Yoˇhaˬ 8:59 - Akha

⁵⁹ Kʼoeˇ ngeh, aˬ yawꞈ maꞈ kʼaˬ lo gʼoˆ-awˇ Yeˬsuˇ-ahˇ biˬ-eu lehˇ gʼeh-eu meh. Ehˇ kʼawꞈ, Yeˬsuˇ-aˬ, aˬ yawꞈ-euˬ gʼawˇ mawˇ maˬ bi mawˇ ni Uˬ duˬ tahˬ nymˇ nymˇ ma laꞈ kʼoeˇ neh iˇ doˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵⁹ Khoer baqda’nae, aqyawfmaf khaqlo ghov-awr, aqyawf-anr biq-eu laer ghae-eu mae. Aerkhawf, Yeqsur, aqyawf maf-anr maqbi mawrni, aqyawf maf-euq ghanrcae nae irpav-awr irdzeur ghae-awr nae, uqduq tanqnymr nymrma-anr nae dov-ir-euq mae.

Yoˇhaˬ 8:59 Iomraidhean Croise

Aˇ dahˬ 19:11

Kʼoeˇ naˇ, daˬ yah kʼoeˇ nyiˬ gʼaˬ neh, laˇ gʼoˆ dawˬ peh jawˇ-eu tsawˇ haˬ kʼoeˇ deuˬ-ahˇ tahˬ sawˇ bi sawˇ-iˇ jiˇ-awˇ, laˇ gʼoˆ maˬ poˆ mawˇ nya ni bi shaˬ-euˬ meh.

Uˬ duˬ 24:16

Kʼoeˇ loꞈ-ehˇ gʼeh-eu tsawˇ haˬ-aˬ, sehꞈ nehˬ gaˇ ya daˬ tehꞈ-a. Iˇsaˬleˬlaˆ tsawˇ haˬ maˬ kaˬ, Iˇsaˬleˬlaˆ tsawˇ haˬ deuˬ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ kaˬ, Sahˬpaˬ Miˬyehˇ-ahˇ yaˬ kʼehˇ yaˬ naˇ, tsawˇ haˬ aˇ maꞈ dawˬ tawˆ luꞈ uiˬ leˇ-awˇ, kʼaˬ lo biˬ sehꞈ gaˇ ya daˬ tehꞈ-a.

Maꞈtehˬ 12:14

Kʼoeˇ ngeh, Paˬliˬsehˇ deuˬ doˆ-iˇ-awˇ, Yeˬsuˇ-ahˇ sehꞈ-eu gʼaˇ duˬ bawˬ kʼoeˬ-euˬ meh.

Luˇkaꞈ 24:31

Kʼoeˇ ngeh, aˬ yawꞈ nyaꞈ-euˬ myaˆ nuiˆ pah laˇ-awˇ, aˬ yawꞈ-ahˇ haw siˬ-euˬ meh. Ehˇ kʼawꞈ, aˬ yawꞈ-ahˇ maˬ paˇ ya mawˇ ni byoˆ-iˇ-euˬ meh.

Yoˇhaˬ 11:54

Kʼoeˇ miˇ neh, Yeˬsuˇ Yuˇdaˆ miˇ kʼahˬ laꞈ kʼoeˇ aˬ cawˬ mawˇ gaˇ maˬ cah ni pyeuꞈ-iˇ-awˇ, kʼaˇ shuiꞈ deh ga bawˇ tsahˬ bawˇ dahˇ dawˬ peh jaˆ-eu Eˇpaˬleˬ meuˬ-ahˇ iˇ-awˇ, zaˬ lahˇ deuˬ nehˬ-ehˇ kʼoeˇ gaˇ jawˇ-euˬ meh.

Yoˇhaˬ 11:8

Zaˬ lahˇ deuˬ ehˇ-eu, “Saˬ laˬ-oˇ, miˇ nah huˬ nah hawˇ-eu kʼoeˇ gaˇ jawˇ-eu tsawˇ haˬ deuˬ nawˬ-ahˇ kʼaˬ lo biˬ-eu lehˇ gʼeh-eu maˬ ngeuˇ-a loˇ. Nawˇ kʼoeˇ gaˇ paˇ gʼoꞈ-iˇ-eu gʼeh te loˇ.”

Yoˇhaˬ 12:36

Yaw shehꞈ-ahˇ jah-awˬ. Naw maꞈ yaw shehꞈ za ngeh jawˇ, yaw shehꞈ-euˬ zaˬ pyeuꞈ laˇ tehꞈ-a.” Yeˬsuˇ kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ maˬ mawˇ gaˇ iˇ doˆ-awˇ jawˇ-iˇ-euˬ meh.

Yoˇhaˬ 18:31

Sahˬ paˬ Piˇlaˆ ehˇ-eu, “Toˆ-ehˇ ngeuˇ naˇ, naw maꞈ aˬ yawꞈ-ahˇ sheuˬ kʼoꞈ gʼeh-awˇ, naw maꞈ-euˬ zahˇ sahˇ kʼoꞈ kʼaˇ jaˆ-eu loꞈ-ehˇ yaˇ kʼa daˇ-awˬ.” Aˬ yawꞈ maꞈ ehˇ-eu “Nga maꞈ tsawˇ haˬ maˬ sehꞈ kʼmˬ-a.”

Yoˇhaˬ 5:13

Naˇ gawˇ taˬ leˇ-euˬ tsawˇ haˬ kʼoeˇ gʼaˬ, Yeˬsuˇ aˬ geu gʼaˬ pyeuꞈ-eu maˬ siˬ nya-a. Aˬ jeˬ miˇ neh ehˇ naˇ, kʼoeˇ gaˇ tsawˇ haˬ gʼawˬ mya ni jawˇ-eu miˇ neh, aˬ cawˬ-euˬ yaw kaˬ-ahˇ Yeˬsuˇ cah byoˆ-euˬ meh.

Yoˇhaˬ 9:1

Yeˬsuˇ iˇ luꞈ ngeh, dehꞈ le ngeh neh myaˆ behꞈ behꞈ-eu tsawˇ haˬ tiˬ gʼaˬ-ahˇ ya mawˇ-euˬ meh.

Gʼaˬkʼehˇ 7:57

Kʼoeˇ ngeh, tsawˇ haˬ kʼoeˇ deuˬ guˇ kʼaˆ leꞈ-awˇ, naˬ bawˇ dehˬ tsoeˬ-awˇ Saˬteˬpaˬ jawˇ gaˇ coeˬ gʼeh-euˬ meh.

1 Saˬmeuˬlaˆ 30:6

Kʼoeˇ ngeh jawˇ, Daˬbiˇ nui ma cawˆ dui dui-eu meh. Aˬ je ˬmiˇ neh ehˇ naˇ, aˬ yawꞈ maꞈ-euˬ miˬ sawˇ zaˬ deuˬ ya smˬ-iˇ jiˇ-euˬ baˬ da neh, aˬ yawꞈ-euˬ tsawˇ haˬ deuˬ nui ma naˇ dui dui-awˇ, aˬ yawꞈ-ahˇ kʼaˬ lo neh biˬ-eu lehˇ lmˬ luꞈ-eu meh. Ehˇ kʼawꞈ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ gʼaˬ biꞈ-euˬ meh.