ܒ ܛܝܡܬܐܘܣ 3:16 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

¹⁶ ܟܠܹܗ ܟܬܵܒ݂ܵܐ ܩܲܕܝܼܫܵܐ ܢܦܝܼܚܵܐ ܝܠܹܗ ܒܪܘܼܚܵܐ ܕܐܲܠܵܗܵܐ، ܘܡܵܪܹܐ ܝܘܼܬܪܵܢܵܐ ܝܠܹܗ ܠܝܘܼܠܦܵܢܵܐ، ܘܠܡܲܢܟܲܣܬܵ‌ܐ، ܘܠܬܘܼܪܵܨܵܐ، ܘܠܡܗܲܕܲܝܬܵ‌ܐ ܠܙܲܕܝܼܩܘܼܬܵ‌ܐ،

ܒ ܛܝܡܬܐܘܣ 3:16 Iomraidhean Croise

ܡܙܡܘܪܐ 119:11

ܓܵܘ ܠܸܒܝܼ ܛܘܼܫܝܵܐ ܠܝܼ ܗܹܡܸܙܡܵܢܘܼܟ݂، ܩܵܐ ܕܠܵܐ ܚܵܛܹܝܢ ܥܲܠܘܼܟ݂.

ܡܙܡܘܪܐ 119:130

ܦܬܵܚܬܵ‌ܐ ܕܚܲܒܪܘܼܟ݂ ܟܹܐ ܒܲܗܪܸܢܵܐ، ܟܹܐ ܡܲܦܪܸܡܵܐ ܠܗܘܿܢ ܦܫܝܼ̈ܛܹܐ.

ܡܙܡܘܪܐ 119:9

ܒܡܘܼܕܝܼ ܡܵܨܹܐ ܕܲܟܹܐ ܠܵܗ̇ ܥܠܲܝܡܵܐ ܐܘܼܪܚܹܗ؟ ܒܢܛܵܪܬܘܼܗ̇ ܐܲܝܟ݂ ܚܲܒܪܘܼܟ݂.

ܡܬ‌ܝ 13:52

ܐܡܝܼܪܹܗ ܐܸܠܵܝܗ‌ܝ: ”ܟܠ ܣܵܦܪܵܐ ܕܦܝܼܫܵܐ ܝܠܹܗ ܬܘܼܠܡܸܕܵܐ ܩܵܐ ܡܲܠܟܘܼܬܵ‌ܐ ܕܫܡܲܝܵܐ ܟܹܐ ܕܵܡܹܐ ܠܐܢܵܫܵܐ ܡܵܪܵܐ ܕܒܲܝܬܵ‌ܐ ܕܟܹܐ ܦܲܠܸܛ ܡ̣ܢ ܣܝܼܡܵܬܘܼ̈ܗ‌ܝ ܡܸܢܕܝܼܵܢܹ̈ܐ ܚܵܕܬܹ̈‌ܐ ܘܥܲܬܝܼܩܹ̈ܐ.“

ܡܬ‌ܝ 21:42

ܐܡܝܼܪܹܗ ܐܸܠܵܝܗ‌ܝ ܝܼܫܘܿܥ: ”ܗܵܐ ܠܵܐ ܩܪܹܐ ܠܵܘܟ݂ܘܿܢ ܒܟܬܵܒܹ̈ܐ، ܕܟܹܐܦܵܐ ܕܡܘܼܣܠܹܐ ܠܗܘܿܢ ܒܲܢܵܝܹ̈ܐ، ܗ̇ܘ ܗܘܹܐ ܠܹܗ ܟܹܐܦܵܐ ܕܩܘܼܪܢܝܼܬܵ‌ܐ؟ ܡ̣ܢ ܡܵܪܝܵܐ ܝܗܘܵܐ ܐܵܗܵܐ، ܘܥܘܼܓ̰ܵܒܵܐ ܝܠܹܗ ܒܥܲܝܢܲܢ̈.

ܡܬ‌ܝ 22:43

ܐܡܝܼܪܹܗ ܐܸܠܵܝܗ‌ܝ ܝܼܫܘܿܥ: ”ܒܵܣ ܕܵܐܟ݂ܝܼ ܕܵܘܝܼܕ ܒܪܘܼܚܵܐ ܒܸܩܪܵܝܹܗ ܝܠܹܗ ܡܵܪܝܵܐ، ܒܹܐܡܵܪܵܐ:

ܡܬ‌ܝ 26:54

”ܐܝܼܢܵܐ ܕܵܐܟ݂ܝܼ ܒܸܬ ܦܵܝܫܝܼ ܬܘܼܡܸܡܹܐ ܟܬܵܒܹ̈ܐ ܕܒܹܐܡܵܪܵܐ ܝܢܵܐ ܘܵܠܹܐ ܝܠܵܗ̇ ܕܗܵܕܟ݂ܵܐ ܗܵܘܹܐ؟“

ܡܬ‌ܝ 26:56

”ܐܝܼܢܵܐ ܐܵܗܵܐ ܟܠܵܗ̇ ܗܘܹܐ ܠܵܗ̇ ܕܦܵܝܫܝܼ ܬܘܼܡܸܡܹܐ ܟܬܵܒܹ̈ܐ ܕܢܒ݂ܝܼܹ̈ܐ.“ ܗ̇ܝܓܵܗ ܬܲܠܡܝܼ̈ܕܹܐ ܟܠܵܝܗ‌ܝ ܫܒ݂ܝܼܩ ܠܗܘܿܢ ܐܸܠܹܗ ܘܥܪܝܼܩ ܠܗܘܿܢ.

ܡܪܩܘܣ 12:24

ܓ̰ܘܼܘܸܒ ܠܹܗ ܐܸܠܵܝܗ‌ܝ ܝܼܫܘܿܥ: ”ܠܹܐ ܝܠܵܗ̇ ܒܘܼܬ ܐܵܗܵܐ ܒܸܚܠܵܛܵܐ ܝܬܘܿܢ ܕܠܹܐ ܝܬܘܿܢ ܒܝܼܕܵܥܵܐ ܟܬܵܒܹ̈ܐ ܘܠܵܐ ܚܲܝܠܵܐ ܕܐܲܠܵܗܵܐ؟

ܡܪܩܘܣ 12:36

”ܣܵܒܵܒ ܕܵܘܝܼܕ ܒܓܵܢܹܗ ܐܡܝܼܪܹܗ ܒܪܘܼܚܵܐ ܕܩܘܼܕܫܵܐ: ܐܡܝܼܪܹܗ ܡܵܪܝܵܐ ܠܡܵܪܝܼ، ’ܝܬܘܿܒ݂ ܡ̣ܢ ܝܲܡܝܼܢܝܼ ܗܲܠ ܕܡܲܬܒܸܢ ܕܸܫ̃ܡܸܢܘܼܟ݂ ܟܘܼܒ݂ܫܵܐ ܬܚܘܿܬ ܐܲܩܠܵܬܘܼ̈ܟ݂.‘

ܝܘܚܢܢ 10:35

”ܐܸܢ ܩܪܹܐ ܠܹܗ ܐܲܠܵܗܹ̈ܐ ܠܐܵܢܝܼ ܕܩܵܬܵܝܗ‌ܝ ܐܬܹ‌ܐ ܠܵܗ̇ ܗܹܡܸܙܡܵܢ ܕܐܲܠܵܗܵܐ، ܘܟܬܵܒ݂ܵܐ ܠܹܐ ܡܵܨܹܐ ܦܵܐܹܫ ܒܘܼܛܠܵܐ،

ܝܘܚܢܢ 3:20

ܟܠ ܕܥܵܒܹܕ ܒܝܼܫܵܬܹ̈‌ܐ ܟܹܐ ܣܵܢܹܐ ܠܒܲܗܪܵܐ، ܘܠܹܐ ܐܵܬܹ‌ܐ ܠܟܸܣ ܒܲܗܪܵܐ ܕܠܵܐ ܦܵܝܫܝܼ ܓܸܠܝܹܐ ܦܘܼܠܚܵܢܘܼ̈ܗ‌ܝ.

ܣܘܥܪ̈ܢܐ ܕܫܠܝܚ̈ܐ 1:16

”ܐܢܵܫܹ̈ܐ ܐܲܚܘܿܢܘܵܬܹ̈‌ܐ، ܘܵܠܹܐ ܝܗܘܵܐ ܕܦܵܐܹܫ ܗܘܵܐ ܬܘܼܡܸܡܵܐ ܟܬܵܒ݂ܵܐ، ܐܲܝܢܝܼ ܕܪܘܼܚܵܐ ܕܩܘܼܕܫܵܐ ܡ̣ܢ ܩܲܕܡܵܝܬܵ‌ܐ ܗܘܼܡܙܸܡ ܠܹܗ ܒܦܘܼܡܵܐ ܕܕܵܘܝܼܕ ܒܘܼܬ ܝܼܗܘܼܕܵܐ، ܗ̇ܘ ܕܠܘܼܒܸܠ ܠܹܗ ܠܐܵܢܝܼ ܕܕܒ݂ܝܼܩ ܠܗܘܿܢ ܠܝܼܫܘܿܥ ܠܗ̇ܝ ܕܘܼܟܵܐ ܕܬܵܡܵܐ ܝܗܘܵܐ ܝܼܫܘܿܥ.

ܣܘܥܪ̈ܢܐ ܕܫܠܝܚ̈ܐ 18:25

ܦܝܼܫܵܐ ܝܗܘܵܐ ܬܘܼܠܡܸܕܵܐ ܒܐܘܼܪܚܵܐ ܕܡܵܪܝܵܐ، ܘܚܲܡܝܼܡܵܐ ܝܗܘܵܐ ܒܪܘܼܚܵܐ، ܘܟܹܐ ܗܲܡܙܸܡ ܗܘܵܐ ܘܡܲܠܸܦ ܗܘܵܐ ܒܡܸܠܝܘܼܬܵ‌ܐ ܒܘܼܬ ܝܼܫܘܿܥ، ܐܵܦܸܢ ܕܠܹܐ ܝܵܕܹܥ ܗܘܵܐ ܫܒ݂ܘܿܩ ܡ̣ܢ ܡܲܥܡܘܿܕܝܼܬܵ‌ܐ ܕܝܘܿܚܲܢܵܢ.

ܣܘܥܪ̈ܢܐ ܕܫܠܝܚ̈ܐ 20:20

”ܘܠܵܐ ܚܣܝܼܟ݂ ܠܝܼ ܕܡܲܟܪܸܙܸܢ ܗܘܵܐ ܐܸܠܵܘܟ݂ܘܿܢ ܡܸܢܕܝܼ ܕܐܝܼܬ ܠܹܗ ܝܘܼܬܪܵܢܵܐ، ܘܕܡܲܠܦܸܢ ܗܘܵܐ ܠܵܘܟ݂ܘܿܢ ܓܲܠܝܵܐܝܼܬ، ܘܡ̣ܢ ܒܲܝܬܵ‌ܐ ܠܒܲܝܬܵ‌ܐ،

ܣܘܥܪ̈ܢܐ ܕܫܠܝܚ̈ܐ 20:27

”ܣܵܒܵܒ ܠܵܐ ܫܠܹܐ ܠܝܼ ܡ̣ܢ ܠܡܲܕܘܼܥܵܘܟ݂ܘܿܢ ܟܠܹܗ ܨܸܒ݂ܝܵܢܵܐ ܕܐܲܠܵܗܵܐ.

ܣܘܥܪ̈ܢܐ ܕܫܠܝܚ̈ܐ 28:25

ܠܵܐ ܣܘܼܙܓܸܪܗܘܿܢ ܡܥܘܼܕܵܠܹܐ، ܘܦܠܝܼܛ ܠܗܘܿܢ ܡ̣ܢ ܒܵܬܪ ܕܦܵܘܠܘܿܣ ܐܡܝܼܪܹܗ ܐܲܢܹܐ ܗܹܡܸܙܡܵܢܹ̈ܐ: ”ܫܲܪܝܼܪܵܐܝܼܬ ܗܘܼܡܙܸܡ ܠܹܗ ܪܘܼܚܵܐ ܕܩܘܼܕܫܵܐ ܠܐܲܒ݂ܵܗܵܬܵܘ̈ܟ݂ܘܿܢ ܒܝܲܕ ܐܹܫܲܥܝܵܐ ܢܒ݂ܝܼܵܐ، ܒܹܐܡܵܪܵܐ:

ܪ̈ܗܘܡܝܐ 15:4

ܡܸܢܕܝܼܵܢܹ̈ܐ ܕܦܝܼܫܹܐ ܝܗܘܵܘ ܟܬܝܼܒܹܐ ܡ̣ܢ ܩܲܕܡܵܝܬܵ‌ܐ ܦܝܼܫܹܐ ܝܗܘܵܘ ܟܬܝܼܒܹܐ ܠܡܲܠܲܦܬܲܢ، ܕܗܵܘܹܐ ܠܲܢ ܗܹܒ݂ܝܼ ܒܝܲܕ ܚܡܵܠܬܵ‌ܐ ܘܝܵܗܒ݂ܵܠܬܵ‌ܐ ܕܠܸܒܵܐ ܡ̣ܢ ܟܬܵܒܹ̈ܐ ܩܲܕܝܼܫܹ̈ܐ.

ܪ̈ܗܘܡܝܐ 2:20

ܘܬܲܠܡܸܕܵܢܵܐ ܕܣܲܟ݂ܠܹ̈ܐ، ܘܡܲܠܦܵܢܵܐ ܕܝܲܠܘܼܕܹ̈ܐ، ܣܵܒܵܒ ܐܝܼܬ ܠܘܼܟ݂ ܕܘܼܡܝܵܐ ܕܝܕܵܥܬܵ‌ܐ ܘܕܫܪܵܪܵܐ ܒܢܵܡܘܿܣܵܐ،

ܪ̈ܗܘܡܝܐ 3:2

ܪܵܒܵܐ ܒܟܠ ܐܘܼܪܚܵܐ، ܣܵܒܵܒ ܩܲܕܡܵܝܬܵ‌ܐ ܦܝܼܫ ܠܗܘܿܢ ܝܘܼܗܒܹܐ ܐܸܠܵܝܗ‌ܝ ܗܹܡܸܙܡܵܢܹ̈ܐ ܕܐܲܠܵܗܵܐ.

ܪ̈ܗܘܡܝܐ 4:23

ܠܹܐ ܝܗܘܵܐ ܐܲܚܟ̰ܝܼ ܒܘܼܬ ܚܵܬܸܪ ܕܝܼܹܗ ܕܦܝܼܫ ܠܵܗ̇ ܐܡܝܼܪܬܵ‌ܐ ܐܵܗܵܐ،

ܐ ܩܘܪ̈ܢܬܝܐ 12:7

ܐܝܼܢܵܐ ܩܵܐ ܟܠ ܐܢܵܫܵܐ ܦܝܼܫܵܐ ܝܠܹܗ ܝܘܼܗܒ݂ܵܐ ܓܸܠܝܵܢܵܐ ܕܪܘܼܚܵܐ ܠܝܘܼܬܪܵܢܵܐ ܟܠܵܢܵܝܵܐ،

ܓܠܛܝ̈ܐ 3:8

ܟܲܕ ܟܬܵܒ݂ܵܐ ܡ̣ܢ ܩܲܕܡܵܝܬܵ‌ܐ ܢܘܼܒܹܐ ܠܹܗ ܕܐܲܠܵܗܵܐ ܒܸܬ ܡܲܟܫܸܛ ܗܘܵܐ ܠܐܸܡܘܵܬܹ̈‌ܐ ܒܝܲܕ ܗܲܝܡܵܢܘܼܬܵ‌ܐ، ܩܵܕܝܼܡܵܐܝܼܬ ܡܘܼܫܚܸܕ ܠܹܗ ܐܹܘܲܢܓܲܠܝܼܘܿܢ ܠܐܲܒ݂ܪܵܗܵܡ ܒܹܐܡܵܪܵܐ: ”ܒܝܼܘܼܟ݂ ܒܸܬ ܦܵܝܫܝܼ ܡܒܘܼܪܟܹܐ ܟܠܵܝܗ‌ܝ ܐܸܡܘܵܬܹ̈‌ܐ.“

ܒ ܛܝܡܬܐܘܣ 2:25

ܒܡܲܟܝܼܟ݂ܘܼܬܵ‌ܐ ܡܲܠܘܼܦܹܐ ܠܕܲܠܩܘܼܒ݂ܠܵܝܹ̈ܐ. ܩܵܘܡܵܐ ܕܐܲܠܵܗܵܐ ܝܵܗܒܹܠ ܠܗܘܿܢ ܬܝܵܒ݂ܘܼܬܵ‌ܐ ܕܝܵܕܥܝܼ ܠܫܪܵܪܵܐ،

ܒ ܛܝܡܬܐܘܣ 4:2

ܡܲܟܪܸܙ ܗܹܡܸܙܡܵܢ، ܒܸܚܦܵܛܵܐ ܒܙܲܒ݂ܢܵܐ ܘܠܵܐ ܒܙܲܒ݂ܢܵܐ؛ ܡܲܢܟܸܣ، ܡܲܪܥܸܫ، ܗܲܒ݂ܠ ܠܸܒܵܐ ܒܟܠܵܗ̇ ܚܡܵܠܬܵ‌ܐ ܘܒܡܲܠܲܦܬܵ‌ܐ.

ܥܒ݂ܪ̈ܝܐ 11:1

ܗܲܝܡܵܢܘܼܬܵ‌ܐ ܬܘܼܟ݂ܠܵܢܵܐ ܝܠܵܗ̇ ܒܘܼܬ ܡܸܢܕܝܼܵܢܹ̈ܐ ܕܐܝܼܬ ܗܹܒ݂ܝܼ ܥܲܠܵܝܗ‌ܝ، ܘܫܘܼܪܵܪܵܐ ܒܘܼܬ ܡܸܢܕܝܼܵܢܹ̈ܐ ܕܠܹܐ ܦܵܝܫܝܼ ܚܸܙܝܹܐ.

ܥܒ݂ܪ̈ܝܐ 3:7

ܒܘܼܬ ܐܵܗܵܐ ܒܹܐܡܵܪܵܐ ܝܠܹܗ ܪܘܼܚܵܐ ܕܩܘܼܕܫܵܐ: ܐܸܕܝܘܿܡ ܐܸܢ ܫܵܡܥܝܼܬܘܿܢ ܩܵܠܹܗ،

ܥܒ݂ܪ̈ܝܐ 4:12

ܣܵܒܵܒ ܚܵܝܬܵ‌ܐ ܝܠܵܗ̇ ܗܹܡܸܙܡܵܢ ܕܐܲܠܵܗܵܐ ܘܚܲܝܠܵܢܬܵ‌ܐ ܝܠܵܗ̇، ܘܒܘܼܫ ܚܲܪܝܼܦܬܵ‌ܐ ܝܠܵܗ̇ ܡ̣ܢ ܟܠ ܣܲܝܦܵܐ ܕܬܪܹܝ ܦܘܼܡܵܢܹ̈ܐ. ܟܹܐ ܥܵܒ݂ܪܵܐ ܗܲܠ ܦܪܵܫܬܵ‌ܐ ܕܓܵܢܵܐ ܘܕܪܘܼܚܵܐ، ܘܕܘܲܪ̈ܝܼܕܹܐ ܘܕܡܘܼܚܵܐ ܘܕܓܲܪ̈ܡܹܐ، ܘܟܹܐ ܕܵܝܢܵܐ ܚܘܼܫܵܒܹ̈ܐ ܘܪܸ̈ܥܝܵܢܹܐ ܕܠܸܒܵܐ.