Yoˇhaˬ 8:47 - Akha

⁴⁷ Miˬyehˇ jawˇ gaˇ neh oe-euˬ tsawˇ haˬ-aˬ, Miˬyehˇ-euˬ ehˇ dawˬ naˇ haˬ tehꞈ-a. Ehˇ kʼawꞈ, naw maꞈ-aˬ, Miˬyehˇ jawˇ gaˇ neh oe-euˬ maˬ ngeuˇ-a. Kʼoeˇ miˇ neh, Miˬyehˇ-euˬ ehˇ dawˬ naw maꞈ maˬ naˇ haˬ mawꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁷ Miqyaer-anr nae dovle-euq tsawrhaq-aq, Miqyaer-euq dawq narhaq taef-a. Nawmaf-aq, Miqyaer-anr nae dovle-euq maqngeur-eu mirnae maq narhaq-eu nga.”

Yoˇhaˬ 8:47 Iomraidhean Croise

Daˬyeˬlaˇ 12:10

Tsawˇ haˬ gʼawˬ mya ni muiˬ laˇ shawˇ laˇ tehꞈ-a. Haiˬ-eu tsawˇ haˬ deuˬ-aˬ, gaˇ kawˆ heu maˬ siˬ nya ni yaw haiˬ jeˬ mˇ mˇ-ehˇ jawˇ tehꞈ-a. Ehˇ kʼawꞈ, tsawˇ gahˇ ahˇ-eu deuˬ-aˬ, gʼoˆ shaw nya tehꞈ-a.

Yoˇhaˬ 12:48

Ngaˬ-ahˇ maˬ ha geuꞈ-ehˇ ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-ahˇ yaˇ kʼaˬ daˇ-eu gʼaˬ jawˇ meh. Miˇ tsaˬ heu aˇ saˬ saˬ ngeh nah, ngaˬ neh ngehˬ dzeuˇ-euˬ dawˬ heu deuˬ aˬ yawꞈ-ahˇ yaˇ kʼaˬ daˇ tehꞈ-a.

Yoˇhaˬ 18:37

Kʼoeˇ ngeh, sahˬ paˬ Piˇlaˆ aˬ yawꞈ-ahˇ naˇ haˬ-eu, “Nawˇ sahˬ paˬ ngeuˇ ma loˇ.” Yeˬsuˇ ehˇ-eu, “Ngaˇ sahˬ paˬ nga lehˇ ehˇ-euˬ-aˬ, naw maꞈ meh. Ngaˇ miˇ tsaˬ heu kʼoeˇ taˆ zaꞈ le-awˇ dehꞈ le-euˬ-aˬ, yaw tsaˬ yaw dawˇ jeˬ ngehˬ le tmˇ le-euˬ tehꞈ ma. Yaw tsaˬ yaw dawˇ jeˬ-ahˇ kʼaˇ taꞈ-eu tsawˇ haˬ-aˬ, ngaˬ-euˬ dawˬ naˇ haˬ geuꞈ-eu meh.”

Yoˇhaˬ 5:25

Shiˇ taˬ-euˬ loꞈ-ehˇ duˇ-eu tsawˇ haˬ deuˬ, Miˬyehˇ Zaˬmaˇ-euˬ dawˬ ya gaˬ-eu aˇ nah keuˆ le luꞈ-awˇ, aˇ nah kʼoeˇ nah heu gaˇ keuˆ le taˬ-euˬ meh. Aˬ yawꞈ-euˬ dawˬ-ahˇ naˇ haˬ geuꞈ-eu tsawˇ haˬ deuˬ yaw dehꞈ ya dehꞈ tehꞈ-a.

Yoˇhaˬ 6:65

Aˬ yawꞈ paˇ ehˇ-eu, “Kʼoeˇ miˇ neh, Aˬda neh bi laˇ-euˬ maˬ ngeuˇ naˇ, tsawˇ haˬ tiˬ gʼaˬ-iˬ ngaˇ jawˇ gaˇ maˬ laˇ nya-a lehˇ, naw maꞈ-ahˇ ngaˇ ehˇ nehˬ-euˬ ma.”

Yoˇhaˬ 8:37

Naw maꞈ-aˬ, Aˬbyaˬhaˬ-euˬ zaˬ deuˬ uˆ deuˬ meh lehˇ ngaˇ siˬ nya ma. Ehˇ kʼawꞈ, naw maꞈ ngaˬ-ahˇ sehꞈ-eu lehˇ leh jeh-eu meh. Aˬ jeˬ miˇ neh ehˇ naˇ, ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ ha geuꞈ-a.

Yoˇhaˬ 8:43

Ngaˇ ehˇ gaˇ aˬ jeˬ miˇ neh naw maꞈ maˬ gʼoˆ shaw nya ta lehˇ naw maꞈ siˬ nya ma loˇ. Ngaˬ-euˬ dawˬ-ahˇ naw maꞈ maˬ naˇ haˬ nahˇ-eu miˇ neh meh.

Yoˇhaˬ 8:45

Ehˇ kʼawꞈ, ngaˇ-aˬ, yaw tsaˬ yaw dawˇ jeˬ ngehˬ-eu ma. Kʼoeˇ miˇ neh, naw maꞈ ngaˬ-ahˇ maˬ jah-eu meh.

1 Yoˇhaˬ 3:10

Miˬyehˇ-euˬ zaˬ hawˇ-eu Nehꞈ sahˬ paˬ-euˬ zaˬ yaw kaˬ kʼoeˇ naˆ ni beu gaˇ-eu meh. Yaw tsaˬ yaw dawˇ jeˬ maˬ mˇ-ehˇ, Ka li zaˬ cawˬ cawˬ maˬ gaˬ-eu tsawˇ haˬ-aˬ, Miˬyehˇ-euˬ zaˬ maˬ ngeuˇ-a.

1 Yoˇhaˬ 5:1

Yeˬsuˇ-ahˇ Ka li meh lehˇ kʼaˇ jah-eu tsawˇ haˬ-aˬ, Miˬyehˇ-euˬ zaˬ pyeuꞈ-eu meh. Aˬ da-ahˇ kʼaˇ gaˬ-eu tsawˇ haˬ-aˬ, aˬ da-euˬ zaˬ-ahˇ kʼawꞈ gaˬ-eu meh.

2 Yoˇhaˬ 1:9

Ka li neh mehˬ nehˬ tsoˆ nehˬ taˬ-euˬ jeˬ-euˬ laꞈ kʼoeˇ paw maˬ jawˇ ni aˇ dzeuˇ iˇ dzeuˇ-eu tsawˇ haˬ deuˬ-aˬ, Miˬyehˇ-ahˇ maˬ za-a. Mehˬ nehˬ tsoˆ nehˬ taˬ-euˬ laꞈ kʼoeˇ kʼaˇ jawˇ-eu tsawˇ haˬ-aˬ, Aˬda Miˬyehˇ-ahˇ maˬ ehˇ, Zaˬ maˇ Miˬyehˇ-ahˇ maˬ ehˇ, za-eu meh.

3 Yoˇhaˬ 1:11

Ngaˇ gaˬ dui dui-eu cawˬ-oˇ, maˬ muiˬ-eu jeˬ-ahˇ maˬ dzaw geuꞈ ni, yaw muiˬ jeˬ-ahˇ tehꞈ-ehˇ dzaw geuꞈ-awˬ. Yaw muiˬ jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, maˬ muiˬ-eu jeˬ kʼaˇ mˇ-eu tsawˇ haˬ-aˬ, Miˬyehˇ-ahˇ maˬ siˬ maˬ mawˇ haw-euˬ tsawˇ haˬ pyeuꞈ-eu meh.