Yoˇhaˬ 7:47 - Akha

⁴⁷ Paˬliˬsehˇ deuˬ ehˇ-eu, “Naw maꞈ gʼeh aˬ yawꞈ neh paˇ bi laˆ jah teˬ loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁷ Khoerngae, Paqliqsaer deuq, aqyawf maf-anr heulof-aer aerkhof naeq-euq mae, “Nawmaf khawf bi sheuqbanq ghae-euq le lor?

Yoˇhaˬ 7:47 Iomraidhean Croise

2 Sahˬpaˬ 18:29

Heˬsaˬgiˇ mehˇ shuiˇ shuiˇ gaˇ taˬ naˇ haˬ lehˇ, naw maꞈ-ahˇ aˬ yawꞈ ehˇ-eu meh. Heˬsaˬgiˇ naw maꞈ-ahˇ maˬ ka kʼoꞈ nehˬ nya-a.

2 Sahˬpaˬ 18:32

Naw maꞈ-euˬ miˇ kʼahˬ-ahˇ duˇ dui dui-eu miˇ kʼahˬ tiˬ kʼahˬ laꞈ kʼoeˇ, Aˬshuˇliˆ sahˬ paˬ naw maꞈ-ahˇ bi jawˇ nehˬ laꞈ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ, aˬ gaꞈ dzaˇ uiˇ jahˇ-eu gʼaˇ duˬ aˬ gaꞈ baw duˆ dehꞈ-awˇ, kaˬ muˇ jahˇ-eu gʼaˇ duˬ cehˇ jaˆ meh. Saˬ loˬ aˇ bawˇ, saˬ loˬ tsiˇ hawˇ-eu byaˬ byaˬ uiˇ jaˆ-eu miˇ kʼahˬ kʼawꞈ pyeuꞈ-eu meh. Aˬ yawꞈ neh kʼaˇ ehˇ-euˬ loꞈ-ehˇ naw maꞈ geuꞈ naˇ, naw maꞈ maˬ shiˇ ni ya dehꞈ tehꞈ-a. Sahˬpaˬ Miˬyehˇ naw maꞈ-ahˇ ka kʼoꞈ le tehꞈ-a lehˇ, Heˬsaˬgiˇ mehˇ shuiˇ shuiˇ gaˇ naw maꞈ taˬ naˇ haˬ.

2 Laˬsaˬbaˬ 32:15

Heˬsaˬgiˇ naw maꞈ-ahˇ jaˬ myawꞈ myawꞈ-awˇ mehˇ shuiˇ shuiˇ gaˇ taˬ naˇ haˬ. Aˬ yawꞈ ehˇ gaˇ taˬ jah. Miˇ kʼahˬ aˬ geu kʼahˬ-euˬ miˬ yehˇ maˬ kaˬ, yawˬ ha-euˬ tsawˇ jeuˬ-ahˇ Aˬshuˇliˆ sahˬ paˬ-euˬ laꞈ-ahˇ neh maˬ ka kʼoꞈ nehˬ nya-a. Kʼoeˇ miˇ neh naw maꞈ-euˬ miˬyehˇ teu gʼaˬ kʼawꞈ, naw maꞈ-ahˇ maˬ ka kʼoꞈ nehˬ nya-eu yaw duˬ baw meh.”

Maꞈtehˬ 15:3

Yeˬsuˇ ehˇ-eu, “Aˬ jeˬ miˇ neh Miˬyehˇ neh biꞈ taˬ-euˬ dawˬ deuˬ-ahˇ naw maꞈ maˬ naˇ haˬ geuꞈ ni, aˇ hu ba neh tawˬ ka leꞈ-euˬ zahˇ oeˇ-ahˇ tehꞈ-ehˇ leh jeh te.

Maꞈtehˬ 27:63

Aˬ yawꞈ maꞈ sahˬ paˬ Piˇlaˆ-ahˇ ehˇ nehˬ-eu, “Sahˬ paˬ-oˇ, jaꞈ myawꞈ aˬ da kʼoeˇ gʼaˬ maˬ shiˇ mi naˆ-ehˇ, smˬ nah byah laˇ naˇ Miˬyehˇ aˬ yawꞈ-ahˇ paˇ bi gʼoꞈ dehꞈ laˇ meh lehˇ aˬ yawꞈ ehˇ-eu nga maꞈ ya gaˬ taˬ-euˬ ma.

Yoˇhaˬ 7:12

Tsawˇ haˬ aˇ maꞈ laꞈ kʼoeˇ, aˬ yawꞈ-euˬ gaˇ kawˆ gʼawˬ mya jeˬ ja kʼoeˬ luꞈ-eu meh. Tiˬ paˆ na deuˬ-aˬ, aˬ yawꞈ muiˬ-eu gaˇ kawˆ ja-eu meh. Tiˬ paˆ na deuˬ-aˬ, kʼoeˇ loꞈ-ehˇ maˬ ja ni, aˬ yawꞈ aˬ cawˬ-ahˇ gaˇ ma sheuˬ bahˬ-eu tsawˇ haˬ meh lehˇ ja-eu meh.

2 Gawˇliˬtu 6:8

Yaw zeu baw nehˬ laꞈ-euˬ jeˬ-ahˇ maˬ ehˇ, daˬ laˆ ga nehˬ laꞈ-euˬ jeˬ-ahˇ maˬ ehˇ, yehˬ bawˬ sehˇ lu-ehˇ ehˇ nehˬ laꞈ-euˬ jeˬ-ahˇ maˬ ehˇ, ja ceuˬ nehˬ laꞈ-euˬ jeˬ-ahˇ maˬ ehˇ, nga maꞈ ya daˬ-euˬ ma. Nga maꞈ yaw tsaˬ yaw dawˇ jeˬ ngehˬ-euˬ kʼawꞈ, jaˬ myawꞈ myawꞈ-eu tsawˇ haˬ ngaˇ lehˇ ehˇ laˇ gaˇ ya daˬ-euˬ ma.