ܒ ܛܝܡܬܐܘܣ 1:12 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

¹² ܒܘܼܬ ܐܵܗܵܐ ܩܲܒܘܼܠܵܝ ܝܘܸܢ ܐܲܢܹܐ، ܐܝܼܢܵܐ ܠܹܐ ܝܘܸܢ ܒܸܢܟ݂ܵܦܵܐ، ܣܵܒܵܒ ܟܹܐ ܝܵܕܥܹܢ ܒܡܵܢܝܼ ܗܘܼܡܸܢܵܐ ܝܘܸܢ، ܘܚܵܬܸܪܓ̰ܲܡܥ ܝܼܘܸܢ ܕܟܹܐ ܡܵܨܹܐ ܢܵܛܹܪ ܗܲܝܡܲܢܬ‌ܝܼ ܗܲܠ ܗ̇ܘ ܝܵܘܡܵܐ.

ܒ ܛܝܡܬܐܘܣ 1:12 Iomraidhean Croise

ܡܙܡܘܪܐ 25:2

ܐܲܠܵܗ‌ܝܼ ܒܝܼܘܼܟ݂ ܣܒܝܼܪܝܼ، ܠܵܐ ܫܵܒ݂ܩܹܬ ܢܵܟ݂ܦܹܢ، ܠܵܐ ܫܵܒ݂ܩܹܬ ܦܵܨܚܝܼ ܕܸܫ̃ܡܸܢܝܼ̈ ܥܲܠܝܼ.

ܡܙܡܘܪܐ 31:5

ܒܐܝܼܕܘܼܟ݂ ܣܲܦܘܼܝܹܐ ܝܘܸܢ ܪܘܼܚܝܼ، ܦܘܼܪܸܩ ܠܘܼܟ݂ ܐܸܠܝܼ ܡܵܪܝܵܐ ܐܲܠܵܗܵܐ ܕܫܪܵܪܵܐ.

ܡܙܡܘܪܐ 56:9

ܗ̇ܝܓܵܗ ܒܸܬ ܕܵܝܪܝܼ ܕܸܫ̃ܡܸܢܝܼ̈ ܠܒܵܬܪܵܐ ܒܝܵܘܡܵܐ ܕܩܵܪܹܝܢ، ܐܵܗܵܐ ܝܕܝܼܥ ܠܝܼ، ܕܐܲܠܵܗܵܐ ܩܵܬ‌ܝܼ ܝܠܹܗ.

ܡܙܡܘܪܐ 9:10

ܘܒܸܬ ܣܵܒܪܝܼ ܒܝܼܘܼܟ݂ ܝܵܕܥܵܢܹ̈ܐ ܕܫܸܡܘܼܟ݂، ܒܗ̇ܝ ܕܠܹܐ ܝܘܸܬ ܫܒ݂ܝܼܩܵܐ ܠܛܵܥܝܵܢܹ̈ܐ ܕܐܸܠܘܼܟ݂، ܝܵܐ ܡܵܪܝܵܐ.

ܡܬ‌ܝ 12:21

ܘܒܫܸܡܹܗ ܐܸܡܘܵܬܹ̈‌ܐ ܒܸܬ ܣܵܒܪܝܼ.

ܡܬ‌ܝ 24:36

”ܐܝܼܢܵܐ ܠܗ̇ܘ ܝܵܘܡܵܐ ܘܠܗ̇ܝ ܣܵܥܲܬ ܐܘܼܦ ܚܲܕ ܐܢܵܫܵܐ ܠܹܐ ܝܵܕܹܥ، ܘܐܘܼܦ ܠܵܐ ܡܲܠܲܐܟܹ̈ܐ ܕܫܡܲܝܵܐ، ܐܸܠܵܐ ܒܵܒܵܐ ܒܢܲܦ̮ܫܹܗ.

ܡܬ‌ܝ 7:22

”ܪܵܒܵܐ ܒܸܬ ܐܵܡܪܝܼ ܐܸܠܝܼ ܒܗ̇ܘ ܝܵܘܡܵܐ: ’ܡܵܪܝܼ، ܡܵܪܝܼ، ܠܹܐ ܝܗܘܵܐ ܒܫܸܡܘܼܟ݂ ܢܘܼܒܹܐ ܠܲܢ؟ ܘܒܫܸܡܘܼܟ݂ ܫܹܐܕܹ̈ܐ ܦܘܼܠܸܛ ܠܲܢ؟ ܘܒܫܸܡܘܼܟ݂ ܪܵܒܵܐ ܚܲܝ̈ܠܹܐ ܓܘܼܪܹ̈ܐ ܥܒ݂ܝܼܕ ܠܲܢ؟‘

ܠܘܩܐ 10:12

”ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ، ܠܣܕܘܿܡ ܒܸܬ ܗܵܘܹܐ ܢܝܵܚܵܐ ܒܝܵܘܡܵܐ ܕܕܝܵܢܬܵ‌ܐ ܒܘܼܫ ܙܵܘܕܵܐ ܡ̣ܢ ܠܗ̇ܝ ܡܕܝܼܢ݇ܬܵ‌ܐ.

ܠܘܩܐ 23:46

ܘܡܘܼܩܘܸܚ ܠܹܗ ܝܼܫܘܿܥ ܒܩܵܠܵܐ ܪܵܡܵܐ ܘܐܡܝܼܪܹܗ: ”ܝܵܐ ܒܵܒܝܼ، ܒܐܝܼܕܵܬܘܼ̈ܟ݂ ܣܲܦܘܼܝܘܼܗ̇ ܝܘܸܢ ܪܘܼܚܝܼ.“ ܐܡܝܼܪܹܗ ܗܵܕܟ݂ܵܐ ܘܣܘܼܦܝܵܐ ܠܹܗ ܪܘܼܚܹܗ.

ܝܘܚܢܢ 17:15

”ܠܹܐ ܝܘܸܢ ܨܲܠܘܼܝܹܐ ܕܫܵܩܠܹܬ ܠܗܘܿܢ ܡ̣ܢ ܓܵܘ ܕܘܼܢܝܹܐ، ܐܝܼܢܵܐ ܕܢܵܛܪܹܬ ܠܗܘܿܢ ܡ̣ܢ ܒܝܼܫܵܐ.

ܝܘܚܢܢ 6:44

”ܐܢܵܫܵܐ ܠܹܐ ܡܵܨܹܐ ܐܵܬܹ‌ܐ ܠܟܸܣܠܝܼ ܐܸܢ ܠܵܐ ܓܵܪܹܫ ܠܹܗ ܒܵܒܵܐ، ܗ̇ܘ ܕܫܘܼܕܸܪܹܗ ܐܸܠܝܼ، ܘܐܵܢܵܐ ܒܸܬ ܡܲܩܸܡܸܢܹܗ ܒܝܵܘܡܵܐ ܐܚܵܪܵܝܵܐ.

ܣܘܥܪ̈ܢܐ ܕܫܠܝܚ̈ܐ 13:46

ܗ̇ܝܓܵܗ ܓ̰ܘܼܘܸܒ ܠܗܘܿܢ ܦܵܘܠܘܿܣ ܘܒܲܪܢܒ݂ܵܐ ܒܓ̰ܘܼܪܐܲܬ ܘܐܡܝܼܪܗܘܿܢ: ”ܘܵܠܹܐ ܝܗܘܵܐ ܕܩܲܕܡܵܝܬܵ‌ܐ ܐܸܠܵܘܟ݂ܘܿܢ ܡܲܟܪܸܙܲܚ ܗܘܵܘ ܗܹܡܸܙܡܵܢ ܕܐܲܠܵܗܵܐ، ܐܝܼܢܵܐ ܣܵܒܵܒ ܠܹܐ ܝܬܘܿܢ ܩܲܒܘܼܠܘܼܗ̇ ܘܠܹܐ ܝܬܘܿܢ ܒܸܚܫܵܒ݂ܵܐ ܕܚܫܝܼܚܹܐ ܝܬܘܿܢ ܠܚܲܝܹ̈ܐ ܕܥܵܠܲܡ، ܒܸܬ ܐܵܙܲܠ݇ܚ ܘܡܲܟܪܸܙܲܚ ܠܐܸܡܘܵܬܹ̈‌ܐ.

ܣܘܥܪ̈ܢܐ ܕܫܠܝܚ̈ܐ 13:50

ܐܝܼܢܵܐ ܝܗܘܼܕܵܝܹ̈ܐ ܚܘܼܦܸܛ ܠܗܘܿܢ ܠܒܲܟ݂ܬܵܬܹ̈‌ܐ ܡܝܘܼܩܪܹ̈ܐ ܙܵܕܥܵܢܹ̈ܐ ܡ̣ܢ ܐܲܠܵܗܵܐ، ܘܠܪܹ̈ܝܫܵܢܹܐ ܕܡܕܝܼܢ݇ܬܵ‌ܐ، ܘܗܵܕܟ݂ܵܐ ܡܘܼܩܸܡ ܠܗܘܿܢ ܪܕܘܼܦܝܵܐ ܥܲܠ ܦܵܘܠܘܿܣ ܘܥܲܠ ܒܲܪܢܒ݂ܵܐ، ܘܦܘܼܠܛܵܝ ܠܗܘܿܢ ܡ̣ܢ ܬܚܘܼܡܵܝ̈ܗ‌ܝ.

ܣܘܥܪ̈ܢܐ ܕܫܠܝܚ̈ܐ 21:13

ܗ̇ܝܓܵܗ ܓ̰ܘܼܘܸܒ ܠܹܗ ܦܵܘܠܘܿܣ: ”ܩܵܡܘܿܕܝܼ ܒܸܒܟ݂ܵܝܵܐ ܝܬܘܿܢ ܘܒܸܫܡܵܛܹܗ ܝܬܘܿܢ ܠܸܒܝܼ؟ ܐܵܢܵܐ ܗܕܝܼܪܵܐ ܝܘܸܢ ܠܵܐ ܐܲܚܟ̰ܝܼ ܕܦܵܝܫܹܢ ܐܣܝܼܪܵܐ، ܐܝܼܢܵܐ ܐܘܼܦ ܕܡܵܝܬܹܢ ܓܵܘ ܐܘܿܪܸܫܠܸܡ ܒܘܼܬ ܫܸܡܵܐ ܕܡܵܪܲܢ ܝܼܫܘܿܥ.“

ܣܘܥܪ̈ܢܐ ܕܫܠܝܚ̈ܐ 7:59

ܟܲܕ ܐܵܢܝܼ ܒܸܪܓ̰ܵܡܹܗ، ܨܘܼܠܹܐ ܠܹܗ ܐܸܣܛܲܦܵܢܘܿܣ: ”ܡܵܪܲܢ ܝܼܫܘܿܥ، ܩܲܒܸܠ ܪܘܼܚܝܼ.“

ܣܘܥܪ̈ܢܐ ܕܫܠܝܚ̈ܐ 9:16

”ܐܵܢܵܐ ܒܸܬ ܡܲܚܙܸܢܹܗ ܕܟܡܵܐ ܒܸܬ ܓ̰ܲܢܓ̰ܸܪ ܒܘܼܬ ܫܸܡܝܼ.“

ܪ̈ܗܘܡܝܐ 1:16

ܣܵܒܵܒ ܠܹܐ ܝܘܸܢ ܒܸܢܟ݂ܵܦܵܐ ܒܐܹܘܲܢܓܲܠܝܼܘܿܢ ܣܵܒܵܒ ܚܲܝܠܵܐ ܕܐܲܠܵܗܵܐ ܝܠܹܗ ܩܵܐ ܦܘܼܪܩܵܢܵܐ ܕܟܠ ܕܗܲܡܸܢ، ܩܲܕܡܵܝܬܵ‌ܐ ܠܝܗܘܼܕܵܝܹ̈ܐ ܘܗ̇ܝܓܵܗ ܠܝܵܘܢܵܝܹ̈ܐ.

ܪ̈ܗܘܡܝܐ 9:33

ܕܵܐܟ݂ܝܼ ܕܝܼܠܹܗ ܟܬܝܼܒ݂ܵܐ: ܒܸܬ ܡܲܬܒܸܢ ܓܵܘ ܨܸܗܝܘܿܢ ܟܹܐܦܵܐ ܕܬܲܪܩܲܠܬܵ‌ܐ، ܘܩܵܝܵܐ ܕܢܦܵܠܬܵ‌ܐ، ܘܡ̇ܢ ܕܗܲܡܸܢ ܒܝܼܹܗ ܠܹܐ ܢܵܟܹܦ.

ܐ ܩܘܪ̈ܢܬܝܐ 1:8

ܗ̇ܘ ܕܒܸܬ ܡܲܩܘܹܐ ܠܵܘܟ݂ܘܿܢ ܗܲܠ ܚܲܪܬܵ‌ܐ، ܕܗܵܘܹܝܬܘܿܢ ܕܠܵܐ ܠܵܘܡܵܐ ܒܝܵܘܡܵܐ ܕܡܵܪܲܢ ܝܼܫܘܿܥ ܡܫܝܼܚܵܐ.

ܐ ܩܘܪ̈ܢܬܝܐ 3:13

ܒܸܬ ܦܵܐܹܫ ܚܸܙܝܵܐ ܦܘܼܠܚܵܢܵܐ ܕܟܠ ܚܲܕ، ܣܵܒܵܒ ܒܗ̇ܘ ܝܵܘܡܵܐ ܒܸܬ ܦܵܐܹܫ ܓܸܠܝܵܐ ܒܢܘܼܪܵܐ، ܒܗ̇ܝ ܕܢܘܼܪܵܐ ܒܸܬ ܨܲܚܨܹܐ ܦܘܼܠܚܵܢܵܐ ܕܟܠ ܚܲܕ ܐܢܵܫܵܐ ܕܵܐܟ݂ܝܼ ܕܝܼܠܹܗ.

ܦܝܠܝܦܣܝ̈ܐ 1:20

ܐܵܢܵܐ ܒܸܣܦܵܪܵܐ ܝܘܸܢ ܩܸܘܝܵܐ ܘܐܝܼܬ ܠܝܼ ܗܹܒ݂ܝܼ ܕܠܹܐ ܢܵܟ݂ܦܹܢ ܒܗܸܟ̃ ܡܸܢܕܝܼ، ܐܸܠܵܐ ܒܟܠܵܗ̇ ܓ̰ܘܼܪܐܲܬ، ܐܲܝܟ݂ ܒܟܠ ܙܲܒ݂ܢܵܐ ܘܐܘܼܦ ܐܵܕܝܼܵܐ، ܡܫܝܼܚܵܐ ܒܸܬ ܦܵܐܹܫ ܚܩܝܼܪܵܐ ܓܵܘ ܦܲܓ݂ܪܝܼ، ܐܸܢ ܒܚܲܝܹ̈ܐ، ܐܸܢ ܒܡܵܘܬܵ‌ܐ.

ܦܝܠܝܦܣܝ̈ܐ 3:10

ܕܝܵܕܥܹܢܹܗ، ܘܚܲܝܠܵܐ ܕܩܝܵܡܬܹܗ، ܘܫܲܪܝܼܟܘܼܬܵ‌ܐ ܕܚܲܫܘܼ̈ܗ‌ܝ، ܘܦܵܝܫܹܢ ܕܘܼܡܝܵܐ ܥܲܠܘܼܗ‌ܝ ܒܡܵܘܬܹܗ،

ܦܝܠܝܦܣܝ̈ܐ 3:21

ܗ̇ܘ ܕܒܸܬ ܫܲܚܠܸܦ ܠܦܲܓ݂ܪܲܢ ܟܘܼܦܵܐ ܘܥܵܒܹܕ ܠܹܗ ܒܕܡܘܼܬܵ‌ܐ ܕܦܲܓ݂ܪܹܗ ܚܩܝܼܪܵܐ ܒܝܲܕ ܚܲܝܠܵܐ ܕܐܝܼܬ ܠܹܗ ܕܥܵܒܹܕ ܟܠ ܡܸܢܕܝܼ ܙܲܒܛ ܠܓܵܢܹܗ.

ܦܝܠܝܦܣܝ̈ܐ 3:8

ܘܗܸܫ ܒܘܼܫ ܙܵܘܕܵܐ، ܚܲܫܒܘܼܢܵܝ ܝܘܸܢ ܟܠܵܝܗ‌ܝ ܚܘܼܣܪܵܢܵܐ ܒܘܼܬ ܚܵܬܸܪ ܕܓܘܼܪܘܼܬܵ‌ܐ ܕܝܕܵܥܬܵ‌ܐ ܕܝܼܫܘܿܥ ܡܫܝܼܚܵܐ ܡܵܪܝܼ، ܕܒܘܼܬ ܕܝܼܹܗ ܚܣܝܼܪܝܼ ܟܠܵܝܗ‌ܝ ܡܸܢܕܝܼܵܢܹ̈ܐ، ܘܚܲܫܒܘܼܢܵܝ ܝܘܸܢ ܙܸܒܠܵܐ ܕܩܵܢܹܝܢ ܠܡܫܝܼܚܵܐ،

ܐ ܬܣܠܘܢܝܩܝ̈ܐ 2:16

ܡܲܟܠܘܼܝܲܢ ܝܼܢܵܐ ܕܠܵܐ ܗܲܡܙܸܡܲܚ ܠܐܸܡܘܵܬܹ̈‌ܐ ܕܦܵܪܩܝܼ. ܒܐܵܗܵܐ ܐܘܼܪܚܵܐ ܡܲܙܝܘܼܕܹܐ ܝܢܵܐ ܚܛܝܼܵܬܵܝ̈ܗ‌ܝ ܒܟܠ ܙܲܒ݂ܢܵܐ. ܐܝܼܢܵܐ ܟܲܪܒܵܐ ܕܐܲܠܵܗܵܐ ܐܬܹ‌ܐ ܠܵܗ̇ ܥܲܠܵܝܗ‌ܝ ܒܚܲܪܬܵ‌ܐ.

ܐ ܬܣܠܘܢܝܩܝ̈ܐ 5:4

ܐܝܼܢܵܐ ܐܲܚܬܘܿܢ ܐܲܚܘܿܢܘܵܬ‌ܝܼ̈، ܠܹܐ ܝܬܘܿܢ ܓܵܘ ܚܸܫܟܵܐ، ܕܗ̇ܘ ܝܵܘܡܵܐ ܐܲܝܟ݂ ܓܹܢܵܒ݂ܵܐ ܡܵܛܹܐ ܠܵܘܟ݂ܘܿܢ.

ܐ ܛܝܡܬܐܘܣ 6:20

ܝܵܐ ܛܝܼܡܵܬܹܐܘܿܣ، ܢܛܘܿܪ ܡܸܢܕܝܼ ܕܦܝܼܫ ܠܹܗ ܣܘܼܦܝܵܐ ܒܝܼܘܼܟ݂، ܘܪܚܘܿܩ ܡ̣ܢ ܗܹܡܸܙܡܵܢܹ̈ܐ ܣܦܝܼܩܹ̈ܐ ܘܒܲܛܝܼܠܹ̈ܐ، ܘܚܘܼܫܵܒܹ̈ܐ ܕܲܠܩܘܼܒ݂ܠܵܝܹ̈ܐ ܒܚܸܠܛܵܐ ܦܝܼܫܹܐ ܩܸܪܝܹܐ ܝܕܵܥܬܵ‌ܐ،

ܒ ܛܝܡܬܐܘܣ 1:14

ܢܛܘܿܪ ܨܦܵܝܝܼ ܠܗ̇ܝ ܗܲܝܡܲܢܬܵ‌ܐ ܒܝܲܕ ܪܘܼܚܵܐ ܕܩܘܼܕܫܵܐ ܕܒܸܥܡܵܪܵܐ ܝܠܹܗ ܒܝܼܲܢ.

ܒ ܛܝܡܬܐܘܣ 1:16

ܡܵܪܲܢ ܡܲܚܙܹܐ ܪ̈ܲܚܡܹܐ ܠܒܲܝܬܵ‌ܐ ܕܐܵܢܹܣܝܼܦܵܪܘܿܣ، ܣܵܒܵܒ ܩܵܡ ܡܲܢܝܸܚ ܠܝܼ ܪܵܒܵܐ ܓܵܗܹ̈ܐ، ܘܠܵܐ ܢܟ݂ܝܼܦ ܠܹܗ ܒܫܸܫܠܵܬ‌ܝܼ̈،

ܒ ܛܝܡܬܐܘܣ 1:18

ܥܵܒܹܕ ܡܵܪܲܢ ܕܡܲܫ݇ܟ̰ܸܚ ܪ̈ܲܚܡܹܐ ܡ̣ܢ ܡܵܪܲܢ ܒܗ̇ܘ ܝܵܘܡܵܐ. ܘܟܹܐ ܝܵܕܥܹܬ ܪܵܒܵܐ ܨܦܵܝܝܼ ܟܡܵܐ ܗܘܼܝܸܪܹܗ ܐܸܠܝܼ ܓܵܘ ܐܵܦܸܣܘܿܣ.

ܒ ܛܝܡܬܐܘܣ 1:8

ܒܘܼܬ ܐܵܗܵܐ ܠܵܐ ܢܵܟ݂ܦܹܬ ܠܝܼܵܗܒ݂ܵܐ ܣܵܗܕܘܼܬܵ‌ܐ ܒܘܼܬ ܡܵܪܲܢ، ܘܐܘܼܦ ܠܵܐ ܒܝܼܝܼ ܕܝܼܘܸܢ ܐܲܣܝܼܪܹܗ، ܐܸܠܵܐ ܗܘܝܼ ܫܲܪܝܼܟܵܐ ܒܓ̰ܘܼܢܓ̰ܵܪܹ̈ܐ ܒܘܼܬ ܚܵܬܸܪ ܕܐܹܘܲܢܓܲܠܝܼܘܿܢ ܐܲܝܟ݂ ܕܐܲܠܵܗܵܐ ܝܵܗܒܹܠ ܠܘܼܟ݂ ܚܲܝܠܵܐ،

ܒ ܛܝܡܬܐܘܣ 2:9

ܒܘܼܬ ܐܵܗܵܐ ܐܹܘܲܢܓܲܠܝܼܘܿܢ ܩܲܒܘܼܠܹܐ ܝܘܸܢ ܓ̰ܘܼܢܓ̰ܵܪܹ̈ܐ ܗܲܠ ܕܡܵܛܝܵܐ ܐܘܼܦ ܠܐܸܣܘܼܪܹ̈ܐ ܐܲܝܟ݂ ܚܲܕ ܥܵܒ݂ܕܵܢܵܐ ܕܒܝܼܫܵܬܹ̈‌ܐ، ܐܣܝܼܪܵܐ ܒܫܸܫܠܵܬܹ̈‌ܐ. ܐܝܼܢܵܐ ܗܹܡܸܙܡܵܢ ܕܐܲܠܵܗܵܐ ܠܹܐ ܝܠܵܗ̇ ܐܣܝܼܪܬܵ‌ܐ.

ܒ ܛܝܡܬܐܘܣ 4:8

ܘܐܵܕܝܼܵܐ ܦܝܼܫܵܐ ܝܠܹܗ ܢܛܝܼܪܵܐ ܐܸܠܝܼ ܟܠܝܼܠܵܐ ܕܙܲܕܝܼܩܘܼܬܵ‌ܐ، ܐܲܝܢܝܼ ܕܡܵܪܲܢ، ܕܝܼܠܹܗ ܕܲܝܵܢܵܐ ܟܹܐܢܵܐ، ܒܸܬ ܦܵܪܹܥ ܠܝܼ ܒܗ̇ܘ ܝܵܘܡܵܐ؛ ܘܠܵܐ ܐܲܚܟ̰ܝܼ ܐܸܠܝܼ، ܐܝܼܢܵܐ ܐܘܼܦ ܠܟܠܵܝܗ‌ܝ ܐܵܢܝܼ ܕܡܲܚܸܒܝܼ ܠܹܗ ܓܸܠܝܵܢܹܗ.

ܛܛܘܣ 3:8

ܡܗܘܼܡܸܢܬܵ‌ܐ ܝܠܵܗ̇ ܐܵܗܵܐ ܗܹܡܸܙܡܵܢ، ܘܒܵܥܹܝܢ ܕܡܲܩܘܹܝܬ ܠܗܘܿܢ ܐܲܢܹܐ ܒܚܲܦܵܛܘܼܬܵ‌ܐ، ܗܵܕܵܐ ܕܐܵܢܝܼ ܕܗܘܼܡܸܢܗܘܿܢ ܒܐܲܠܵܗܵܐ ܗܵܘܝܼ ܗܸܫܝܲܪ ܠܸܢܛܵܪܵܐ ܦܘܼܠܚܵܢܹ̈ܐ ܛܵܒܹ̈ܐ. ܐܲܢܹܐ ܝܢܵܐ ܡܸܢܕܝܼܵܢܹ̈ܐ ܛܵܒܹ̈ܐ ܘܡܵܪܹ̈ܐ ܝܘܼܬܪܵܢܵܐ ܠܟܠ ܐܢܵܫܵܐ.

ܥܒ݂ܪ̈ܝܐ 12:2

ܚܵܝܪܲܚ ܒܝܼܫܘܿܥ، ܪܹܝܫܵܐ ܘܡܲܟܡܸܠܵܢܵܐ ܕܗܲܝܡܵܢܘܼܬܵ‌ܐ، ܗ̇ܘ ܕܒܘܼܬ ܚܲܕܘܼܬܵ‌ܐ ܕܡܘܼܬܸܒ݂ܬܵ‌ܐ ܝܗܘܵܐ ܩܲܕܡܘܼܗ‌ܝ ܩܘܼܒܸܠ ܠܹܗ ܙܩܝܼܦܵܐ، ܡܘܼܣܠܹܐ ܠܹܗ ܠܢܟܸܦܬܵ‌ܐ، ܘܝܬܝܼܒ݂ ܠܹܗ ܥܲܠ ܝܲܡܝܼܢܵܐ ܕܬܪܘܿܢܘܿܣ ܕܐܲܠܵܗܵܐ.

ܥܒ݂ܪ̈ܝܐ 2:18

ܣܵܒܵܒ ܟܲܕ ܩܘܼܒܸܠ ܠܹܗ ܚܲܫܵܐ ܐܝܼܡܲܢ ܕܦܝܼܫ ܠܹܗ ܓ̰ܘܼܪܒܵܐ، ܟܹܐ ܡܵܨܹܐ ܗܲܝܸܪ ܠܐܵܢܝܼ ܕܝܼܢܵܐ ܦܝܵܫܵܐ ܓ̰ܘܼܪܒܹܐ.

ܥܒ݂ܪ̈ܝܐ 7:25

ܒܘܼܬ ܐܵܗܵܐ ܟܹܐ ܡܵܨܹܐ ܦܲܪܸܩ ܟܠܵܢܵܐܝܼܬ ܠܐܵܢܝܼ ܕܐܵܬ‌ܝܼ ܠܟܸܣ ܐܲܠܵܗܵܐ ܒܝܼܹܗ، ܣܵܒܵܒ ܒܟܠ ܙܲܒ݂ܢܵܐ ܚܵܝܵܐ ܝܠܹܗ ܕܦܲܪܦܸܠ ܡ̣ܢ ܓܹܒܵܝܗ‌ܝ.

ܐ ܦܛܪܘܣ 1:5

ܐܲܚܬܘܿܢ ܕܦܝܼܫܹܐ ܝܬܘܿܢ ܢܛܝܼܪܹܐ ܒܚܲܝܠܵܐ ܕܐܲܠܵܗܵܐ ܒܝܲܕ ܗܲܝܡܵܢܘܼܬܵ‌ܐ ܠܦܘܼܪܩܵܢܵܐ ܕܝܼܠܹܗ ܗܕܝܼܪܵܐ ܕܦܵܐܹܫ ܓܸܠܝܵܐ ܒܙܲܒ݂ܢܵܐ ܐܚܵܪܵܝܵܐ.

ܐ ܦܛܪܘܣ 4:16

ܐܝܼܢܵܐ ܐܸܢ ܚܲܕ ܓ̰ܲܢܓ̰ܸܪ ܐܲܝܟ݂ ܡܫܝܼܚܵܝܵܐ، ܠܵܐ ܢܵܟܹܦ، ܐܸܠܵܐ ܫܲܒܸܚ ܠܐܲܠܵܗܵܐ ܕܫܩܝܼܠܵܐ ܝܠܹܗ ܠܐܵܗܵܐ ܫܸܡܵܐ.

ܐ ܦܛܪܘܣ 4:19

ܒܵܣ ܐܵܢܝܼ ܕܓ̰ܲܢܓ̰ܸܪܝܼ ܐܲܝܟ݂ ܨܸܒ݂ܝܵܢܵܐ ܕܐܲܠܵܗܵܐ، ܣܲܦܝܼ ܓܵܢܵܬܵܝ̈ܗ‌ܝ ܠܒܵܪܝܵܢܵܝܗ‌ܝ ܡܗܘܼܡܢܵܐ ܘܗܵܘܝܼ ܒܸܥܒ݂ܵܕܵܐ ܦܘܼܠܚܵܢܹ̈ܐ ܛܵܒܹ̈ܐ.

ܝܗܘܕܐ 1:24

ܘܐܵܕܝܼܵܐ ܠܗ̇ܘ ܕܡܵܨܹܐ ܢܵܛܹܪܵܘܟ݂ܘܿܢ ܡ̣ܢ ܢܦܵܠܬܵ‌ܐ ܘܡܲܟܠܹܐ ܠܵܘܟ݂ܘܿܢ ܩܲܕܡ ܚܸܩܪܹܗ ܕܠܵܐ ܡܘܼܡܵܐ ܘܒܚܲܕܘܼܬܵ‌ܐ ܓܘܼܪܬܵ‌ܐ،