ܐ ܛܝܡܬܐܘܣ 2:6 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

⁶ ܗ̇ܘ ܕܝܘܼܗܒܹܠ ܠܹܗ ܓܵܢܹܗ ܦܘܼܪܩܵܢܵܐ ܡ̣ܢ ܓܹܒܵܐ ܕܟܠܵܝܗ‌ܝ ܐܢܵܫܹ̈ܐ، ܣܵܗܕܘܼܬܵ‌ܐ ܕܦܝܼܫ ܠܵܗ̇ ܝܘܼܗܒܹܠܬܵ‌ܐ ܒܙܲܒ݂ܢܵܐ ܕܓܵܢܘܼܗ̇.

ܐ ܛܝܡܬܐܘܣ 2:6 Iomraidhean Croise

ܡܬ‌ܝ 20:28

”ܕܵܐܟ݂ܝܼ ܕܒܪܘܿܢܵܐ ܕܐܢܵܫܵܐ ܠܵܐ ܐܬܹ‌ܐ ܠܹܗ ܕܦܵܐܹܫ ܥܒ݂ܝܼܕܵܐ ܚܸܠܡܲܬ ܡ̣ܢ ܐܢܵܫܹ̈ܐ، ܐܸܠܵܐ ܕܥܵܒܹܕ ܠܗܘܿܢ ܚܸܠܡܲܬ، ܘܝܵܗܒܹܠ ܓܵܢܹܗ ܦܘܼܪܩܵܢܵܐ ܡ̣ܢ ܓܹܒܵܐ ܕܪܵܒܵܐ.“

ܡܪܩܘܣ 1:15

ܘܒܹܐܡܵܪܵܐ: ”ܬܘܼܡܸܡ ܠܹܗ ܙܲܒ݂ܢܵܐ، ܘܩܘܼܪܒܸܢܵܗ̇ ܡܲܠܟܘܼܬܵ‌ܐ ܕܐܲܠܵܗܵܐ. ܬܲܘܸܒܘܼܢ، ܘܗܲܡܸܢܘܼܢ ܒܐܹܘܲܢܓܲܠܝܼܘܿܢ.“

ܡܪܩܘܣ 10:45

”ܣܵܒܵܒ ܐܘܼܦ ܒܪܘܿܢܵܐ ܕܐܢܵܫܵܐ ܠܵܐ ܐܬܹ‌ܐ ܠܹܗ ܕܐܢܵܫܹ̈ܐ ܥܵܒ݂ܕܝܼ ܠܹܗ ܚܸܠܡܲܬ، ܐܸܠܵܐ ܕܗ̇ܘ ܥܵܒܹܕ ܚܸܠܡܲܬ ܠܐܢܵܫܹ̈ܐ ܘܕܝܵܗܒܹܠ ܓܵܢܹܗ ܕܸܒ݂ܚܵܐ ܕܦܘܼܪܩܵܢܵܐ ܡ̣ܢ ܓܹܒܵܐ ܕܪܵܒܵܐ.“

ܝܘܚܢܢ 10:15

”ܕܵܐܟ݂ܝܼ ܕܒܵܒܵܐ ܟܹܐ ܝܵܕܹܥ ܠܝܼ، ܘܐܵܢܵܐ ܟܹܐ ܝܵܕܥܹܢ ܠܒܵܒܵܐ. ܘܟܹܐ ܕܵܒ݂ܚܹܢ ܓܵܢܝܼ ܡ̣ܢ ܓܹܒܵܐ ܕܥܸܪ̈ܒܝܼ.

ܝܘܚܢܢ 6:51

”ܐܵܢܵܐ ܝܘܸܢ ܠܲܚܡܵܐ ܕܚܲܝܹ̈ܐ ܕܨܠܹܐ ܠܝܼ ܡ̣ܢ ܫܡܲܝܵܐ. ܐܸܢ ܐܢܵܫܵܐ ܐܵܟܹܠ ܡ̣ܢ ܐܵܗܵܐ ܠܲܚܡܵܐ ܒܸܬ ܚܵܝܹܐ ܠܥܵܠܲܡ. ܘܦܲܓ݂ܪܝܼ ܝܠܹܗ ܐܵܗܵܐ ܠܲܚܡܵܐ ܕܝܵܗܒܹܢܹܗ، ܘܒܘܼܬ ܚܲܝܹ̈ܐ ܕܥܵܠܡܵܐ ܒܸܬ ܝܵܗܒܹܢܹܗ.“

ܪ̈ܗܘܡܝܐ 16:26

ܐܝܼܢܵܐ ܐܵܕܝܼܵܐ ܦܝܼܫ ܠܹܗ ܓܸܠܝܵܐ ܘܦܝܼܫ ܠܹܗ ܝܕܝܼܥܵܐ ܒܝܲܕ ܟܬܵܒܹ̈ܐ ܕܢܒ݂ܝܼܹ̈ܐ ܘܒܦܘܼܩܕܵܢܹ̈ܐ ܕܐܲܠܵܗܵܐ ܥܵܠܡܝܼܢܵܝܵܐ، ܕܟܠܵܝܗ‌ܝ ܐܸܡܘܵܬܹ̈‌ܐ ܗܲܡܸܢܝܼ ܘܡܲܨܝܸܬ‌ܝܼ،

ܪ̈ܗܘܡܝܐ 5:6

ܣܵܒܵܒ ܒܗ̇ܝ ܥܕܵܢܵܐ ܕܝܼܘܲܚ ܗܘܵܘ ܙܲܒܘܼܢܹ̈ܐ ܡܫܝܼܚܵܐ ܡܝܼܬ ܠܹܗ ܡ̣ܢ ܓܹܒܵܐ ܕܥܵܘܵܠܹ̈ܐ.

ܐ ܩܘܪ̈ܢܬܝܐ 1:6

ܘܣܵܒܵܒ ܣܵܗܕܘܼܬܵ‌ܐ ܒܘܼܬ ܡܫܝܼܚܵܐ ܦܝܼܫ ܠܵܗ̇ ܡܘܼܩܘܝܼܬܵ‌ܐ ܒܝܼܵܘܟ݂ܘܿܢ.

ܒ ܩܘܪ̈ܢܬܝܐ 5:21

ܐܲܠܵܗܵܐ ܥܒ݂ܝܼܕ ܠܹܗ ܠܗ̇ܘ ܕܠܹܐ ܝܵܕܹܥ ܗܘܵܐ ܚܛܝܼܬܵ‌ܐ ܕܗܵܘܹܐ ܚܛܝܼܬܵ‌ܐ ܡ̣ܢ ܓܹܒܲܢ، ܕܐܲܚܢܲܢ ܗܵܘܲܚ ܒܝܼܹܗ ܙܲܕܝܼܩܘܼܬܵ‌ܐ ܕܐܲܠܵܗܵܐ.

ܓܠܛܝ̈ܐ 1:4

ܗ̇ܘ ܕܝܘܼܗܒܹܠ ܠܹܗ ܓܵܢܹܗ ܡ̣ܢ ܓܹܒܵܐ ܕܚܛܝܼܵܬܲܢ̈ ܕܦܲܨܹܐ ܠܲܢ ܡ̣ܢ ܐܵܗܵܐ ܙܲܒ݂ܢܵܐ ܒܝܼܫܵܐ، ܐܲܝܟ݂ ܨܸܒ݂ܝܵܢܵܐ ܕܐܲܠܵܗܵܐ ܒܵܒܲܢ.

ܓܠܛܝ̈ܐ 4:4

ܐܝܼܢܵܐ ܐܝܼܡܲܢ ܕܡܛܹܐ ܠܹܗ ܙܲܒ݂ܢܵܐ، ܐܲܠܵܗܵܐ ܫܘܼܕܸܪܹܗ ܒܪܘܿܢܹܗ، ܗܘܹܐ ܠܹܗ ܡ̣ܢ ܒܲܟ݂ܬܵ‌ܐ، ܗܘܹܐ ܠܹܗ ܬܚܘܿܬ ܢܵܡܘܿܣܵܐ،

ܐܦܣܝ̈ܐ 1:17

ܕܐܲܠܵܗܵܐ ܕܡܵܪܲܢ ܝܼܫܘܿܥ ܡܫܝܼܚܵܐ، ܒܵܒܵܐ ܕܫܘܼܒ݂ܚܵܐ، ܝܵܗܒܹܠ ܠܵܘܟ݂ܘܿܢ ܪܘܼܚܵܐ ܕܚܸܟ݂ܡܬܵ‌ܐ ܘܕܓܸܠܝܵܢܵܐ، ܕܝܵܕܥܝܼܬܘܿܢ ܠܹܗ ܒܘܼܫ ܨܦܵܝܝܼ،

ܐܦܣܝ̈ܐ 1:7

ܕܒܝܼܹܗ ܐܝܼܬ ܠܲܢ ܦܘܼܪܩܵܢܵܐ ܒܕܸܡܹܗ، ܦܘܼܚܵܠܵܐ ܕܓܢܵܗܹ̈ܐ ܐܲܝܟ݂ ܥܘܼܬܪܵܐ ܕܫܵܦܵܩܲܬܹܗ،

ܐܦܣܝ̈ܐ 3:5

ܐܲܝܢܝܼ ܕܒܕܵܘܪܹ̈ܐ ܐܚܹܪ̈ܢܹܐ ܠܹܐ ܝܗܘܵܐ ܦܝܼܫܵܐ ܓܸܠܝܵܐ ܠܒܢܲܝ̈ܢܵܫܵܐ ܐܲܝܟ݂ ܕܝܼܠܹܗ ܐܵܕܝܼܵܐ ܦܝܼܫܵܐ ܓܸܠܝܵܐ ܒܝܲܕ ܪܘܼܚܵܐ ܠܫܠܝܼܚܘܼ̈ܗ‌ܝ ܩܲܕܝܼܫܹ̈ܐ ܘܠܢܒ݂ܝܼܘܼ̈ܗ‌ܝ،

ܐܦܣܝ̈ܐ 5:2

ܘܚܹܝܡܘܼܢ ܚܲܝܹ̈ܐ ܕܚܘܼܒܵܐ، ܕܵܐܟ݂ܝܼ ܕܐܘܼܦ ܡܫܝܼܚܵܐ ܡܘܼܚܸܒ ܠܹܗ ܐܸܠܲܢ ܘܣܘܼܦܝܵܐ ܠܹܗ ܓܵܢܹܗ ܡ̣ܢ ܓܹܒܲܢ، ܩܘܼܪܒܵܢܵܐ ܘܕܸܒ݂ܚܵܐ ܠܐܲܠܵܗܵܐ، ܪܹܝܚܵܐ ܒܲܣܝܼܡܵܐ.

ܒ ܬܣܠܘܢܝܩܝ̈ܐ 1:10

ܒܗ̇ܘ ܝܵܘܡܵܐ ܐܝܼܡܲܢ ܕܐܵܬܹ‌ܐ ܕܦܵܐܹܫ ܚܩܝܼܪܵܐ ܓܵܘ ܩܲܕܝܼܫܘܼ̈ܗ‌ܝ، ܘܩܲܒܸܠ ܥܘܼܓ̰ܵܒܵܐ ܡ̣ܢ ܟܠܵܝܗ‌ܝ ܐܵܢܝܼ ܕܗܘܼܡܸܢܗܘܿܢ، ܣܵܒܵܒ ܗܘܼܡܸܢܵܘܟ݂ܘܿܢ ܠܣܵܗܕܘܼܬܲܢ.

ܐ ܛܝܡܬܐܘܣ 6:15

ܗ̇ܘ ܓܸܠܝܵܢܵܐ ܕܐܲܠܵܗܵܐ ܒܸܬ ܓܵܠܹܐ ܠܹܗ ܒܥܕܵܢܹܗ، ܗ̇ܘ ܕܝܼܠܹܗ ܡܒܘܼܪܟ݂ܵܐ ܘܒܢܲܦ̮ܫܹܗ ܚܲܝܠܬܵܢܵܐ، ܡܲܠܟܵܐ ܕܡܲܠܟܹ̈ܐ ܘܡܵܪܵܐ ܕܡܵܪ̈ܵܘܵܬܹ‌ܐ،

ܒ ܛܝܡܬܐܘܣ 1:8

ܒܘܼܬ ܐܵܗܵܐ ܠܵܐ ܢܵܟ݂ܦܹܬ ܠܝܼܵܗܒ݂ܵܐ ܣܵܗܕܘܼܬܵ‌ܐ ܒܘܼܬ ܡܵܪܲܢ، ܘܐܘܼܦ ܠܵܐ ܒܝܼܝܼ ܕܝܼܘܸܢ ܐܲܣܝܼܪܹܗ، ܐܸܠܵܐ ܗܘܝܼ ܫܲܪܝܼܟܵܐ ܒܓ̰ܘܼܢܓ̰ܵܪܹ̈ܐ ܒܘܼܬ ܚܵܬܸܪ ܕܐܹܘܲܢܓܲܠܝܼܘܿܢ ܐܲܝܟ݂ ܕܐܲܠܵܗܵܐ ܝܵܗܒܹܠ ܠܘܼܟ݂ ܚܲܝܠܵܐ،

ܛܛܘܣ 1:3

ܐܝܼܢܵܐ ܓܸܠܝܵܐ ܠܹܗ ܗܹܡܸܙܡܵܢܹܗ ܒܥܕܵܢܘܼܗ̇ ܒܝܲܕ ܟܵܪܘܿܙܘܼܬܵ‌ܐ، ܗ̇ܝ ܕܦܝܼܫ ܠܵܗ̇ ܣܘܼܦܝܼܬܵ‌ܐ ܒܝܼܝܼ ܒܦܘܼܩܕܵܢܵܐ ܕܐܲܠܵܗܵܐ ܦܵܪܘܿܩܲܢ،

ܛܛܘܣ 2:14

ܗ̇ܘ ܕܝܘܼܗܒ݂ܵܐ ܠܹܗ ܓܵܢܹܗ ܡ̣ܢ ܓܹܒܲܢ ܕܦܲܪܸܩ ܗܘܵܐ ܠܲܢ ܡ̣ܢ ܟܠ ܥܵܘܠܵܐ ܘܕܲܟܹܐ ܗܘܵܐ ܩܵܐ ܓܵܢܹܗ ܚܲܕ ܛܵܝܸܦܵܐ ܦܪܝܼܫܵܐ، ܛܲܢܵܢܵܐ ܠܸܥܒ݂ܵܕܵܐ ܦܘܼܠܚܵܢܹ̈ܐ ܛܵܒܹ̈ܐ.

ܥܒ݂ܪ̈ܝܐ 9:12

ܘܠܵܐ ܥܒ݂ܝܼܪܹܗ ܒܕܸܡܵܐ ܕܥܸܙܹ̈ܐ ܘܕܡܘܼܓ̰ܹ̈ܐ، ܐܝܼܢܵܐ ܥܒ݂ܝܼܪܹܗ ܒܕܸܡܵܐ ܕܓܵܢܹܗ ܠܕܘܼܟܵܐ ܒܘܼܫ ܡܩܘܼܕܸܫܬܵ‌ܐ، ܚܕܵܐ ܓܵܗܵܐ ܐܲܚܟ̰ܝܼ، ܘܡܘܼܝܬܹ‌ܐ ܠܹܗ ܦܘܼܪܩܵܢܵܐ ܕܠܥܵܠܲܡ.

ܐ ܦܛܪܘܣ 2:24

ܗ̇ܘ ܒܓܵܢܹܗ ܛܥܝܼܢܹܗ ܚܛܝܼܵܬܲܢ̈ ܒܦܲܓ݂ܪܹܗ ܥܲܠ ܙܩܝܼܦܵܐ، ܕܐܲܚܢܲܢ ܡܵܝܬܲܚ ܠܚܛܝܼܵܬܹ̈‌ܐ ܘܚܵܝܲܚ ܠܙܲܕܝܼܩܘܼܬܵ‌ܐ، ܣܵܒܵܒ ܒܕܲܪ̈ܒܵܬܘܼܗ‌ܝ ܦܝܼܫܹܐ ܝܬܘܿܢ ܒܣܝܼܡܹܐ.

ܐ ܦܛܪܘܣ 3:18

ܣܵܒܵܒ ܐܘܼܦ ܡܫܝܼܚܵܐ ܡܝܼܬ ܠܹܗ ܚܕܵܐ ܓܵܗܵܐ ܡܼܢ ܓܹܒܵܐ ܕܚܛܝܼܵܬܹ̈‌ܐ، ܙܲܕܝܼܩܵܐ ܡ̣ܢ ܓܹܒܵܐ ܕܥܵܘܵܠܹ̈ܐ، ܕܩܲܪܒܸܢ ܗܘܵܐ ܠܵܘܟ݂ܘܿܢ ܠܐܲܠܵܗܵܐ. ܦܝܼܫ ܠܹܗ ܩܛܝܼܠܵܐ ܒܦܲܓ݂ܪܵܐ ܐܝܼܢܵܐ ܦܝܼܫ ܠܹܗ ܡܘܼܚܝܼܵܐ ܒܪܘܼܚܵܐ،

ܐ ܝܘܚܢܢ 4:10

ܐܵܗܵܐ ܝܠܹܗ ܚܘܼܒܵܐ، ܠܵܐ ܕܐܲܚܢܲܢ ܡܘܼܚܸܒ ܠܲܢ ܠܐܲܠܵܗܵܐ، ܐܸܠܵܐ ܕܗ̇ܘ ܡܘܼܚܸܒ ܠܹܗ ܐܸܠܲܢ ܘܫܘܼܕܸܪܹܗ ܠܒܪܘܿܢܹܗ ܚܘܼܣܵܝܵܐ ܡ̣ܢ ܓܹܒܵܐ ܕܚܛܝܼܵܬܲܢ̈.

ܓܠܝܢܐ 1:5

ܘܡ̣ܢ ܝܼܫܘܿܥ ܡܫܝܼܚܵܐ، ܗ̇ܘ ܣܵܗܕܵܐ ܡܗܘܼܡܢܵܐ، ܒܘܼܟ݂ܪܵܐ ܕܡܝܼ̈ܬܹ‌ܐ، ܘܪܹܝܫܵܐ ܕܡܲܠܟܹ̈ܐ ܕܐܲܪܥܵܐ، ܗ̇ܘ ܕܟܹܐ ܡܲܚܸܒ ܠܲܢ ܘܩܵܡ ܫܵܪܹܐ ܠܲܢ ܡ̣ܢ ܚܛܝܼܵܬܲܢ̈ ܒܕܸܡܹܗ،

ܓܠܝܢܐ 5:9

ܘܫܲܒܘܼܚܹܐ ܝܗܘܵܘ ܬܸܫܒܘܿܚܬܵ‌ܐ ܚܲܕܬܵ‌ܐ ܒܹܐܡܵܪܵܐ: ܐܲܢ݇ܬ ܝܼܘܸܬ ܚܫܝܼܚܵܐ ܠܸܫܩܵܠܵܐ ܠܟܬܵܒ݂ܵܐ ܘܠܸܦܬܵܚܵܐ ܠܚܵܬܡܘܼ̈ܗ‌ܝ، ܣܵܒܵܒ ܦܝܼܫ ܠܘܼܟ݂ ܦܪܝܼܡܵܐ، ܘܩܵܡ ܙܵܒ݂ܢܹܬ ܒܕܸܡܘܼܟ݂ ܐܢܵܫܹ̈ܐ ܩܵܐ ܐܲܠܵܗܵܐ ܡ̣ܢ ܟܠ ܫܲܒ݂ܛܵܐ، ܘܠܸܫܵܢܵܐ، ܘܛܵܝܸܦܵܐ، ܘܐܘܼܡܬܵ‌ܐ.