Yoˇhaˬ 9:17 - Akha

¹⁷ Kʼoeˇ naˇ, Paˬliˬsehˇ kʼoeˇ deuˬ tsawˇ haˬ kʼoeˇ gʼaˬ-ahˇ heu loꞈ-ehˇ paˇ naˇ haˬ-euˬ meh. “Nawˬ-euˬ myaˆ nuiˆ mawˇ laˇ ni aˬ yawꞈ neh jahˇ nehˬ laꞈ-euˬ meh lehˇ nawˇ ehˇ-eu-aˬ, aˬ yawꞈ-ahˇ nawˇ aˬ joˆ-ehˇ noeˬ-eu nya.” Tsawˇ haˬ kʼoeˇ gʼaˬ ehˇ-eu, “Aˬ yawꞈ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoermirnae, aqyawfmaf, myavbaef baefhaw-euq khoerghaq-anr par narhaq-eu, “Aqyawf, nawq-euq myavnuiv-anr bi mawrnya lar-euq-aq, aqyawf aqjox-aer ghae-eu tsawrhaq la laer nawr aerhaw sher-eq.” Aqyawf aer-eu, “Aqyawf-aq, Miqyaer gharduq ngaeqdan-eu tsawrhaq tiq ghaq mae.”

Yoˇhaˬ 9:17 Iomraidhean Croise

Maꞈtehˬ 21:11

Tsawˇ haˬ aˇ maꞈ kʼoeˇ maꞈ ehˇ kʼoꞈ nehˬ-eu, “Tsawˇ haˬ heu gʼaˬ-aˬ, Yeˬsuˇ lehˇ kuˇ-eu, Gaˬliˬlehˇ miˇ kʼahˬ Naˬzaˬlehˇ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ meh.”

Luˇkaꞈ 24:19

Yeˬ suˇ ehˇ-eu, “Aˬ jeˬ gaˇ kawˆ-a.” Aˬ yawꞈ nyaꞈ ehˇ-eu. “Naˬzaˬlehˇ tsawˇ haˬ Yeˬsuˇ-euˬ gaˇ kawˆ tawˇ. Aˬ yawꞈ-aˬ, Miˬyehˇ hawˇ-eu tsawˇ haˬ dawˬ tawˆ luꞈ-euˬ mehˬ shi, mˇ-eu shaˇ-eu ngehˬ-eu tmˇ-eu baoˬ huiˬ dui dui-eu, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ meh.

Yoˇhaˬ 4:19

Zaˬ miˬ zaˬ kʼoeˇ gʼaˬ ehˇ-eu, “Saˬ laˬ-oˇ, nawˇ-aˬ Miˬyehˇ gʼaˇ duˬ ngehˬ dah-eu tsawˇ haˬ ngaˇ.

Yoˇhaˬ 6:14

Yeˬsuˇ neh mˇ-euˬ zahˬ leˇ paˬ-ehˇ gʼeh-eu kʼoeˇ-ahˇ tsawˇ haˬ kʼoeˇ deuˬ ya mawˇ ngeh, “Tsawˇ haˬ heu gʼaˬ-aˬ, maˇ maˇ ni miˇ tsaˬ kʼoeˇ taˆ oe meh lehˇ ehˇ taˬ-euˬ Miˬyehˇ gʼaˇ duˬ ngehˬ dah-eu kʼoeˇ gʼaˬ ngaˇ” lehˇ ehˇ-eu meh.

Yoˇhaˬ 9:15

Aˬ joˆ-ehˇ jahˇ-awˇ myaˆ nuiˆ mawˇ laˇ-euˬ gaˇ kawˆ, tsawˇ haˬ kʼoeˇ gʼaˬ-ahˇ Paˬliˬsehˇ deuˬ paˇ naˇ haˬ-euˬ meh. Aˬ yawꞈ ehˇ-eu, “Aˬ yawꞈ ngaˬ-euˬ myaˆ nuiˆ-ahˇ shaˬ jehˆ lehꞈ nehˬ laꞈ-awˇ, ngaˇ myaˆ duꞈ puꞈ shawˇ-iˇ ngeh, myaˆ nuiˆ mawˇ laˇ-euˬ ma.”

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.

Gʼaˬkʼehˇ 2:22

“Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ yaw muiˬ paˬ-ehˇ naˇ haˬ sheˇ. Naˬzaˬlehˇ tsawˇ haˬ Yeˬsuˇ-aˬ, maˇ maˇ ni Miˬyehˇ neh bi oe-euˬ gʼaˬ pyeuꞈ-eu gaˇ kawˆ, aˬ yawꞈ-ahˇ gʼoe-eu laꞈ kʼoeˇ Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kʼoeˇ deuˬ saˇ kiˇ kamˬ luꞈ meh. Gaˇ kawˆ kʼoeˇ deuˬ naw maꞈ-euˬ mehˬ shi pyeuꞈ dzeuˇ yaꞈ-euˬ miˇ neh, naw maꞈ yaw muiˬ paˬ-ehˇ siˬ duˬ meh.

Dawˬmehˬ 18:15

Ngaˇ loꞈ-ehˇ gʼeh-eu aˬ yawꞈ gʼaˇ duˬ ngehˬ dah-eu tsawˇ haˬ tiˬ gʼaˬ aˬ yawꞈ bi oe-awˇ, kʼoeˇ gʼaˬ-euˬ ehˇ dawˬ-ahˇ naw maꞈ ya naˇ haˬ tehꞈ-a.