Yoˇhaˬ 9:3 - Akha

³ Yeˬ suˇ ehˇ-eu, “Aˬ yawꞈ myaˆ behꞈ behꞈ-eu kʼoeˇ-aˬ, aˬ yawꞈ-euˬ iˬ baˇ baˬ da neh maˬ ngeuˇ-a. Aˬ da aˬ ma euˬ iˬ baˇ baˬ da neh kʼawꞈ maˬ ngeuˇ-a. Miˬyehˇ tehꞈ-ehˇ mˇ nya-eu zahˬ leˇ paˬ-ehˇ gʼeh-eu jeˬ-ahˇ aˬ cawˬ ya mawˇ ni aˬ yawꞈ myaˆ behꞈ behꞈ-eu jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Yeqsur heulof-aer aerkhof naeq-euq mae, “Aqyawf maqngeur nar-aq, aqyawf-euq aqma aqda iqbax mr-euq mirnae maqngeur-a. Aerkhawf, Miqyaer gar mr-eu jeq, aqyawf-euq daefzir-anr nae bi mawrlar-eu laer khoerlof-aer bi daefle-euq nga.

Yoˇhaˬ 9:3 Iomraidhean Croise

Yawˇbaˆ 21:27

Ngaˬ-euˬ kʼoeˇ taˆ naw maꞈ nui gʼoꞈ ahˇ-eu ngaˇ siˬ nya ma.

Yawˇbaˆ 32:3

Yawˇbaˆ-euˬ cawˬ kʼoeˇ smˇ gʼaˬ-ahˇ kʼawꞈ Eˇliˇhuˆ nui ma pehˇ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ Yawˇbaˆ-ahˇ maˬ ngehˬ kʼoꞈ nehˬ nya-euˬ miˇ neh, Miˬyehˇ lehˬ-eu loꞈ-ehˇ pyeuꞈ laˇ taˬ-euˬ meh.

Yawˇbaˆ 42:7

Sahˬpaˬ Miˬyehˇ Yawˇbaˆ-ahˇ dawˬ ngehˬ cawˬ gʼaˬ ngeh, Eˇliˇpaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˇ hawˇ-eu nawˬ-euˬ cawˬ kʼoeˇ nyiˬ gʼaˬ-ahˇ ngaˇ nui ma pehˇ nya. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ Yawˇbaˆ loꞈ-ehˇ ngaˬ-euˬ gaˇ kawˆ yaw tsaˬ yaw dawˇ dawˇ-ehˇ naw maꞈ maˬ ehˇ-a.

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Yoˇhaˬ 11:4

Dawˬ kʼoeˇ dawˬ-ahˇ Yeˬsuˇ ya gaˬ ngeh, heu loꞈ-ehˇ ehˇ-eu meh. “Naˇ-eu gawˇ-eu kʼoeˇ baˬ da neh, Laˬzaˬluˇ shiˇ gaˇ aˇ saˬ maˬ saˬ-aˇ. Miˬyehˇ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ kʼoeˇ loꞈ-ehˇ pyeuꞈ laˇ-awˇ, Kʼoeˇ baˬ da neh Miˬyehˇ-euˬ Zaˬmaˇ yaw shehꞈ kʼahˬ sehˇ za tehꞈ-a.”

Yoˇhaˬ 11:40

Yeˬsuˇ aˬ yawꞈ-ahˇ ehˇ nehˬ-eu, “Nawˇ jah naˇ, Miˬyehˇ-euˬ yaw shehꞈ kʼahˬ sehˇ-ahˇ ya mawˇ tehꞈ-a lehˇ, ngaˇ nawˬ-ahˇ ehˇ-euˬ maˬ ngeuˇ-a loˇ.”

Gʼaˬkʼehˇ 28:4

Iˇ jaw lahˇ kʼoeˇ lahˇ-ahˇ jawˇ-eu tsawˇ haˬ kʼoeˇ deuˬ Pawˇluˆ-euˬ aˬ laꞈ-ahˇ aˇ lawˇ kʼoeˇ mawˇ ga gʼeu gaˇ mawˇ ngeh, tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ cawˬ-ahˇ sehꞈ-euˬ tsawˇ haˬ ngaˇ. Iˬ ma laˆ shaˆ laꞈ kʼoeˇ maˬ shiˇ ni ya dzeuˇ-iˇ-euˬ kʼawꞈ, yaw tsaˬ yaw dawˇ jeˬ aˬ yawꞈ-ahˇ maˬ paˇ bi dehꞈ-eu yaw duˬ baw ngaˇ ehˇ lawˬ.”

Gʼaˬkʼehˇ 4:21

Kʼoeˇ ngeh, Baꞈ dzah-ahˇ uiˬ laˇ-euˬ aˬ yuiꞈ aˬ tsu deuˬ aˬ yawꞈ nyaꞈ-ahˇ yaw kʼaˆ kʼaˆ-ehˇ mehˬ-eu laꞈ kʼoeˇ, guˆ tsiˬ nyehꞈ-awˇ pyehˬ nehˬ-euˬ meh. Tsawˇ haˬ kʼoeˇ gʼaˬ aˬ kuiˇ yaw cawˆ muiˬ laˇ-euˬ gaˇ tsawˇ haˬ dawˬ tawˆ luꞈ Miˬyehˇ-ahˇ ja ceuˬ luꞈ-eu miˇ neh, aˬ yuiꞈ aˬ tsu kʼoeˇ deuˬ aˬ yawꞈ nyaꞈ-ahˇ maˬ kʼehˬ maˬ kʼaˆ nehˬ peuˬ-a.

1 Yoˇhaˬ 4:16

Kʼoeˇ miˇ neh, Miˬyehˇ neh aˬ dui-ahˇ gaˬ-euˬ gʼoeˇ-eu gaˬ-eu jeˬ kʼoeˇ-ahˇ aˬ dui siˬ nya-awˇ jah-eu ma. Miˬyehˇ-aˬ, gʼoeˇ-eu gaˬ-eu jeˬ pyeuꞈ-eu meh. Gʼoeˇ-eu gaˬ-eu jeˬ laꞈ kʼoeˇ kʼaˇ jawˇ-eu tsawˇ haˬ-aˬ, Miˬyehˇ-euˬ laꞈ kʼoeˇ jawˇ-awˇ, Miˬyehˇ kʼawꞈ, aˬ yawꞈ-euˬ laꞈ kʼoeˇ jawˇ-eu meh.

1 Yoˇhaˬ 4:9

Miˬyehˇ-aˬ, aˬ yawꞈ-euˬ Zaˬmaˇ tiˬ gʼaˬ tehꞈ-ehˇ jawˇ-eu kʼawꞈ, Zaˬmaˇ baˬ da neh aˬ dui dehꞈ-eu jeˬ za nya ni miˇ tsaˬ kʼoeˇ taˆ kʼehˇ gʼeh le-awˇ, aˬ yawꞈ-euˬ gʼoeˇ-eu gaˬ-eu jeˬ aˬ dui-ahˇ bi mawˇ laꞈ-euˬ meh.