Yuˇdaˆ 1:5 - Akha

⁵ Iˇsaˬleˬlaˇ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh Sahˬpaˬ Miˬyehˇ aˬ joˆ-ehˇ ka kʼoꞈ nehˬ-awˇ, aˇ nah ba, aˬ yawꞈ maꞈ laꞈ kʼoeˇ maˬ jah-eu tsawˇ haˬ deuˬ laˆ luˬ laˆ seˇ nehˬ gaˇ ya daˬ-euˬ gaˇ kawˆ heu naw maꞈ siˬ nya meh. Ehˇ kʼawꞈ, ngaˇ naw maꞈ-ahˇ tiˬ poˆ paˇ ja noeˬ nehˬ mawꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Garkawv heudeuq dawqtawvluf nawmaf arhu nae siqnya taq-euq khawf, ngar, nawmaf-anr tiq pov par ja’noeqnaeq mawf nya siq. Sanqpaq Miqyaer, Irjirtuv-anr nae aqyawf-euq tsawrhaq-anr bibuq-ir-awr, arnan-aq, maqjan-eu tsawrhaq deuq-anr lavcawv naeq-euq mae.

Yuˇdaˆ 1:5 Iomraidhean Croise

Jaceuq 106:26

Kʼoeˇ miˇ neh, aˬ yawꞈ maꞈ-ahˇ aˬ yawꞈ yaw kʼaˆ-ehˇ mehˬ nehˬ-awˇ, kʼaˇ shuiꞈ deh-ahˇ bi shiˇ jiˇ ma lehˇ ehˇ nehˬ-euˬ meh.

Doˆ-iˇ 12:51

Kʼoeˇ ngeh nah laꞈ kʼoeˇ, Sahˬpaˬ Miˬyehˇ Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Lormav 15:15

Ehˇ kʼawꞈ, yaw beh ngaˇ naw maꞈ-ahˇ ehˇ-euˬ gaˇ kawˆ deuˬ-ahˇ sahˬ boꞈ heu taꞈ laꞈ kʼoeˇ kʼaˬ duˬ ni boꞈ-eu ma. Miˬyehˇ neh ngaˬ-ahˇ aˬ yawꞈ-euˬ zaˬ kʼaˆ bi geuꞈ-eu gʼaˇ duˬ taˬ huiˬ nehˬ laꞈ-euˬ baˬ da neh, ngaˇ heu loꞈ-ehˇ kʼaˬ duˬ ni boꞈ-euˬ ma.

Dawˬmehˬ 1:32

Ngaˇ kʼoeˇ loꞈ-ehˇ ehˇ-euˬ kʼawꞈ, Sahˬpaˬ Miˬyehˇ-ahˇ naw maꞈ maˬ jah-a.

HeˬByehˇ 3:16

Miˬyehˇ-euˬ dawˬ ya gaˬ-awˇ Miˬyehˇ-ahˇ puiˬ-euˬ tsawˇ haˬ deuˬ aˬ suˇ gʼaˬ-a. Iˇjiˇtuˆ miˇ kʼahˬ laꞈ kʼoeˇ Moˇseˬ neh sheuˬ doˆ nehˬ-euˬ tsawˇ haˬ kʼoeˇ deuˬ dawˬ tawˆ luꞈ maˬ ngeuˇ-a loˇ.

2 Beˬtuˆluˆ 3:1

Ngaˇ gaˬ dui dui-eu cawˬ deuˬ-oˇ, sahˬ boꞈ heu taꞈ-aˬ, ngaˬ neh naw maꞈ jawˇ gaˇ boꞈ ahˇ laꞈ-euˬ sahˬ boꞈ nyiˬ taꞈ tiˬ taꞈ ma. Sahˬ boꞈ nyiˬ taꞈ luꞈ laꞈ kʼoeˇ, gaˇ kawˆ heu deuˬ ngaˇ naw maꞈ-ahˇ ja noeˬ nehˬ-awˇ, naw maꞈ-euˬ nui ma laꞈ kʼoeˇ shawˇ jehˆ ni gʼeh-eu nui noeˬ dehꞈ laˇ nya ni laˆ noeˬ-eu ma.

1 Yoˇhaˬ 2:20

Ehˇ kʼawꞈ, Ka li neh naw maꞈ kʼoeˇ taˆ Muiˬ-eu shawˇ-eu Yaw sahˇ Miˬyehˇ shehˆ daˆ nehˬ gʼaˬ-euˬ miˇ neh, naw maꞈ dawˬ tawˆ luꞈ yaw tsaˬ yaw dawˇ jeˬ-ahˇ siˬ nya meh.

1 Yoˇhaˬ 2:21

Naw maꞈ yaw tsaˬ yaw dawˇ jeˬ-ahˇ maˬ siˬ nya-eu baˬ da neh, ngaˇ naw maꞈ-ahˇ sahˬ bo boꞈ ahˇ laꞈ-eu maˬ ngeuˇ. Yaw tsaˬ yaw dawˇ kʼoeˇ-ahˇ naw maꞈ siˬnya-eu uˬ taꞈ, kʼoeˇ-euˬ laꞈ kʼoeˇ jaˬ myawꞈ myawꞈ-eu jeˬ maˬ doˆ laˇ-a lehˇ naw maꞈ siˬ nya-eu baˬ da neh, ngaˇ naw maꞈ-ahˇ sahˬ boꞈ boꞈ ahˇ laꞈ-eu jeˬ pyeuꞈ-eu ma.