Yuˇdaˆ 1:8 - Akha

⁸ Kʼoeˇ gaˇ duˇ ni, tsawˇ haˬ heu deuˬ kʼawꞈ, yuꞈ maˆ maˆ mawˇ-eu laꞈ kʼoeˇ yawˬ ha-euˬ gʼawˇ mawˇ-ahˇ yawˬ ha iˬ baˇ mˇ-eu meh. Miˬyehˇ uˆ lahˇ-eu baoˬ-ahˇ aˬ yawꞈ maꞈ yehˬ bawˬ sehˇ lu-ehˇ gʼeh-awˇ, mˬ kʼoeˇ taˆ jawˇ-eu yaw shehꞈ kʼahˬ sehˇ huiˬ-eu deuˬ-ahˇ ngehˬ doeˇ ehˇ doeˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Shiqshaq maqshawrni bipyeuf-ir-eu yufmav mav-eu tsawrhaq deuq khawf, aryaq-euq uqmov maqjawr-aer, uvlanr-eu deuq-anr dawqdoer ngaeq-eu mae.

Yuˇdaˆ 1:8 Iomraidhean Croise

Aˇ dahˬ 3:5

Aˇ bawˇ kʼoeˇ bawˇ-euˬ aˇ siˬ naw nyaꞈ pyaˆ dzaˬ naˇ, naw nyaꞈ kʼawꞈ Miˬyehˇ-ahˇ duˇ laˇ-awˇ, yaw muiˬ yaw doeˇ tseˇ paˆ nya laˇ tehꞈ-a lehˇ Miˬyehˇ siˬ nya-eu miˇ neh, kʼoeˇ loꞈ-ehˇ ehˇ-eu meh.”

Doˆ-iˇ 22:28

“Miˬyehˇ-ahˇ yehˬ bawˬ sehˇ lu-ehˇ maˬ ya ehˇ niˇ gʼa-a. Naw maꞈ-ahˇ uˆ lahˇ-eu aˬ yuiꞈ aˬ tsu-ahˇ yaˬ kʼehˇ maˬ ya yaˬ-a.

Dawqdaq 30:11

Aˬ da-ahˇ yaˬ kʼehˇ yaˬ-awˇ, aˬ ma-ahˇ maˬ taˬ huiˬ-eu tsawˇ haˬ jawˇ-eu meh.

Dawqdaq 30:17

Yawˬ ha aˬ da-ahˇ cehꞈ lehꞈ ka niˇ gʼa-awˇ, aˬ ma ma mawˬ-ahˇ maˬ haw nahˇ-eu tsawˇ haˬ-aˬ, jeˬ shiˇ kʼaˬ dzeˇ neh bi dzaˬ-awˇ, dzeˇ ngawˇ neh myaˆ nuiˆ bi keuꞈ doˆ-eu tsaˬ meh.

Dawˬ tsoˆ 10:20

Ciˬ cuˇ ni sahˬ paˬ-ahˇ yaw doeˇ taˬ ehˇ kʼoeˬ. Yuꞈ zaˇ kuˆ lawˆ-ahˇ uˇ-awˇ smˇ muiˬ aˬ da-ahˇ taˬ ja doeˇ. Mˬ taˆ zaw-eu aˇ jiˇ neh bi tsaꞈ gaˬ-iˇ nmˬ-mˇ.

Bawˇtsahˬ 16:3

Moˇseˬ hawˇ-eu Aˬloˬ aˬ nyaꞈ-euˬ mehˬ shi aˬ yawꞈ maꞈ uiˬ leˇ-awˇ, aˬ yawꞈ nyaꞈ-ahˇ ehˇ nehˬ-eu, “Naw nyaꞈ yawˬ haˇ yawˬ ha aˇ dzehˬ noeˬ huiˬ dzeuˇ-eu nga. Iˇsaˬleˬlaˆ tsawˇ haˬ aˇ maꞈ aˇ muˇ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ Sahˬpaˬ Miˬyehˇ-euˬ tsawˇ haˬ pyeuꞈ-awˇ, dawˬ tawˆ luꞈ nehˬ-ehˇ Sahˬpaˬ Miˬyehˇ jawˇ-eu meh. Moˇseˬ nawˇ aˬ jeˬ miˇ neh Sahˬpaˬ Miˬyehˇ-euˬ tsawˇ haˬ aˇ maꞈ aˇ muˇ kʼoeˇ taˆ, yawˬ haˇ yawˬ ha teu naˆ naˆ-ehˇ taˬ huiˬ taˬ mahˇ te.”

Luˇkaꞈ 11:25

Kʼoeˇ naˇ, aˬ yawꞈ paˇ gʼoꞈ leˇ haw ngeh, nymˇ kʼoeˇ nymˇ juˇ tsui ni yaˆ juiˇ taˬ-awˇ jaˆ gaˇ ya mawˇ-euˬ meh.

Luˇkaꞈ 12:11

“Naw maꞈ-ahˇ yaˇ kʼaˬ bi daˇ-eu lehˇ, uˬ duˬ tahˬ nymˇ-ahˇ maˬ ehˇ, miˇ kʼahˬ sahˬ paˬ sahˬ ma jawˇ gaˇ maˬ ehˇ, a cawˬ naw maꞈ-ahˇ sheuˬ gʼeh ngeh, aˬ joˆ-ehˇ ya ehˇ kʼoꞈ nehˬ-awˇ, aˬ joˆ-ehˇ ya ngehˬ ya tmˇ-eu gaˇ kawˆ kʼahˬ taˬ lahˇ.

Luˇkaꞈ 19:14

Ehˇ kʼawꞈ, aˬ yawꞈ-euˬ miˇ kʼahˬ zaˬ deuˬ aˬ yawꞈ-ahˇ bye-awˇ, aˬ yawꞈ-euˬ mehˬ nah tsawˇ haˬ pyehˬ gʼeh-awˇ heu loꞈ-ehˇ bi tsaꞈ gaꞈ-iˇ-euˬ meh. ‘Tsawˇ haˬ heu gʼaˬ-ahˇ nga maꞈ kʼoeˇ taˆ sahˬ paˬ geuꞈ-awˇ maˬ bi uˆ lahˇ mawꞈ nya.’

Gʼaˬkʼehˇ 23:5

Pawˇluˆ ehˇ-eu, “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, aˬ yawꞈ Piˇ ma Yaw huiˬ gʼaˬ pyeuꞈ-eu ngaˇ maˬ siˬ nya-aˬ. ‘Nawˬ-euˬ tsawˇ jeuˬ-ahˇ uˆ lahˇ-eu gʼaˬ-ahˇ dawˬ yaw doeˇ taˬ ngehˬ’ lehˇ, Jaˇliꞈ laꞈ kʼoeˇ boꞈ taˬ-euˬ jaˆ-eu meh.”

Gʼaˬkʼehˇ 7:27

Ehˇ kʼawꞈ, lehˬ dzehˬ-eu gʼaˬ Moˇseˬ-ahˇ dehˬ dzeh-awˇ ehˇ-eu, ‘Nga maꞈ-ahˇ uˆ lahˇ-awˇ yaˇ kʼaˬ bi daˇ-eu lehˇ nawˬ-ahˇ aˬ suˇ gʼaˬ neh kʼehˇ taˬ ta.

Gʼaˬkʼehˇ 7:39

“Ehˇ kʼawꞈ, aˬ dui-euˬ aˬ poeˬ aˬ bawˇ deuˬ aˬ yawꞈ-euˬ ehˇ dawˬ maˬ naˇ haˬ ni, aˬ yawꞈ-ahˇ dehˬ dzeh-awˇ, Iˇjiˇtuˆ miˇ kʼahˬ-ahˇ gʼoꞈ-iˇ mawꞈ-eu nui ma ahˇ-eu meh.

1 Gawˇliˬtu 3:17

Kʼoeˇ miˇ neh, tsawˇ haˬ tiˬ gʼaˬ na Miˬyehˇ-euˬ uˬ duˬ tahˬ nymˇ-ahˇ laˆ cawˆ naˇ, aˬ yawꞈ-ahˇ Miˬyehˇ laˆ cawˆ tehꞈ-a. Aˬ jeˬ miˇ neh ehˇ naˇ, Miˬyehˇ-euˬ uˬ duˬ tahˬ nymˇ-aˬ, muiˬ-eu shawˇ-eu jeˬ pyeuꞈ-awˇ, naw maꞈ-aˬ, uˬ duˬ tahˬ nymˇ kʼoeˇ meh.

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

1 Tiˆmoˇseˬ 1:10

maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, aˬ cawˬ nehˬ-ehˇ joe-eu tsawˇ haˬ, tsawˇ haˬ-ahˇ paꞈ-awˇ pyuˇ shaˇ-eu tsawˇ haˬ, jaˬ myawꞈ myawꞈ-eu tsawˇ haˬ, maˬ tsaˬ maˬ dawˇ-eu tsawˇ kaˬ geuꞈ-eu tsawˇ haˬ, tsaˬ-eu dawˇ-eu jah-eu jeˬ-ahˇ laˆ pyaˆ-eu jeˬ mˇ-eu tsawˇ haˬ, heu loꞈ-ehˇ gʼeh-eu tsawˇ haˬ deuˬ gʼaˇ duˬ taˬ taˬ-euˬ meh.

HeˬByehˇ 13:17

Naw maꞈ kʼoeˇ taˆ aˬ yuiꞈ aˬ tsu geuꞈ-eu deuˬ-euˬ ehˇ dawˬ yaw muiˬ paˬ-ehˇ naˇ haˬ geuꞈ-awˬ. Aˬ yawꞈ maꞈ neh mˇ-euˬ gaˇ deuˬ Miˬyehˇ mehˬ shi ya dzawˇ mehˬ leˇ-eu baˬ da neh, jawˇ naˬ maˬ mˇ ni naw maꞈ-euˬ saꞈ laˇ-ahˇ haw piˇ luꞈ-eu meh. Aˬ yawꞈ maꞈ-euˬ ehˇ dawˬ-ahˇ naw maꞈ naˇ haˬ geuꞈ naˇ, aˬ yawꞈ maꞈ-euˬ gaˇ-ahˇ aˬ yawꞈ maꞈ laˬ kʼaˬ cehˇ-eu laꞈ kʼoeˇ ya mˇ tehꞈ-a. Naw maꞈ maˬ naˇ haˬ geuꞈ naˇ, aˬ yawꞈ maꞈ noeˬ shaˬ-eu laꞈ kʼoeˇ ya mˇ-awˇ, naw maꞈ gʼaˇ duˬ gaˇ dahˇ maˬ tsoeˬ-a.

1 Beˬtuˆluˆ 2:17

Yawˬ gʼaˬ na luꞈ-ahˇ yaw zeu baw-awˬ. Ka li-ahˇ jah-eu tsawˇ haˬ cawˬ cawˬ gaˬ-awˬ gʼoeˇ-awˬ. Miˬyehˇ-ahˇ taˬ huiˬ taˬ mahˇ-awˬ. Gehˇsaˬ sahˬ paˬ-ahˇ yaw zeu baw-awˬ.