Yoˇhaˬ 8:49 - Akha

⁴⁹ Yeˬsuˇ ehˇ-eu, “Ngaˇ nehꞈ maˬ uˇ. Ngaˇ ngaˬ Da-ahˇ taˬ huiˬ luꞈ ma. Ehˇ kʼawꞈ, naw maꞈ ngaˬ-ahˇ maˬ taˬ huiˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁹ Khoerngae, Yeqsur heulof-aer aerkhof naeq-euq mae: “Ngaq-euq lafkhoer naef maqur. Ngar, ngaqDa-anr taqhuiq taqmanr ma. Aerkhawf, nawmaf, ngaq-anr maq taqhuiq maq taqmanr nga.

Yoˇhaˬ 8:49 Iomraidhean Croise

Iˇsaˬyaˇ 42:21

Sahˬpaˬ Miˬyehˇ ka kʼoꞈ-eu nui ma keuˆ-eu miˇ neh, aˬ yawꞈ-euˬ zahˇ dawˬ kʼoꞈ dawˬ deuˬ-ahˇ bi goˇ-awˇ, aˬ yawꞈ-euˬ tsawˇ haˬ deuˬ zahˇ dawˬ kʼoꞈ dawˬ-ahˇ taˬ huiˬ gaˇ, aˬ yawꞈ haw mawꞈ mawˇ mawꞈ-eu meh.

Iˇsaˬyaˇ 49:3

Aˬ yawꞈ ngaˬ-ahˇ heu loꞈ-ehˇ ehˇ-eu meh. “Iˇsaˬleˬlaˆ-oˇ, nawˇ ngaˬ-euˬ zaˬ kʼaˆ ma. Nawˇ baˬ da neh miˇ tsaˬ zaˬ deuˬ ngaˬ-ahˇ ja ceuˬ tehꞈ-a.”

Yoˇhaˬ 11:4

Dawˬ kʼoeˇ dawˬ-ahˇ Yeˬsuˇ ya gaˬ ngeh, heu loꞈ-ehˇ ehˇ-eu meh. “Naˇ-eu gawˇ-eu kʼoeˇ baˬ da neh, Laˬzaˬluˇ shiˇ gaˇ aˇ saˬ maˬ saˬ-aˇ. Miˬyehˇ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ kʼoeˇ loꞈ-ehˇ pyeuꞈ laˇ-awˇ, Kʼoeˇ baˬ da neh Miˬyehˇ-euˬ Zaˬmaˇ yaw shehꞈ kʼahˬ sehˇ za tehꞈ-a.”

Yoˇhaˬ 12:28

Aˬ da-oˇ, nawˬ-euˬ yaw shehꞈ kʼahˬ sehˇ bi mawˇ-awˬ.” Kʼoeˇ ngeh, mˬ kʼoeˇ taˆ dawˬ ngehˬ-awˇ ehˇ gʼeh leꞈ-eu, “Ngaˬ-euˬ yaw shehꞈ kʼahˬ sehˇ bi mawˇ gʼaˬ-euˬ ma. Ehˇ kʼawꞈ, tiˬ poˆ paˇ bi mawˇ te siˬ.”

Yoˇhaˬ 14:13

Zaˬmaˇ laꞈ kʼoeˇ Aˬda-euˬ yaw shehꞈ kʼahˬ sehˇ ya mawˇ ni, naw maꞈ ngaˬ-euˬ tsawˇ myahˇ laꞈ kʼoeˇ kʼaˇ shaˇ-eu yawˬ jeˬ na luꞈ ngaˇ mˇ byah nehˬ ma.

Yoˇhaˬ 17:4

Miˇ tsaˬ kʼoeˇ taˆ nawˬ-euˬ yaw shehꞈ kʼahˬ sehˇ ngaˇ bi mawˇ gʼaˬ-euˬ ma. Nawˬ neh bi mˇ laꞈ-euˬ gaˇ-ahˇ ngaˇ mˇ luiˆ gʼaˬ-euˬ ma.

Yoˇhaˬ 7:20

Tsawˇ haˬ aˇ maꞈ ehˇ-eu, “Nawˇ nehꞈ uˇ-eu ngaˇ. Aˬ suˇ gʼaˬ nawˬ-ahˇ sehꞈ-eu gʼeh nga lehˇ ehˇ te.”

Yoˇhaˬ 8:29

Ngaˬ-ahˇ kʼehˇ gʼeh leꞈ-euˬ gʼaˬ ngaˬ nehˬ-ehˇ jawˇ ma. Aˬ yawꞈ ngaˬ-ahˇ maˬ byehˇ dzeh nehˬ laꞈ-a. A jeˬ miˇ neh ehˇ naˇ, aˬ myah luꞈ aˬ yawꞈ nui ma tsaˬ-eu jeˬ tehꞈ-ehˇ ngaˇ mˇ-eu ma.”

Gʼaˬkʼehˇ 5:41

Gʼaˬ kʼehˇ deuˬ Baꞈ dzah-ahˇ neh gʼoꞈ doˆ le ngeh, laˬ kʼaˬ cehˇ-eu meh. Aˬ jeˬ miˇ neh ehˇ naˇ, Yeˬsuˇ gʼaˇ duˬ shaꞈ dawˇ-eu jeˬ-ahˇ daˬ geuˇ-eu tsawˇ haˬ lehˇ, aˬ yawꞈ maꞈ-ahˇ Miˬyehˇ sawˇ nehˬ-euˬ aˬ yawꞈ maꞈ siˬ nya-eu meh.

1 Gawˇliˬtu 11:14

Kʼaˬ dzeˇ zaˬ uˬ duˬ tsehˇ kahˇ gʼawˬ mahˇ ni taˬ naˇ, shaꞈ dawˇ paˬ-ehˇ gʼeh-eu jeˬ pyeuꞈ-eu gaˇ kawˆ, tsawˇ haˬ-euˬ zahˇ sahˇ kʼoꞈ-ahˇ naw maꞈ siˬ nya luꞈ meh.

1 Gawˇliˬtu 15:43

Baꞈ pahˬ-euˬ gʼawˇ mawˇ-aˬ, maˬ haw muiˬ-eu uˬ taꞈ, gʼaˬ maˬ ahˇ-eu gʼawˇ mawˇ pyeuꞈ-eu meh. Ehˇ kʼawꞈ, bi gʼoꞈ dehꞈ laˇ-euˬ gʼawˇ mawˇ-aˬ, haw muiˬ dui dui-awˇ, gʼaˬ ahˇ-eu gʼawˇ mawˇ pyeuꞈ-eu meh.

1 Beˬtuˆluˆ 2:23

Aˬ cawˬ aˬ yawꞈ-ahˇ dawˬ doeˇ ngehˬ daˆ nehˬ-euˬ kʼawꞈ, aˬ yawꞈ yaw doeˇ maˬ ehˇ kʼoꞈ nehˬ haw-aˬ. Aˬ cawˬ kʼehˬ nehˬ kʼaˆ nehˬ gaˇ aˬ yawꞈ ya daˬ ngeh, aˬ cawˬ-ahˇ guˆ tsiˬ nyehꞈ-eu dawˬ aˬ yawꞈ maˬ ngehˬ-ehˇ, dawˇ coe ni yaˇ kʼaˬ daˇ-eu gʼaˬ pyeuꞈ-eu Miˬyehˇ-euˬ aˬ laꞈ laꞈ kʼoeˇ aˬ yawꞈ-euˬ gʼawˇ mawˇ a nehˬ-euˬ meh.