Yoˇhaˬ 8:51 - Akha

⁵¹ Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ-eu tsawˇ haˬ-aˬ, tiˬ jawˇ-iˬ maˬ shiˇ-aˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵¹ Ngar, nawmaf-anr aqdir aqmar aernaeq nyar, ngaq-euq dawq-anr mrcaw-eu tsawrhaq aqsur ghaq maqkaq, shir-eu jeq-anr tiqjawr-iq maqya mawr-ar.”

Yoˇhaˬ 8:51 Iomraidhean Croise

Jaceuq 89:48

Tiˬ jawˇ-iˬ shiˇ-eu maˬ baw ni aˬ suˇ gʼaˬ dehꞈ nya ta. Tsawˇ haˬ zaˬ lmˬ bymˇ-ahˇ maˬ ya uˇ-iˇ ni yawˬ haˇ yawˬ ha aˬ suˇ gʼaˬ ziˇ lahˬ ka nya ta.

Maꞈtehˬ 16:28

Heu gaˇ jawˇ luꞈ-eu tsawˇ haˬ tiˬ paˆ na deuˬ maˬ shiˇ dzeuˇ mi naˆ-ehˇ, Tsawˇhaˬ-euˬ Zaˬmaˇ sahˬ paˬ geuꞈ-awˇ oe gaˇ ya mawˇ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Luˇkaꞈ 2:26

Sahˬpaˬ Miˬyehˇ neh bi oe ma lehˇ saˇ jaˇ dzaˬ taˬ-euˬ Ka li-ahˇ maˬ ya mawˇ kʼoeˇ keuˆ ni aˬ yawꞈ maˬ ya shiˇ-aˇ lehˇ, Muiˬ-eu shawˇ-eu Yaw sahˇ Miˬyehˇ aˬ yawꞈ-ahˇ pah mehˬ nehˬ-euˬ meh.

Yoˇhaˬ 14:23

Yeˬsuˇ ehˇ-eu, “Ngaˬ-ahˇ gaˬ-eu tsawˇ haˬ-aˬ, ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ tehꞈ-a. Kʼoeˇ loꞈ-ehˇ naˇ haˬ geuꞈ-eu tsawˇ haˬ-ahˇ ngaˬ Da gaˬ-awˇ, ngaˬ Da nga nyaꞈ aˬ yawꞈ-euˬ nui ma laꞈ kʼoeˇ jawˇ le ma.

Yoˇhaˬ 15:20

‘Baw leˬ naˆ maˬ tseˇ huiˬ dzehˬ-eu zaˬ kʼaˆ maˬ jawˇ-a’ lehˇ ngaˬ neh naw maꞈ-ahˇ ehˇ nehˬ-euˬ dawˬ-ahˇ taˬ ngehˇ. Aˬ yawꞈ maꞈ ngaˬ-ahˇ kʼehˬ nehˬ kʼaˆ nehˬ laꞈ-euˬ-aˬ, naw maꞈ-ahˇ kʼawꞈ kʼehˬ nehˬ kʼaˆ nehˬ laꞈ tehꞈ-a. Aˬ yawꞈ maꞈ ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ naˇ, naw maꞈ neh mehˬ nehˬ tsoˆ nehˬ-euˬ dawˬ-ahˇ kʼawꞈ naˆ haˬ geuꞈ tehꞈ -a.

Yoˇhaˬ 17:6

Miˇ tsaˬ heu kʼoeˇ taˆ nawˬ neh ngaˬ-ahˇ biꞈ doˆ nehˬ laꞈ-euˬ tsawˇ haˬ deuˬ nawˬ-ahˇ siˬ nya ni ngaˇ mˇ gʼaˬ-euˬ ma. Aˬ yawꞈ maꞈ nawˬ-euˬ tsawˇ haˬ pyeuꞈ laˇ-awˇ, nawˬ neh ngaˬ-ahˇ biꞈ laꞈ-euˬ meh. Nawˬ-euˬ dawˬ-ahˇ aˬ yawꞈ maꞈ naˇ haˬ geuꞈ-euˬ meh.

Yoˇhaˬ 5:24

“Ngaˇ naw maꞈ-ahˇ maˇ jawˆ ni ehˇ-eu ma. Ngaˬ-euˬ dawˬ ya gaˬ-awˇ, ngaˬ-ahˇ kʼehˇ gʼeh leꞈ-euˬ gʼaˬ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za meh. Miˬyehˇ neh yaˇ kʼaˬ daˇ nehˬ gaˇ maˬ ya daˬ-eu uˬ taꞈ, shiˇ-eu jeˬ-ahˇ neh dehꞈ-eu jeˬ-ahˇ tsehˆ doˆ dzeuˇ-euˬ meh.

Yoˇhaˬ 6:50

Mˬ kʼoeˇ taˆ neh oe-euˬ kaˬ muˇ heu-aˬ, kʼaˇ dzaˬ-eu tsawˇ haˬ-ahˇ tiˬ jawˇ-iˬ maˬ shiˇ ni bi dehꞈ-eu meh.

Yoˇhaˬ 8:12

Kʼoeˇ naˇ, Paˬliˬsehˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ-aˬ, miˇ tsaˬ-euˬ yaw shehꞈ ma. Ngaˬ-euˬ mehˬ nah kʼaˇ caw teh-eu tsawˇ haˬ-aˬ, dehꞈ-eu saꞈ laˇ yaw shehꞈ za-awˇ, yaw zahˇ laꞈ kʼoeˇ maˬ paˇ cah-aˇ.”

Yoˇhaˬ 8:52

Aˬ yawꞈ maꞈ aˬ yawꞈ-ahˇ ehˇ-eu, “Nymˬ-mˇ poˆ jawˇ-aˬ, nawˇ nehꞈ uˇ-eu nga maꞈ-ahˇ siˬ duˬ laˇ ngaˇ. Aˬbyaˬhaˬ gʼeh shiˇ-euˬ meh. Miˬyehˇ gʼaˇ duˬ ngehˬ dah-eu deuˬ gʼeh shiˇ jiˇ-euˬ meh. Ehˇ kʼawꞈ, nawˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ geuꞈ-eu tsawˇ haˬ maˬ shiˇ-aˇ lehˇ nawˇ ehˇ-eu nga laˬ.

Yoˇhaˬ 8:55

Naw maꞈ aˬ yawꞈ-ahˇ maˬ siˬ nya-a. Ehˇ kʼawꞈ, ngaˇ aˬ yawꞈ-ahˇ siˬ nya ma. Aˬ yawꞈ-ahˇ maˬ siˬ nya nya lehˇ ngaˇ ehˇ naˇ, ngaˇ kʼawꞈ naw maꞈ loꞈ-ehˇ jaˬ myawꞈ myawꞈ-eu tsawˇ haˬ-ahˇ duˇ tehꞈ-a. Ngaˇ aˬ yawꞈ-ahˇ a diˇ siˬ nya-awˇ, aˬ yawꞈ-euˬ dawˬ-ahˇ naˇ haˬ geuꞈ luꞈ-eu ma.

HeˬByehˇ 11:5

Eˇnawˆ maˬ shiˇ-euˬ tsawˇ haˬ pyeuꞈ-eu kʼoeˇ-aˬ, jah-eu jeˬ baˬ da neh meh. Aˬ yawꞈ-ahˇ Miˬyehˇ jawˇ gaˇ bi ciˬ daˆ leꞈ-awˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ paˇ ya mawˇ haw-aˬ. Aˬ jeˬ miˇ neh ehˇ naˇ, Miˬyehˇ neh aˬ yawꞈ-ahˇ ciˬ kʼoꞈ daˆ leꞈ-euˬ meh. Aˬ yawꞈ-ahˇ maˬ bi ciˬ kʼoꞈ daˆ leꞈ mi naˆ-ehˇ Miˬyehˇ nui kʼahˇ shiˇ ni aˬ yawꞈ dehꞈ-euˬ meh lehˇ Jaˇliꞈ laꞈ kʼoeˇ ehˇ taˬ-euˬ meh.

HeˬByehˇ 2:9

Ehˇ kʼawꞈ, Miˬyehˇ-euˬ guiˬ lahˬ yaw dzahˇ baˬ da neh, tsawˇ haˬ yawˬ gʼaˬ na luꞈ gʼaˇ duˬ bi shiˇ dah-eu lehˇ, tiˬ kʼehˬ tiˬ yamˬ laꞈ kʼoeˇ mˬ taˆ gʼaˬ kʼehˇ deuˬ-euˬ laꞈ oˆ bi jawˇ-euˬ gʼaˬ pyeuꞈ-eu Yeˬsuˇ-ahˇ aˬ dui mawˇ-euˬ ma. Shiˇ gaˇ keuˆ ni aˬ yawꞈ ya daˬ gʼaˬ-euˬ miˇ neh, nymˬ-mˇ aˬ yawꞈ-ahˇ yaw shehꞈ kʼahˬ sehˇ huiˬ-eu ciˬ huiˬ ciˬ mahˇ-eu shuiˇ uˬ kʼoˆ bi kʼoˆ-euˬ gaˇ aˬ dui ya mawˇ luꞈ ma.