ܒ ܛܝܡܬܐܘܣ 1:8 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

⁸ ܒܘܼܬ ܐܵܗܵܐ ܠܵܐ ܢܵܟ݂ܦܹܬ ܠܝܼܵܗܒ݂ܵܐ ܣܵܗܕܘܼܬܵ‌ܐ ܒܘܼܬ ܡܵܪܲܢ، ܘܐܘܼܦ ܠܵܐ ܒܝܼܝܼ ܕܝܼܘܸܢ ܐܲܣܝܼܪܹܗ، ܐܸܠܵܐ ܗܘܝܼ ܫܲܪܝܼܟܵܐ ܒܓ̰ܘܼܢܓ̰ܵܪܹ̈ܐ ܒܘܼܬ ܚܵܬܸܪ ܕܐܹܘܲܢܓܲܠܝܼܘܿܢ ܐܲܝܟ݂ ܕܐܲܠܵܗܵܐ ܝܵܗܒܹܠ ܠܘܼܟ݂ ܚܲܝܠܵܐ،

ܒ ܛܝܡܬܐܘܣ 1:8 Iomraidhean Croise

ܡܙܡܘܪܐ 119:46

ܘܒܸܬ ܗܲܡܙܸܡܸܢ ܒܘܼܬ ܣܵܗܕܘܵܬܘܼ̈ܟ݂ ܩܲܕܡ ܡܲܠܟܹ̈ܐ، ܘܠܹܐ ܢܵܟ݂ܦܹܢ.

ܡܙܡܘܪܐ 19:7

ܢܵܡܘܿܣܵܐ ܕܡܵܪܝܵܐ ܬܲܡܝܼܡܵܐ ܝܠܹܗ، ܡܲܕܸܪܵܢܵܐ ܕܓܵܢܵܐ، ܣܵܗܕܘܼܬܵ‌ܐ ܕܡܵܪܝܵܐ ܡܗܲܝܡܵܢܬܵ‌ܐ ܝܠܵܗ̇، ܟܹܐ ܥܵܒ݂ܕܵܐ ܚܲܟܝܼܡܵܐ ܠܦܫܝܼ̈ܛܹܐ.

ܡܪܩܘܣ 8:38

”ܟܠ ܡ̇ܢ ܕܢܵܟܹܦ ܒܝܼܝܼ ܘܒܗܹܡܸܙܡܵܢܝܼ̈ ܓܵܘ ܐܵܗܵܐ ܫܲܪܒܬܵ‌ܐ ܚܲܛܵܝܬܵ‌ܐ ܘܓܲܝܵܪܬܵ‌ܐ، ܐܘܼܦ ܒܪܘܿܢܵܐ ܕܐܢܵܫܵܐ ܒܸܬ ܢܵܟܹܦ ܒܝܼܹܗ ܐܝܼܡܲܢ ܕܐܵܬܹ‌ܐ ܒܫܘܼܒ݂ܚܵܐ ܕܒܵܒܘܼܗ‌ܝ ܥܲܡ ܡܲܠܲܐܟ݂ܘܼ̈ܗ‌ܝ ܩܲܕܝܼܫܹ̈ܐ.“

ܠܘܩܐ 9:26

”ܡ̇ܢ ܕܢܵܟܹܦ ܒܝܼܝܼ ܘܒܗܹܡܸܙܡܵܢܝܼ̈، ܒܸܬ ܢܵܟܹܦ ܒܝܼܹܗ ܒܪܘܿܢܵܐ ܕܐܢܵܫܵܐ ܐܝܼܡܲܢ ܕܐܵܬܹ‌ܐ ܒܫܘܼܒ݂ܚܵܐ ܕܒܵܒܘܼܗ‌ܝ، ܥܲܡ ܡܲܠܲܐܟ݂ܘܼ̈ܗ‌ܝ ܩܲܕܝܼܫܹ̈ܐ.

ܝܘܚܢܢ 15:27

”ܐܘܼܦ ܐܲܚܬܘܿܢ ܒܸܬ ܝܵܗܒ݂ܝܼܬܘܿܢ ܣܵܗܕܘܼܬܵ‌ܐ ܒܘܼܬ ܕܝܼܝܼ، ܣܵܒܵܒ ܗܘܹܐ ܠܵܘܟ݂ܘܿܢ ܥܲܡܝܼ ܗܵܐ ܡ̣ܢ ܫܘܼܪܵܝܵܐ.

ܝܘܚܢܢ 19:35

ܗ̇ܘ ܕܚܙܹܐ ܠܹܗ ܐܲܢܹܐ ܒܝܼܵܗܒ݂ܵܐ ܝܠܹܗ ܣܵܗܕܘܼܬܵ‌ܐ ܕܐܲܚܬܘܿܢ ܗܲܡܸܢܝܼܬܘܿܢ، ܘܣܵܗܕܘܼܬܹܗ ܫܲܪܝܼܪܬܵ‌ܐ ܝܠܵܗ̇. ܗ̇ܘ ܒܝܼܕܵܥܵܐ ܝܠܹܗ ܕܫܪܵܪܵܐ ܗܲܡܙܘܼܡܹܐ ܝܠܹܗ.

ܣܘܥܪ̈ܢܐ ܕܫܠܝܚ̈ܐ 5:41

ܘܦܠܝܼܛ ܠܗܘܿܢ ܫܠܝܼܚܹ̈ܐ ܡ̣ܢ ܩܲܕܡ ܟܢܘܼܫܝܵܐ ܚܸܕܝܹܐ ܣܵܒܵܒ ܚܫܝܼܚܹܐ ܝܗܘܵܘ ܕܦܵܝܫܝܼ ܝܗܘܵܘ ܡܘܼܣܠܝܼܹܐ ܒܘܼܬ ܫܸܡܵܐ ܕܝܼܫܘܿܥ.

ܪ̈ܗܘܡܝܐ 1:16

ܣܵܒܵܒ ܠܹܐ ܝܘܸܢ ܒܸܢܟ݂ܵܦܵܐ ܒܐܹܘܲܢܓܲܠܝܼܘܿܢ ܣܵܒܵܒ ܚܲܝܠܵܐ ܕܐܲܠܵܗܵܐ ܝܠܹܗ ܩܵܐ ܦܘܼܪܩܵܢܵܐ ܕܟܠ ܕܗܲܡܸܢ، ܩܲܕܡܵܝܬܵ‌ܐ ܠܝܗܘܼܕܵܝܹ̈ܐ ܘܗ̇ܝܓܵܗ ܠܝܵܘܢܵܝܹ̈ܐ.

ܪ̈ܗܘܡܝܐ 16:25

ܘܐܵܕܝܼܵܐ ܠܗ̇ܘ ܕܡܵܨܹܐ ܡܲܩܘܹܐ ܠܵܘܟ݂ܘܿܢ ܒܐܹܘܲܢܓܲܠܝܼܘܿܢ ܕܝܼܝܼ، ܘܒܡܲܟܪܲܙܬܵ‌ܐ ܒܘܼܬ ܝܼܫܘܿܥ ܡܫܝܼܚܵܐ ܘܓܸܠܝܵܢܵܐ ܕܐܪܵܙܵܐ ܕܛܸܫܝܵܐ ܝܗܘܵܐ ܗܵܐ ܡ̣ܢ ܙܲܒ݂ܢܹ̈ܐ ܥܲܬܝܼܩܹ̈ܐ ܕܕܲܥܒܲܪ،

ܪ̈ܗܘܡܝܐ 8:36

ܐܲܝܟ݂ ܕܝܼܠܹܗ ܟܬܝܼܒ݂ܵܐ: ܒܘܼܬ ܕܝܼܘܼܟ݂ ܦܝܵܫܵܐ ܝܘܲܚ ܩܛܝܼܠܹܐ ܟܠܹܗ ܝܵܘܡܵܐ، ܐܲܝܟ݂ ܥܸܪ̈ܒܹܐ ܠܦܪܵܡܬܵ‌ܐ ܦܝܼܫܹܐ ܝܘܲܚ ܚܘܼܫܒܸܢܹܐ.

ܪ̈ܗܘܡܝܐ 9:33

ܕܵܐܟ݂ܝܼ ܕܝܼܠܹܗ ܟܬܝܼܒ݂ܵܐ: ܒܸܬ ܡܲܬܒܸܢ ܓܵܘ ܨܸܗܝܘܿܢ ܟܹܐܦܵܐ ܕܬܲܪܩܲܠܬܵ‌ܐ، ܘܩܵܝܵܐ ܕܢܦܵܠܬܵ‌ܐ، ܘܡ̇ܢ ܕܗܲܡܸܢ ܒܝܼܹܗ ܠܹܐ ܢܵܟܹܦ.

ܐ ܩܘܪ̈ܢܬܝܐ 1:6

ܘܣܵܒܵܒ ܣܵܗܕܘܼܬܵ‌ܐ ܒܘܼܬ ܡܫܝܼܚܵܐ ܦܝܼܫ ܠܵܗ̇ ܡܘܼܩܘܝܼܬܵ‌ܐ ܒܝܼܵܘܟ݂ܘܿܢ.

ܒ ܩܘܪ̈ܢܬܝܐ 6:7

ܒܗܹܡܸܙܡܵܢ ܫܲܪܝܼܪܬܵ‌ܐ، ܒܚܲܝܠܵܐ ܕܐܲܠܵܗܵܐ، ܒܙܲܝܢܵܐ ܕܙܲܕܝܼܩܘܼܬܵ‌ܐ ܒܐܝܼܕܵܐ ܕܝܲܡܝܼܢܵܐ ܘܒܐܝܼܕܵܐ ܕܣܸܡܵܠܵܐ،

ܐܦܣܝ̈ܐ 3:1

ܒܘܼܬ ܐܵܗܵܐ، ܐܵܢܵܐ ܦܵܘܠܘܿܣ، ܐܲܣܝܼܪܵܐ ܝܘܸܢ ܕܝܼܫܘܿܥ ܡܫܝܼܚܵܐ ܒܘܼܬ ܕܝܼܵܘܟ݂ܘܿܢ ܐܸܡܘܵܬܹ̈‌ܐ،

ܐܦܣܝ̈ܐ 3:13

ܒܘܼܬ ܐܵܗܵܐ ܒܸܛܠܵܒܵܐ ܝܘܸܢ ܡܸܢܵܘܟ݂ܘܿܢ ܕܠܵܐ ܣܵܩܕܝܼܬܘܿܢ ܡ̣ܢ ܐܘܼܠܨܵܢܝܼ̈ ܒܘܼܬ ܕܝܼܵܘܟ݂ܘܿܢ، ܕܝܼܢܵܐ ܚܸܩܪܵܐ ܐܸܠܵܘܟ݂ܘܿܢ.

ܐܦܣܝ̈ܐ 4:1

ܒܘܼܬ ܐܵܗܵܐ ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ، ܐܵܢܵܐ ܐܲܣܝܼܪܵܐ ܒܘܼܬ ܚܵܬܸܪ ܕܡܵܪܝܵܐ، ܕܚܵܝܹܝܬܘܿܢ ܚܲܝܹ̈ܐ ܚܫܝܼܚܹ̈ܐ ܠܩܪܵܝܬܵ‌ܐ ܕܒܝܼܘܼܗ̇ ܦܝܼܫ ܠܵܘܟ݂ܘܿܢ ܩܸܪܝܹܐ.

ܐܦܣܝ̈ܐ 4:17

ܗܵܕܟ݂ܵܐ ܐܵܗܵܐ ܒܹܐܡܵܪܵܐ ܝܘܸܢ ܘܒܸܣܗܵܕܵܐ ܝܘܸܢ ܒܡܵܪܝܵܐ، ܕܠܵܐ ܗܵܘܹܝܬܘܿܢ ܐܚܹܪܢܵܐ ܒܸܚܵܝܵܐ ܐܲܝܟ݂ ܐܸܡܘܵܬܹ̈‌ܐ ܐܚܹܪ̈ܢܹܐ ܕܒܸܚܵܝܵܐ ܝܢܵܐ ܒܣܪܝܼܩܘܼܬܵ‌ܐ ܕܪܸܥܝܵܢܵܝܗ‌ܝ.

ܦܝܠܝܦܣܝ̈ܐ 1:7

ܐܝܼܬ ܠܝܼ ܗܵܩܘܼܬܵ‌ܐ ܕܚܵܫܒܹܢ ܗܵܕܟ݂ܵܐ ܒܘܼܬ ܟܠܵܘܟ݂ܘܿܢ، ܣܵܒܵܒ ܓܵܘ ܠܸܒܝܼ ܝܬܘܿܢ. ܐܸܢ ܒܐܸܣܘܼܪܹ̈ܐ، ܘܐܸܢ ܒܝܵܗܒ݂ܵܠܬܵ‌ܐ ܕܓ̰ܘܼܘܵܒ ܘܒܡܲܩܘܲܝܬܵ‌ܐ ܕܐܹܘܲܢܓܲܠܝܼܘܿܢ، ܟܠܵܘܟ݂ܘܿܢ ܫܲܪ̈ܝܼܟܹܐ ܝܬܘܿܢ ܥܲܡܝܼ ܒܫܵܦܵܩܲܬ.

ܦܝܠܝܦܣܝ̈ܐ 3:10

ܕܝܵܕܥܹܢܹܗ، ܘܚܲܝܠܵܐ ܕܩܝܵܡܬܹܗ، ܘܫܲܪܝܼܟܘܼܬܵ‌ܐ ܕܚܲܫܘܼ̈ܗ‌ܝ، ܘܦܵܝܫܹܢ ܕܘܼܡܝܵܐ ܥܲܠܘܼܗ‌ܝ ܒܡܵܘܬܹܗ،

ܦܝܠܝܦܣܝ̈ܐ 4:13

ܡܵܨܹܝܢ ܥܵܒ݂ܕܹܢ ܟܠܵܝܗ‌ܝ ܡܸܢܕܝܼܵܢܹ̈ܐ ܒܡܫܝܼܚܵܐ ܕܟܹܐ ܚܲܠܸܢܝܼ.

ܩܘܠܣܝ̈ܐ 1:11

ܘܕܒܟܠ ܚܲܝܠܵܐ ܦܵܝܫܝܼܬܘܿܢ ܚܘܼܠܸܢܹܐ ܐܲܝܟ݂ ܪܲܒܘܼܬܵ‌ܐ ܕܫܘܼܒ݂ܚܹܗ، ܕܗܵܘܹܐ ܠܵܘܟ݂ܘܿܢ ܚܡܵܠܬܵ‌ܐ ܘܡܲܪܝܲܟ݂ܬܵ‌ܐ ܕܒܹܐܢܵܐ ܥܲܡ ܚܲܕܘܼܬܵ‌ܐ،

ܩܘܠܣܝ̈ܐ 1:24

ܐܵܕܝܼܵܐ ܒܸܚܕܵܝܵܐ ܝܘܸܢ ܒܐܘܼܠܨܵܢܝܼ̈ ܒܘܼܬ ܕܝܼܵܘܟ݂ܘܿܢ، ܘܡܲܟܡܘܼܠܹܐ ܝܘܸܢ ܒܦܲܓ݂ܪܝܼ ܒܵܨܘܿܪܘܼܬܵ‌ܐ ܕܐܘܼܠܨܵܢܹ̈ܐ ܕܡܫܝܼܚܵܐ، ܒܘܼܬ ܚܵܬܸܪ ܕܦܲܓ݂ܪܹܗ، ܕܝܼܠܹܗ ܥܹܕܬܵ‌ܐ.

ܐ ܬܣܠܘܢܝܩܝ̈ܐ 3:4

ܣܵܒܵܒ ܐܘܼܦ ܐܝܼܡܲܢ ܕܝܼܘܲܚ ܗܘܵܘ ܥܲܡܵܘܟ݂ܘܿܢ، ܐܡܝܼܪܲܢ ܐܸܠܵܘܟ݂ܘܿܢ ܩܲܕܡܵܝܬܵ‌ܐ ܕܒܸܬ ܦܵܝܫܲܚ ܡܘܼܠܝܸܨܹܐ؛ ܘܗܘܹܐ ܠܵܗ̇ ܗܵܕܟ݂ܵܐ، ܐܲܝܟ݂ ܕܒܝܼܕܵܥܵܐ ܝܬܘܿܢ.

ܐ ܛܝܡܬܐܘܣ 2:6

ܗ̇ܘ ܕܝܘܼܗܒܹܠ ܠܹܗ ܓܵܢܹܗ ܦܘܼܪܩܵܢܵܐ ܡ̣ܢ ܓܹܒܵܐ ܕܟܠܵܝܗ‌ܝ ܐܢܵܫܹ̈ܐ، ܣܵܗܕܘܼܬܵ‌ܐ ܕܦܝܼܫ ܠܵܗ̇ ܝܘܼܗܒܹܠܬܵ‌ܐ ܒܙܲܒ݂ܢܵܐ ܕܓܵܢܘܼܗ̇.

ܒ ܛܝܡܬܐܘܣ 1:10

ܐܝܼܢܵܐ ܐܵܕܝܼܵܐ ܦܝܼܫ ܠܵܗ̇ ܓܠܝܼܬܵ‌ܐ ܒܓܸܠܝܵܢܵܐ ܕܦܵܪܘܿܩܲܢ ܝܼܫܘܿܥ ܡܫܝܼܚܵܐ، ܗ̇ܘ ܕܒܘܼܛܸܠ ܠܹܗ ܠܡܵܘܬܵ‌ܐ ܘܡܘܼܚܙܹܐ ܠܹܗ ܚܲܝܹ̈ܐ ܘܠܵܐ ܚܪܵܒ݂ܬܵ‌ܐ ܒܐܹܘܲܢܓܲܠܝܼܘܿܢ.

ܒ ܛܝܡܬܐܘܣ 1:12

ܒܘܼܬ ܐܵܗܵܐ ܩܲܒܘܼܠܵܝ ܝܘܸܢ ܐܲܢܹܐ، ܐܝܼܢܵܐ ܠܹܐ ܝܘܸܢ ܒܸܢܟ݂ܵܦܵܐ، ܣܵܒܵܒ ܟܹܐ ܝܵܕܥܹܢ ܒܡܵܢܝܼ ܗܘܼܡܸܢܵܐ ܝܘܸܢ، ܘܚܵܬܸܪܓ̰ܲܡܥ ܝܼܘܸܢ ܕܟܹܐ ܡܵܨܹܐ ܢܵܛܹܪ ܗܲܝܡܲܢܬ‌ܝܼ ܗܲܠ ܗ̇ܘ ܝܵܘܡܵܐ.

ܒ ܛܝܡܬܐܘܣ 1:16

ܡܵܪܲܢ ܡܲܚܙܹܐ ܪ̈ܲܚܡܹܐ ܠܒܲܝܬܵ‌ܐ ܕܐܵܢܹܣܝܼܦܵܪܘܿܣ، ܣܵܒܵܒ ܩܵܡ ܡܲܢܝܸܚ ܠܝܼ ܪܵܒܵܐ ܓܵܗܹ̈ܐ، ܘܠܵܐ ܢܟ݂ܝܼܦ ܠܹܗ ܒܫܸܫܠܵܬ‌ܝܼ̈،

ܒ ܛܝܡܬܐܘܣ 2:3

ܗܘܝܼ ܫܲܪܝܼܟܵܐ ܒܓ̰ܘܼܢܓ̰ܵܪܹ̈ܐ ܐܲܝܟ݂ ܕܲܚܫܵܐ ܛܵܒ݂ܵܐ ܕܝܼܫܘܿܥ ܡܫܝܼܚܵܐ.

ܒ ܛܝܡܬܐܘܣ 2:8

ܕܟ݂ܘܿܪ ܠܝܼܫܘܿܥ ܡܫܝܼܚܵܐ ܡ̣ܢ ܙܲܪܥܵܐ ܕܕܵܘܝܼܕ، ܗ̇ܘ ܕܩܝܼܡ ܠܹܗ ܡ̣ܢ ܓܵܘ ܡܝܼ̈ܬܹ‌ܐ. ܐܵܗܵܐ ܝܠܹܗ ܐܹܘܲܢܓܲܠܝܼܘܿܢ ܕܝܼܝܼ.

ܒ ܛܝܡܬܐܘܣ 2:9

ܒܘܼܬ ܐܵܗܵܐ ܐܹܘܲܢܓܲܠܝܼܘܿܢ ܩܲܒܘܼܠܹܐ ܝܘܸܢ ܓ̰ܘܼܢܓ̰ܵܪܹ̈ܐ ܗܲܠ ܕܡܵܛܝܵܐ ܐܘܼܦ ܠܐܸܣܘܼܪܹ̈ܐ ܐܲܝܟ݂ ܚܲܕ ܥܵܒ݂ܕܵܢܵܐ ܕܒܝܼܫܵܬܹ̈‌ܐ، ܐܣܝܼܪܵܐ ܒܫܸܫܠܵܬܹ̈‌ܐ. ܐܝܼܢܵܐ ܗܹܡܸܙܡܵܢ ܕܐܲܠܵܗܵܐ ܠܹܐ ܝܠܵܗ̇ ܐܣܝܼܪܬܵ‌ܐ.

ܒ ܛܝܡܬܐܘܣ 4:17

ܐܝܼܢܵܐ ܡܵܪܲܢ ܟܠܹܐ ܠܹܗ ܒܕܸܦܢܝܼ ܘܩܵܡ ܚܲܠܸܢܝܼ، ܗܵܕܟ݂ܵܐ ܕܡܲܟܪܲܙܬܵ‌ܐ ܒܝܼܝܼ ܦܵܝܫܵܐ ܬܘܼܡܸܡܬܵ‌ܐ، ܘܟܠܵܝܗ‌ܝ ܐܸܡܘܵܬܹ̈‌ܐ ܫܵܡܥܝܼ. ܘܦܝܼܫ ܠܝܼ ܦܘܼܨܝܵܐ ܡ̣ܢ ܦܘܼܡܵܐ ܕܐܲܪܝܵܐ.

ܒ ܛܝܡܬܐܘܣ 4:5

ܐܝܼܢܵܐ ܐܲܢ݇ܬ، ܗܘܝܼ ܪܥܝܼܫܵܐ ܒܟܠܵܝܗ‌ܝ ܡܸܢܕܝܼܵܢܹ̈ܐ، ܩܲܒܸܠ ܓ̰ܘܼܢܓ̰ܵܪܹ̈ܐ، ܦܠܘܿܚ ܦܘܼܠܚܵܢܵܐ ܕܚܲܕ ܡܲܟܪܸܙܵܢܵܐ، ܘܡܲܟܡܸܠ ܠܚܸܠܡܲܬܘܼܟ݂.

ܐ ܦܛܪܘܣ 1:5

ܐܲܚܬܘܿܢ ܕܦܝܼܫܹܐ ܝܬܘܿܢ ܢܛܝܼܪܹܐ ܒܚܲܝܠܵܐ ܕܐܲܠܵܗܵܐ ܒܝܲܕ ܗܲܝܡܵܢܘܼܬܵ‌ܐ ܠܦܘܼܪܩܵܢܵܐ ܕܝܼܠܹܗ ܗܕܝܼܪܵܐ ܕܦܵܐܹܫ ܓܸܠܝܵܐ ܒܙܲܒ݂ܢܵܐ ܐܚܵܪܵܝܵܐ.

ܐ ܝܘܚܢܢ 4:14

ܘܐܲܚܢܲܢ ܚܙܹܐ ܠܲܢ ܘܒܝܼܵܗܒ݂ܵܐ ܝܘܲܚ ܣܵܗܕܘܼܬܵ‌ܐ ܕܒܵܒܵܐ ܫܘܼܕܸܪܹܗ ܠܒܪܘܿܢܵܐ ܕܗܵܘܹܐ ܦܵܪܘܿܩܵܐ ܕܥܵܠܡܵܐ.

ܝܗܘܕܐ 1:24

ܘܐܵܕܝܼܵܐ ܠܗ̇ܘ ܕܡܵܨܹܐ ܢܵܛܹܪܵܘܟ݂ܘܿܢ ܡ̣ܢ ܢܦܵܠܬܵ‌ܐ ܘܡܲܟܠܹܐ ܠܵܘܟ݂ܘܿܢ ܩܲܕܡ ܚܸܩܪܹܗ ܕܠܵܐ ܡܘܼܡܵܐ ܘܒܚܲܕܘܼܬܵ‌ܐ ܓܘܼܪܬܵ‌ܐ،

ܓܠܝܢܐ 1:2

ܗ̇ܘ ܕܣܗܝܼܕ ܠܹܗ ܠܗܹܡܸܙܡܵܢ ܕܐܲܠܵܗܵܐ ܘܠܣܵܗܕܘܼܬܵ‌ܐ ܕܝܼܫܘܿܥ ܡܫܝܼܚܵܐ، ܠܟܠ ܡܸܢܕܝܼ ܕܚܙܹܐ ܠܹܗ.

ܓܠܝܢܐ 1:9

ܐܵܢܵܐ ܝܘܿܚܲܢܵܢ، ܐܲܚܘܿܢܵܘܟ݂ܘܿܢ ܘܫܲܪܝܼܟܵܐ ܥܲܡܵܘܟ݂ܘܿܢ ܒܐܘܼܠܨܵܢܵܐ ܘܒܡܲܠܟܘܼܬܵ‌ܐ ܘܒܚܡܵܠܬܵ‌ܐ ܕܒܝܼܫܘܿܥ ܡܫܝܼܚܵܐ، ܥܲܠ ܓܵܙܲܪܬܵ‌ܐ ܝܘܸܢ ܗܘܵܐ ܕܦܵܝܫܵܐ ܩܪܝܼܬܵ‌ܐ ܦܵܛܲܐܡܘܼܢ، ܒܘܼܬ ܗܹܡܸܙܡܵܢ ܕܐܲܠܵܗܵܐ ܘܣܵܗܕܘܼܬܵ‌ܐ ܒܘܼܬ ܝܼܫܘܿܥ.

ܓܠܝܢܐ 12:11

ܓ݂ܠܝܼܒ ܠܗܘܿܢ ܐܸܠܹܗ ܒܕܸܡܵܐ ܕܦܹܐܪܵܐ، ܘܒܗܹܡܸܙܡܵܢ ܕܣܵܗܕܘܼܬܵܝܗ‌ܝ؛ ܘܠܵܐ ܡܘܼܚܸܒ ܠܗܘܿܢ ܓܵܢܵܝܗ‌ܝ ܗܲܠ ܕܗܕܝܼܪܹܐ ܝܗܘܵܘ ܕܡܵܝܬ‌ܝܼ ܗܘܵܘ.

ܓܠܝܢܐ 19:10

ܘܢܦܝܼܠ ܠܝܼ ܩܲܕܡ ܐܲܩܠܵܬܘܼ̈ܗ‌ܝ ܕܣܵܓ݂ܕܹܢܹܗ، ܐܝܼܢܵܐ ܐܡܝܼܪܹܗ ܐܸܠܝܼ: ”ܚܙܝܼ، ܠܵܐ ܥܵܒ݂ܕܹܬ ܗܵܕܟ݂ܵܐ. ܚܲܒ݂ܪܵܐ ܝܘܸܢ ܐܲܝܟ݂ ܕܝܼܘܼܟ݂ ܒܪܹܓܘܼܬܵ‌ܐ، ܘܐܲܝܟ݂ ܐܲܚܘܿܢܘܵܬܘܼ̈ܟ݂، ܐܵܢܝܼ ܕܐܝܼܬ ܠܗܘܿܢ ܣܵܗܕܘܼܬܵ‌ܐ ܕܝܼܫܘܿܥ. ܠܐܲܠܵܗܵܐ ܣܓ݂ܘܿܕ، ܣܵܒܵܒ ܣܵܗܕܘܼܬܵ‌ܐ ܕܝܼܫܘܿܥ ܪܘܼܚܵܐ ܕܢܒ݂ܝܼܘܼܬܵ‌ܐ ܝܠܵܗ̇.“