Yoˇhaˬ 8:26 - Akha

²⁶ Ngaˇ naw maꞈ gaˇ kawˆ ehˇ paˬ-ehˇ gʼawˬ mya ni jaˆ ma. Naw maꞈ-ahˇ dehˬ paˬ-ehˇ gʼawˬ mya ni jaˆ ma. Ngaˬ-ahˇ kʼehˇ gʼeh leꞈ-euˬ gʼaˬ-aˬ, yaw tsaˬ yaw dawˇ meh. Aˬ yawꞈ neh kʼaˇ ehˇ nehˬ laꞈ-euˬ jeˬ tehꞈ-ehˇ miˇ tsaˬ zaˬ deuˬ-ahˇ ngaˇ ehˇ nehˬ-eu ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Ngar, nawmaf-euq garkawv ja-awr, yarkhaqdar paq-aer ghae-eu ghawqmya jeq jav-eu ma. Aerkhawf, ngaq-anr khaerghae lef-euq ghaq tsaq-awr dawr-eu mae. Ngar, aqyawf-anr nae yagaq-euq deuq mirtsaqzaq-anr ja’maeq naeq-eu ma.”

Yoˇhaˬ 8:26 Iomraidhean Croise

Yoˇhaˬ 15:15

Aˬ kaˇ naˇ, ngaˇ naw maꞈ-ahˇ zaˬ kʼaˆ lehˇ maˬ paˇ kuˇ ma. Aˬ jeˬ miˇ neh ehˇ naˇ, zaˬ kʼaˆ-aˬ, yawˬ ha-euˬ baw leˬ aˬ jeˬ mˇ luꞈ-eu gaˇ kawˆ maˬ siˬ nya-a. Ngaˇ naw maꞈ-ahˇ ngaˬ-euˬ cawˬ lehˇ kuˇ ma. Aˬ jeˬ miˇ neh ehˇ naˇ, ngaˬ Da neh kʼaˇ ehˇ nehˬ laꞈ-euˬ jeˬ naw maꞈ-ahˇ ngaˇ dzawˇ nehˬ gʼaˬ jiˇ-euˬ ma.

Yoˇhaˬ 16:12

“Ngaˇ naw maꞈ-ahˇ ehˇ nehˬ paˬ-ehˇ gʼeh-eu gʼawˬ mya ni jaˆ te siˬ. Ehˇ kʼawꞈ, nymˬ-mˇ naw maꞈ-euˬ nui ma laꞈ kʼoeˇ maˬ gʼoˆ taˬ jiˇ coeˇ-a.

Yoˇhaˬ 17:8

Aˬ jeˬ miˇ neh ehˇ naˇ, nawˬ neh ngaˬ-ahˇ biꞈ laꞈ-euˬ dawˬ deuˬ aˬ yawꞈ maꞈ-ahˇ ngaˇ biꞈ nehˬ-awˇ, aˬ yawꞈ maꞈ ha geuꞈ-euˬ meh. Ngaˇ-aˬ nawˇ jawˇ gaˇ neh oe-euˬ meh lehˇ aˬ yawꞈ maꞈ siˬ duˬ-awˇ, nawˬ neh ngaˬ-ahˇ kʼehˇ gʼeh leꞈ-euˬ meh lehˇ aˬ yawꞈ maꞈ jah-eu meh.

Yoˇhaˬ 18:20

Yeˬsuˇ ehˇ-eu, “Ngaˇ aˬ cawˬ-ahˇ dawˬ kʼaˇ ngehˬ cawˬ ngeh, tsawˇ haˬ gʼawˬ mya ni jawˇ-eu mehˬ shi bya cehˆ ni ngehˬ cawˬ-euˬ ma. Tsawˇ haˬ dawˬ tawˆ luꞈ uiˬ laˇ-eu jawˇ duˬ pyeuꞈ-eu uˬ duˬ tahˬ nymˇ deuˬ hawˇ-eu, Uˬ duˬ tahˬ nymˇ nymˇ ma laꞈ kʼoeˇ tehꞈ-ehˇ ngaˇ mehˬ-euˬ tsoˆ-euˬ ma. Yaw zaꞈ-ahˇ ngehˬ kʼoeˬ tmˇ kʼoeˬ-euˬ tiˬ jeˬ-iˬ maˬ jaˆ.

Yoˇhaˬ 3:11

Ngaˇ nawˬ-ahˇ aˬ diˇ aˬ maˇ ngeuˇ-eu jeˬ ehˇ nehˬ luꞈ-eu ma. Nga maꞈ ya siˬ-euˬ jeˬ ja mehˬ-awˇ, nga maꞈ ya mawˇ-euˬ jeˬ dzawˇ mehˬ-eu kʼawꞈ, naw maꞈ tiˬ gʼaˬ-iˬ nga maꞈ neh ehˇ-euˬ jeˬ-ahˇ maˬ ha geuꞈ mawꞈ-a.

Yoˇhaˬ 7:16

Yeˬsuˇ ehˇ-eu, “Ngaˇ mehˬ-eu heu-aˬ, ngaˬ-euˬ dawˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ Miˬyehˇ-euˬ dawˬ meh.

Yoˇhaˬ 7:28

Yeˬsuˇ Uˬ duˬ tahˬ nymˇ nymˇ ma laꞈ kʼoeˇ mehˬ nehˬ tsoˆ nehˬ luꞈ ngeh, teˇ saˇ yaw kʼaˆ-ehˇ heu loꞈ-ehˇ ehˇ-eu meh. “Ngaˇ aˬ suˇ gʼaˬ pyeuꞈ-awˇ aˬ gaˇ neh oe-euˬ naw maꞈ siˬ duˬ ma loˇ. Ngaˇ ngaˬ-euˬ nui noeˬ oe-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-aˬ, yaw tsawˬ yaw dawˇ meh. Naw maꞈ aˬ yawꞈ-ahˇ maˬ siˬ nya-a.

Yoˇhaˬ 8:25

Aˬ yawꞈ maꞈ ehˇ-eu, “Nawˇ aˬ suˇ gʼaˬ te.” Yeˬsuˇ ehˇ-eu, “Aˇ dahˬ beh ngeh neh naw maꞈ-ahˇ ngaˇ ehˇ nehˬ gʼaˬ-euˬ ma.

Yoˇhaˬ 8:27

Yeˬsuˇ aˬ yawꞈ maꞈ-ahˇ Aˬda gaˇ kawˆ ja mehˬ luꞈ-eu meh lehˇ aˬ yawꞈ maꞈ maˬ gʼoˆ siˬ nya-a.

Yoˇhaˬ 8:40

Ngaˬ neh kʼaˇ mˇ-euˬ-aˬ, Miˬyehˇ neh bi ehˇ-euˬ yaw tsaˬ yaw dawˇ jeˬ naw maꞈ-ahˇ ehˇ nehˬ-euˬ tehꞈ ma. Ehˇ kʼawꞈ, naw maꞈ ngaˬ-ahˇ sehꞈ-eu lehˇ leh jeh-eu meh. Aˬbyaˬhaˬ-aˬ, teu loꞈ-ehˇ gʼeh-eu jeˬ maˬ mˇ-aˬ.

2 Gawˇliˬtu 1:18

Miˬyehˇ saˇ jaˇ ziꞈ-eu yaw duˬ baw-eu loꞈ-ehˇ, “Oe-eu” hawˇ-eu “Maˬ oe-eu” nyiˬ jeˬ luꞈ tiˬ poˆ tehꞈ-ehˇ nga maꞈ maˬ ehˇ-aˬ lehˇ ehˇ tsehˆ peuˬ ma.