ܐ ܛܝܡܬܐܘܣ 3:2 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

² ܒܵܣ ܘܵܠܹܐ ܝܠܵܗ̇ ܠܐܲܦܸܣܩܘܿܦܵܐ ܕܗܵܘܹܐ ܕܠܵܐ ܠܵܘܡܵܐ، ܓܲܒ݂ܪܵܐ ܕܚܕܵܐ ܒܲܟ݂ܬܵ‌ܐ ܐܲܚܟ̰ܝܼ، ܙܲܒܛܸܢܵܢܵܐ ܕܓܵܢܹܗ، ܨܲܠܝܼܠܵܐ، ܪܹܐܙܵܢܵܝܵܐ، ܡܲܫܪܝܼܵܢܵܐ ܕܢܘܼܟ݂ܪ̈ܵܝܹܐ ܘܚܫܝܼܚܵܐ ܠܡܲܠܘܼܦܹܐ،

ܐ ܛܝܡܬܐܘܣ 3:2 Iomraidhean Croise

ܠܘܩܐ 1:6

ܬܸܪܘܵܝ ܙܲܕܝܼܩܹ̈ܐ ܝܗܘܵܘ ܩܲܕܡ ܐܲܠܵܗܵܐ، ܒܸܚܕܵܪܵܐ ܕܠܵܐ ܡܘܼܡܵܐ ܒܟܠܵܝܗ‌ܝ ܦܘܼܩܕܵܢܹ̈ܐ ܘܩܵܢܘܿܢܹ̈ܐ ܕܡܵܪܝܵܐ.

ܠܘܩܐ 2:36

ܘܐܝܼܬ ܗܘܵܐ ܚܕܵܐ ܢܒ݂ܝܼܬܵ‌ܐ ܫܸܡܘܼܗ̇ ܚܲܢܵܐ، ܒܪܵܬܵ‌ܐ ܕܦܢܘܼܐܹܝܠ، ܡ̣ܢ ܫܲܒ݂ܛܵܐ ܕܐܵܫܹܝܪ، ܓܘܼܪܬܵ‌ܐ ܒܫܸܢܹ̈ܐ ܘܚܝܹܐ ܠܵܗ̇ ܫܒܲܥ ܫܸܢܹ̈ܐ ܥܲܡ ܓܲܒ݂ܪܘܼܗ̇ ܗܵܐ ܡ̣ܢ ܒܬܘܼܠܘܼܬܘܼܗ̇.

ܪ̈ܗܘܡܝܐ 12:13

ܗܵܘܹܝܬܘܿܢ ܫܲܪ̈ܝܼܟܹܐ ܒܣܢܝܼܩܘܼܬܵ‌ܐ ܕܩܲܕܝܼܫܹ̈ܐ، ܗܵܘܹܝܬܘܿܢ ܡܪ̈ܲܚܡܵܢܹܐ ܠܢܘܼܟ݂ܪ̈ܵܝܹܐ.

ܦܝܠܝܦܣܝ̈ܐ 2:15

ܕܗܵܘܹܝܬܘܿܢ ܕܠܵܐ ܡܘܼܡܵܐ ܘܕܸܟ݂ܝܹ̈ܐ، ܒܢܘܿܢܹ̈ܐ ܕܐܲܠܵܗܵܐ ܕܠܵܐ ܠܵܘܡܵܐ ܓܵܘ ܚܲܕ ܕܵܘܪܵܐ ܦܟ̰ܝܼܠܵܐ ܘܚܪܝܼܒ݂ܵܐ، ܘܕܦܵܝܫܝܼܬܘܿܢ ܚܸܙܝܹܐ ܓܵܘܹܗ ܐܲܝܟ݂ ܟܵܘܟ݂ܒܹ̈ܐ ܒܲܗܪܘܼܢܹܐ ܓܵܘ ܥܵܠܡܵܐ،

ܐ ܛܝܡܬܐܘܣ 3:12

ܫܲܡܵܫܹ̈ܐ ܗܵܘܝܼ ܟܠ ܚܲܕ ܓܲܒ݂ܪܵܐ ܕܚܕܵܐ ܒܲܟ݂ܬܵ‌ܐ، ܘܬܲܓܒܸܪܝܼ ܝܵܠܵܕ݇ܝ̈ܗ‌ܝ ܘܒܲܝܬܵܝܗ‌ܝ ܨܦܵܝܝܼ.

ܐ ܛܝܡܬܐܘܣ 3:8

ܗܵܕܟ݂ܵܐ ܐܘܼܦ ܫܲܡܵܫܹ̈ܐ ܘܵܠܹܐ ܝܠܵܗ̇ ܕܗܵܘܝܼ ܐܢܵܫܹ̈ܐ ܕܐܝܼܩܵܪܵܐ، ܗܲܡܙܸܡܵܢܹ̈ܐ ܕܫܪܵܪܵܐ، ܠܵܐ ܫܵܬܝܵܢܹ̈ܐ ܕܚܲܡܪܵܐ ܪܵܒܵܐ، ܠܵܐ ܡܲܚܸܒܵܢܹ̈ܐ ܕܩܢܵܝܬܵ‌ܐ ܫܸܚܬܵܢܬܵ‌ܐ،

ܐ ܛܝܡܬܐܘܣ 4:3

ܡܲܟܠܘܼܝܹܐ ܝܢܵܐ ܐܢܵܫܹ̈ܐ ܡ̣ܢ ܠܸܓܒ݂ܵܪܵܐ، ܘܡܲܪܚܘܼܩܵܝ ܝܢܵܐ ܡ̣ܢ ܡܹܐܟ݂ܘܼܠܝܵܬܹ̈‌ܐ، ܐܵܢܝܼ ܕܐܲܠܵܗܵܐ ܒܸܪܝܵܝ ܠܹܗ ܕܦܵܝܫܝܼ ܩܘܼܒܠܹܐ ܒܫܲܟܲܪܬܵ‌ܐ ܒܝܲܕ ܡܗܘܼܡܢܹ̈ܐ ܘܒܝܲܕ ܐܵܢܝܼ ܕܝܵܕܥܝܼ ܠܹܗ ܫܪܵܪܵܐ.

ܐ ܛܝܡܬܐܘܣ 5:10

ܘܐܝܼܬ ܠܵܗ̇ ܣܵܗܕܘܼܬܵ‌ܐ ܕܦܘܼܠܚܵܢܹ̈ܐ ܫܲܦܝܼܪܹ̈ܐ: ܓܘܼܪܘܸܣܬܵ‌ܐ ܝܠܵܗ̇ ܝܵܠܹ̈ܕ݇ܐ، ܡܘܼܫܪܝܼܬܵ‌ܐ ܝܠܵܗ̇ ܢܘܼܟ݂ܪ̈ܵܝܹܐ، ܚܘܼܠܸܠܬܵ‌ܐ ܝܠܵܗ̇ ܐܲܩܠܵܬܹ̈‌ܐ ܕܩܲܕܝܼܫܹ̈ܐ، ܡܘܼܢܝܸܚܬܵ‌ܐ ܝܠܵܗ̇ ܠܡܘܼܠܝܸܨܹ̈ܐ، ܘܬܒܝܼܥܬܵ‌ܐ ܝܠܵܗ̇ ܠܟܠ ܦܘܼܠܚܵܢܵܐ ܛܵܒ݂ܵܐ.

ܐ ܛܝܡܬܐܘܣ 5:22

ܠܵܐ ܡܲܠܝܸܙܸܬ ܒܡܲܬܲܒ݂ܬܵ‌ܐ ܕܐܝܼܕܵܐ ܥܲܠ ܐܢܵܫܵܐ، ܘܠܵܐ ܗܵܘܹܝܬ ܫܲܪܝܼܟܵܐ ܒܚܛܝܼܵܬܹ̈‌ܐ ܕܐܢܵܫܹ̈ܐ ܐܚܹܪ̈ܢܹܐ. ܢܛܘܿܪ ܠܓܵܢܘܼܟ݂ ܒܕܸܟ݂ܝܘܼܬܵ‌ܐ.

ܐ ܛܝܡܬܐܘܣ 5:9

ܚܕܵܐ ܐܲܪܡܸܠܬܵ‌ܐ ܠܵܐ ܦܵܝܫܵܐ ܡܘܼܥܒܸܪܬܵ‌ܐ ܒܣܸܕܪܵܐ ܕܚܸܫܒܘܼܢܵܐ ܐܸܢ ܒܘܼܫ ܒܵܨܘܿܪܬܵ‌ܐ ܝܠܵܗ̇ ܡ̣ܢ ܫܬ‌ܝܼ ܫܸܢܹ̈ܐ، ܘܕܓܒ݂ܝܼܪܬܵ‌ܐ ܝܗܘܵܐ ܠܚܲܕ ܓܲܒ݂ܪܵܐ،

ܒ ܛܝܡܬܐܘܣ 2:24

ܘܠܹܐ ܝܠܵܗ̇ ܚܫܝܼܚܬܵ‌ܐ ܠܪܹܓܵܐ ܕܡܵܪܲܢ ܕܦܵܠܹܫ، ܐܸܠܵܐ ܕܗܵܘܹܐ ܡܲܟܝܼܟ݂ܵܐ ܠܟܸܣ ܟܠܵܝܗ‌ܝ ܐܢܵܫܹ̈ܐ، ܡܵܨܝܵܢܵܐ ܠܡܲܠܘܼܦܹܐ، ܩܲܒܠܵܢܵܐ،

ܛܛܘܣ 2:2

ܚܘܵܪ̈ܕܸܩܢܹܐ ܗܵܘܝܼ ܨܲܠܝܼܠܹ̈ܐ، ܚܫܝܼܚܹ̈ܐ ܠܐܝܼܩܵܪܵܐ، ܪܥܝܼܫܹܐ ܒܚܘܼܫܵܒ݂ܵܝ̈ܗ‌ܝ، ܓܡܝܼܪܹܐ ܒܗܲܝܡܵܢܘܼܬܵ‌ܐ ܘܒܚܘܼܒܵܐ ܘܒܚܡܵܠܬܵ‌ܐ.

ܥܒ݂ܪ̈ܝܐ 13:2

ܠܵܐ ܡܲܢܫܹܝܬܘܿܢ ܡܲܫܪܲܝܬܵ‌ܐ ܕܢܘܼܟ݂ܪ̈ܵܝܹܐ، ܣܵܒܵܒ ܗܵܕܟ݂ܵܐ ܚܲܕܟܡܵܐ ܡܘܼܫܪܹܐ ܠܗܘܿܢ ܡܲܠܲܐܟܹ̈ܐ ܟܲܕ ܠܵܐ ܒܝܼܕܵܥܵܐ ܕܡܲܠܲܐܟܹ̈ܐ ܝܗܘܵܘ.

ܥܒ݂ܪ̈ܝܐ 3:14

ܣܵܒܵܒ ܗܘܹܐ ܠܲܢ ܫܲܪ̈ܝܼܟܹܐ ܒܡܫܝܼܚܵܐ ܐܸܢ ܟܵܠܲܚ ܡܩܵܘܝܵܢܹܐ ܒܚܵܬܸܪܓ̰ܲܡܥܘܼܬܲܢ ܩܲܕܡܬܵ‌ܐ ܗܲܠ ܚܲܪܬܵ‌ܐ.

ܐ ܦܛܪܘܣ 4:7

ܫܘܼܠܵܡܵܐ ܕܟܠܵܝܗ‌ܝ ܡܸܢܕܝܼܵܢܹ̈ܐ ܩܘܼܪܒܵܐ ܝܠܹܗ. ܒܵܣ ܗܘܹܝܡܘܼܢ ܨܲܠܝܼܠܹ̈ܐ ܘܪ̈ܥܝܼܫܹܐ ܠܨܠܵܘܵܬܹ̈‌ܐ.

ܐ ܦܛܪܘܣ 4:9

ܗܘܹܝܡܘܼܢ ܡܲܫܪ̈ܝܼܵܢܹܐ ܕܐܚܹܪ̈ܢܹܐ ܕܠܵܐ ܛܲܪܛܲܡܬܵ‌ܐ.

ܐ ܦܛܪܘܣ 5:8

ܗܘܹܝܡܘܼܢ ܨܲܠܝܼܠܹ̈ܐ ܘܪܥܘܿܫܘܼܢ، ܣܵܒܵܒ ܕܸܫ̃ܡܸܢܵܘܟ݂ܘܿܢ ܐܵܟܹܠܩܲܪܨܵܐ ܐܲܝܟ݂ ܐܲܪܝܵܐ ܓܲܪܓܸܡܵܢܵܐ ܒܸܚܕܵܪܵܐ ܝܠܹܗ، ܘܒܸܛܥܵܝܵܐ ܕܚܵܙܹܐ ܠܡܵܢܝܼ ܒܵܠܹܥ.