Yuˇdaˆ 1:16 - Akha

¹⁶ Tsawˇ haˬ kʼoeˇ deuˬ-aˬ, aˬ myah luꞈ aˬ cawˬ-ahˇ toˇ toˇ-ehˇ iˬ baˇ taˬ-eu meh. Yawˬ ha-euˬ maˬ muiˬ maˬ jaˬ-eu nui kʼahˇ mehˬ nah caw teh-eu meh. Yawˬ ha-euˬ gaˇ kawˆ kʼahˬ sehˇ jehˆ-awˇ, yawˬ ha-ahˇ muiˬ laˇ ni aˬ cawˬ-ahˇ ja poeˬ nehˬ nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Tsawrhaq heudeuq-aq, dawqghof dovcoer-awr, aqgeu jeq-anr khawf aerkhar za-eu uqtaf, yawqha kharnoeq kharlov-eu lof-aer daef-eu tsawrhaq mae. Aqyawfmaf dawqma ngaeq-awr jasae-eu lafkhoer khanqsaer jaev-awr, yawqha-anr muiqni aqcawq-anr jaceuq-eu tsawrhaq mae.

Yuˇdaˆ 1:16 Iomraidhean Croise

Yawˇbaˆ 32:21

Ngaˇ tiˬ paw-iˬ maˬ pyawˬ-ehˇ, myaˆ pyawˬ huiˬ nyiˇ maˬ tseˇ ni ja ma.

Yawˇbaˆ 34:19

Sahˬ paˬ sahˬ ma deuˬ-ahˇ aˬ yawꞈ gʼaˬ baꞈ maˬ baꞈ-ehˇ, yaw shaˬ zaˬ mehˬ shi smˇ muiˬ deuˬ jawˇ paw maˬ pyawˬ-a. Aˬ jeˬ miˇ neh ehˇ naˇ, yawˬ gʼaˬ na luꞈ-ahˇ aˬ yawꞈ neh beh taˬ-euˬ meh.

Jaceuq 106:25

Sehˬ gʼawˆ-ahˇ uˇ-awˇ toˇ toˇ-ehˇ jawˇ-eu laꞈ kʼoeˇ, Sahˬpaˬ Miˬyehˇ-euˬ ehˇ dawˬ maˬ naˇ haˬ-a.

Jaceuq 15:4

Miˬyehˇneh byehˇdzeh-euˬdeuˬ-ahˇ, yahˇpawˇ-awˇdehꞈgʼeh-eu tsawˇhaˬ, Miˬyehˇ-ahˇguˆ-eu tsawˇhaˬ-ahˇ, taˬhuiˬtaˬmahˇnehˬ-eu tsawˇhaˬ, yawˬha saˇjaˇdzaˬ-euˬjeˬ-ahˇ, shaˬkʼawꞈsaˇkʼawꞈziꞈ-eu tsawˇhaˬ,

Jaceuq 17:10

Gʼawˬshaˬgaˬ-eu jeˬmaˬahˇ-ehˇ, Dawˬkʼaˆngehˬ-awˇzuiˆle-euˬmeh.

Jaceuq 73:8

Aˬ cawˬ-ahˇ aˬ yawꞈ maꞈ uiˇ-awˇ dawˬ kʼaˆ ngehˬ-eu meh. Aˬ yawꞈ maꞈ nui ma huiˬ-eu mahˇ-eu laꞈ kʼoeˇ, smˇ kʼaˆ kʼaˆ dzaˬ-eu gaˇ kawˆ kawˆ luꞈ-eu meh.

Dawqdaq 28:21

Myaˆ pyawˬ huiˬ nyiˇ tseˇ-eu jeˬ yawˬ lehˬ meh. Ehˇ kʼawꞈ, yaˇ kʼaˬ daˇ-eu tsawˇ haˬ tiˬ paˆ na deuˬ-aˬ, laꞈ nmꞈ ui cuiˆ nmꞈ nehˬ gaˇ noeˬ muiˬ-awˇ, huiˬ-eu yaw lehˬ mˇ nya-eu meh.

Iˇsaˬyaˇ 29:24

Aˬ dzawˬ aˇ gah deuˬ noeˬ siˬ noeˬ mawˇ nya laˇ-awˇ, naˬ lehˬ deuˬ mehˬ paˇ nya tehꞈ-a.”

Uˬ duˬ 19:15

“Naw maꞈ yaˇ kʼaˬ daˇ ngeh, yaw sui yaw dawˇ laꞈ kʼoeˇ, yaw tsaˬ yaw dawˇ dawˇ-ehˇ daˇ-awˬ. Yaw shaˬ zaˬ paw gʼaˬ baꞈ baꞈ-eu maˬ ehˇ, smˇ muiˬ smˇ baw-ahˇ guˆ-eu maˬ ehˇ, taˬ bi pyeuꞈ.

Bawˇtsahˬ 14:36

Moˇseˬ neh miˇ kʼahˬ kʼoeˇ kʼahˬ-ahˇ bi pyehˆ tseˇ haw leˇ-euˬ tsawˇ haˬ kʼoeˇ deuˬ gʼoꞈ le-awˇ, maˬ ngeuˇ-eu jeˬ dzawˇ nehˬ le-euˬ baˬ da neh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ iˬ baˇ taˬ-eu dawˬ ngehˬ-euˬ meh. Kʼoeˇ miˇ neh, aˬ yawꞈ maꞈ kʼoeˇ taˆ Sahˬpaˬ Miˬyehˇ naˇ gawˇ bi keuˆ le-awˇ, aˬ yawꞈ maꞈ shiˇ-euˬ meh.

Bawˇtsahˬ 16:11

Naw maꞈ Aˬloˬ-ahˇ iˬ baˇ taˬ-eu dawˬ ngehˬ-eu heu-aˬ, aˬ diˇ aˬ maˇ nawˇ hawˇ-eu nawˬ-euˬ mehˬ nah caw teh-eu tsawˇ haˬ deuˬ Sahˬpaˬ Miˬyehˇ-ahˇ puiˬ-eu jeˬ pyeuꞈ-eu meh.”

Bawˇtsahˬ 16:41

Yawˬ nah yawˬ, Iˇsaˬleˬlaˆ tsawˇ haˬ aˇ maꞈ deuˬ Moˇseˬ hawˇ-eu Aˬloˬ-ahˇ iˬ baˇ taˬ-awˇ, “Sahˬpaˬ Miˬyehˇ-euˬ tsawˇ haˬ tiˬ paˆ na deuˬ-ahˇ naw nyaꞈ sehꞈ-euˬ meh” lehˇ ehˇ-eu meh.

Luˇkaꞈ 15:2

Kʼoeˇ ngeh, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ-ahˇ iˬ baˇ taˬ-awˇ ehˇ-eu, “Tsawˇhaˬ heu gʼaˬ iˬ baˇ zaˬ lehˇ sawˇ taˬ-euˬ deuˬ-ahˇ ha geuꞈ-eu uˬ taꞈ, tiˬ kawˆ loꞈ-ehˇ dzaˬ taꞈ dawˇ taꞈ-eu nga.”

Luˇkaꞈ 19:7

Kʼoeˇ gaˇ kʼaˇ mawˇ-euˬ tsawˇ haˬ dawˬ tawˆ luꞈ Yeˬsuˇ-ahˇ mahˇ mahˇ-ehˇ ehˇ-eu, “Tsawˇ haˬ teu gʼaˬ aˬ joˆ-ehˇ iˬ baˇ zaˬ-euˬ nymˇ-ahˇ daˬ yah geuꞈ-iˇ-eu nga.”

Luˇkaꞈ 5:30

Paˬliˬsehˇ deuˬ hawˇ-eu aˬ yawꞈ maꞈ-euˬ aˇ muˇ-ahˇ taꞈ-eu Zahˇ dawˬ kʼoꞈ dawˬ mehˬ-eu saˬ laˬ deuˬ, Yeˬsuˇ-euˬ zaˬ lahˇ deuˬ-ahˇ ehˇ nehˬ-eu, “Aˬ jeˬ miˇ neh kawˬ taꞈ-eu tsawˇ haˬ deuˬ hawˇ-eu iˬ baˇ zaˬ deuˬ nehˬ-ehˇ naw maꞈ dzaˬ taꞈ dawˇ taꞈ te.”

Yoˇhaˬ 6:41

“Ngaˇ-aˬ, mˬ kʼoeˇ taˆ neh oe-euˬ kaˬ muˇ ma” lehˇ aˬ yawꞈ ehˇ-eu miˇ neh, tsawˇ haˬ kʼoeˇ deuˬ aˬ yawꞈ-ahˇ toˇ-eu meh.

Yoˇhaˬ 6:61

Aˬ yawꞈ maꞈ kʼoeˇ loꞈ-ehˇ toˇ luꞈ-eu gaˇ kawˆ aˬ cawˬ Yeˬsuˇ-ahˇ maˬ ehˇ nehˬ-euˬ kʼawꞈ, Yeˬsuˇ siˬ nya-awˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˇ heu loꞈ-ehˇ ehˇ-eu miˇ neh, jah-eu jeˬ-ahˇ naw maꞈ byehˇ dzeh mawꞈ-eu nya loˇ.

1 Gawˇliˬtu 10:10

Aˬ yawꞈ maꞈ tiˬ paˆ na deuˬ Miˬyehˇ-ahˇ toˇ-euˬ loꞈ-ehˇ aˬ dui maˬ ya toˇ-a.‘ Aˬ yawꞈ maꞈ kʼoeˇ loꞈ-ehˇ toˇ-euˬ miˇ neh, shiˇ-eu jeˬ-euˬ mˬ taˆ gʼaˬ kʼehˇ neh bi laˆ cawˆ-euˬ meh.

Gaˬlaˬtiˆ 5:16

Ngaˇ ehˇ mawꞈ-eu-aˬ, heu loꞈ-ehˇ ma. Yaw sahˇ Miˬyehˇ sheuˬ gʼeh-eu mehˬ nah caw teh-awˬ. Shiˬ shaˬ jiˇ nui kʼahˇ mehˬ nah taˬ iˇ.

Gaˬlaˬtiˆ 5:24

Yeˬsuˇ Ka li-ahˇ taꞈ-eu tsawˇ haˬ deuˬ-aˬ, shiˬ shaˬ jiˇ nui kʼahˇ hawˇ-eu shiˬ shaˬ jiˇ-euˬ nui noeˬ nui loˆ dawˬ tawˆ luꞈ-ahˇ laˆ sehꞈ jiˇ-euˬ meh.

Dawˬmehˬ 1:27

Iˬ baˇ taˬ-eu dawˬ ngehˬ-eu laꞈ kʼoeˇ naw maꞈ ehˇ-eu, ‘Sahˬpaˬ Miˬyehˇ aˬ dui-ahˇ bye-eu miˇ neh, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-awˇ, Aˬmoˬ tsawˇ haˬ heu deuˬ neh bi sehꞈ-eu lehˇ, aˬ dui-ahˇ heu gaˇ sheuˬ laꞈ-euˬ ngaˇ.

Piˇliˇpiˆ 2:14

Kʼaˇ mˇ kʼaˇ shaˇ-eu jeˬ laꞈ kʼoeˇ, tiˬ gʼaˬ tiˇ gʼaˬ dawˬ gʼoꞈ maˬ doˆ-ehˇ, tsawˇ pyehˇ maˬ pyehˇ ni mˇ-awˬ.

1 Teˇsaˬloˇni 4:5

Miˬyehˇ-ahˇ maˬ siˬ nya-eu tsawˇ haˬ loꞈ-ehˇ, yawˬ ha-euˬ nui kʼahˇ laˆ shiˇ-eu gʼaˇ duˬ tehꞈ-ehˇ miˬ zaˬ sheuˬ taˬ-euˬ jeˬ maˬ ya bi pyeuꞈ-a.

1 Tiˆmoˇseˬ 6:5

Kʼoeˇ uˬ taꞈ, shaˇ noeˬ shaˇ sawˇ nya-eu nui ma byoˆ-iˇ-awˇ, yaw tsaˬ yaw dawˇ jeˬ maˬ paˇ ahˇ-euˬ tsawˇ haˬ deuˬ yaw kaˬ maˬ tsehˆ leˇ ni dawˬ ja bi doˆ laˇ-eu meh. Uˬ duˬ tahˬ-eu zahˇ sahˇ kʼoꞈ-aˬ, tsawˇ haˬ-ahˇ smˇ muiˬ bi muiˬ laˇ-eu jeˬ pyeuꞈ-eu meh lehˇ aˬ yawꞈ maꞈ noeˬ-eu meh.

2 Tiˆmoˇseˬ 4:3

Tsaˬ-eu muiˬ-eu jah-eu jeˬ-ahˇ tsawˇ haˬ zaˬ maˬ naˇ haˬ geuꞈ-ehˇ, yawˬ ha-euˬ nui noeˬ nui loˆ mehˬ nah iˇ-eu laꞈ kʼoeˇ, yawˬ ha naˇ haˬ mawꞈ-eu jeˬ mehˬ nehˬ laꞈ-eu saˬ laˬ gʼawˬ mya ni aˬ yawꞈ maꞈ poˆ uiˬ tehꞈ-a.

1 Beˬtuˆluˆ 1:14

Miˬyehˇ-euˬ dawˬ-ahˇ naˇ haˬ geuꞈ-awˬ. Aˇ hu naw maꞈ Miˬyehˇ-ahˇ maˬ siˬ nya ngeh yawˬ ha-euˬ nui noeˬ nui loˆ geuꞈ-euˬ loꞈ-ehˇ taˬ gʼeh.

1 Beˬtuˆluˆ 2:11

Gaˬ-eu aˬ yuiꞈ aˬ nyiˇ Ka li zaˬ deuˬ-oˇ, yawˬ kʼahˬ yawˬ miˇ yawˬ-ahˇ cehˆ byaˆ taˬ-euˬ naw maꞈ-ahˇ ngaˇ heu loꞈ-ehˇ shaˇ-eu ma. Shiˬ shaˬ jiˇ-euˬ nui kʼahˇ naw maꞈ-ahˇ taˬ bi gʼaˬ leˇ. Shiˬ shaˬ jiˇ-euˬ nui kʼahˇ kʼoeˇ-aˬ, aˬ myah luꞈ saꞈ laˇ-ahˇ deuˆ ceh ceh luꞈ-eu jeˬ pyeuꞈ-eu meh.

1 Beˬtuˆluˆ 4:2

Naw maꞈ mehˬ hu paw dehꞈ daˆ leꞈ-eu tiˬ ziˇ, shiˬ shaˬ jiˇ-euˬ nui loˆ maˬ geuꞈ-ehˇ Miˬyehˇ-euˬ nui kʼahˇ geuꞈ-awˬ.

2 Beˬtuˆluˆ 2:10

Jawꞈ dui dui-eu shiˬ shaˬ jiˇ-euˬ nui kʼahˇ mehˬ nah caw teh-awˇ Miˬyehˇ uˆ lahˇ-eu jeˬ-ahˇ yehˬ bawˬ sehˇ lu-ehˇ ehˇ-eu deuˬ-ahˇ-aˬ, aˬ cawˬ-ahˇ naˆ maˬ tseˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ Miˬyehˇ siˬ nya meh. Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ-aˬ, guˆ-eu nui ma maˬ ahˇ ni, kʼaˬ duˬ ni mehˬ-eu tsoˆ-eu meh. Mˬ kʼoeˇ taˆ yaw shehꞈ kʼahˬ sehˇ huiˬ-eu deuˬ-ahˇ kʼawꞈ yaw zeu maˬ baw-eu uˬ taꞈ, yehˬ bawˬ sehˇ lu-ehˇ ehˇ-eu meh.

2 Beˬtuˆluˆ 2:18

Aˬ yawꞈ maꞈ aˬ dzawˬ aˇ gah-euˬ dawˬ ngehˬ-awˇ kʼahˬ sehˇ jehˆ-eu laꞈ kʼoeˇ, yaw lehˬ jeˬ mˇ mˇ-ehˇ dehꞈ-eu tsawˇ haˬ deuˬ-euˬ baꞈ dzah laꞈ kʼoeˇ dzeuˇ-iˇ ni leh jeh dahˬ beh luꞈ-eu tsawˇ haˬ deuˬ-ahˇ, shiˬ shaˬ jiˇ-euˬ nui kʼahˇ mˇ-eu jeˬ-ahˇ gʼoe-awˇ lahˇ ju kʼmˇ-eu meh.

2 Beˬtuˆluˆ 3:3

Aˇ saˬ saˬ-eu aˇ nah aˇ yamˬ heu laꞈ kʼoeˇ, yawˬ ha-euˬ shiˬ shaˬ jiˇ nui kʼahˇ mehˬ nah caw teh-awˇ dehꞈ-eu tsawˇ haˬ deuˬ doˆ le tehꞈ-a lehˇ, naw maꞈ-ahˇ jeˬ huˬ bi siˬ nya taˬ-eu tsaˬ meh. Tsawˇ haˬ kʼoeˇ deuˬ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa laˇ tehꞈ-a.

Yuˇdaˆ 1:15

Tsawˇ haˬ dawˬ tawˆ luꞈ-ahˇ yaˇ kʼaˬ daˇ-eu lehˇ oe-awˇ, aˬ yawꞈ maꞈ Miˬyehˇ-ahˇ yaw zeu maˬ baw ni mˇ taˬ shaˇ taˬ-euˬ miˇ neh maˬ ehˇ, Miˬyehˇ-ahˇ yaw zeu maˬ baw-eu iˬ baˇ zaˬ deuˬ neh aˬ yawꞈ-ahˇ ngehˬ doeˇ ehˇ doeˇ-euˬ miˇ neh maˬ ehˇ, aˬ yawꞈ maꞈ-ahˇ kʼehˬ nehˬ kʼaˆ nehˬ tehꞈ-a.”

Yuˇdaˆ 1:18

“Aˇ saˬ saˬ-eu aˇ nah aˇ yamˬ keuˆ le ngeh, naw maꞈ-ahˇ kʼaˇ ehˇ mawꞈ-eu ehˇ niˇ gʼa-awˇ Miˬyehˇ-ahˇ yaw zeu maˬ baw-eu jeˬ pyeuꞈ-eu yawˬ ha-euˬ nui kʼahˇ mehˬ nah caw teh-eu tsawˇ haˬ deuˬ doˆ le tehꞈ-a” lehˇ, naw maꞈ-ahˇ ehˇ taˬ-euˬ meh.