Yoˇhaˬ 8:39 - Akha

³⁹ Aˬ yawꞈ maꞈ Yeˬsuˇ-ahˇ ehˇ-eu, “Nga maꞈ-euˬ aˬ da-aˬ, Aˬbyaˬhaˬ ma.” Yeˬsuˇ ehˇ-eu, “Naw maꞈ maˇ maˇ ni Aˬbyaˬhaˬ-euˬ zaˬ ma lehˇ ngeuˇ naˇ, aˬ yawꞈ neh mˇ-euˬ jeˬ naw maꞈ mˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Aqyawfmaf Yeqsur-anr aerkhof naeq-eu, “Aqbyaqhaq-aq, nga’maf-euq aqda ma.” Yeqsur, aqyawf maf-anr heulof-aer aernaeq-euq mae, “Nawmaf, Aqbyaqhaq-euq zaq ngeur nar-aq, nawmaf, Aqbyaqhaq-euq gardeuq mr taef-a.

Yoˇhaˬ 8:39 Iomraidhean Croise

Maꞈtehˬ 3:9

Aˬbyaˬhaˬ naw maꞈ-euˬ aˬ da ma lehˇ ehˇ naˇ, kʼehˬ-eu kʼaˆ-eu jeˬ-ahˇ ya buˬ-iˇ ma lehˇ naw maꞈ taˬ noeˬ. Ngaˇ naw maꞈ-ahˇ ehˇ nehˬ nyaˇ. Kʼaˬ lo heu deuˬ kʼawꞈ Aˬbyaˬhaˬ-euˬ zaˬ pyeuꞈ jiˇ laˇ ni Miˬyehˇ jahˇ nya meh.

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Yoˇhaˬ 8:33

Aˬ yawꞈ maꞈ ehˇ-eu, “Nga maꞈ Aˬbyaˬhaˬ-euˬ zaˬ deuˬ uˆ deuˬ ma. Aˬ cawˬ-euˬ zaˬ kʼaˆ kʼawꞈ tiˬ jawˇ-iˬ maˬ geuꞈ haw-aˬ. ‘Naw maꞈ ya buˬ-iˇ tehꞈ-a’ lehˇ nawˇ ehˇ-eu teu, aˬ jeˬ ehˇ mawꞈ te.”

Yoˇhaˬ 8:37

Naw maꞈ-aˬ, Aˬbyaˬhaˬ-euˬ zaˬ deuˬ uˆ deuˬ meh lehˇ ngaˇ siˬ nya ma. Ehˇ kʼawꞈ, naw maꞈ ngaˬ-ahˇ sehꞈ-eu lehˇ leh jeh-eu meh. Aˬ jeˬ miˇ neh ehˇ naˇ, ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ ha geuꞈ-a.

Yoˇhaˬ 8:43

Ngaˇ ehˇ gaˇ aˬ jeˬ miˇ neh naw maꞈ maˬ gʼoˆ shaw nya ta lehˇ naw maꞈ siˬ nya ma loˇ. Ngaˬ-euˬ dawˬ-ahˇ naw maꞈ maˬ naˇ haˬ nahˇ-eu miˇ neh meh.

Yoˇhaˬ 8:56

Ngaˇ oe-eu aˇ nah-ahˇ ya mawˇ tehꞈ-a lehˇ noeˬ-awˇ, naw maꞈ-euˬ aˬ da Aˬbyaˬhaˬ laˬ kʼaˬ cehˇ-euˬ meh. Aˬ yawꞈ aˬ diˇ ya mawˇ-awˇ laˬ kʼaˬ ya cehˇ-euˬ meh.”

Lormav 4:12

Baˆ kʼoˆ mehˬ dzaˬ yehˬ-euˬ uˬ taꞈ, aˇ hu Aˬbyaˬhaˬ aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ kʼaˇ dehꞈ yaꞈ-euˬ loꞈ-ehˇ jah jah-ehˇ dehꞈ-eu deuˬ-euˬ aˬ da yaw dzahˇ gʼaˬ kʼawꞈ, Aˬbyaˬhaˬ aˬ yawꞈ meh.

Lormav 4:16

Kʼoeˇ miˇ neh, Miˬyehˇ-euˬ saˇ jaˇ kʼoeˇ hmˬ Zahˇ daˬ kʼoꞈ dawˬ mehˬ nah caw teh-eu deuˬ-ahˇ tehꞈ-ehˇ maˬ taꞈ-ehˇ, Aˬbyaˬhaˬ loꞈ-ehˇ jah-eu tsawˇ haˬ deuˬ-ahˇ kʼawꞈ taꞈ leˇ ni, Aˬbyaˬhaˬ-euˬ zaˬ deuˬ uˆ deuˬ dawˬ tawˆ luꞈ-ahˇ yawꞈ ngehꞈ-ehˇ biꞈ nehˬ-euˬ jeˬ pyeuꞈ-eu gʼaˇ duˬ, jah-eu jeˬ-ahˇ taꞈ-eu saˇ jaˇ bi pyeuꞈ-euˬ meh. Aˬ jeˬ miˇ neh ehˇ naˇ, Aˬbyaˬhaˬ-aˬ, guiˬ lahˬ saꞈ laˇ paw aˬ dui dawˬ tawˆ luꞈ-euˬ aˬ da yaw dzahˇ gʼaˬ pyeuꞈ-eu meh.

Lormav 9:7

Aˬbyaˬhaˬ o neh kʼaˇ jeuˬ kʼaˇ o le-euˬ dawˬ tawˆ luꞈ, Miˬyehˇ-euˬ zaˬ maˇ maˇ ni maˬ ngeuˇ-a. “Iˇtsaˆ o neh jeuˬ le o le-euˬ zaˬ deuˬ-ahˇ tehꞈ-ehˇ nawˬ-euˬ zaˬ lehˇ sawˇ nehˬ ma” lehˇ, Aˬbyaˬhaˬ-ahˇ Miˬyehˇ ehˇ nehˬ-euˬ meh.

Gaˬlaˬtiˆ 3:29

Naw maꞈ Ka li-euˬ tsawˇ haˬ ngeuˇ naˇ, Aˬbyaˬhaˬ-euˬ zaˬ deuˬ uˆ deuˬ lehˇ sawˇ nya-eu miˇ neh, Miˬyehˇ neh saˇ jaˇ dzaˬ taˬ-euˬ jeˬ biˇ za tehꞈ-a.

Gaˬlaˬtiˆ 3:7

Kʼoeˇ miˇ neh, maˇ maˇ ni Aˬbyaˬhaˬ-euˬ zaˬ deuˬ uˆ deuˬ-aˬ, jah-eu jeˬ ahˇ-eu tsawˇ haˬ deuˬ meh lehˇ naw maꞈ siˬ duˬ-eu tsaˬ meh.