒܲܪܢܵܫܵܐ ܘܡܘܼܣܠܝܼܵܐ ܒܥܲܡܵܐ.

ܡܬ‌ܝ 10:21

”ܒܸܬ ܣܲܦܹܐ ܠܡܵܘܬܵ‌ܐ ܐܲܚܘܿܢܵܐ ܠܐܲܚܘܿܢܘܼܗ‌ܝ، ܘܒܵܒܵܐ ܠܒܪܘܿܢܹܗ، ܘܒܸܬ ܩܵܝܡܝܼ ܒܢܘܿܢܹ̈ܐ ܥܲܠ ܐܲܒ݂ܵܗܵܝ̈ܗ‌ܝ ܘܒܸܬ ܡܲܡܝܸܬ‌ܝܼ ܠܗܘܿܢ.

ܡܬ‌ܝ 4:1

ܗ̇ܝܓܵܗ ܦܝܼܫ ܠܹܗ ܠܘܼܒܠܵܐ ܝܼܫܘܿܥ ܒܝܲܕ ܪܘܼܚܵܐ ܠܒܲܪܝܼܵܐ ܕܦܵܐܹܫ ܓ̰ܘܼܪܒܵܐ ܒܐܵܟܹܠܩܲܪܨܵܐ.

ܠܘܩܐ 10:16

”ܡ̇ܢ ܕܫܵܡܹܥ ܐܸܠܵܘܟ݂ܘܿܢ، ܐܸܠܝܼ ܒܸܫܡܵܥܵܐ ܝܠܹܗ، ܘܡ̇ܢ ܕܐܸܠܵܘܟ݂ܘܿܢ ܡܲܣܠܹܐ، ܐܸܠܝܼ ܡܲܣܠܘܼܝܹܐ ܝܠܹܗ، ܘܡ̇ܢ ܕܐܸܠܝܼ ܡܲܣܠܹܐ، ܡܲܣܠܘܼܝܹܐ ܝܠܹܗ ܠܗ̇ܘ ܕܫܘܼܕܪܸܢܹܗ.“

ܠܘܩܐ 16:14

ܐܝܼܡܲܢ ܕܫܡܝܼܥ ܠܗܘܿܢ ܦܪ̈ܝܼܫܹܐ ܐܲܢܹܐ ܟܠܵܝܗ‌ܝ، ܡܘܼܣܚܸܪܗܘܿܢ ܒܝܼܹܗ ܣܵܒܵܒ ܟܹܐ ܡܲܚܸܒܝܼ ܗܘܵܘ ܙܘܼܙܵܐ.

ܝܘܚܢܢ 6:70

ܓ̰ܘܼܘܸܒ ܠܹܗ ܐܸܠܵܝܗ‌ܝ ܝܼܫܘܿܥ: ”ܠܵܐ ܐܵܢܵܐ ܩܵܡ ܓܲܒܸܢܵܘܟ݂ܘܿܢ ܬܪܸܥܣܲܪ ܘܚܲܕ ܡܸܢܵܘܟ݂ܘܿܢ ܐܵܟܹܠܩܲܪܨܵܐ ܝܠܹܗ؟“

ܪ̈ܗܘܡܝܐ 1:29

ܦܝܼܫ ܠܗܘܿܢ ܡܸܠܝܹܐ ܥܵܘܠܵܐ، ܒܝܼܫܘܼܬܵ‌ܐ، ܛܲܡܲܥܟܵܪܘܼܬܵ‌ܐ، ܛܲܢܦܘܼܬܵ‌ܐ، ܒܲܚܸܠܵܢܘܼܬܵ‌ܐ، ܩܸܛܠܵܐ، ܡܲܩܲܪܵܨܘܼܬܵ‌ܐ، ܦܸܠܡܵܐ، ܣܪܝܼܩܘܼܬܵ‌ܐ، ܗܹܡܸܙܡܵܢܹ̈ܐ ܣܦܝܼܩܹ̈ܐ،

ܪ̈ܗܘܡܝܐ 1:31

ܕܠܵܐ ܦܲܪܡܲܝܬܵ‌ܐ، ܕܠܵܐ ܡܗܘܼܡܢܘܼܬܵ‌ܐ، ܕܠܵܐ ܚܘܼܒܵܐ، ܕܠܵܐ ܪ̈ܲܚܡܹܐ.

ܐ ܩܘܪ̈ܢܬܝܐ 7:5

ܠܵܐ ܚܵܣܟ݂ܝܼܬܘܿܢ ܚܲܕ ܡ̣ܢ ܗ̇ܘ ܐܚܹܪܢܵܐ ܐܸܠܵܐ ܒܨܸܒ݂ܝܵܢܵܐ ܕܬܸܪܘܵܘܟ݂ܘܿܢ، ܘܩܵܐ ܚܲܕ ܡܸܬܚܵܐ ܟܸܪܝܵܐ، ܕܕܵܒ݂ܚܝܼܬܘܿܢ ܓܵܢܵܘܟ݂ܘܿܢ ܠܨܠܘܿܬܵ‌ܐ. ܗ̇ܝܓܵܗ ܡܸܢܕܪܸܫ ܬܹܝܡܘܼܢ ܠܥܘܼܕܵܠܹܐ ܕܠܵܐ ܓ̰ܲܪܸܒ ܠܵܘܟ݂ܘܿܢ ܣܵܛܵܢܵܐ ܟܲܕ ܠܵܐ ܡܵܨܹܝܬܘܿܢ ܚܵܡܠܝܼܬܘܿܢ.

ܐ ܩܘܪ̈ܢܬܝܐ 7:9

ܐܝܼܢܵܐ ܐܸܢ ܠܹܐ ܡܵܨܝܼ ܕܵܒ݂ܩܝܼ ܠܵܗ̇ ܓܵܢܵܝܗ‌ܝ، ܫܒ݂ܘܿܩ ܓܵܒ݂ܪܝܼ. ܣܵܒܵܒ ܒܘܼܫ ܨܦܵܝܝܼ ܝܠܵܗ̇ ܠܸܓܒ݂ܵܪܵܐ ܡ̣ܢ ܠܸܩܝܵܕܵܐ ܒܫܲܗܘܲܬܬܵ‌ܐ.

ܐ ܬܣܠܘܢܝܩܝ̈ܐ 4:8

ܒܘܼܬ ܐܵܗܵܐ، ܗ̇ܘ ܕܡܲܣܠܹܐ ܠܐܵܗܵܐ ܝܘܼܠܦܵܢܵܐ ܠܹܐ ܝܠܹܗ ܡܲܣܠܘܼܝܹܐ ܠܒܲܪܢܵܫܵܐ ܐܸܠܵܐ ܠܐܲܠܵܗܵܐ، ܗ̇ܘ ܕܝܘܼܗܒ݂ܵܘܟ݂ܘܿܢ ܝܼܠܹܗ ܪܘܼܚܹܗ ܩܲܕܝܼܫܵܐ.

ܐ ܛܝܡܬܐܘܣ 3:11

ܗܵܕܟ݂ܵܐ ܐܘܼܦ ܒܲܟ݂ܬܵܬܵܝ̈ܗ‌ܝ ܗܵܘܝܼ ܚܫܝܼܚܹ̈ܐ ܠܐܝܼܩܵܪܵܐ، ܠܵܐ ܥܵܒ݂ܕܵܢܹ̈ܐ ܕܩܲܝܒܲܬ، ܙܲܒܛܸܢܵܢܹ̈ܐ ܕܓܵܢܵܝܗ‌ܝ، ܡܗܘܼܡܢܹ̈ܐ ܒܟܠ ܡܸܢܕܝܼ.

ܛܛܘܣ 1:8

ܐܸܠܵܐ ܡܲܫܪܝܼܵܢܵܐ ܕܢܘܼܟ݂ܪ̈ܵܝܹܐ، ܡܲܚܸܒܵܢܵܐ ܕܛܵܒ݂ܵܬܹ̈‌ܐ، ܨܲܠܝܼܠܵܐ، ܙܲܕܝܼܩܵܐ، ܕܸܟ݂ܝܵܐ ܘܙܲܒܛܸܢܵܢܵܐ ܕܓܵܢܹܗ،

ܛܛܘܣ 2:3

ܡܲܠܸܦ ܐܘܼܦ ܣܵܒ݂ܝܵܬܹ̈‌ܐ ܗܵܘܝܼ ܗܵܕܟ݂ܵܐ ܒܸܚܵܝܵܐ ܒܕܘܼܒܵܪܹ̈ܐ ܕܚܵܫܚܝܼ ܠܐܝܼܩܵܪܵܐ، ܠܵܐ ܠܵܝܡܵܢܹ̈ܐ، ܠܵܐ ܥܲܒ݂ܕܹ̈ܐ ܠܚܲܡܪܵܐ، ܐܸܠܵܐ ܡܲܠܦܵܢܹ̈ܐ ܕܡܸܢܕܝܼܵܢܹ̈ܐ ܛܵܒܹ̈ܐ،

ܝܥܩܘܒ݂ 2:6

ܐܝܼܢܵܐ ܐܲܚܬܘܿܢ ܡܘܼܣܠܹܐ ܠܵܘܟ݂ܘܿܢ ܠܡܸܣܟܹܢܵܐ. ܠܹܐ ܝܢܵܐ ܥܲܬܝܼܪܹ̈ܐ ܒܸܙܠܵܡܵܐ ܥܲܠܵܘܟ݂ܘܿܢ؟ ܠܹܐ ܝܢܵܐ ܥܲܬܝܼܪܹ̈ܐ ܒܸܓܪܵܫܵܘܟ݂ܘܿܢ ܠܒܹܝܬ ܕܝܼܢܵܐ؟

ܒ ܦܛܪܘܣ 2:14

ܥܲܝ̈ܢܵܝܗ‌ܝ ܡܸܠܝܹܐ ܙܵܢܝܘܼܬܵ‌ܐ ܠܹܐ ܫܵܠܝܼ ܡ̣ܢ ܚܛܝܼܬܵ‌ܐ، ܥܲܠܕܘܼܝܹܐ ܓܵܢܵܬܹ̈‌ܐ ܠܵܐ ܩܸܘܝܹܐ، ܠܸܒܵܝܗ‌ܝ ܡܸܠܝܵܐ ܛܲܡܲܥܟܵܪܘܼܬܵ‌ܐ، ܒܢܘܿܢܹ̈ܐ ܕܠܵܘܛܬܵ‌ܐ.

ܒ ܦܛܪܘܣ 2:19

ܩܲܘܘܼܠܹܐ ܝܢܵܐ ܐܸܠܵܝܗ‌ܝ ܚܹܐܪܘܼܬܵ‌ܐ، ܐܝܼܢܵܐ ܒܓܵܢܵܝܗ‌ܝ ܥܲܒ݂ܕܹ̈ܐ ܕܚܪܵܒ݂ܵܐ ܝܢܵܐ؛ ܣܵܒܵܒ ܐܢܵܫܵܐ ܥܲܒ݂ܕܵܐ ܝܠܹܗ ܠܟܠ ܡܸܢܕܝܼ ܕܓ݂ܵܠܹܒ ܐܸܠܹܗ.

ܒ ܦܛܪܘܣ 3:3

ܩܲܕܡܵܝܬܵ‌ܐ ܝܕܹܥܡܘܼܢ ܐܵܗܵܐ، ܕܒܝܵܘܡܵܢܹ̈ܐ ܐܚܵܪ̈ܵܝܹܐ ܒܸܬ ܐܵܬ‌ܝܼ ܡܲܣܚܸܪ̈ܵܢܹܐ، ܡܲܣܚܘܼܪܹܐ ܘܒܸܚܕܵܪܵܐ ܐܲܝܟ݂ ܫܲܗܘܲܬܝܵܬܵܝ̈ܗ‌ܝ.

ܝܗܘܕܐ 1:16

ܐܲܢܹܐ ܐܢܵܫܹ̈ܐ ܛܲܪ̈ܛܸܡܵܢܹܐ ܝܢܵܐ ܘܩܵܒ݂ܠܵܢܹ̈ܐ؛ ܒܸܪܚܵܛܵܐ ܝܢܵܐ ܒܵܬܪ ܫܲܗܘܲܬܝܵܬܵܝ̈ܗ‌ܝ، ܦܘܼܡܵܝܗ‌ܝ ܟܹܐ ܗܲܡܙܸܡ ܫܘܼܒ݂ܗܵܪܵܐ، ܘܟܹܐ ܚܵܩܪܝܼ ܠܐܚܹܪ̈ܢܹܐ ܩܵܐ ܝܘܼܬܪܵܢܵܐ ܕܓܵܢܵܝܗ‌ܝ.

ܝܗܘܕܐ 1:18

ܕܐܡܝܼܪܗܘܿܢ ܐܸܠܵܘܟ݂ܘܿܢ، ܕܒܙܲܒ݂ܢܹ̈ܐ ܐܚܵܪ̈ܵܝܹܐ ܒܸܬ ܩܵܝܡܝܼ ܡܲܣܚܸܪ̈ܵܢܹܐ ܘܒܸܬ ܪܵܚܛܝܼ ܒܵܬܪ ܫܲܗܘܲܬܝܵܬܹ̈‌ܐ ܕܥܵܘܠܵܐ ܕܓܵܢܵܝܗ‌ܝ.

ܓܠܝܢܐ 13:15

ܘܦܝܼܫ ܠܹܗ ܝܘܼܗܒ݂ܵܐ ܐܸܠܹܗ ܚܲܝܠܵܐ ܕܝܵܗܒܹܠ ܚܲܝܹ̈ܐ ܠܨܲܠܡܵܐ ܕܕܵܒܵܐ، ܗܵܕܟ݂ܵܐ ܕܨܲܠܡܵܐ ܕܕܵܒܵܐ ܐܘܼܦ ܡܵܨܹܐ ܗܲܡܙܸܡ، ܘܐܘܼܦ ܥܵܒܹܕ ܟܠܵܝܗ‌ܝ ܐܵܢܝܼ ܕܠܵܐ ܣܵܓ݂ܕܝܼ ܠܨܲܠܡܵܐ ܕܕܵܒܵܐ ܕܦܵܝܫܝܼ ܩܛܝܼܠܹܐ.

ܓܠܝܢܐ 13:17

ܗܵܕܟ݂ܵܐ ܕܐܘܼܦ ܚܲܕ ܠܵܐ ܡܵܨܹܐ ܙܵܒܹܢ ܝܲܢ ܙܲܒܸܢ، ܫܒ݂ܘܿܩ ܡ̣ܢ ܗ̇ܘ ܕܐܝܼܬ ܠܹܗ ܢܝܼܫܲܢܩܵܐ، ܕܝܼܠܹܗ ܫܸܡܵܐ ܕܕܵܒܵܐ، ܝܲܢ ܡܸܢܝܵܢܵܐ ܕܫܸܡܹܗ.

ܓܠܝܢܐ 16:6

ܣܵܒܵܒ ܫܘܼܦܸܟ݂ ܠܗܘܿܢ ܕܸܡܵܐ ܕܩܲܕܝܼܫܹ̈ܐ ܘܕܢܒ݂ܝܼܹ̈ܐ، ܘܕܸܡܵܐ ܝܘܼܗܒܹܠ ܠܘܼܟ݂ ܐܸܠܵܝܗ‌ܝ ܠܸܫܬܵܝܵܐ ܐܲܝܟ݂ ܕܝܼܢܵܐ ܚܫܝܼܚܹܐ.

ܓܠܝܢܐ 17:6

ܘܚܙܹܐ ܠܝܼ ܠܒܲܟ݂ܬܵ‌ܐ ܪܘܝܼܬܵ‌ܐ ܒܕܸܡܵܐ ܕܩܲܕܝܼܫܹ̈ܐ، ܘܒܕܸܡܵܐ ܕܐܵܢܝܼ ܕܝܘܼܗܒܹܠ ܠܗܘܿܢ ܣܵܗܕܘܼܬܵ‌ܐ ܒܘܼܬ ܝܼܫܘܿܥ. ܐܝܼܡܲܢ ܕܚܸܙܝܵܐ ܠܝܼ، ܥܘܼܓ̰ܸܒ ܠܝܼ ܥܘܼܓ̰ܵܒܵܐ ܓܘܼܪܵܐ.