ܐ ܛܝܡܬܐܘܣ 1:11 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

¹¹ ܕܐܲܝܟ݂ ܐܹܘܲܢܓܲܠܝܼܘܿܢ ܕܚܸܩܪܵܐ ܕܐܲܠܵܗܵܐ ܒܪܝܼܟ݂ܵܐ، ܗ̇ܘ ܕܝܼܠܹܗ ܣܘܼܦܝܵܐ ܒܝܼܝܼ.

ܐ ܛܝܡܬܐܘܣ 1:11 Iomraidhean Croise

ܡܙܡܘܪܐ 138:2

ܒܸܬ ܣܵܓ݂ܕܹܢ ܠܓܹܒܵܐ ܕܗܲܝܟܠܵܐ ܕܩܘܼܕܫܘܼܟ݂، ܘܒܸܬ ܫܲܟܪܸܢ ܠܫܸܡܘܼܟ݂ ܒܘܼܬ ܛܲܝܒܘܼܬܘܼܟ݂ ܘܒܘܼܬ ܫܲܪܝܼܪܘܼܬܘܼܟ݂، ܣܵܒܵܒ ܓܘܼܪܘܸܣ ܠܘܼܟ݂ ܫܸܡܘܼܟ݂ ܘܗܹܡܸܙܡܵܢܘܼܟ݂ ܥܸܠܸܠ ܡ̣ܢ ܟܠ.

ܠܘܩܐ 2:14

”ܬܸܫܒܘܿܚܬܵ‌ܐ ܠܐܲܠܵܗܵܐ ܒܲܡܪ̈ܵܘܡܹܐ، ܘܥܲܠ ܐܲܪܥܵܐ ܫܠܵܡܵܐ ܘܣܲܒ݂ܪܵܐ ܛܵܒ݂ܵܐ ܠܒܢܲܝ̈ܢܵܫܵܐ.“

ܪ̈ܗܘܡܝܐ 2:16

ܐܵܗܵܐ ܒܸܬ ܗܵܘܝܵܐ ܒܗ̇ܘ ܝܵܘܡܵܐ ܕܐܲܠܵܗܵܐ ܕܵܐܹܢ ܫܘܼܠܹ̈ܐ ܛܸܫܝܹ̈ܐ ܕܒܢܲܝ̈ܢܵܫܵܐ ܒܝܲܕ ܝܼܫܘܿܥ ܡܫܝܼܚܵܐ، ܐܲܝܟ݂ ܐܹܘܲܢܓܲܠܝܼܘܿܢ ܕܝܼܝܼ ܡܲܚܒܘܼܪܹܐ ܝܠܹܗ.

ܐ ܩܘܪ̈ܢܬܝܐ 9:17

ܐܸܢ ܡܲܟܪܸܙܸܢ ܒܨܸܒ݂ܝܵܢܝܼ، ܐܝܼܬ ܠܝܼ ܦܘܼܪܥܵܢܵܐ؛ ܐܝܼܢܵܐ ܐܸܢ ܠܹܐ ܝܠܵܗ̇ ܒܨܸܒ݂ܝܵܢܝܼ، ܐܲܚܟ̰ܝܼ ܘܵܠܝܼܬ‌ܝܼ ܒܸܥܒ݂ܵܕܘܼܗ̇ ܝܘܸܢ.

ܒ ܩܘܪ̈ܢܬܝܐ 4:4

ܣܵܒܵܒ ܐܲܠܵܗܵܐ ܕܐܵܗܵܐ ܥܵܠܡܵܐ ܡܘܼܣܡܹܐ ܠܹܗ ܪܸ̈ܥܝܵܢܹܐ ܕܠܵܐ ܗܲܡܸܢܵܢܹ̈ܐ، ܕܠܵܐ ܚܵܙܝܼ ܒܲܗܪܵܐ ܕܐܹܘܲܢܓܲܠܝܼܘܿܢ ܕܚܸܩܪܵܐ ܕܡܫܝܼܚܵܐ، ܗ̇ܘ ܕܝܼܠܹܗ ܕܡܘܼܬܵ‌ܐ ܕܡܵܪܝܵܐ ܐܲܠܵܗܵܐ.

ܒ ܩܘܪ̈ܢܬܝܐ 4:6

ܣܵܒܵܒ ܐܲܠܵܗܵܐ ܕܐܡܝܼܪܹܗ: ”ܡ̣ܢ ܚܸܫܟܵܐ ܒܲܗܪܵܐ ܙܵܪܹܩ،“ܥܒ݂ܝܼܕ ܠܹܗ ܒܲܗܪܵܐ ܕܙܵܪܹܩ ܓܵܘ ܠܸܒܲܢ ܕܝܵܗܒܹܠ ܒܲܗܪܵܐ ܕܝܕܵܥܬܵ‌ܐ ܕܬܸܫܒܘܿܚܬܵ‌ܐ ܕܐܲܠܵܗܵܐ ܒܦܵܬܵ‌ܐ ܕܡܫܝܼܚܵܐ.

ܓܠܛܝ̈ܐ 2:7

ܐܝܼܢܵܐ ܝܕܝܼܥ ܠܗܘܿܢ ܕܐܲܠܵܗܵܐ ܣܘܼܦܹܐ ܠܹܗ ܐܸܠܝܼ ܕܡܲܟܪܸܙܸܢ ܐܹܘܲܢܓܲܠܝܼܘܿܢ ܠܐܸܡܘܵܬܹ̈‌ܐ، ܐܲܝܟ݂ ܕܫܸܡܥܘܿܢ ܟܹܐܦܵܐ ܦܝܼܫ ܠܹܗ ܣܘܼܦܝܵܐ ܐܹܘܲܢܓܲܠܝܼܘܿܢ ܕܡܲܟܪܸܙ ܠܝܗܘܼܕܵܝܹ̈ܐ.

ܐܦܣܝ̈ܐ 1:12

ܕܐܲܚܢܲܢ ܕܩܲܕܡܵܝܬܵ‌ܐ ܩܵܡ ܗܵܘܹܐ ܠܲܢ ܗܹܒ݂ܝܼ ܒܡܫܝܼܚܵܐ، ܗܵܘܲܚ ܩܵܐ ܚܸܩܪܵܐ ܕܫܘܼܒ݂ܚܹܗ.

ܐܦܣܝ̈ܐ 1:6

ܕܦܵܐܹܫ ܚܩܝܼܪܵܐ ܫܘܼܒ݂ܚܵܐ ܕܫܵܦܵܩܲܬܹܗ ܕܫܘܼܦܸܟ݂ ܠܹܗ ܥܲܠܲܢ ܒܝܲܕ ܡܘܼܚܸܒܵܐ،

ܐܦܣܝ̈ܐ 2:7

ܕܡܲܕܸܥ ܒܙܲܒ݂ܢܹ̈ܐ ܕܐܵܬ‌ܝܼ ܥܘܼܬܪܵܐ ܓܘܼܪܵܐ ܕܫܵܦܵܩܲܬܹܗ ܒܒܲܣܝܼܡܘܼܬܵ‌ܐ ܠܟܸܣܠܲܢ ܒܝܼܫܘܿܥ ܡܫܝܼܚܵܐ.

ܐܦܣܝ̈ܐ 3:10

ܕܐܵܕܝܼܵܐ ܒܝܲܕ ܥܹܕܬܵ‌ܐ ܦܵܝܫܵܐ ܓܠܝܼܬܵ‌ܐ ܦܸܪܝܘܼܬܵ‌ܐ ܕܚܸܟ݂ܡܬܵ‌ܐ ܕܐܲܠܵܗܵܐ، ܠܪܹ̈ܝܫܵܢܹܐ ܘܠܫܲܠܝܼ̈ܛܹܐ ܒܕܘܼܟܵܢܹ̈ܐ ܫܡܲܝܵܢܵܝܹ̈ܐ

ܩܘܠܣܝ̈ܐ 1:25

ܗܘܹܐ ܠܝܼ ܥܵܒ݂ܕܵܢܵܐ ܕܚܸܠܡܲܬ ܐܸܠܘܼܗ̇ ܐܲܝܟ݂ ܡܕܲܒܪܵܢܘܼܬܵ‌ܐ ܕܐܲܠܵܗܵܐ ܕܝܘܼܗܒܹܠ ܠܹܗ ܐܸܠܝܼ ܕܡܲܩܪܸܒܸܢ ܐܸܠܵܘܟ݂ܘܿܢ ܗܹܡܸܙܡܵܢ ܕܐܲܠܵܗܵܐ ܒܟܠܵܗ̇ ܡܸܠܝܘܼܬܵ‌ܐ،

ܐ ܬܣܠܘܢܝܩܝ̈ܐ 2:4

ܐܝܼܢܵܐ ܐܲܝܟ݂ ܕܦܝܼܫܹܐ ܝܘܲܚ ܡܘܼܚܫܸܚܹܐ ܒܐܲܠܵܗܵܐ ܕܦܵܐܹܫ ܣܘܼܦܝܵܐ ܒܝܼܲܢ ܐܹܘܲܢܓܲܠܝܼܘܿܢ، ܗܵܕܟ݂ܵܐ ܗܲܡܙܘܼܡܹܐ ܝܘܲܚ؛ ܠܵܐ ܕܫܵܦܪܲܚ ܠܒܢܲܝ̈ܢܵܫܵܐ، ܐܸܠܵܐ ܠܐܲܠܵܗܵܐ، ܒܲܚܪܵܢܵܐ ܕܠܸܒܲܢ.

ܐ ܛܝܡܬܐܘܣ 2:7

ܠܐܵܗܵܐ ܢܝܼܫܵܐ ܐܵܢܵܐ ܦܝܼܫ ܠܝܼ ܪܫܝܼܡܵܐ ܟܵܪܘܿܙܵܐ ܘܫܠܝܼܚܵܐ ܘܡܲܠܦܵܢܵܐ ܕܗܲܝܡܵܢܘܼܬܵ‌ܐ ܘܕܫܪܵܪܵܐ ܠܐܸܡܘܵܬܹ̈‌ܐ. ܫܪܵܪܵܐ ܗܲܡܙܘܼܡܹܐ ܝܘܸܢ ܘܠܹܐ ܝܘܸܢ ܕܲܓܘܼܠܹܐ.

ܐ ܛܝܡܬܐܘܣ 6:15

ܗ̇ܘ ܓܸܠܝܵܢܵܐ ܕܐܲܠܵܗܵܐ ܒܸܬ ܓܵܠܹܐ ܠܹܗ ܒܥܕܵܢܹܗ، ܗ̇ܘ ܕܝܼܠܹܗ ܡܒܘܼܪܟ݂ܵܐ ܘܒܢܲܦ̮ܫܹܗ ܚܲܝܠܬܵܢܵܐ، ܡܲܠܟܵܐ ܕܡܲܠܟܹ̈ܐ ܘܡܵܪܵܐ ܕܡܵܪ̈ܵܘܵܬܹ‌ܐ،

ܐ ܛܝܡܬܐܘܣ 6:20

ܝܵܐ ܛܝܼܡܵܬܹܐܘܿܣ، ܢܛܘܿܪ ܡܸܢܕܝܼ ܕܦܝܼܫ ܠܹܗ ܣܘܼܦܝܵܐ ܒܝܼܘܼܟ݂، ܘܪܚܘܿܩ ܡ̣ܢ ܗܹܡܸܙܡܵܢܹ̈ܐ ܣܦܝܼܩܹ̈ܐ ܘܒܲܛܝܼܠܹ̈ܐ، ܘܚܘܼܫܵܒܹ̈ܐ ܕܲܠܩܘܼܒ݂ܠܵܝܹ̈ܐ ܒܚܸܠܛܵܐ ܦܝܼܫܹܐ ܩܸܪܝܹܐ ܝܕܵܥܬܵ‌ܐ،

ܒ ܛܝܡܬܐܘܣ 1:11

ܠܐܵܗܵܐ ܐܹܘܲܢܓܲܠܝܼܘܿܢ ܦܝܼܫ ܠܝܼ ܪܫܝܼܡܵܐ ܟܵܪܘܿܙܵܐ ܘܫܠܝܼܚܵܐ ܘܡܲܠܦܵܢܵܐ ܕܐܸܡܘܵܬܹ̈‌ܐ.

ܒ ܛܝܡܬܐܘܣ 1:14

ܢܛܘܿܪ ܨܦܵܝܝܼ ܠܗ̇ܝ ܗܲܝܡܲܢܬܵ‌ܐ ܒܝܲܕ ܪܘܼܚܵܐ ܕܩܘܼܕܫܵܐ ܕܒܸܥܡܵܪܵܐ ܝܠܹܗ ܒܝܼܲܢ.

ܒ ܛܝܡܬܐܘܣ 2:2

ܘܡܸܢܕܝܼ ܕܫܡܝܼܥ ܠܘܼܟ݂ ܡܸܢܝܼ ܩܲܕܡ ܪܵܒܵܐ ܣܵܗܕܹ̈ܐ، ܣܲܦܝܼ ܒܐܢܵܫܹ̈ܐ ܡܗܘܼܡܢܹ̈ܐ، ܐܵܢܝܼ ܕܡܵܨܝܼ ܡܲܠܦܝܼ ܐܘܼܦ ܠܐܢܵܫܹ̈ܐ ܐܚܹܪ̈ܢܹܐ.

ܛܛܘܣ 1:3

ܐܝܼܢܵܐ ܓܸܠܝܵܐ ܠܹܗ ܗܹܡܸܙܡܵܢܹܗ ܒܥܕܵܢܘܼܗ̇ ܒܝܲܕ ܟܵܪܘܿܙܘܼܬܵ‌ܐ، ܗ̇ܝ ܕܦܝܼܫ ܠܵܗ̇ ܣܘܼܦܝܼܬܵ‌ܐ ܒܝܼܝܼ ܒܦܘܼܩܕܵܢܵܐ ܕܐܲܠܵܗܵܐ ܦܵܪܘܿܩܲܢ،