ܐ ܛܝܡܬܐܘܣ 3:8 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

⁸ ܗܵܕܟ݂ܵܐ ܐܘܼܦ ܫܲܡܵܫܹ̈ܐ ܘܵܠܹܐ ܝܠܵܗ̇ ܕܗܵܘܝܼ ܐܢܵܫܹ̈ܐ ܕܐܝܼܩܵܪܵܐ، ܗܲܡܙܸܡܵܢܹ̈ܐ ܕܫܪܵܪܵܐ، ܠܵܐ ܫܵܬܝܵܢܹ̈ܐ ܕܚܲܡܪܵܐ ܪܵܒܵܐ، ܠܵܐ ܡܲܚܸܒܵܢܹ̈ܐ ܕܩܢܵܝܬܵ‌ܐ ܫܸܚܬܵܢܬܵ‌ܐ،

ܐ ܛܝܡܬܐܘܣ 3:8 Iomraidhean Croise

ܡܙܡܘܪܐ 12:2

ܣܪܝܼܩܘܼܬܵ‌ܐ ܟܹܐ ܗܲܡܙܸܡܝܼ ܐܢܵܫܵܐ ܥܲܡ ܚܲܒ݂ܪܹܗ؛ ܒܣܸܦܘܵܬܹ̈‌ܐ ܟ̰ܘܼܥܝܹ̈ܐ، ܒܬܪܹܝ ܠܸܒܹ̈ܐ ܦܪ̈ܝܼܫܹܐ ܟܹܐ ܗܲܡܙܸܡܝܼ.

ܡܙܡܘܪܐ 5:9

ܒܗ̇ܝ ܕܠܲܝܬ ܒܦܘܼܡܵܝܗ‌ܝ ܫܪܵܪܵܐ ܡܩܵܘܝܵܢܵܐ، ܓܵܘܵܝܗ‌ܝ ܚܪܵܒ݂ܵܐ ܝܠܹܗ. ܒܵܠܘܿܥܬܵܝܗ‌ܝ ܩܲܒ݂ܪܵܐ ܦܬܘܼܚܬܵ‌ܐ، ܒܠܸܫܵܢܵܝܗ‌ܝ ܟܹܐ ܫܲܕܠܝܼ.

ܡܙܡܘܪܐ 50:19

”ܦܘܼܡܘܼܟ݂ ܝܘܼܗܒܹܠ ܠܘܼܟ݂ ܠܒܝܼܫܬܵ‌ܐ، ܘܠܸܫܵܢܘܼܟ݂ ܟܹܐ ܡܲܠܚܸܡ ܦܸܠܡܵܐ.

ܡܙܡܘܪܐ 52:2

ܡܲܚܪܲܒ݂ܬܵ‌ܐ ܬܲܚܡܘܼܢܹܐ ܝܠܹܗ ܠܸܫܵܢܘܼܟ݂، ܐܲܝܟ݂ ܡܲܓܪܲܥܬܵ‌ܐ ܚܲܪܝܼܦܬܵ‌ܐ، ܝܵܐ ܥܵܒ݂ܕܵܢܵܐ ܕܦܸܠܡܵܐ.

ܪ̈ܗܘܡܝܐ 3:13

ܒܵܠܘܿܥܵܝܗ‌ܝ ܩܲܒ݂ܪܵܐ ܦܬܝܼܚܵܐ ܝܠܹܗ، ܘܒܠܸܫܵܢܵܝܗ‌ܝ ܟܹܐ ܗܲܡܙܸܡܝܼ ܦܸܠܡܵܐ، ܘܣܲܡܵܐ ܕܐܵܟܸܕܢܹ̈ܐ ܬܚܘܿܬ ܣܸܦܘܵܬܵܝ̈ܗ‌ܝ ܝܠܹܗ.

ܦܝܠܝܦܣܝ̈ܐ 1:1

ܦܵܘܠܘܿܣ ܘܛܝܼܡܵܬܹܐܘܿܣ، ܥܲܒ݂ܕܹ̈ܐ ܕܝܼܫܘܿܥ ܡܫܝܼܚܵܐ، ܠܟܠܵܝܗ‌ܝ ܩܲܕܝܼܫܹ̈ܐ ܒܝܼܫܘܿܥ ܡܫܝܼܚܵܐ ܕܝܼܢܵܐ ܓܵܘ ܦܝܼܠܝܼܦܘܿܣ، ܥܲܡ ܐܲܦܸܣܩܘܿܦܹ̈ܐ ܘܡܫܲܡܫܵܢܹ̈ܐ،

ܐ ܛܝܡܬܐܘܣ 3:12

ܫܲܡܵܫܹ̈ܐ ܗܵܘܝܼ ܟܠ ܚܲܕ ܓܲܒ݂ܪܵܐ ܕܚܕܵܐ ܒܲܟ݂ܬܵ‌ܐ، ܘܬܲܓܒܸܪܝܼ ܝܵܠܵܕ݇ܝ̈ܗ‌ܝ ܘܒܲܝܬܵܝܗ‌ܝ ܨܦܵܝܝܼ.

ܐ ܛܝܡܬܐܘܣ 3:2

ܒܵܣ ܘܵܠܹܐ ܝܠܵܗ̇ ܠܐܲܦܸܣܩܘܿܦܵܐ ܕܗܵܘܹܐ ܕܠܵܐ ܠܵܘܡܵܐ، ܓܲܒ݂ܪܵܐ ܕܚܕܵܐ ܒܲܟ݂ܬܵ‌ܐ ܐܲܚܟ̰ܝܼ، ܙܲܒܛܸܢܵܢܵܐ ܕܓܵܢܹܗ، ܨܲܠܝܼܠܵܐ، ܪܹܐܙܵܢܵܝܵܐ، ܡܲܫܪܝܼܵܢܵܐ ܕܢܘܼܟ݂ܪ̈ܵܝܹܐ ܘܚܫܝܼܚܵܐ ܠܡܲܠܘܼܦܹܐ،

ܐ ܛܝܡܬܐܘܣ 3:3

ܠܵܐ ܫܵܬܝܵܢܵܐ ܕܚܲܡܪܵܐ ܪܵܒܵܐ، ܠܵܐ ܡܵܚܝܵܢܵܐ ܐܸܠܵܐ ܡܲܟܝܼܟ݂ܵܐ، ܠܵܐ ܡܲܩܪܸܨܵܢܵܐ، ܠܵܐ ܡܲܚܸܒܵܢܵܐ ܕܙܘܼܙܵܐ،

ܐ ܛܝܡܬܐܘܣ 5:23

ܠܵܐ ܫܵܬܹܝܬ ܐܲܚܟ̰ܝܼ ܡ̈ܝܼܵܐ، ܐܸܠܵܐ ܡܲܦܠܸܚ ܚܲܕܟ̰ܵܐ ܚܲܡܪܵܐ ܒܘܼܬ ܐܸܣܛܘܼܡܟܘܼܟ݂ ܘܒܘܼܬ ܡܲܪ̈ܥܹܐ ܕܒܹܗܘܵܝܘܼܟ݂ ܝܢܵܐ ܪܵܒܵܐ ܓܵܗܹ̈ܐ.

ܛܛܘܣ 1:7

ܣܵܒܵܒ ܘܵܠܹܐ ܝܠܵܗ̇ ܠܐܲܦܸܣܩܘܿܦܵܐ ܗܵܘܹܐ ܕܠܵܐ ܠܵܘܡܵܐ ܐܲܝܟ݂ ܪܲܒ ܒܲܝܬܵ‌ܐ ܕܐܲܠܵܗܵܐ، ܠܵܐ ܪܸܩܝܼܵܢܵܐ، ܠܵܐ ܟܲܪܒܵܢܵܐ، ܘܠܵܐ ܡܲܚܸܒܵܢܵܐ ܕܚܲܡܪܵܐ، ܠܵܐ ܚܸܡܬܵܢܵܐ، ܘܠܵܐ ܡܲܚܸܒܵܢܵܐ ܕܩܢܵܝܬܵ‌ܐ ܕܛܲܢܦܘܼܬܵ‌ܐ،

ܛܛܘܣ 2:3

ܡܲܠܸܦ ܐܘܼܦ ܣܵܒ݂ܝܵܬܹ̈‌ܐ ܗܵܘܝܼ ܗܵܕܟ݂ܵܐ ܒܸܚܵܝܵܐ ܒܕܘܼܒܵܪܹ̈ܐ ܕܚܵܫܚܝܼ ܠܐܝܼܩܵܪܵܐ، ܠܵܐ ܠܵܝܡܵܢܹ̈ܐ، ܠܵܐ ܥܲܒ݂ܕܹ̈ܐ ܠܚܲܡܪܵܐ، ܐܸܠܵܐ ܡܲܠܦܵܢܹ̈ܐ ܕܡܸܢܕܝܼܵܢܹ̈ܐ ܛܵܒܹ̈ܐ،

ܝܥܩܘܒ݂ 3:10

ܗܲܪ ܡ̣ܢ ܚܲܕ ܦܘܼܡܵܐ ܟܹܐ ܦܵܠܛܵܐ ܒܘܼܪܟܬܵ‌ܐ ܘܠܵܘܛܬܵ‌ܐ. ܠܹܐ ܝܠܵܗ̇ ܠܚܝܼܡܬܵ‌ܐ، ܐܲܚܘܿܢܘܵܬ‌ܝܼ̈، ܕܐܲܢܹܐ ܗܵܕܟ݂ܵܐ ܗܵܘܝܼ.

ܐ ܦܛܪܘܣ 5:2

ܡܲܪܥܹܝܡܘܼܢ ܡܲܪܥܝܼܬܵ‌ܐ ܕܐܲܠܵܗܵܐ ܕܣܘܼܦܝܵܐ ܠܹܗ ܒܝܼܵܘܟ݂ܘܿܢ، ܬܲܓܒܸܪܘܼܢ ܠܵܗ̇، ܠܵܐ ܬܚܘܿܬ ܚܲܝܠܵܐ، ܐܸܠܵܐ ܒܪܸܙܵܝܵܐ ܐܲܝܟ݂ ܨܸܒ݂ܝܵܢܵܐ ܕܐܲܠܵܗܵܐ، ܠܵܐ ܩܵܐ ܩܢܵܝܬܵ‌ܐ ܫܸܚܬܵܢܬܵ‌ܐ، ܐܸܠܵܐ ܡ̣ܢ ܟܠܹܗ ܠܸܒܵܘܟ݂ܘܿܢ،