Yuˇdaˆ 1:23 - Akha

²³ Tiˬ paˆ na deuˬ-ahˇ-aˬ, miˬ dzaˬ laꞈ kʼoeˇ neh gʼeu doˆ-awˇ ka kʼoꞈ nehˬ-awˬ. Tiˬ paˆ na deuˬ-ahˇ-aˬ, guˆ-eu nui ma ahˇ-eu laꞈ kʼoeˇ gʼawˬ shaˬ gaˬ nehˬ-awˬ. Ehˇ kʼawꞈ, shiˬ shaˬ jiˇ-euˬ nui kʼahˇ mˇ-eu jeˬ laˆ lehꞈ taˬ-euˬ aˬ yawꞈ maꞈ-euˬ mehˬ tsoeˬ-ahˇ nui daˆ daˆ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Aerkhawf, nawmaf guv-eu nuima anr-eu lafkhoer tsawrhaq tiqpavnav deuq-anr bibuq-ir ni miqdzaq-euq lafkhoer nae gheudov naeq-awq. Shiqshaq baqda’nae maqshawrni bipyeuf-ir-euq maeqtsoeq-anr taef-aer khawf byae-awq.

Yuˇdaˆ 1:23 Iomraidhean Croise

Dawqdaq 7:8

Laꞈ coeˇ-ahˇ tsoˆ taˬ-euˬ zaˬ miˬ zaˬ tiˬ gʼaˬ-euˬ nymˇ dawˬ peh, gaˇ ma caw caw-ehˇ aˬ yawꞈ iˇ luꞈ-eu meh.

Iˇsaˬyaˇ 64:6

Aˬ dui dawˬ tawˆ luꞈ iˬ baˇ ahˇ-eu ma. Aˬ dui mˇ-euˬ muiˬ dui dui-eu jeˬ-aˬ, jawꞈ dui dui-eu pehˇ kʼahˬ-ahˇ duˇ-eu meh. Aˬ dui-euˬ iˬ baˇ baˬ da neh aˬ dui yaw dehꞈ dehꞈ-eu, aˇ paꞈ nyoeˬ-iˇ koˆ-iˇ jiˇ-awˇ, jaˬ lehˇ bi baw byoˆ gaˇ duˇ leˇ-eu meh.

Ngoeˇ dawˬ 4:14

Meuˬ-euˬ lehˆ kawˆ gaˇ ma doe ni, myaˆ behꞈ loꞈ-ehˇ yawꞈ maꞈ cah gaˇ, yawꞈ maꞈ-ahˇ shiˬ lehꞈ-eu miˇ neh, tiˬ gʼaˬ-iˬ maˬ toeˬ ciˆ peuˬ-a.

Uˬ duˬ 14:47

Nymˇ kʼoeˇ nymˇ laꞈ kʼoeˇ kʼaˇ yuꞈ-euˬ tsawˇ haˬ hawˇ-eu kʼaˇ dzaˬ kʼaˇ dawˇ-euˬ tsawˇ haˬ aˬ geu gʼaˬ maˬ kaˬ, yawˬ ha-euˬ mehˬ tsoeˬ ya lehˬ tsiˬ meh.

Uˬ duˬ 15:17

Aˇ yoeˬ kʼoeˇ kʼaˇ yoeˇ lehꞈ-euˬ saˬ paˇ maˬ ehˇ, shaˬ kʼoˆ maˬ ehˇ, ya lehˬ tsiˬ shawˇ-awˇ, uˬ ciꞈ paw keuˆ ni maˬ shawˇ-eu myawˬ pyeuꞈ-eu meh.

Aˬmoˆ 4:11

“Sawˇdoˬ meuˬ hawˇ-eu Gawˇmawˇlaˆ meuˬ-ahˇ ngaˇ laˆ cawˆ nehˬ-euˬ loꞈ-ehˇ, naw maꞈ tiˬ paˆ na deuˬ-ahˇ ngaˇ laˆ cawˆ nehˬ-euˬ ma. Naw maꞈ laꞈ kʼoeˇ kʼaˇ dzeuˇ-iˇ-euˬ deuˬ-aˬ, miˬ dzaˬ puiˆ luꞈ gaˇ gʼeu doˆ-euˬ doꞈ luꞈ-eu daˇ kawˬ-ahˇ duˇ-eu meh. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a” lehˇ Sahˬpaˬ Miˬyehˇ ehˇ-eu meh.

Lormav 11:14

Ngaˇ kʼoeˇ loꞈ-ehˇ mˇ-eu miˇ neh ngaˬ-euˬ tsawˇ jeuˬ ngaˬ-ahˇ myaˆ naˆ-eu laꞈ kʼoeˇ, aˬ yawꞈ maꞈ tiˬ paˆ na deuˬ-ahˇ Miˬyehˇ ka kʼoꞈ nehˬ-eu duˇ.

1 Gawˇliˬtu 15:33

Taˬ noeˬ lehˬ. “Maˬ muiˬ-eu deuˬ-ahˇ cawˬ cawˬ naˇ, yaw muiˬ jeˬ mˇ mawꞈ-eu nui ma cawˆ-iˇ tehꞈ-a.”

1 Gawˇliˬtu 3:15

Ehˇ kʼawꞈ, tsawˇ haˬ tiˬ gʼaˬ na neh gawˬ taˬ-euˬ gaˇ miˬ dzaˬ neh puiˆ dzaˬ naˇ, aˬ yawꞈ neh mˇ taˬ-euˬ jeˬ smˬ-iˇ tehꞈ-a. Aˬ yawꞈ-euˬ gʼawˇ mawˇ law nmˇ-aˬ, miˬ dzaˬ puiˆ luꞈ gaˇ bi gʼeu doˆ-awˇ law-iˇ-euˬ loꞈ-ehˇ ya law-iˇ tehꞈ-a.

2 Gawˇliˬtu 5:11

Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.

2 Teˇsaˬloˇni 3:14

Naw maꞈ jawˇ gaˇ boꞈ ahˇ laꞈ-euˬ sahˬ boꞈ heu taꞈ laꞈ kʼoeˇ, nga maꞈ neh mehˬ-euˬ dawˬ heu deuˬ-ahˇ maˬ naˇ haˬ geuꞈ-eu tsawˇ haˬ kʼawꞈ jawˇ-eu baw tehꞈ-a. Kʼoeˇ loꞈ-ehˇ gʼeh-eu tsawˇ haˬ-ahˇ noeˬ taˬ-awˇ, cawˬ maˬ cawˬ nehˬ ni bi shaꞈ dawˇ-awˬ.

1 Tiˆmoˇseˬ 4:16

Yawˬ ha-euˬ gʼawˇ mawˇ gaˇ kawˆ maˬ ehˇ, yawˬ ha mehˬ-eu tsoˆ-eu jeˬ gaˇ kawˆ maˬ ehˇ, yaw muiˬ-ehˇ yahˇ-awˬ. Gaˇ heu deuˬ-ahˇ maˬ byehˇ ni mˇ daˆ leꞈ-awˬ. Aˬ jeˬ miˇ neh ehˇ naˇ, nawˇ kʼoeˇ loꞈ-ehˇ mˇ-eu kʼoeˇ-aˬ, nawˬ-euˬ gʼawˇ mawˇ-ahˇ maˬ ehˇ, nawˬ neh mehˬ nehˬ tsoˆ nehˬ-euˬ tsawˇ haˬ deuˬ-ahˇ maˬ ehˇ, ka kʼoꞈ-eu jeˬ pyeuꞈ-eu meh.

2 Yoˇhaˬ 1:11

Aˬ jeˬ miˇ neh ehˇ naˇ, kʼoeˇ loꞈ-ehˇ gʼeh-eu tsawˇ haˬ-ahˇ dawˬ cawˬ kʼaˇ puˬ nehˬ-eu tsawˇ haˬ-aˬ, aˬ yawꞈ yaw haiˬ jeˬ mˇ gaˇ gʼaˬ baꞈ baꞈ gaˇ duˇ-eu meh.

Yuˇdaˆ 1:22

Jah-eu yaw muiˬ paˬ-ehˇ maˬ ziꞈ laˇ-euˬ tsawˇ haˬ deuˬ-ahˇ gʼawˬ shaˬ gaˬ-awˬ.

Panmaeq 3:18

Kʼoeˇ miˇ neh, nawˇ smˇ muiˬ bi muiˬ laˇ-eu gʼaˇ duˬ, ngaˇ jawˇ gaˇ maˇ jawˆ ni gʼeh-eu shuiˇ zeuˇ laˇ-awˬ lehˇ nui noeˬ nui duˇ biꞈ-eu ma. Nawˇ dm-eu gʼaˇ duˬ mehˬ tsoeˬ yaw pyuˇ kʼawꞈ zeuˇ-awˇ, shaꞈ dawˇ dui dui paˬ-ehˇ neˇ myawˆ ni gʼeh-eu nawˬ-euˬ gʼawˇ mawˇ-ahˇ dm kaˬ-awˬ. Nawˬ-euˬ myaˆ nuiˆ mawˇ nya laˇ ni, myaˆ nuiˆ-ahˇ dawˆ-eu tsiˇ zeuˇ-awˬ.

Panmaeq 3:4

Ehˇ kʼawꞈ, Saˬdiˇ meuˬ-ahˇ jawˇ-eu naw maꞈ heu myaˆ gʼaˬ-aˬ, mehˬ tsoeˬ maˬ jawꞈ-iˇ-aˬ siˬ. Naw maꞈ ngaˬ nehˬ-ehˇ cah-awˇ, mehˬ tsoeˬ yaw pyuˇ ya dm tehꞈ-a. Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ mˇ geuˇ-eu tsawˇ haˬ pyeuꞈ-eu meh.