ܒ ܛܝܡܬܐܘܣ 1:10 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

¹⁰ ܐܝܼܢܵܐ ܐܵܕܝܼܵܐ ܦܝܼܫ ܠܵܗ̇ ܓܠܝܼܬܵ‌ܐ ܒܓܸܠܝܵܢܵܐ ܕܦܵܪܘܿܩܲܢ ܝܼܫܘܿܥ ܡܫܝܼܚܵܐ، ܗ̇ܘ ܕܒܘܼܛܸܠ ܠܹܗ ܠܡܵܘܬܵ‌ܐ ܘܡܘܼܚܙܹܐ ܠܹܗ ܚܲܝܹ̈ܐ ܘܠܵܐ ܚܪܵܒ݂ܬܵ‌ܐ ܒܐܹܘܲܢܓܲܠܝܼܘܿܢ.

ܒ ܛܝܡܬܐܘܣ 1:10 Iomraidhean Croise

ܠܘܩܐ 11:36

”ܐܝܼܢܵܐ ܐܸܢ ܟܠܹܗ ܦܲܓ݂ܪܘܼܟ݂ ܒܲܗܪܵܢܵܐ ܝܠܹܗ ܘܠܲܝܬ ܒܝܼܹܗ ܚܸܫܟܵܐ، ܒܸܬ ܒܲܗܪܸܢ ܐܸܠܘܼܟ݂ ܐܲܝܟ݂ ܫܲܦ̮ܩܵܐ ܕܫܪܵܓ݂ܵܐ.“

ܠܘܩܐ 13:7

”ܐܡܝܼܪܹܗ ܠܦܲܠܵܚܵܐ: ’ܐܲܢܹܐ ܬܠܵܬ ܫܸܢܹ̈ܐ ܒܹܐܬܵܝܵܐ ܝܘܸܢ ܒܸܛܥܵܝܵܐ ܛܥܘܼܢܝܵܬܹ̈‌ܐ ܒܐܵܗܵܐ ܐܝܼܠܵܢܵܐ ܕܬܹܐܢܹ̈ܐ ܘܠܹܐ ܝܘܸܢ ܡܲܫ݇ܟ̰ܘܼܚܹܐ. ܦܪܘܿܡ ܠܹܗ. ܩܵܡܘܿܕܝܼ ܡܲܒܛܘܼܠܹܐ ܝܠܹܗ ܠܐܲܪܥܵܐ؟‘

ܠܘܩܐ 2:11

”ܦܝܼܫ ܠܹܗ ܝܠܝܼܕܵܐ ܐܸܠܵܘܟ݂ܘܿܢ ܐܸܕܝܘܿܡ ܝܵܘܡܵܐ ܓܵܘ ܡܕܝܼܢ݇ܬܵ‌ܐ ܕܕܵܘܝܼܕ، ܦܵܪܘܿܩܵܐ، ܗ̇ܘ ܕܝܼܠܹܗ ܡܫܝܼܚܵܐ ܡܵܪܝܵܐ.

ܝܘܚܢܢ 1:9

ܗ̇ܘ ܒܲܗܪܵܐ ܫܲܪܝܼܪܵܐ ܕܟܹܐ ܒܲܗܪܸܢ ܠܟܠ ܐܢܵܫܵܐ، ܒܹܐܬܵܝܵܐ ܝܗܘܵܐ ܠܥܵܠܡܵܐ.

ܝܘܚܢܢ 14:6

ܓ̰ܘܼܘܸܒ ܠܹܗ ܐܸܠܹܗ ܝܼܫܘܿܥ: ”ܐܵܢܵܐ ܝܘܸܢ ܐܘܼܪܚܵܐ ܘܫܪܵܪܵܐ ܘܚܲܝܹ̈ܐ. ܐܘܼܦ ܚܲܕ ܠܹܐ ܐܵܬܹ‌ܐ ܠܟܸܣ ܒܵܒܵܐ ܐܸܠܵܐ ܒܝܼܝܼ.

ܝܘܚܢܢ 20:31

ܐܝܼܢܵܐ ܐܲܢܹܐ ܦܝܼܫܹܐ ܝܢܵܐ ܟܬܝܼܒܹܐ ܕܗܲܡܸܢܝܼܬܘܿܢ ܕܝܼܫܘܿܥ ܝܼܠܹܗ ܡܫܝܼܚܵܐ، ܒܪܘܿܢܵܐ ܕܐܲܠܵܗܵܐ، ܘܐܝܼܡܲܢ ܕܗܲܡܸܢܝܼܬܘܿܢ، ܗܵܘܹܐ ܠܵܘܟ݂ܘܿܢ ܚܲܝܹ̈ܐ ܒܫܸܡܹܗ.

ܝܘܚܢܢ 4:42

ܘܐܡܝܼܪܗܘܿܢ ܠܒܲܟ݂ܬܵ‌ܐ: ”ܐܵܕܝܼܵܐ ܠܵܐ ܐܲܚܟ̰ܝܼ ܒܘܼܬ ܚܲܒܪܵܟ݂ܝ ܗܲܡܘܼܢܹܐ ܝܘܲܚ، ܐܝܼܢܵܐ ܒܓܵܢܲܢ ܫܡܝܼܥ ܠܲܢ، ܘܒܝܼܕܵܥܵܐ ܝܘܲܚ ܕܐܵܗܵܐ ܐܢܵܫܵܐ ܫܲܪܝܼܪܵܐܝܼܬ ܡܫܝܼܚܵܐ ܝܠܹܗ، ܦܵܪܘܿܩܵܐ ܕܥܵܠܡܵܐ.“

ܝܘܚܢܢ 5:40

”ܐܝܼܢܵܐ ܐܲܚܬܘܿܢ ܠܹܐ ܒܵܥܹܝܬܘܿܢ ܕܐܵܬܹܝܬܘܿܢ ܠܟܸܣܠܝܼ ܕܗܵܘܹܐ ܠܵܘܟ݂ܘܿܢ ܚܲܝܹ̈ܐ.

ܣܘܥܪ̈ܢܐ ܕܫܠܝܚ̈ܐ 13:23

”ܡ̣ܢ ܙܲܪܥܵܐ ܕܕܵܘܝܼܕ ܡܘܼܩܸܡ ܠܹܗ ܐܲܠܵܗܵܐ ܩܵܐ ܐܝܼܣܪܵܐܹܝܠ ܦܵܪܘܿܩܵܐ، ܝܼܫܘܿܥ، ܕܵܐܟ݂ܝܼ ܕܩܘܼܘܸܠ ܠܹܗ.

ܣܘܥܪ̈ܢܐ ܕܫܠܝܚ̈ܐ 5:31

”ܐܝܼܢܵܐ ܐܲܠܵܗܵܐ ܡܘܼܪܸܡ ܠܹܗ ܐܸܠܹܗ ܘܡܘܼܬܸܒ݂ ܠܹܗ ܡ̣ܢ ܝܲܡܝܼܢܹܗ، ܘܥܒ݂ܝܼܕ ܠܹܗ ܪܹܝܫܵܐ ܘܦܵܪܘܿܩܵܐ، ܕܝܵܗܒܹܠ ܬܝܵܒ݂ܘܼܬܵ‌ܐ ܘܦܘܼܚܵܠܵܐ ܕܚܛܝܼܵܬܹ̈‌ܐ ܠܐܝܼܣܪܵܐܹܝܠ،

ܪ̈ܗܘܡܝܐ 16:26

ܐܝܼܢܵܐ ܐܵܕܝܼܵܐ ܦܝܼܫ ܠܹܗ ܓܸܠܝܵܐ ܘܦܝܼܫ ܠܹܗ ܝܕܝܼܥܵܐ ܒܝܲܕ ܟܬܵܒܹ̈ܐ ܕܢܒ݂ܝܼܹ̈ܐ ܘܒܦܘܼܩܕܵܢܹ̈ܐ ܕܐܲܠܵܗܵܐ ܥܵܠܡܝܼܢܵܝܵܐ، ܕܟܠܵܝܗ‌ܝ ܐܸܡܘܵܬܹ̈‌ܐ ܗܲܡܸܢܝܼ ܘܡܲܨܝܸܬ‌ܝܼ،

ܪ̈ܗܘܡܝܐ 2:7

ܠܐܵܢܝܼ ܕܒܚܡܵܠܬܵ‌ܐ ܥܵܒ݂ܕܝܼ ܦܘܼܠܚܵܢܹ̈ܐ ܛܵܒܹ̈ܐ ܘܛܵܥܝܼ ܫܘܼܒ݂ܚܵܐ ܘܐܝܼܩܵܪܵܐ ܘܠܵܐ ܡܵܝܘܿܬܘܼܬܵ‌ܐ، ܒܸܬ ܝܵܗܒܹܠ ܚܲܝܹ̈ܐ ܕܠܥܵܠܲܡ،

ܪ̈ܗܘܡܝܐ 3:31

ܡܘܼܕܝܼ ܐܵܡܪܲܚ، ܒܲܛܘܼܠܹܗ ܝܘܲܚ ܢܵܡܘܿܣܵܐ ܒܝܲܕ ܗܲܝܡܵܢܘܼܬܵ‌ܐ؟ ܚܵܣ ܠܝܼ. ܡܲܩܘܘܼܝܹܗ ܝܘܲܚ ܢܵܡܘܿܣܵܐ.

ܪ̈ܗܘܡܝܐ 6:6

ܣܵܒܵܒ ܒܝܼܕܵܥܵܐ ܝܘܲܚ ܕܒܲܪܢܵܫܲܢ ܥܲܬܝܼܩܵܐ ܦܝܼܫ ܠܹܗ ܙܩܝܼܦܵܐ ܥܲܡܹܗ ܕܒܲܛܸܠ ܦܲܓ݂ܪܵܐ ܚܲܛܵܝܵܐ ܘܕܠܵܐ ܗܵܘܲܚ ܐܚܹܪܢܵܐ ܥܲܒ݂ܕܹ̈ܐ ܕܚܛܝܼܬܵ‌ܐ.

ܐ ܩܘܪ̈ܢܬܝܐ 15:26

ܗ̇ܘ ܕܸܫ̃ܡܸܢ ܐܚܵܪܵܝܵܐ ܕܒܸܬ ܦܵܐܹܫ ܒܘܼܛܠܵܐ ܡܵܘܬܵ‌ܐ ܝܠܹܗ.

ܐ ܩܘܪ̈ܢܬܝܐ 4:5

ܒܘܼܬ ܐܵܗܵܐ، ܠܵܐ ܡܲܠܝܸܙܝܼܬܘܿܢ ܠܸܥܒ݂ܵܕܵܐ ܕܝܵܢܬܵ‌ܐ ܡ̣ܢ ܩܲܕܡ ܙܲܒ݂ܢܵܐ، ܗܲܠ ܕܐܵܬܹ‌ܐ ܡܵܪܲܢ. ܗ̇ܝܓܵܗ ܗ̇ܘ ܒܸܬ ܓܵܠܹܐ ܡܸܢܕܝܼܵܢܹ̈ܐ ܛܸܫܝܹ̈ܐ ܒܚܸܫܟܵܐ، ܘܒܸܬ ܒܲܗܪܸܢ ܚܘܼܫܵܒܹ̈ܐ ܕܠܸܒܵܘܵܬܹ̈‌ܐ. ܗ̇ܝܓܵܗ ܟܠ ܚܲܕ ܒܸܬ ܩܲܒܸܠ ܚܸܩܪܵܐ ܡ̣ܢ ܐܲܠܵܗܵܐ.

ܒ ܩܘܪ̈ܢܬܝܐ 5:4

ܟܡܵܐ ܕܝܼܘܲܚ ܒܐܵܗܵܐ ܡܲܫܟܢܵܐ ܦܲܓ݂ܪܵܢܵܝܵܐ، ܬܲܢܘܼܚܹܐ ܝܘܲܚ ܡ̣ܢ ܝܘܼܩܪܹܗ، ܣܵܒܵܒ ܠܹܐ ܒܵܥܲܚ ܕܦܵܝܫܲܚ ܫܘܼܠܚܹܐ ܐܝܼܢܵܐ ܕܦܵܝܫܲܚ ܡܘܼܠܒܸܫܹܐ، ܕܡܵܝܘܿܬܵ‌ܐ ܦܵܐܹܫ ܒܠܝܼܥܵܐ ܒܚܲܝܹ̈ܐ.

ܓܠܛܝ̈ܐ 5:4

ܐܲܚܬܘܿܢ ܕܓ̰ܲܪܘܼܒܹܐ ܝܬܘܿܢ ܕܦܵܝܫܝܼܬܘܿܢ ܡܘܼܟܫܸܛܹܐ ܒܢܵܡܘܿܣܵܐ، ܪܚܝܼܩ ܠܵܘܟ݂ܘܿܢ ܡ̣ܢ ܡܫܝܼܚܵܐ؛ ܢܦܝܼܠ ܠܵܘܟ݂ܘܿܢ ܡ̣ܢ ܫܵܦܵܩܲܬ.

ܐܦܣܝ̈ܐ 1:18

ܕܦܵܝܫܝܼ ܒܘܼܗܪܸܢܹܗ ܥܲܝܢܵܬܹ̈‌ܐ ܕܠܸܒܵܘܟ݂ܘܿܢ، ܘܕܝܵܕܥܝܼܬܘܿܢ ܡܘܼܕܝܼ ܝܠܵܗ̇ ܗܹܒ݂ܝܼ ܕܐܸܠܘܼܗ̇ ܩܸܪܝܵܘܟ݂ܘܿܢ ܝܼܠܹܗ، ܘܡܘܼܕܝܼ ܝܠܹܗ ܥܘܼܬܪܵܐ ܕܚܸܩܪܵܐ ܕܝܵܪܬܘܼܬܵ‌ܐ ܒܩܲܕܝܼܫܹ̈ܐ،

ܐܦܣܝ̈ܐ 1:9

ܘܡܘܼܕܸܥ ܠܹܗ ܐܸܠܲܢ ܐܪܵܙܵܐ ܕܨܸܒ݂ܝܵܢܹܗ ܐܲܝܟ݂ ܕܒܣܝܼܡ ܠܵܗ̇ ܠܹܗ، ܘܐܲܝܟ݂ ܕܡܘܼܬܸܒ݂ ܠܹܗ ܒܪܸܥܝܵܢܵܐ ܕܓܵܢܹܗ ܡ̣ܢ ܩܲܕܡܵܝܬܵ‌ܐ،

ܒ ܬܣܠܘܢܝܩܝ̈ܐ 2:8

ܗ̇ܝܓܵܗ ܒܸܬ ܦܵܐܹܫ ܓܸܠܝܵܐ ܗ̇ܘ ܕܝܼܠܹܗ ܥܵܘܵܠܵܐ، ܗ̇ܘ ܕܡܵܪܲܢ ܝܼܫܘܿܥ ܒܸܬ ܛܲܠܸܩ ܠܹܗ ܒܢܦܵܚܬܵ‌ܐ ܕܦܘܼܡܹܗ، ܘܒܸܬ ܒܲܛܸܠ ܠܹܗ ܒܫܲܦ̮ܩܵܐ ܕܐܬܵܝܬܹܗ.

ܒ ܛܝܡܬܐܘܣ 1:1

ܦܵܘܠܘܿܣ، ܫܠܝܼܚܵܐ ܕܝܼܫܘܿܥ ܡܫܝܼܚܵܐ ܒܨܸܒ݂ܝܵܢܵܐ ܕܐܲܠܵܗܵܐ، ܘܐܲܝܟ݂ ܩܵܘܠܵܐ ܕܚܲܝܹ̈ܐ ܒܝܼܫܘܿܥ ܡܫܝܼܚܵܐ،

ܒ ܛܝܡܬܐܘܣ 1:8

ܒܘܼܬ ܐܵܗܵܐ ܠܵܐ ܢܵܟ݂ܦܹܬ ܠܝܼܵܗܒ݂ܵܐ ܣܵܗܕܘܼܬܵ‌ܐ ܒܘܼܬ ܡܵܪܲܢ، ܘܐܘܼܦ ܠܵܐ ܒܝܼܝܼ ܕܝܼܘܸܢ ܐܲܣܝܼܪܹܗ، ܐܸܠܵܐ ܗܘܝܼ ܫܲܪܝܼܟܵܐ ܒܓ̰ܘܼܢܓ̰ܵܪܹ̈ܐ ܒܘܼܬ ܚܵܬܸܪ ܕܐܹܘܲܢܓܲܠܝܼܘܿܢ ܐܲܝܟ݂ ܕܐܲܠܵܗܵܐ ܝܵܗܒܹܠ ܠܘܼܟ݂ ܚܲܝܠܵܐ،

ܒ ܛܝܡܬܐܘܣ 4:1

ܚܲܦܘܼܛܹܐ ܝܘܸܢ ܐܸܠܘܼܟ݂ ܩܲܕܡ ܐܲܠܵܗܵܐ ܘܝܼܫܘܿܥ ܡܫܝܼܚܵܐ، ܗ̇ܘ ܕܗܕܝܼܪܵܐ ܝܠܹܗ ܕܕܵܐܹܢ ܠܚܵܝܹ̈ܐ ܘܠܡܝܼ̈ܬܹ‌ܐ ܒܓܸܠܝܵܢܹܗ ܕܡܲܠܟܘܼܬܹܗ،

ܒ ܛܝܡܬܐܘܣ 4:8

ܘܐܵܕܝܼܵܐ ܦܝܼܫܵܐ ܝܠܹܗ ܢܛܝܼܪܵܐ ܐܸܠܝܼ ܟܠܝܼܠܵܐ ܕܙܲܕܝܼܩܘܼܬܵ‌ܐ، ܐܲܝܢܝܼ ܕܡܵܪܲܢ، ܕܝܼܠܹܗ ܕܲܝܵܢܵܐ ܟܹܐܢܵܐ، ܒܸܬ ܦܵܪܹܥ ܠܝܼ ܒܗ̇ܘ ܝܵܘܡܵܐ؛ ܘܠܵܐ ܐܲܚܟ̰ܝܼ ܐܸܠܝܼ، ܐܝܼܢܵܐ ܐܘܼܦ ܠܟܠܵܝܗ‌ܝ ܐܵܢܝܼ ܕܡܲܚܸܒܝܼ ܠܹܗ ܓܸܠܝܵܢܹܗ.

ܛܛܘܣ 2:11

ܣܵܒܵܒ ܫܵܦܵܩܲܬ ܕܐܲܠܵܗܵܐ ܕܟܹܐ ܡܲܝܬܝܵܐ ܦܘܼܪܩܵܢܵܐ ܦܝܼܫ ܠܵܗ̇ ܓܠܝܼܬܵ‌ܐ ܠܟܠܵܝܗ‌ܝ ܐܢܵܫܹ̈ܐ،

ܛܛܘܣ 2:13

ܟܲܕ ܒܸܣܦܵܪܵܐ ܠܗܹܒ݂ܝܼ ܒܪܝܼܟ݂ܬܵ‌ܐ ܕܝܼܠܵܗ̇ ܓܸܠܝܵܢܵܐ ܕܚܸܩܪܵܐ ܕܐܲܠܵܗܲܢ ܓܘܼܪܵܐ ܘܦܵܪܘܿܩܲܢ، ܝܼܫܘܿܥ ܡܫܝܼܚܵܐ،

ܛܛܘܣ 3:4

4 ܐܝܼܢܵܐ ܐܝܼܡܲܢ ܕܦܝܼܫ ܠܗܘܿܢ ܓܸܠܝܹܐ ܡܲܟܝܼܟ݂ܘܼܬܵ‌ܐ ܕܐܲܠܵܗܵܐ ܦܵܪܘܿܩܲܢ ܘܚܘܼܒܵܐ ܕܐܝܼܬ ܠܹܗ ܩܵܐ ܒܢܲܝ̈ܢܵܫܵܐ،

ܥܒ݂ܪ̈ܝܐ 10:32

ܕܟ݂ܘܿܪܘܼܢ ܝܵܘܡܵܢܹ̈ܐ ܩܲܕܡܵܝܹ̈ܐ ܐܝܼܡܲܢ ܕܩܘܼܒܸܠ ܠܵܘܟ݂ܘܿܢ ܒܲܗܪܵܐ، ܕܵܐܟ݂ܝܼ ܟܠܹܐ ܠܵܘܟ݂ܘܿܢ ܩܸܘܝܹܐ ܒܓ̰ܘܼܢܓ̰ܵܪܹ̈ܐ ܓܘܼܪܹ̈ܐ ܓܵܘ ܐܵܓ݂ܘܿܢܵܐ.

ܒ ܦܛܪܘܣ 1:1

ܫܸܡܥܘܿܢ ܦܵܛܪܘܿܣ، ܪܹܓܵܐ ܘܫܠܝܼܚܵܐ ܕܝܼܫܘܿܥ ܡܫܝܼܚܵܐ، ܠܐܵܢܝܼ ܕܩܘܼܒܸܠ ܠܗܘܿܢ ܗܲܝܡܵܢܘܼܬܵ‌ܐ ܒܝܲܕ ܙܲܕܝܼܩܘܼܬܵ‌ܐ ܕܐܲܠܵܗܲܢ ܘܦܵܪܘܿܩܲܢ ܝܼܫܘܿܥ ܡܫܝܼܚܵܐ، ܕܝܼܠܵܗ̇ ܛܝܼܡܵܢܬܵ‌ܐ ܗܲܪ ܐܲܝܟ݂ ܕܗ̇ܝ ܕܝܼܲܢ؛

ܒ ܦܛܪܘܣ 1:11

ܣܵܒܵܒ ܒܡܸܠܝܘܼܬܵ‌ܐ ܒܸܬ ܩܲܒܠܝܼܬܘܿܢ ܥܒ݂ܵܪܬܵ‌ܐ ܠܡܲܠܟܘܼܬܵ‌ܐ ܥܵܠܡܝܼܢܵܝܬܵ‌ܐ ܕܡܵܪܲܢ ܘܦܵܪܘܿܩܲܢ ܝܼܫܘܿܥ ܡܫܝܼܚܵܐ.

ܒ ܦܛܪܘܣ 1:3

ܒܗ̇ܝ ܕܚܲܝܠܹܗ ܐܲܠܵܗܵܝܵܐ ܝܘܼܗܒܹܠ ܠܹܗ ܐܸܠܲܢ ܟܠܵܝܗ‌ܝ ܡܸܢܕܝܼܵܢܹ̈ܐ، ܐܵܢܝܼ ܕܝܼܢܵܐ ܕܚܲܝܹ̈ܐ ܘܕܸܚܠܲܬ ܐܲܠܵܗܵܐ، ܒܝܲܕ ܝܕܵܥܬܵ‌ܐ ܕܗ̇ܘ ܕܩܸܪܝܲܚ ܠܹܗ ܒܬܸܫܒܘܿܚܬܵ‌ܐ ܘܛܵܒ݂ܬܵ‌ܐ ܕܓܵܢܹܗ،

ܒ ܦܛܪܘܣ 2:20

ܣܵܒܵܒ ܐܵܢܝܼ ܕܦܨܹܐ ܠܗܘܿܢ ܡ̣ܢ ܛܲܢܦܘܼܬܵ‌ܐ ܕܥܵܠܡܵܐ ܒܝܲܕ ܝܕܵܥܬܵܝܗ‌ܝ ܠܡܵܪܲܢ ܘܦܵܪܘܿܩܲܢ ܝܼܫܘܿܥ ܡܫܝܼܚܵܐ، ܘܡܸܢܕܪܸܫ ܦܵܝܫܝܼ ܚܘܼܪܕܝܼܹܐ ܘܓ݂ܠܝܼܒܹܐ ܒܝܼܹܗ، ܚܲܪܬܵܝܗ‌ܝ ܒܸܬ ܗܵܘܝܵܐ ܒܘܼܫ ܣܪܝܼܬܵ‌ܐ ܡ̣ܢ ܩܲܕܡܵܝܬܵܝܗ‌ܝ.

ܒ ܦܛܪܘܣ 3:18

ܐܝܼܢܵܐ ܓܲܪܘܸܣܘܼܢ ܒܫܵܦܵܩܲܬ ܘܒܝܕܵܥܬܵܘܟ݂ܘܿܢ ܕܡܵܪܲܢ ܘܦܵܪܘܿܩܲܢ ܝܼܫܘܿܥ ܡܫܝܼܚܵܐ. ܐܸܠܹܗ ܬܸܫܒܘܿܚܬܵ‌ܐ ܡ̣ܢ ܐܵܕܝܼܵܐ ܘܗܲܠ ܥܵܠܲܡ. ܐܵܡܹܝܢ.

ܒ ܦܛܪܘܣ 3:2

ܒܵܥܹܝܢ ܕܕܵܟ݂ܪܝܼܬܘܿܢ ܠܗܹܡܸܙܡܵܢܹ̈ܐ ܕܦܝܼܫ ܠܗܘܿܢ ܗܘܼܡܙܸܡܹܐ ܒܕܲܥܒܲܪ ܒܝܲܕ ܢܒ݂ܝܼܹ̈ܐ ܩܲܕܝܼܫܹ̈ܐ، ܘܠܦܘܼܩܕܵܢܵܐ ܕܡܵܪܲܢ ܘܦܵܪܘܿܩܲܢ ܕܦܝܼܫ ܠܹܗ ܝܘܼܗܒ݂ܵܐ ܒܝܲܕ ܫܠܝܼܚܹ̈ܐ ܕܕܝܼܵܘܟ݂ܘܿܢ.

ܐ ܝܘܚܢܢ 1:2

ܐܲܢܹܐ ܚܲܝܹ̈ܐ ܦܝܼܫ ܠܗܘܿܢ ܓܸܠܝܹܐ، ܚܸܙܝܵܝ ܠܲܢ ܘܒܝܼܵܗܒ݂ܵܐ ܝܘܲܚ ܣܵܗܕܘܼܬܵ‌ܐ ܒܘܼܬ ܕܝܼܵܝܗ‌ܝ، ܘܡܲܟܪܘܼܙܹܐ ܝܘܲܚ ܐܸܠܵܘܟ݂ܘܿܢ ܚܲܝܹ̈ܐ ܕܠܥܵܠܲܡ ܕܝܼܗܘܵܘ ܠܟܸܣ ܒܵܒܵܐ ܘܦܝܼܫ ܠܗܘܿܢ ܓܸܠܝܹܐ ܐܸܠܲܢ.

ܐ ܝܘܚܢܢ 4:14

ܘܐܲܚܢܲܢ ܚܙܹܐ ܠܲܢ ܘܒܝܼܵܗܒ݂ܵܐ ܝܘܲܚ ܣܵܗܕܘܼܬܵ‌ܐ ܕܒܵܒܵܐ ܫܘܼܕܸܪܹܗ ܠܒܪܘܿܢܵܐ ܕܗܵܘܹܐ ܦܵܪܘܿܩܵܐ ܕܥܵܠܡܵܐ.

ܓܠܝܢܐ 18:1

ܡ̣ܢ ܒܵܬܪ ܐܲܢܹܐ، ܚܙܹܐ ܠܝܼ ܡܲܠܲܐܟ݂ܵܐ ܐܚܹܪܢܵܐ ܒܸܨܠܵܝܵܐ ܡ̣ܢ ܫܡܲܝܵܐ، ܕܐܝܼܬ ܗܘܵܐ ܠܹܗ ܫܘܼܠܛܵܢܵܐ ܓܘܼܪܵܐ، ܘܐܲܪܥܵܐ ܒܘܼܗܪܸܢܵܗ̇ ܡ̣ܢ ܬܸܫܒܘܿܚܬܹܗ.

ܓܠܝܢܐ 2:7

”ܗ̇ܘ ܕܐܝܼܬ ܠܹܗ ܢܵܬܝܵܬܹ̈‌ܐ، ܫܵܡܹܥ ܡܘܼܕܝܼ ܪܘܼܚܵܐ ܒܹܐܡܵܪܵܐ ܝܠܹܗ ܠܥܹܕܵܬܹ̈‌ܐ. ܠܗ̇ܘ ܕܓ݂ܵܠܹܒ، ܒܸܬ ܝܵܗܒܹܢܹܗ ܕܐܵܟܹܠ ܡ̣ܢ ܐܝܼܠܵܢܵܐ ܕܚܲܝܹ̈ܐ، ܕܝܼܠܹܗ ܓܵܘ ܦܲܪܕܲܝܣܵܐ ܕܐܲܠܵܗܵܐ.“‘

ܓܠܝܢܐ 20:14

ܗ̇ܝܓܵܗ ܡܵܘܬܵ‌ܐ ܘܫܝܘܿܠ ܦܝܼܫ ܠܗܘܿܢ ܕܸܪܝܹܐ ܓܵܘ ܗ̇ܝ ܝܵܡܵܐ ܕܢܘܼܪܵܐ. ܡܵܘܬܵ‌ܐ ܕܬܪܹܝ ܝܠܹܗ ܝܵܡܵܐ ܕܢܘܼܪܵܐ.

ܓܠܝܢܐ 22:14

ܛܘܼܒ݂ܵܐ ܠܐܵܢܝܼ ܕܚܘܼܠܸܠ ܠܗܘܿܢ ܠܒ݂ܝܼܫܝܵܬܵܝ̈ܗ‌ܝ، ܕܗܵܘܹܐ ܠܗܘܿܢ ܫܘܼܠܛܵܢܵܐ ܠܐܝܼܠܵܢܵܐ ܕܚܲܝܹ̈ܐ، ܘܕܥܵܒ݂ܪܝܼ ܒܕܲܪ̈ܘܵܙܹܐ ܠܓܵܘ ܡܕܝܼܢ݇ܬܵ‌ܐ.

ܓܠܝܢܐ 22:17

ܪܘܼܚܵܐ ܘܟܵܠܬܵ‌ܐ ܒܹܐܡܵܪܵܐ ܝܢܵܐ: ”ܬܵ‌ܐ.“ ܘܫܒ݂ܘܿܩ ܗ̇ܘ ܕܫܵܡܹܥ ܐܵܡܹܪ: ”ܬܵ‌ܐ.“ ܘܗ̇ܘ ܕܝܼܠܹܗ ܨܹܗܝܵܐ، ܫܒ݂ܘܿܩ ܐܵܬܹ‌ܐ. ܘܗ̇ܘ ܕܒܵܣܡܵܐ ܠܹܗ ܫܒ݂ܘܿܩ ܫܵܩܹܠ ܡ̈ܝܼܵܐ ܕܚܲܝܹ̈ܐ ܚܘܼܪܵܝܝܼ.