Yuˇdaˆ 1:3 - Akha

³ Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, aˬ dui dawˬ tawˆ luꞈ-ahˇ taꞈ-eu ka kʼoꞈ-eu jeˬ gaˇ kawˆ, ngaˇ kʼaˇ gʼeh nya-eu loꞈ-ehˇ boꞈ ahˇ laꞈ-eu ma. Miˬyehˇ neh aˬ yawꞈ-euˬ tsawˇ haˬ deuˬ-ahˇ mˬ maˬ maˬ byaˆ zaˇ ziˇ tiˬ poˆ tehꞈ-ehˇ biꞈ-euˬ jah-eu jeˬ gʼaˇ duˬ leh jeh dui dui-awˇ deuˆ ceh ceh paˬ-ehˇ gʼeh-eu gaˇ kawˆ, naw maꞈ-ahˇ gʼaˬ biꞈ-eu sahˬ boꞈ yaw kawˇ-ehˇ boꞈ paˬ-ehˇ gʼeh-eu meh lehˇ ngaˇ noeˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ngar zawr gaq-eu cawqdeuq-or! Aqdui kakhof-eu jeq tiqkawv lof-aer za-eu garkawv, ngar nuima keuv-awr nawmaf-anr bofanr naeqlefmawf mir-a. Aerkhawf, Miqyaer nae tsawrshawr deuq-anr tiq pov bif-euq nar-aq luiv-eu jan-eu jeq-euq gharduq, nuima keuv duidui-eu lafkhoer deuv-awq laer, ghaq bif-eu tsaq nga laer noeq-awr bofanr lef-euq ma.

Yuˇdaˆ 1:3 Iomraidhean Croise

Neˬhaˬmiˇ 13:25

Tsawˇ haˬ kʼoeˇ deuˬ-ahˇ ngaˇ dehˬ-awˇ, yaˬ kʼehˇ yaˬ-awˇ diˬ-euˬ uˬ taꞈ, uˬ duˬ tsehˇ kahˇ gʼawˇ doˆ nehˬ-euˬ ma. Kʼoeˇ naˇ, aˬ yawꞈ maꞈ maˬ ehˇ, aˬ yawꞈ maꞈ-euˬ zaˬ deuˬ maˬ ehˇ, aˬ cawˬ tsawˇ jeuˬ nehˬ-ehˇ maˬ paˇ bi sheuˬ dahˬ dzaˬ taꞈ ma lehˇ aˬ yawꞈ maꞈ-ahˇ Miˬyehˇ-euˬ tsawˇ myahˇ uˬ moꞈ saˇ jaˇ bi dzaˬ-euˬ ma.

Iˇsaˬyaˇ 45:17

Ehˇ kʼawꞈ, Iˇsaˬleˬlaˆ-ahˇ Sahˬpaˬ Miˬyehˇ ka kʼoꞈ-awˇ, mˬ maˬ maˬ byaˆ zaˇ ziˇ gʼaˬ leˇ-eu gʼaˬ pyeuꞈ-awˇ, shaꞈ dawˇ-eu jeˬ maˬ keuˆ le-ehˇ daˬ maˬ ga-a.’

Iˇsaˬyaˇ 45:22

“Miˇ tsaˬ tsawˇ haˬ dawˬ tawˆ luꞈ-oˇ, Nymˬ-mˇ ngaˇ jawˇ gaˇ gʼoꞈ laˇ-awˬ. Naw maꞈ-ahˇ ngaˇ ka kʼoꞈ nehˬ ma. Miˬyehˇ ngaˇ tiˬ gʼaˬ jawˇ-eu tehꞈ ma.

Yeˬlaˬmiˇ 9:3

Aˬ yawꞈ maꞈ aˬ myah luꞈ jaˬ myawꞈ myawꞈ-awˇ, yaw sui yaw dawˇ jeˬ uˆ lahˇ-eu dah zaˇ, maˬ sui maˬ dawˇ-eu jeˬ miˇ kʼahˬ heu-ahˇ uˆ lahˇ luꞈ meh. Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ heu deuˬ yaw haiˬ kʼoeˇ taˆ yaw haiˬ jeˬ mˇ daˆ-awˇ, ngaˬ-ahˇ aˬ yawꞈ maꞈ-euˬ Miˬyehˇ lehˇ maˬ sawˇ-a.”

Gʼaˬkʼehˇ 17:3

Jaˇliꞈ laꞈ kʼoeˇ ehˇ taˬ-euˬ gaˇ kawˆ aˬ yawꞈ maꞈ-ahˇ ja mehˬ-awˇ, Ka li shiˇ-awˇ gʼoꞈ dehꞈ laˇ-euˬ kʼoeˇ-aˬ, maˬ pyeuꞈ laˇ-ehˇ maˬ gʼeh nya-eu gaˇ kawˆ tiˬ hmˬ meh lehˇ mehˬ duˬ nehˬ-euˬ meh. “Ngaˇ naw maꞈ-ahˇ ja mehˬ luꞈ-eu Yeˬsuˇ heu gʼaˬ-aˬ, Ka li meh” lehˇ Pawˇluˆ ehˇ-eu meh.

Gʼaˬkʼehˇ 18:28

Aˬ jeˬ miˇ neh ehˇ naˇ, miˇ kʼahˬ zaˬ gʼawˬ mya ni mehˬ shi aˬ yawꞈ Jaˇli -ahˇ gʼoe gʼoe-ehˇ Yuˇdaˆ tsawˇ haˬ nehˬ-ehˇ yaw kʼaˆ kʼaˆ-ehˇ ja-awˇ, Yeˬsuˇ Meˬsiˇya pyeuꞈ-eu gaˇ kawˆ ja gʼaˬ-euˬ meh.

Gʼaˬkʼehˇ 20:27

Aˬ jeˬ miˇ neh ehˇ naˇ, Miˬyehˇ-euˬ nui noeˬ dawˬ tawˆ luꞈ, naw maꞈ-ahˇ ngaˇ maˬ zaꞈ taˬ ni ja mehˬ jiˇ gʼaˬ-euˬ ma.

Gʼaˬkʼehˇ 28:28

Kʼoeˇ naˇ, Pawˇluˆ aˇ saˬ saˬ-eu dawˬ ngehˬ-eu, “Naw maꞈ heu loꞈ-ehˇ siˬ nya-awˬ. Miˬyehˇ-euˬ ka kʼoꞈ-eu guiˬ lahˬ dawˬ heu-ahˇ, aˬ cawˬ tsawˇ jeuˬ deuˬ-ahˇ bi mehˬ-iˇ-euˬ meh. Aˬ yawꞈ maꞈ naˇ haˬ geuꞈ tehꞈ-a lehˇ siˬ nya-awˬ.”

Gʼaˬkʼehˇ 4:12

Aˬ yawꞈ maˬ ngeuˇ naˇ, aˬ dui-ahˇ ka kʼoꞈ nya-eu tiˬ gʼaˬ-iˬ maˬ jawˇ-a. Aˬ jeˬ miˇ neh ehˇ naˇ, mˬ heu siˬ-euˬ uˬ moˆ aˬ yawꞈ-euˬ tsawˇ myahˇ maˬ ngeuˇ naˇ, aˬ dui-ahˇ ka kʼoꞈ nya ni tsawˇ myahˇ yawˬ myahˇ yawˬ biꞈ taˬ-euˬ maˬ jaˆ-a.”

Gʼaˬkʼehˇ 6:7

Kʼoeˇ loꞈ-ehˇ jahˇ-eu laꞈ kʼoeˇ, Miˬyehˇ-euˬ dawˬ kawˬ mehˬ hu paw maˬ naˬ leˇ ni gaˬ doe-iˇ luꞈ-eu meh. Yeˬluˇsaˬlehˬ meuˬ laꞈ kʼoeˇ zaˬ lahˇ deuˬ tiˬ jawˇ saˇ-iˬ tiˬ jawˇ myaˬ laˇ luꞈ-awˇ, piˇ ma gʼawˬ mya gʼaˬ jah-eu tsawˇ haˬ pyeuꞈ laˇ-euˬ meh.

Gʼaˬkʼehˇ 9:13

Aˬnaˬniˇ ehˇ-eu, “Sahˬpaˬ-oˇ, tsawˇ haˬ heu gʼaˬ gaˇ kawˆ hawˇ-eu, Yeˬluˇsaˬlehˬ meuˬ-ahˇ jawˇ-eu nawˬ-euˬ tsawˇ haˬ deuˬ-ahˇ aˬ yawꞈ neh kʼehˬ-euˬ kʼaˆ-euˬ gaˇ kawˆ, tsawˇ haˬ gʼawˬ mya gʼaˬ ngaˬ-ahˇ ja mehˬ laꞈ-euˬ meh.

Gʼaˬkʼehˇ 9:22

Ehˇ kʼawꞈ, Sawˇluˆ dawˬ mehˬ mehˬ-eu baoˬ ahˇ dzehˬ laˇ-awˇ, Yeˬsuˇ-aˬ, Ka li pyeuꞈ-eu gaˇ kawˆ aˬ yawꞈ saˇ kiˇ kamˬ-eu tsaˬ dui byah dui dui-eu miˇ neh, Daˬmaˬsehˇ meuˬ-ahˇ jawˇ-eu Yuˇdaˆ tsawˇ haˬ deuˬ tiˬ jeˬ-iˬ maˬ ehˇ nya-a.

1 Gawˇliˬtu 15:3

Ngaˬ neh za taˬ-euˬ huiˬ dui dui-eu gaˇ kawˆ naw maꞈ-ahˇ ngaˇ biꞈ nehˬ-euˬ ma. Kʼoeˇ-aˬ, Jaˇliꞈ laꞈ kʼoeˇ boꞈ taˬ-euˬ loꞈ-ehˇ, aˬ dui-euˬ iˬ baˇ gʼaˇ duˬ Ka li shiˇ-euˬ gaˇ kawˆ hawˇ-eu,

Gaˬlaˬtiˆ 2:5

Ehˇ kʼawꞈ, Laˬ kʼaˬ cehˇ-eu Guiˬ lahˬ dawˬ-euˬ yaw tsaˬ yaw dawˇ jeˬ naw maꞈ nehˬ-ehˇ ziꞈ dah ni jaˆ nya ni, aˬ yawꞈ maꞈ-euˬ ehˇ dawˬ nga maꞈ tiˬ pawꞈ-iˬ maˬ geuꞈ nehˬ-aˬ.

Gaˬlaˬtiˆ 3:28

Kʼoeˇ miˇ neh, Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ hawˇ-eu buˬ-iˇ-euˬ tsawˇ haˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, tiˬ pawꞈ-iˬ maˬ paˇ beu meh. Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ, naw maꞈ dawˬ tawˆ luꞈ tiˬ kawˆ meh.

Gaˬlaˬtiˆ 6:11

Ngaˬ-euˬ aˬ laꞈ neh naw maꞈ-ahˇ boꞈ nehˬ-euˬ sahˬ boꞈ aˇ mawˇ heu deuˬ aˇ naˆ ni huiˬ gaˇ haw sheˇ.

Eˇpeˇsu 1:1

Miˬyehˇ nui ma tsaˬ-eu miˇ neh Yeˬsuˇ Ka li-euˬ gʼaˬ kʼehˇ ya geuꞈ luꞈ-eu ngaˇ Pawˇluˆ, Yeˬsuˇ Ka li laꞈ kʼoeˇ saˇ jaˇ ziꞈ-eu Eˇpeˇsu meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ leꞈ-eu ma.

Dawˬmehˬ 21:9

Kʼoeˇ loꞈ-ehˇ, Sahˬpaˬ Miˬyehˇ neh bi mˇ-euˬ jeˬ-ahˇ naw maꞈ mˇ ngeh, tsawˇ haˬ kʼoeˇ gʼaˬ-ahˇ sehꞈ-euˬ iˬ baˇ naw maꞈ kʼoeˇ taˆ maˬ keuˆ le-a.

Dawˬmehˬ 9:10

Kʼoeˇ ngeh, naw maꞈ gawˬ jawˬ-ahˇ uiˬ leˇ-awˇ jawˇ ngeh nah, miˬ dzaˬ laꞈ kʼoeˇ aˬ yawꞈ naw maꞈ-ahˇ ngehˬ cawˬ-euˬ dawˬ deuˬ-ahˇ, aˬ yawꞈ-euˬ aˬ laꞈ neh boꞈ doˆ taˬ-euˬ kʼaˬ lo teˇ byaꞈ kʼoeˇ nyiˬ byaꞈ, Sahˬpaˬ Miˬyehˇ ngaˬ-ahˇ biꞈ laꞈ-euˬ meh.

Piˇliˇpiˆ 1:1

Yeˬsuˇ Ka li-euˬ zaˬ kʼaˆ pyeuꞈ-eu Pawˇluˆ hawˇ-eu Tiˆmoˇseˬ nga nyaꞈ, Yeˬsuˇ Ka li laꞈ kʼoeˇ Piˇliˇpiˆ meuˬ-ahˇ jawˇ luꞈ-eu Ka li zaˬ aˇ muˇ-ahˇ sheuˬ gʼeh-eu deuˬ, caw dehˬ caw toˆ-eu deuˬ hawˇ-eu, Miˬyehˇ-euˬ tsawˇ haˬ dawˬ tawˆ luꞈ-ahˇ sahˬ boꞈ boꞈ ahˇ laꞈ-eu ma.

Piˇliˇpiˆ 1:27

Huiˬ-eu tiˬ jeˬ-aˬ, ngaˇ naw maꞈ-ahˇ haw keuˆ laˇ-eu maˬ kaˬ, maˬ haw keuˆ laˇ-eu maˬ kaˬ, naw maꞈ nui ma tiˬ siˬ tehꞈ-ehˇ taˬ-awˇ ziꞈ dah ni jawˇ luꞈ-eu gaˇ kawˆ hawˇ-eu, La kʼaˬ cehˇ-eu Guiˬ lahˬ dawˬ-ahˇ taꞈ-eu jah-eu jeˬ gʼaˇ duˬ naw maꞈ nui ma gm-awˇ deuˆ ceh ceh luꞈ-eu gaˇ kawˆ-ahˇ ngaˇ ya gaˬ ni, Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ tsaˬ ni dehꞈ gʼeh jawˇ gʼeh-awˬ.

Gawˇlawˇsehˇ 1:2

Yeˬsuˇ Ka li laꞈ kʼoeˇ saˇ jaˇ ziꞈ-eu aˬ yuiꞈ aˬ nyiˇ Ka li zaˬ deuˬ pyeuꞈ-eu Gawˇlawˇsehˇ meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma. Aˬ dui-euˬ Aˬda Miˬyehˇ-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

1 Teˇsaˬloˇni 2:2

Naw maꞈ jawˇ-eu Teˇsaˬloˇni meuˬ-ahˇ nga maꞈ maˬ oe mi naˆ-ehˇ, Piˇliˇpiˆ meuˬ laꞈ kʼoeˇ aˬ cawˬ nga maꞈ-ahˇ kʼehˬ nehˬ kʼaˆ nehˬ laꞈ-awˇ yehˬ bawˬ sehˇ lu-ehˇ ehˇ nehˬ laꞈ gaˇ ya daˬ-euˬ naw maꞈ siˬ nya meh. Laˆ tsoeˬ-eu gʼawˬ mya jeˬ jaˆ kʼawꞈ, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ naw maꞈ-ahˇ mehˬ nehˬ nya ni, aˬ dui-euˬ Miˬyehˇ nga maꞈ-ahˇ gʼaˬ biꞈ laꞈ-euˬ meh.

1 Tiˆmoˇseˬ 1:18

Ngaˬ li Tiˇmoˇseˬ-oˇ, aˇ hu ba Miˬyehˇ gʼaˇ duˬ ngehˬ dah-eu deuˬ neh nawˬ-euˬ gaˇ kawˆ ehˇ taˬ-euˬ jeˬ-ahˇ tsaˬ-eu dawˬ heu dawˬ nawˬ-ahˇ ngaˇ biꞈ-eu ma. Yaw muiˬ jeˬ gʼaˇ duˬ nawˇ guiˇ deuˆ nya ni, dawˬ kʼoeˇ deuˬ-ahˇ guiˇ deuˆ-eu keu ka loꞈ-ehˇ zmˬ-awˬ.

1 Tiˆmoˇseˬ 6:12

Yawˬ ha-euˬ gʼaˇ duˬ mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, jah-eu jeˬ laꞈ kʼoeˇ kʼaˇ gʼeh nya-eu loꞈ-ehˇ deuˆ ceh ceh-awˬ. Miˬyehˇ neh nawˬ-ahˇ kuˇ-awˇ, tsawˇ haˬ gʼawˬ mya ni mehˬ shi, nawˬ-euˬ jah-eu jeˬ-ahˇ nawˇ ziꞈ dah ni dehꞈ mehˬ-euˬ kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ gʼaˇ duˬ meh.

2 Tiˆmoˇseˬ 1:13

Ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ nawˇ dzaw geuꞈ-awˇ caw teh-eu laꞈ kʼoeˇ, ziꞈ dah ni tuˆ tehˬ taˬ-awˇ, Yeˬsuˇ Ka li laꞈ kʼoeˇ aˬ dui za taˬ-euˬ jah-eu jeˬ hawˇ-eu gʼoeˇ-eu gaˬ-eu jeˬ laꞈ kʼoeˇ jawˇ-awˬ.

Tiˇtuˆ 1:4

Jah-eu jeˬ laꞈ kʼoeˇ ngaˬ nehˬ-ehˇ tiˬ gaˇ taꞈ-eu ngaˬ li-ahˇ duˇ-eu Tiˇtuˆ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, nawˬ-euˬ kʼoeˇ taˆ jaˆ luꞈ-uˇ.

HeˬByehˇ 13:22

A yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ gʼaˬ biꞈ-eu dawˬ heu deuˬ-ahˇ nui ma gʼawˬ mahˇ ni taˬ-awˇ naˇ haˬ geuꞈ-awˬ lehˇ shaˇ-eu ma. Aˬ jeˬ miˇ neh ehˇ naˇ, ngaˬ neh naw maꞈ-ahˇ boꞈ nehˬ laꞈ-euˬ sahˬ boꞈ heu taꞈ-aˬ, yaw mahˇ maˬ ngeuˇ-a.

HeˬByehˇ 6:9

Gaˬ-eu cawˬ deuˬ-oˇ, nga maꞈ heu loꞈ-ehˇ ehˇ-eu kʼawꞈ, naw maꞈ-euˬ gʼaˇ duˬ nga maꞈ kʼahˬ lahˇ kʼaˇ maˬ za. Ka kʼoꞈ-eu jeˬ-ahˇ taꞈ leˇ-awˇ, muiˬ dzehˬ-eu guiˬ lahˬ yaw dzahˇ-ahˇ naw maꞈ za taˬ-euˬ meh lehˇ nga maꞈ siˬ nya ma.

1 Beˬtuˆluˆ 5:12

Ngaˇ jah coeˇ-eu aˬ nyiˇ Siˬlaˇ-ahˇ gʼoe-awˇ, naw maꞈ-ahˇ sahˬ boꞈ heu taꞈ yaw nymˇ nymˇ-ehˇ boꞈ ahˇ laꞈ-eu ma. Naw maꞈ-ahˇ gʼaˬ biꞈ mawꞈ-eu miˇ neh sahˬboꞈ heu taꞈ ngaˇ boꞈ-euˬ ma. Sahˬ boꞈ heu taꞈ-aˬ, maˇ maˇ ni Miˬyehˇ-euˬ guiˬ lahˬ yaw dzahˇ pyeuꞈ-eu ma. Guiˬ lahˬ yaw dzahˇ heu-euˬ laꞈ kʼoeˇ ziꞈ dah ni jawˇ-awˬ.

2 Beˬtuˆluˆ 1:1

Yeˬsuˇ Ka li-euˬ zaˬ kʼaˆ hawˇ-eu gʼaˬ kʼehˇ pyeuꞈ-eu ngaˇ Siˇmoˬ Beˬtuˆluˆ, Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw tsaˬ yaw dawˇ jeˬ baˬ da neh nga maꞈ-euˬ jah-eu jeˬ-ahˇ duˇ-eu aˇ poeˬ kʼaˆ dui dui-eu jah-eu jeˬ za taˬ-euˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

2 Beˬtuˆluˆ 2:21

Yaw tsaˬ yaw dawˇ gaˇ ma-ahˇ siˬ nya gʼaˬ miˇ tsa, aˬ yawꞈ maꞈ-ahˇ biꞈ taˬ-euˬ muiˬ-eu shawˇ-eu Miˬyehˇ-euˬ dawˬ-ahˇ byehˇ dzeh-euˬ kʼoeˇ-aˬ, yaw tsaˬ yaw dawˇ gaˇ ma-ahˇ tiˬ poˆ-iˬ maˬ siˬ nya-ehˇ dehꞈ ngeh naˆ maˬ tseˇ doeˇ dzehˬ-eu meh.

Yuˇdaˆ 1:1

Yeˬsuˇ Ka li-euˬ zaˬ kʼaˆ hawˇ-eu Yaˬkoˆ-euˬ mehˇ nmˇ pyeuꞈ-eu ngaˇ Yuˇdaˆ, Aˬda Miˬyehˇ-euˬ gʼoeˇ-eu gaˬ-eu jeˬ hawˇ-eu Yeˬsuˇ Ka li-euˬ bo saˆ haw piˇ-eu jeˬ laꞈ kʼoeˇ jawˇ luꞈ-eu, Miˬyehˇ neh kuˇ doˆ taˬ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Yuˇdaˆ 1:17

Ehˇ kʼawꞈ ngaˇ gaˬ-eu cawˬ deuˬ-oˇ, dzeuˇ laˇ ngeh aˬ dui-euˬ Sahˬpaˬ Yeˬsuˇ Ka li-euˬ gʼaˬ kʼehˇ deuˬ neh naw maꞈ-ahˇ ehˇ nehˬ-euˬ dawˬ kʼoeˇ deuˬ-ahˇ taˬ ngehˇ.

Yuˇdaˆ 1:20

Ehˇ kʼawꞈ, ngaˇ gaˬ-eu cawˬ deuˬ-oˇ, naw maꞈ-aˬ, yawˬ ha-euˬ muiˬ dui shawˇ dui dui-eu jah-eu jeˬ huiˬ laˇ mahˇ laˇ nya ni leh jeh-awˬ. Muiˬ-eu shawˇ-eu Yaw sahˇ Miˬyehˇ-euˬ baoˬ laꞈ kʼoeˇ guiˬ lahˬ shaˇ-awˬ.

Panmaeq 12:11

Aˬ dui-euˬ aˬ yuiꞈ aˬ nyiˇ Ka li zaˬ deuˬ-aˬ, Yawˇzaˬ-euˬ shiˬ hawˇ-eu aˬ yawꞈ maꞈ mehˬ luꞈ-eu yaw tsaˬ yaw dawˇ jeˬ baˬ da neh aˬ yawꞈ-ahˇ gʼaˬ leˇ-euˬ meh. Aˬ yawꞈ maꞈ-aˬ, gʼawˇ mawˇ shiˇ dah peuˬ-eu meh.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.