ܒ ܛܝܡܬܐܘܣ 1:13 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

¹³ ܗܹܡܸܙܡܵܢܹ̈ܐ ܕܫܡܝܼܥ ܠܘܼܟ݂ ܡܸܢܝܼ ܗܵܘܝܼ ܐܸܠܘܼܟ݂ ܛܘܼܦ̮ܣܵܐ ܕܝܘܼܠܦܵܢܵܐ ܓܡܝܼܪܵܐ ܒܗܲܝܡܵܢܘܼܬܵ‌ܐ ܘܒܚܘܼܒܵܐ ܒܝܼܫܘܿܥ ܡܫܝܼܚܵܐ.

ܒ ܛܝܡܬܐܘܣ 1:13 Iomraidhean Croise

ܪ̈ܗܘܡܝܐ 2:20

ܘܬܲܠܡܸܕܵܢܵܐ ܕܣܲܟ݂ܠܹ̈ܐ، ܘܡܲܠܦܵܢܵܐ ܕܝܲܠܘܼܕܹ̈ܐ، ܣܵܒܵܒ ܐܝܼܬ ܠܘܼܟ݂ ܕܘܼܡܝܵܐ ܕܝܕܵܥܬܵ‌ܐ ܘܕܫܪܵܪܵܐ ܒܢܵܡܘܿܣܵܐ،

ܪ̈ܗܘܡܝܐ 6:17

ܐܝܼܢܵܐ ܡܸܢܬܵ‌ܐ ܡ̣ܢ ܐܲܠܵܗܵܐ ܐܘܼܦ ܐܸܢ ܕܝܼܬܘܿܢ ܗܘܵܘ ܥܲܒ݂ܕܹ̈ܐ ܕܚܛܝܼܬܵ‌ܐ ܡܘܼܨܝܸܬ ܠܵܘܟ݂ܘܿܢ ܡ̣ܢ ܟܠܹܗ ܠܸܒܵܘܟ݂ܘܿܢ ܠܐܸܣܟܝܼܡܵܐ ܕܝܘܼܠܦܵܢܵܐ ܕܦܝܼܫܵܐ ܝܗܘܵܐ ܣܘܼܦܝܵܐ ܐܸܠܵܘܟ݂ܘܿܢ.

ܦܝܠܝܦܣܝ̈ܐ 1:27

ܐܲܚܟ̰ܝܼ ܚܹܝܡܘܼܢ ܐܲܝܟ݂ ܕܚܵܫܚܵܐ ܠܐܹܘܲܢܓܲܠܝܼܘܿܢ ܕܡܫܝܼܚܵܐ، ܕܐܸܢ ܐܵܬܹܝܢ ܘܚܵܙܹܢܵܘܟ݂ܘܿܢ، ܝܲܢ ܫܵܡܥܹܢ ܒܘܼܬ ܕܝܼܵܘܟ݂ܘܿܢ ܡ̣ܢ ܪܸܚܩܵܐ، ܗܵܘܹܝܬܘܿܢ ܟܸܠܝܹܐ ܩܸܘܝܵܐ ܒܚܕܵܐ ܪܘܼܚܵܐ، ܒܚܕܵܐ ܓܵܢܵܐ ܒܸܥܒ݂ܵܕܵܐ ܐܵܓ݂ܘܿܢܵܐ ܡܥܘܼܕܵܠܹܐ ܒܗܲܝܡܵܢܘܼܬܵ‌ܐ ܕܐܹܘܲܢܓܲܠܝܼܘܿܢ،

ܦܝܠܝܦܣܝ̈ܐ 4:9

ܐܲܢܹܐ ܕܝܠܝܼܦ ܠܵܘܟ݂ܘܿܢ ܘܩܘܼܒܸܠ ܠܵܘܟ݂ܘܿܢ ܘܫܡܝܼܥ ܠܵܘܟ݂ܘܿܢ، ܘܚܙܹܐ ܠܵܘܟ݂ܘܿܢ ܒܝܼܝܼ، ܐܲܢܹܐ ܥܒ݂ܘܿܕܘܼܢ، ܘܐܲܠܵܗܵܐ ܕܫܠܵܡܵܐ ܒܸܬ ܗܵܘܹܐ ܥܲܡܵܘܟ݂ܘܿܢ.

ܩܘܠܣܝ̈ܐ 1:4

ܟܲܕ ܫܡܝܼܥ ܠܲܢ ܒܘܼܬ ܗܲܝܡܵܢܘܼܬܵܘܟ݂ܘܿܢ ܒܝܼܫܘܿܥ ܡܫܝܼܚܵܐ، ܘܚܘܼܒܵܐ ܕܐܝܼܬ ܠܵܘܟ݂ܘܿܢ ܠܟܸܣ ܟܠܵܝܗ‌ܝ ܩܲܕܝܼܫܹ̈ܐ،

ܐ ܬܣܠܘܢܝܩܝ̈ܐ 5:21

ܨܲܚܨܹܝܡܘܼܢ ܠܟܠܵܝܗ‌ܝ ܡܸܢܕܝܼܵܢܹ̈ܐ. ܕܒ݂ܘܿܩܘܼܢ ܒܡܸܢܕܝܼ ܕܝܼܠܹܗ ܫܲܦܝܼܪܵܐ.

ܐ ܛܝܡܬܐܘܣ 1:10

ܠܙܲܢܵܝܹ̈ܐ، ܠܕܵܡܟ݂ܵܢܹ̈ܐ ܥܲܡ ܐܘܼܪ̈ܙܹܐ، ܠܓܵܢܒ݂ܵܢܹ̈ܐ ܕܐܢܵܫܹ̈ܐ، ܠܕܲܓܵܠܹ̈ܐ، ܠܫܵܡܛܵܢܹ̈ܐ ܕܡܵܘܡܵܬܹ̈‌ܐ؛ ܘܟܠ ܡܸܢܕܝܼ ܐܚܹܪܢܵܐ، ܐܸܢ ܐܝܼܬ، ܕܝܼܠܹܗ ܕܲܠܩܘܼܒ݂ܠ ܕܝܘܼܠܦܵܢܵܐ ܫܲܠܡܵܐ

ܐ ܛܝܡܬܐܘܣ 1:14

ܘܙܝܼܕ ܠܵܗ̇ ܪܵܒܵܐ ܥܲܠܝܼ ܫܵܦܵܩܲܬ ܕܡܵܪܲܢ، ܥܲܡ ܗܲܝܡܵܢܘܼܬܵ‌ܐ ܘܚܘܼܒܵܐ ܕܒܝܼܫܘܿܥ ܡܫܝܼܚܵܐ.

ܐ ܛܝܡܬܐܘܣ 6:3

ܐܸܢ ܐܢܵܫܵܐ ܡܲܠܸܦ ܝܘܼܠܦܵܢܵܐ ܐܚܹܪܢܵܐ ܘܠܵܐ ܬܵܒܹܥ ܠܗܹܡܸܙܡܵܢܹ̈ܐ ܫܲܪܝܼܪܹ̈ܐ ܕܡܵܪܲܢ ܝܼܫܘܿܥ ܡܫܝܼܚܵܐ ܘܠܝܘܼܠܦܵܢܵܐ ܕܐܝܼܬ ܒܝܼܹܗ ܙܕܘܼܥܬܵ‌ܐ ܕܐܲܠܵܗܵܐ،

ܒ ܛܝܡܬܐܘܣ 1:1

ܦܵܘܠܘܿܣ، ܫܠܝܼܚܵܐ ܕܝܼܫܘܿܥ ܡܫܝܼܚܵܐ ܒܨܸܒ݂ܝܵܢܵܐ ܕܐܲܠܵܗܵܐ، ܘܐܲܝܟ݂ ܩܵܘܠܵܐ ܕܚܲܝܹ̈ܐ ܒܝܼܫܘܿܥ ܡܫܝܼܚܵܐ،

ܒ ܛܝܡܬܐܘܣ 1:14

ܢܛܘܿܪ ܨܦܵܝܝܼ ܠܗ̇ܝ ܗܲܝܡܲܢܬܵ‌ܐ ܒܝܲܕ ܪܘܼܚܵܐ ܕܩܘܼܕܫܵܐ ܕܒܸܥܡܵܪܵܐ ܝܠܹܗ ܒܝܼܲܢ.

ܒ ܛܝܡܬܐܘܣ 2:2

ܘܡܸܢܕܝܼ ܕܫܡܝܼܥ ܠܘܼܟ݂ ܡܸܢܝܼ ܩܲܕܡ ܪܵܒܵܐ ܣܵܗܕܹ̈ܐ، ܣܲܦܝܼ ܒܐܢܵܫܹ̈ܐ ܡܗܘܼܡܢܹ̈ܐ، ܐܵܢܝܼ ܕܡܵܨܝܼ ܡܲܠܦܝܼ ܐܘܼܦ ܠܐܢܵܫܹ̈ܐ ܐܚܹܪ̈ܢܹܐ.

ܒ ܛܝܡܬܐܘܣ 3:14

ܐܝܼܢܵܐ ܐܲܢ݇ܬ، ܥܲܪܩܸܠ ܒܡܸܢܕܝܼ ܕܝܠܝܼܦ ܠܘܼܟ݂ ܘܕܦܝܼܫ ܠܹܗ ܡܫܘܼܪܸܪܵܐ ܐܸܠܘܼܟ݂، ܟܲܕ ܒܝܼܕܵܥܵܐ ܡ̣ܢ ܡܵܢܝܼ ܝܠܝܼܦ ܠܘܼܟ݂،

ܒ ܛܝܡܬܐܘܣ 4:3

ܣܵܒܵܒ ܒܸܬ ܐܵܬܹ‌ܐ ܙܲܒ݂ܢܵܐ ܕܐܢܵܫܹ̈ܐ ܠܹܐ ܡܲܨܝܸܬ‌ܝܼ ܠܝܘܼܠܦܵܢܵܐ ܫܲܪܝܼܪܵܐ، ܐܝܼܢܵܐ ܐܲܝܟ݂ ܫܲܗܘܲܬܝܵܬܵܝ̈ܗ‌ܝ ܒܸܬ ܡܲܙܝܸܕܝܼ ܩܵܐ ܓܵܢܵܝܗ‌ܝ ܡܲܠܦܵܢܹ̈ܐ ܕܗܲܡܙܸܡܝܼ ܐܸܠܵܝܗ‌ܝ ܐܲܝܟ݂ ܕܛܵܠܹܒ ܠܸܒܵܝܗ‌ܝ،

ܛܛܘܣ 1:9

ܕܒ݂ܝܼܩܵܐ ܒܗܹܡܸܙܡܵܢ ܕܫܪܵܪܵܐ ܐܲܝܟ݂ ܕܦܝܼܫܬܵ‌ܐ ܝܠܵܗ̇ ܡܘܼܠܸܦܬܵ‌ܐ، ܗܵܕܟ݂ܵܐ ܕܡܵܨܹܐ ܝܵܗܒܹܠ ܠܸܒܵܐ ܠܐܚܹܪ̈ܢܹܐ ܒܝܘܼܠܦܵܢܵܐ ܨܸܦܝܵܐ، ܘܡܲܢܟܸܣ ܠܕܲܠܩܘܼܒ݂ܠܵܝܹ̈ܐ.

ܛܛܘܣ 2:1

ܐܝܼܢܵܐ ܐܲܢ݇ܬ ܡܲܠܸܦ ܡܸܢܕܝܼܵܢܹ̈ܐ ܕܝܼܢܵܐ ܚܫܝܼܚܹ̈ܐ ܠܝܘܼܠܦܵܢܵܐ ܓܡܝܼܪܵܐ،

ܛܛܘܣ 2:8

ܒܗܹܡܸܙܡܵܢܹ̈ܐ ܫܲܦܝܼܪܹ̈ܐ ܕܠܹܐ ܦܵܝܫܝܼ ܡܘܼܣܠܝܼܹܐ، ܗܵܕܟ݂ܵܐ ܕܢܵܟ݂ܦܝܼ ܕܲܠܩܘܼܒ݂ܠܵܝܹ̈ܐ، ܣܵܒܵܒ ܠܹܐ ܗܵܘܹܐ ܠܗܘܿܢ ܗܸܟ̃ ܡܸܢܕܝܼ ܚܸܪܒܵܐ ܠܗܲܡܙܘܼܡܹܐ ܒܘܼܬ ܕܝܼܲܢ.

ܥܒ݂ܪ̈ܝܐ 10:23

ܘܫܒ݂ܘܿܩ ܕܵܒ݂ܩܲܚ ܩܸܘܝܵܐ ܒܗܹܒ݂ܝܼܲܢ ܕܟܹܐ ܡܵܘܕܲܚ ܒܝܼܘܼܗ̇، ܣܵܒܵܒ ܡܗܘܼܡܢܵܐ ܝܠܹܗ ܗ̇ܘ ܕܩܘܼܘܸܠ ܠܹܗ ܐܸܠܲܢ.

ܥܒ݂ܪ̈ܝܐ 3:6

ܐܝܼܢܵܐ ܡܫܝܼܚܵܐ ܡܗܘܼܡܢܵܐ ܝܠܹܗ ܐܲܝܟ݂ ܒܪܘܿܢܵܐ ܥܲܠ ܒܲܝܬܵ‌ܐ ܕܐܲܠܵܗܵܐ، ܘܒܲܝܬܹܗ ܐܲܚܢܲܢ ܝܼܘܲܚ، ܐܸܢ ܕܵܒ݂ܩܲܚ ܩܸܘܝܵܐ ܒܓ̰ܘܼܪܐܲܬ ܘܒܗܹܒ݂ܝܼ ܕܒܝܼܵܝܗ‌ܝ ܟܹܐ ܥܵܒ݂ܕܲܚ ܫܘܼܒ݂ܗܵܪܵܐ.

ܥܒ݂ܪ̈ܝܐ 4:14

ܒܵܣ ܟܲܕ ܐܝܼܬ ܠܲܢ ܓܘܼܪܵܐ ܕܟܵܗ̈ܢܹܐ ܥܸܠܵܝܵܐ، ܗ̇ܘ ܕܥܒ݂ܝܼܪܹܗ ܠܫܡܲܝܵܐ، ܝܼܫܘܿܥ ܒܪܘܿܢܵܐ ܕܐܲܠܵܗܵܐ، ܫܒ݂ܘܿܩ ܕܵܒ݂ܩܲܚ ܩܸܘܝܹܐ ܒܡܵܘܕܲܝܬܲܢ.

ܝܗܘܕܐ 1:3

ܡܘܼܚܸܒܹ̈ܐ، ܚܘܼܦܸܛ ܠܝܼ ܕܟܵܬܒܹܢ ܐܸܠܵܘܟ݂ܘܿܢ ܒܘܼܬ ܦܘܼܪܩܵܢܵܐ ܕܫܲܪܘܼܟܹܐ ܝܘܲܚ ܒܝܼܹܗ، ܐܝܼܢܵܐ ܚܙܹܐ ܠܝܼ ܘܵܠܹܐ ܝܗܘܵܐ ܕܟܵܬܒܹܢ ܗܘܵܐ ܐܸܠܵܘܟ݂ܘܿܢ ܘܡܲܪܥܸܫܸܢ ܗܘܵܐ ܠܵܘܟ݂ܘܿܢ ܕܥܵܒ݂ܕܝܼܬܘܿܢ ܐܵܓ݂ܘܿܢܵܐ ܒܘܼܬ ܗܲܝܡܵܢܘܼܬܵ‌ܐ، ܗ̇ܝ ܕܗܲܪ ܩܵܐ ܚܕܵܐ ܓܵܗܵܐ ܐܲܚܟ̰ܝܼ ܦܝܼܫ ܠܵܗ̇ ܣܘܼܦܝܼܬܵ‌ܐ ܠܩܲܕܝܼܫܹ̈ܐ.

ܓܠܝܢܐ 2:25

”ܒܵܣ ܕܒ݂ܘܿܩܘܼܢ ܒܗ̇ܘ ܡܸܢܕܝܼ ܕܐܝܼܬ ܠܵܘܟ݂ܘܿܢ ܗܲܠ ܕܐܵܬܹܝܢ.

ܓܠܝܢܐ 3:11

”ܒܹܐܬܵܝܵܐ ܝܘܸܢ ܓ̰ܲܠܕܹܐ. ܕܒ݂ܘܿܩ ܠܡܸܢܕܝܼ ܕܐܝܼܬ ܠܘܼܟ݂، ܕܐܘܼܦ ܚܲܕ ܠܵܐ ܫܵܩܹܠ ܠܟܠܝܼܠܘܼܟ݂.

ܓܠܝܢܐ 3:3

”ܒܵܣ ܕܟ݂ܘܿܪ ܡܘܼܕܝܼ ܩܘܼܒܸܠ ܠܘܼܟ݂ ܘܫܡܝܼܥ ܠܘܼܟ݂، ܢܛܘܿܪܹܗ ܘܬܲܘܸܒ. ܘܐܸܢ ܠܵܐ ܪܵܥܫܹܬ، ܒܸܬ ܐܵܬܹܝܢ ܐܲܝܟ݂ ܓܹܢܵܒ݂ܵܐ، ܘܠܹܐ ܝܵܕܥܹܬ ܒܐܲܝܢܝܼ ܣܵܥܲܬ ܒܸܬ ܐܵܬܹܝܢ ܥܲܠܘܼܟ݂.