ܒ ܦܛܪܘܣ 1:3 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

³ ܒܗ̇ܝ ܕܚܲܝܠܹܗ ܐܲܠܵܗܵܝܵܐ ܝܘܼܗܒܹܠ ܠܹܗ ܐܸܠܲܢ ܟܠܵܝܗ‌ܝ ܡܸܢܕܝܼܵܢܹ̈ܐ، ܐܵܢܝܼ ܕܝܼܢܵܐ ܕܚܲܝܹ̈ܐ ܘܕܸܚܠܲܬ ܐܲܠܵܗܵܐ، ܒܝܲܕ ܝܕܵܥܬܵ‌ܐ ܕܗ̇ܘ ܕܩܸܪܝܲܚ ܠܹܗ ܒܬܸܫܒܘܿܚܬܵ‌ܐ ܘܛܵܒ݂ܬܵ‌ܐ ܕܓܵܢܹܗ،

ܒ ܦܛܪܘܣ 1:3 Iomraidhean Croise

ܐ ܦܛܪܘܣ 5:10

ܘܐܲܠܵܗܵܐ ܕܟܠܵܗ̇ ܫܵܦܵܩܲܬ، ܗ̇ܘ ܕܩܵܡ ܩܵܪܹܐ ܠܵܘܟ݂ܘܿܢ ܠܚܸܩܪܹܗ ܥܵܠܡܝܼܢܵܝܵܐ ܒܝܼܫܘܿܥ ܡܫܝܼܚܵܐ، ܡ̣ܢ ܒܵܬܪ ܕܩܘܼܒܸܠ ܠܵܘܟ݂ܘܿܢ ܚܲܫܵܐ ܩܵܐ ܚܲܕ ܙܲܒ݂ܢܵܐ ܟܸܪܝܵܐ ܒܸܬ ܡܲܟܡܸܠ ܠܵܘܟ݂ܘܿܢ، ܡܲܩܘܹܐ ܠܵܘܟ݂ܘܿܢ، ܚܲܠܸܢܵܘܟ݂ܘܿܢ ܘܫܲܬܐܸܣ ܠܵܘܟ݂ܘܿܢ.

ܒ ܛܝܡܬܐܘܣ 1:9

ܗ̇ܘ ܕܩܵܡ ܦܲܪܸܩ ܠܲܢ ܘܩܵܡ ܩܵܪܹܐ ܠܲܢ ܒܩܪܵܝܬܵ‌ܐ ܩܲܕܝܼܫܬܵ‌ܐ، ܠܵܐ ܒܝܲܕ ܦܘܼܠܚܵܢܲܢ، ܐܝܼܢܵܐ ܒܝܲܕ ܨܸܒ݂ܝܵܢܵܐ ܕܓܵܢܹܗ ܘܫܵܦܵܩܲܬܹܗ، ܗ̇ܝ ܕܦܝܼܫ ܠܵܗ̇ ܝܘܼܗܒܹܠܬܵ‌ܐ ܐܸܠܲܢ ܒܝܼܫܘܿܥ ܡܫܝܼܚܵܐ ܡ̣ܢ ܩܲܕܡ ܙܲܒ݂ܢܵܐ ܕܥܵܠܡܹ̈ܐ،

ܡܙܡܘܪܐ 84:11

ܣܵܒܵܒ ܫܸܡܫܵܐ ܘܡܵܛܵܠܵܐ ܝܠܹܗ ܡܵܪܝܵܐ ܐܲܠܵܗܵܐ، ܫܵܦܵܩܲܬ ܘܐܝܼܩܵܪܵܐ ܒܸܬ ܝܵܗܒܹܠ ܡܵܪܝܵܐ، ܠܹܐ ܡܲܟܠܹܐ ܛܵܒ݂ܬܵ‌ܐ ܡ̣ܢ ܕܐܵܢܝܼ ܕܚܵܕܪܝܼ ܒܬܲܡܝܼܡܘܼܬܵ‌ܐ.

ܪ̈ܗܘܡܝܐ 8:32

ܗ̇ܘ ܕܠܵܐ ܚܣܝܼܟ݂ ܠܹܗ ܠܒܪܘܿܢܵܐ ܕܓܵܢܹܗ، ܐܸܠܵܐ ܬܘܼܣܠܸܡ ܠܹܗ ܡ̣ܢ ܓܹܒܵܐ ܕܟܠܲܢ، ܕܵܐܟ݂ܝܼ ܥܲܡܹܗ ܠܹܐ ܝܵܗܒܹܠ ܠܲܢ ܟܠ ܡܸܢܕܝܼ؟

ܒ ܩܘܪ̈ܢܬܝܐ 12:9

ܐܝܼܢܵܐ ܐܡܝܼܪܹܗ ܐܸܠܝܼ: ”ܫܵܦܵܩܲܬ‌ܝܼ ܟܹܐ ܡܵܠܝܵܐ ܠܘܼܟ݂، ܣܵܒܵܒ ܚܲܝܠܝܼ ܒܙܲܒܘܼܢܘܼܬܵ‌ܐ ܟܹܐ ܦܵܐܹܫ ܬܘܼܡܸܡܵܐ.“ ܒܘܼܬ ܐܵܗܵܐ ܒܚܲܕܘܼܬܵ‌ܐ ܒܸܬ ܥܵܒ݂ܕܹܢ ܫܘܼܒ݂ܗܵܪܵܐ ܒܘܼܫ ܙܵܘܕܵܐ ܒܙܲܒܘܼܢܘܼܬ‌ܝܼ ܕܫܵܪܹܐ ܒܝܼܝܼ ܚܲܝܠܵܐ ܕܡܫܝܼܚܵܐ.

ܐ ܦܛܪܘܣ 2:21

ܣܵܒܵܒ ܠܐܵܗܵܐ ܦܝܼܫ ܠܵܘܟ݂ܘܿܢ ܩܸܪܝܹܐ، ܣܵܒܵܒ ܐܘܼܦ ܡܫܝܼܚܵܐ ܩܘܼܒܸܠ ܠܹܗ ܚܲܫܵܐ ܒܘܼܬ ܕܝܼܵܘܟ݂ܘܿܢ، ܘܫܒ݂ܝܼܩ ܠܹܗ ܐܸܠܵܘܟ݂ܘܿܢ ܛܘܼܦ̮ܣܵܐ ܕܬܵܒܥܝܼܬܘܿܢ ܠܦܵܣܘܿܥܝܵܬܘܼ̈ܗ‌ܝ.

ܒ ܬܣܠܘܢܝܩܝ̈ܐ 2:14

ܠܕܐܵܗܵܐ ܩܪܹܐ ܠܹܗ ܐܸܠܵܘܟ݂ܘܿܢ ܒܐܹܘܲܢܓܲܠܝܼܘܿܢ ܕܝܼܲܢ، ܕܗܵܘܹܝܬܘܿܢ ܫܲܪ̈ܝܼܟܹܐ ܒܚܸܩܪܵܐ ܕܡܵܪܲܢ ܝܼܫܘܿܥ ܡܫܝܼܚܵܐ.

ܐ ܦܛܪܘܣ 2:9

ܐܝܼܢܵܐ ܐܲܚܬܘܿܢ ܝܼܬܘܿܢ ܫܲܪܒܬܵ‌ܐ ܓܘܼܒܝܼܬܵ‌ܐ، ܟܵܗܢܘܼܬܵ‌ܐ ܡܲܠܟܵܝܬܵ‌ܐ، ܐܘܼܡܬܵ‌ܐ ܩܲܕܝܼܫܬܵ‌ܐ، ܛܵܝܸܦܵܐ ܕܐܲܠܵܗܵܐ، ܕܡܲܕܥܝܼܬܘܿܢ ܬܸܫܒܘܿܚܝܵܬܹ̈‌ܐ ܕܗ̇ܘ ܕܩܲܡ ܩܵܪܹܐ ܠܵܘܟ݂ܘܿܢ ܡ̣ܢ ܚܸܫܟܵܐ ܠܒܲܗܪܹܗ ܡܲܥܓ̰ܸܒܵܢܵܐ.

ܐ ܬܣܠܘܢܝܩܝ̈ܐ 2:12

ܘܚܘܼܦܸܛ ܠܲܢ ܐܸܠܵܘܟ݂ܘܿܢ ܕܚܵܕܪܝܼܬܘܿܢ ܐܲܝܟ݂ ܕܚܵܫܚܵܐ ܠܐܲܠܵܗܵܐ، ܗ̇ܘ ܕܩܵܡ ܩܵܪܹܐ ܠܵܘܟ݂ܘܿܢ ܠܡܲܠܟܘܼܬܹܗ ܘܠܚܸܩܪܹܗ.

ܐ ܬܣܠܘܢܝܩܝ̈ܐ 4:7

ܣܵܒܵܒ ܐܲܠܵܗܵܐ ܠܵܐ ܩܸܪܝܲܚ ܠܹܗ ܠܛܲܢܦܘܼܬܵ‌ܐ ܐܸܠܵܐ ܠܩܲܕܝܼܫܘܼܬܵ‌ܐ.

ܐ ܦܛܪܘܣ 1:15

ܐܝܼܢܵܐ ܕܵܐܟ݂ܝܼ ܕܗ̇ܘ ܩܵܡ ܓܲܒܹܐ ܠܵܘܟ݂ܘܿܢ ܩܲܕܝܼܫܵܐ ܝܠܹܗ، ܗܵܕܟ݂ܵܐ ܐܘܼܦ ܐܲܚܬܘܿܢ ܗܘܹܝܡܘܼܢ ܩܲܕܝܼܫܹ̈ܐ ܒܟܠܵܝܗ‌ܝ ܐܘܼܪ̈ܚܵܬܵܘܟ݂ܘܿܢ،

ܐܦܣܝ̈ܐ 4:1

ܒܘܼܬ ܐܵܗܵܐ ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ، ܐܵܢܵܐ ܐܲܣܝܼܪܵܐ ܒܘܼܬ ܚܵܬܸܪ ܕܡܵܪܝܵܐ، ܕܚܵܝܹܝܬܘܿܢ ܚܲܝܹ̈ܐ ܚܫܝܼܚܹ̈ܐ ܠܩܪܵܝܬܵ‌ܐ ܕܒܝܼܘܼܗ̇ ܦܝܼܫ ܠܵܘܟ݂ܘܿܢ ܩܸܪܝܹܐ.

ܐ ܩܘܪ̈ܢܬܝܐ 1:9

ܡܗܘܼܡܢܵܐ ܝܠܹܗ ܐܲܠܵܗܵܐ، ܗ̇ܘ ܕܩܵܡ ܓܲܒܹܐ ܠܵܘܟ݂ܘܿܢ ܠܫܲܪܝܼܟܘܼܬܵ‌ܐ ܥܲܡ ܒܪܘܿܢܹܗ، ܝܼܫܘܿܥ ܡܫܝܼܚܵܐ ܡܵܪܲܢ.

ܒ ܦܛܪܘܣ 1:2

ܫܵܦܵܩܲܬ ܘܫܠܵܡܵܐ ܙܵܝܕܝܼ ܐܸܠܵܘܟ݂ܘܿܢ ܒܝܕܵܥܬܵ‌ܐ ܕܐܲܠܵܗܵܐ ܘܝܼܫܘܿܥ ܡܵܪܲܢ.

ܒ ܦܛܪܘܣ 1:5

ܘܒܘܼܬ ܐܵܗܵܐ، ܚܲܦܛܘܼܢ ܒܟܠܹܗ ܚܲܝܠܵܐ ܕܡܲܙܝܸܕܝܼܬܘܿܢ ܥܲܠ ܗܲܝܡܵܢܘܼܬܵܘܟ݂ܘܿܢ ܛܵܒ݂ܬܵ‌ܐ، ܘܥܲܠ ܛܵܒ݂ܬܵ‌ܐ ܝܕܵܥܬܵ‌ܐ،

ܐ ܦܛܪܘܣ 3:9

ܠܵܐ ܦܵܪܥܝܼܬܘܿܢ ܒܝܼܫܬܵ‌ܐ ܚܠܵܦ ܒܝܼܫܬܵ‌ܐ، ܘܠܵܐ ܡܲܣܚܲܪܬܵ‌ܐ ܚܠܵܦ ܡܲܣܚܲܪܬܵ‌ܐ، ܐܸܠܵܐ ܡ̣ܢ ܓܹܒܵܐ ܕܐܲܢܹܐ ܒܲܪܟ݂ܘܼܢ، ܣܵܒܵܒ ܠܐܵܗܵܐ ܦܝܼܫ ܠܵܘܟ݂ܘܿܢ ܩܸܪܝܹܐ ܕܝܵܪܬܝܼܬܘܿܢ ܒܘܼܪܟܬܵ‌ܐ.

ܩܘܠܣܝ̈ܐ 1:16

ܣܵܒܵܒ ܒܝܼܹܗ ܦܝܼܫ ܠܗܘܿܢ ܒܸܪܝܹܐ ܟܠܵܝܗ‌ܝ ܡܸܢܕܝܼܵܢܹ̈ܐ ܒܫܡܲܝܵܐ ܘܒܐܲܪܥܵܐ، ܡܸܬܚܲܙܝܵܢܹ̈ܐ ܘܠܵܐ ܡܸܬܚܲܙܝܵܢܹ̈ܐ، ܐܸܢ ܬܪ̈ܘܿܢܘܿܣܹܐ ܘܐܸܢ ܡܵܪ̈ܵܘܵܬܹ‌ܐ، ܐܸܢ ܪܹ̈ܝܫܵܢܹܐ ܘܐܸܢ ܫܘܼܠܛܵܢܹ̈ܐ، ܟܠܵܝܗ‌ܝ ܡܸܢܕܝܼܵܢܹ̈ܐ ܒܝܼܹܗ ܘܐܸܠܹܗ ܦܝܼܫ ܠܗܘܿܢ ܒܸܪܝܹܐ،

ܐ ܛܝܡܬܐܘܣ 4:8

ܣܵܒܵܒ ܬܘܼܠܡܵܕܵܐ ܕܦܲܓ݂ܪܵܐ ܐܝܼܬ ܠܹܗ ܝܘܼܬܪܵܢܵܐ ܩܵܐ ܚܲܕ ܙܲܒ݂ܢܵܐ، ܐܝܼܢܵܐ ܙܕܘܼܥܬܵ‌ܐ ܕܐܲܠܵܗܵܐ ܐܝܼܬ ܠܵܗ̇ ܝܘܼܬܪܵܢܵܐ ܩܵܐ ܟܠ ܡܸܢܕܝܼ، ܣܵܒܵܒ ܐܝܼܬ ܠܵܗ̇ ܩܵܘܠܵܐ ܩܵܐ ܐܲܢܹܐ ܚܲܝܹ̈ܐ ܘܐܘܼܦ ܩܵܐ ܚܲܝܹ̈ܐ ܕܐܵܬ‌ܝܼ.

ܐܦܣܝ̈ܐ 4:4

ܐܝܼܬ ܚܲܕ ܦܲܓ݂ܪܵܐ ܘܚܲܕ ܪܘܼܚܵܐ، ܕܵܐܟ݂ܝܼ ܕܦܝܼܫ ܠܵܘܟ݂ܘܿܢ ܩܸܪܝܹܐ ܠܚܕܵܐ ܗܹܒ݂ܝܼ ܐܝܼܡܲܢ ܕܦܝܼܫ ܠܵܘܟ݂ܘܿܢ ܩܸܪܝܹܐ،

ܦܝܠܝܦܣܝ̈ܐ 4:8

ܒܚܲܪܬܵ‌ܐ ܐܲܚܘܿܢܘܵܬ‌ܝܼ̈، ܐܵܢܝܼ ܡܸܢܕܝܼܵܢܹ̈ܐ ܕܝܼܢܵܐ ܫܲܪܝܼܪܹ̈ܐ، ܐܵܢܝܼ ܕܝܼܢܵܐ ܡܝܘܼܩܪܹ̈ܐ، ܐܵܢܝܼ ܕܝܼܢܵܐ ܟܹܐܢܹ̈ܐ، ܐܵܢܝܼ ܕܝܼܢܵܐ ܕܸܟ݂ܝܹ̈ܐ، ܐܵܢܝܼ ܕܝܼܢܵܐ ܡܘܼܚܸܒܹ̈ܐ، ܐܵܢܝܼ ܕܝܼܢܵܐ ܚܩܝܼܪܹ̈ܐ؛ ܐܸܢ ܐܝܼܬ ܡܸܢܕܝܼ ܛܵܒ݂ܵܐ، ܘܐܸܢ ܐܝܼܬ ܡܸܢܕܝܼ ܕܐܝܼܩܵܪܵܐ، ܬܲܚܡܸܢܘܼܢ ܒܐܲܢܹܐ.

ܡܬ‌ܝ 28:18

ܐܬܹ‌ܐ ܠܹܗ ܝܼܫܘܿܥ ܘܗܘܼܡܙܸܡ ܠܹܗ ܥܲܡܵܝܗ‌ܝ ܘܐܡܝܼܪܹܗ ܐܸܠܵܝܗ‌ܝ: ”ܦܝܼܫ ܠܹܗ ܝܘܼܗܒ݂ܵܐ ܐܸܠܝܼ ܟܠ ܫܘܼܠܛܵܢܵܐ ܒܫܡܲܝܵܐ ܘܒܐܲܪܥܵܐ. ܕܵܐܟ݂ܝܼ ܕܩܵܡ ܫܲܕܸܪܝܼ ܒܵܒܝܼ، ܗܵܕܟ݂ܵܐ ܐܘܼܦ ܐܵܢܵܐ ܫܲܕܘܼܪܵܘܟ݂ܘܿܢ ܝܼܘܸܢ.

ܥܒ݂ܪ̈ܝܐ 1:3

ܗ̇ܘ ܕܝܼܠܹܗ ܫܲܦ̮ܩܵܐ ܕܫܘܼܒ݂ܚܹܗ، ܘܨܲܠܡܵܐ ܓܡܝܼܪܵܐ ܕܐܝܼܬܘܼܬܹܗ، ܡܘܼܩܘܹܐ ܠܹܗ ܟܠ ܡܸܢܕܝܼ ܒܚܲܝܠܵܐ ܕܗܹܡܸܙܡܵܢܹܗ. ܡ̣ܢ ܒܵܬܪ ܕܩܵܡ ܕܲܟܹܐ ܠܲܢ ܡ̣ܢ ܚܛܝܼܵܬܹ̈‌ܐ، ܝܬܝܼܒ݂ ܠܹܗ ܥܲܠ ܝܲܡܝܼܢܵܐ ܕܥܸܠܵܝܵܐ ܒܲܡܪ̈ܵܘܡܹܐ.

ܡܙܡܘܪܐ 110:3

ܥܲܡܘܼܟ݂ ܒܸܬ ܡܲܩܪܸܒ݂ ܓܵܢܹܗ ܒܨܸܒ݂ܝܵܢܵܐ ܒܝܵܘܡܵܐ ܕܚܲܝܠܘܼܟ݂، ܒܣܸܩ̈ܠܹܐ ܕܩܘܼܕܫܵܐ، ܡ̣ܢ ܡܲܪܒܥܵܐ ܕܨܲܦܪܵܐ، ܐܸܠܘܼܟ݂ ܛܠܘܼܠܵܐ ܕܝܵܠܕ݇ܘܼܬܘܼܟ݂.

ܐ ܦܛܪܘܣ 1:5

ܐܲܚܬܘܿܢ ܕܦܝܼܫܹܐ ܝܬܘܿܢ ܢܛܝܼܪܹܐ ܒܚܲܝܠܵܐ ܕܐܲܠܵܗܵܐ ܒܝܲܕ ܗܲܝܡܵܢܘܼܬܵ‌ܐ ܠܦܘܼܪܩܵܢܵܐ ܕܝܼܠܹܗ ܗܕܝܼܪܵܐ ܕܦܵܐܹܫ ܓܸܠܝܵܐ ܒܙܲܒ݂ܢܵܐ ܐܚܵܪܵܝܵܐ.

ܪ̈ܗܘܡܝܐ 9:24

ܐܘܼܦ ܐܲܚܢܲܢ، ܐܵܢܝܼ ܕܐܲܠܵܗܵܐ ܓܘܼܒܝܵܝ ܠܹܗ ܠܵܐ ܐܲܚܟ̰ܝܼ ܡ̣ܢ ܝܗܘܼܕܵܝܹ̈ܐ ܐܝܼܢܵܐ ܐܘܼܦ ܡ̣ܢ ܐܸܡܘܵܬܹ̈‌ܐ.

ܦܝܠܝܦܣܝ̈ܐ 3:8

ܘܗܸܫ ܒܘܼܫ ܙܵܘܕܵܐ، ܚܲܫܒܘܼܢܵܝ ܝܘܸܢ ܟܠܵܝܗ‌ܝ ܚܘܼܣܪܵܢܵܐ ܒܘܼܬ ܚܵܬܸܪ ܕܓܘܼܪܘܼܬܵ‌ܐ ܕܝܕܵܥܬܵ‌ܐ ܕܝܼܫܘܿܥ ܡܫܝܼܚܵܐ ܡܵܪܝܼ، ܕܒܘܼܬ ܕܝܼܹܗ ܚܣܝܼܪܝܼ ܟܠܵܝܗ‌ܝ ܡܸܢܕܝܼܵܢܹ̈ܐ، ܘܚܲܫܒܘܼܢܵܝ ܝܘܸܢ ܙܸܒܠܵܐ ܕܩܵܢܹܝܢ ܠܡܫܝܼܚܵܐ،

ܒ ܦܛܪܘܣ 1:6

ܘܥܲܠ ܝܕܵܥܬܵ‌ܐ ܕܒ݂ܵܩܬܵ‌ܐ ܕܓܵܢܵܐ، ܘܥܲܠ ܕܒ݂ܵܩܬܵ‌ܐ ܕܓܵܢܵܐ ܚܡܵܠܬܵ‌ܐ، ܘܥܲܠ ܚܡܵܠܬܵ‌ܐ ܙܕܘܼܥܬܵ‌ܐ ܕܐܲܠܵܗܵܐ،

ܒ ܦܛܪܘܣ 1:8

ܣܵܒܵܒ ܐܸܢ ܐܲܢܹܐ ܕܝܼܠܵܝܵܬܹ̈‌ܐ ܗܵܘܝܼ ܒܝܼܵܘܟ݂ܘܿܢ ܘܙܵܝܕܝܼ، ܠܹܐ ܗܵܘܹܝܬܘܿܢ ܣܪܝܼܩܹܐ ܘܕܠܵܐ ܛܥܘܼܢܬܵ‌ܐ ܒܝܕܵܥܬܵ‌ܐ ܕܡܵܪܲܢ ܝܼܫܘܿܥ ܡܫܝܼܚܵܐ.

ܒ ܦܛܪܘܣ 1:10

ܒܘܼܬ ܐܵܗܵܐ، ܐܲܚܘܿܢܘܵܬܹ̈‌ܐ، ܒܘܼܫ ܙܵܘܕܵܐ ܩܸܫܝܵܐܝܼܬ ܚܲܦܛܘܼܢ ܠܡܲܩܘܘܼܝܹܐ ܩܪܵܝܬܵܘܟ݂ܘܿܢ ܘܓܲܒܲܝܬܵܘܟ݂ܘܿܢ، ܣܵܒܵܒ ܐܸܢ ܥܵܒ݂ܕܝܼܬܘܿܢ ܐܲܢܹܐ، ܗܸܟ̃ ܠܹܐ ܢܵܦܠܝܼܬܘܿܢ؛

ܒ ܦܛܪܘܣ 2:20

ܣܵܒܵܒ ܐܵܢܝܼ ܕܦܨܹܐ ܠܗܘܿܢ ܡ̣ܢ ܛܲܢܦܘܼܬܵ‌ܐ ܕܥܵܠܡܵܐ ܒܝܲܕ ܝܕܵܥܬܵܝܗ‌ܝ ܠܡܵܪܲܢ ܘܦܵܪܘܿܩܲܢ ܝܼܫܘܿܥ ܡܫܝܼܚܵܐ، ܘܡܸܢܕܪܸܫ ܦܵܝܫܝܼ ܚܘܼܪܕܝܼܹܐ ܘܓ݂ܠܝܼܒܹܐ ܒܝܼܹܗ، ܚܲܪܬܵܝܗ‌ܝ ܒܸܬ ܗܵܘܝܵܐ ܒܘܼܫ ܣܪܝܼܬܵ‌ܐ ܡ̣ܢ ܩܲܕܡܵܝܬܵܝܗ‌ܝ.

ܒ ܦܛܪܘܣ 3:18

ܐܝܼܢܵܐ ܓܲܪܘܸܣܘܼܢ ܒܫܵܦܵܩܲܬ ܘܒܝܕܵܥܬܵܘܟ݂ܘܿܢ ܕܡܵܪܲܢ ܘܦܵܪܘܿܩܲܢ ܝܼܫܘܿܥ ܡܫܝܼܚܵܐ. ܐܸܠܹܗ ܬܸܫܒܘܿܚܬܵ‌ܐ ܡ̣ܢ ܐܵܕܝܼܵܐ ܘܗܲܠ ܥܵܠܲܡ. ܐܵܡܹܝܢ.