Yoˇhaˬ 7:42 - Akha

⁴² Meˬsiˇya-aˬ, Daˬbiˇ-euˬ zaˬ deuˬ uˆ deuˬ laꞈ kʼoeˇ doˆ le-ꞈ awˇ, Daˬbiˇ-euˬ meuˬ pyeuꞈ-eu Behˬlehˬhehˬ meuˬ-ahˇ dehꞈ le tehꞈ-a lehˇ, Jaˇliꞈ laꞈ kʼoeˇ ehˇ taˬ-euˬ maˬ ngeuˇ-a loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Yaerbof-euq lafkhoer, ‘Kali-aq, Daqbir-euq aryoeq-anr nae dovle-awr, Daqbir-euq jawrduq Baeqlaeqhaeq-anr nae dovlar taef-a’ laer boftaq-euq maqngeur-a laq?”

Yoˇhaˬ 7:42 Iomraidhean Croise

1 Laˬsaˬbaˬ 2:51

Aˬ yawꞈ-euˬ aˬ li aˬ gʼahˇ gʼaˬ pyeuꞈ-eu Saˬlaˬmaˬ-aˬ, Behˬlehˬhehˬ meuˬ teˬ-euˬ meh. Aˬ yawꞈ-euˬ aˬ li aˬ nyiˇ gʼaˬ pyeuꞈ-eu Haˬyehˆ-aˬ, Behˬgaˬdeˬ meuˬ teˬ-euˬ meh.

Jaceuq 132:11

Daˬbiˇ-ahˇ nawˇ saˇ jaˇ ziꞈ dah ni dzaˬ-awˇ, saˇ jaˇ kʼoeˇ nawˇ maˬ puiˬ-eu saˇ jaˇ meh. Nawˬ-euˬ aˬ li tiˬ li-ahˇ ngaˇ sahˬ paˬ bi keuˆ leˇ-awˇ, nawˬ-euˬ dzoeˬ dzaˬ aˬ yawꞈ-ahˇ oꞈ tehꞈ-a.

Jaceuq 89:4

‘Nawˬ-euˬ zaˬ nawˬ-euˬ uˆ aˬ myah luꞈ sahˬ paˬ ya geuꞈ tehꞈ-a. Nawˬ-eu dzoeˬ dzaˬ mˬ maˬ maˬ byaˆ zaˇ ziˇ bi ziꞈ ma.”’

Iˇsaˬyaˇ 11:1

Yeˬshehˇ-euˬ sahˬ nyiꞈ dawˬ pehˬ-ahˇ, baw nmˬ nmˬ doˆ laˇ-awˇ, duˬ ciˇ-ahˇ uˬ laꞈ tsoꞈ doˆ laˇ-eu loꞈ-ehˇ, sahˬ paˬ yaw shuiꞈ doˆ laˇ tehꞈ-a.

Yeˬlaˬmiˇ 23:5

Sahˬpaˬ Miˬyehˇ ehˇ-eu, “Daˬbiˇ-euˬ zaˬ deuˬ uˆ deuˬ laꞈ kʼoeˇ yaw tsaˬ yaw dawˇ tiˬ gʼaˬ-ahˇ ngaˇ tseˇ doˆ-awˇ, sahˬ paˬ bi geuꞈ-eu aˇ nah aˇ yamˬ keuˆ laˇ luꞈ meh. Sahˬ paˬ kʼoeˇ gʼaˬ miˇ kʼahˬ-ahˇ uˆ lahˇ-eu zaˬ siˬ tsawˇ gahˇ byah-awˇ, miˇ kʼahˬ heu kʼahˬ kʼahˬ lah ni kʼoeˇ taˆ, yaw tsaˬ yaw dawˇ laꞈ kʼoeˇ uˆ lahˇ tehꞈ-a.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Maꞈtehˬ 1:1

Heu-aˬ, Aˬbyaˬhaˬ hawˇ-eu Daˬbiˇ-ahˇ neh gui ka leꞈ-euˬ Yeˬsuˇ Ka li-euˬ tsuiꞈ meh.

Maꞈtehˬ 2:5

Aˬ yawꞈ maꞈ ehˇ-eu, “Yuˇdaˆ miˇ kʼehˬ Behˬlehˬhehˬ meuˬ-ahˇ dehꞈ le meh. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu tsawˇ haˬ neh boꞈ taˬ-euˬ heu loꞈ-ehˇ jaˆ-eu meh.

Maꞈtehˬ 2:6

‘Behˬlehˬhehˬ-oˇ, Yuˇdaˆ meuˬ deuˬ laꞈ kʼoeˇ, nawˇ maˬ nyiˇ teˬ dzehˬ-a. Aˬ jeˬ miˇ neh ehˇ naˇ, ngaˬ-euˬ tsawˇ jeuˬ pyeuꞈ-eu, Iˇsaˬleˬlaˆ kʼoeˇ taˆ, sheuˬ gʼeh uˆ lahˇ-eu gʼaˬ, nawˬ-euˬ laꞈ kʼoeˇ doˆ laˇ tehꞈ-a.”’

Luˇkaꞈ 2:11

Iˬ nah, Daˬbiˇ-euˬ meuˬ laꞈ kʼoeˇ, naw maꞈ-ahˇ Ka kʼoꞈ-eu gʼaˬ pyeuꞈ-eu Sahˬpaˬ Ka li dehꞈ le-euˬ meh.

Luˇkaꞈ 2:4

Yoˇsehˆ-aˬ, sahˬ paˬ Daˬbiˇ-euˬ tsuiꞈ-ahˇ taꞈ-eu miˇ neh, Gaˬliˬlehˇ miˇ kʼahˬ Naˬzaˬlehˇ meuˬ-ahˇ neh Sahˬpaˬ Daˬbiˇ dehꞈ le-euˬ meuˬ pyeuꞈ-eu Yuˇdaˆ miˇ kʼahˬ Behˬlehˬhehˬ meuˬ-ahˇ iˇ-euˬ meh.

Yoˇhaˬ 7:27

Aˬ diˇ ehˇ naˇ, Meˬsiˇya oe ngeh, aˬ geu gaˇ neh oe-euˬ tsawˇ haˬ tiˬ gʼaˬ-iˬ maˬ ya siˬ-aˇ. Ehˇ kʼawꞈ, tsawˇ haˬ heu gʼaˬ aˬ gaˇ neh oe-euˬ aˬ dui maꞈ siˬ nya ma.”

1 Saˬmeuˬlaˆ 16:1

Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇluˆ gʼaˇ duˬ nawˇ nui ma maˬ saˇ-ehˇ, aˬ myah keuˆ ni toˇ toˇ-ehˇ jawˇ-eu gʼeh te. Iˇsaˬleˬlaˆ miˇ kʼahˬ kʼoeˇ taˆ sahˬ paˬ maˬ paˇ bi geuꞈ-eu gʼaˇ duˬ, aˬ yawꞈ-ahˇ ngaˇ byehˇ dzeh gʼaˬ-euˬ ma. Ehˇ kʼawꞈ, nawˇ saˬ loˬ tsiˇ ui cuiˆ yuˇ-awˇ, Behˬlehˬhehˬ meuˬ-ahˇ Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ jawˇ gaˇ nymˬ-mˇ iˇ-awˬ. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ, aˬ yawꞈ-euˬ aˬ li tiˬ li-ahˇ ngaˇ tseˇ doˆ gʼaˬ-euˬ ma.”

1 Saˬmeuˬlaˆ 16:18

Aˬ yawꞈ-euˬ zaˬ kʼaˆ tiˬ gʼaˬ ehˇ-eu, “Behˬlehˬhehˬ meuˬ-ahˇ jawˇ-eu Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ deuˇ-mˬ yaw muiˬ paˬ-ehˇ diˬ nya-eu aˬ li tiˬ li jawˇ meh. Aˬ li kʼoeˇ gʼaˬ nui ma kʼaˬ duˬ ni gʼeh-awˇ aˇ gʼehˇ muiˬ-eu uˬ taꞈ, muiˬ-eu yehˇ tiˬ gʼaˬ pyeuꞈ-awˇ, dawˬ ngehˬ-eu kʼawꞈ yaw nya meh. Aˬ yawꞈ nehˬ-ehˇ Sahˬpaˬ Miˬyehˇ jawˇ-eu meh.”

1 Saˬmeuˬlaˆ 16:4

Saˬmeuˬlaˆ-aˬ. Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ jahˇ-awˇ, Behˬlehˬhehˬ meuˬ-ahˇ iˇ-euˬ meh. Kʼoeˇ gaˇ jawˇ-eu meuˬ-euˬ aˬ yuiꞈ aˬ tsu geuꞈ luꞈ-eu deuˬ aˬ yawꞈ jawˇ gaˇ laˇ-awˇ, yaw dzuˬ dzuˬ-eu laꞈ kʼoeˇ, “Shaˆ ma-oˇ, yaw lehˬ aˬ geu jeˬ paˇ doˆ laˇ-euˬ miˇ neh heu gaˇ oe teˬ” lehˇ naˇ haˬ-euˬ meh.

1 Saˬmeuˬlaˆ 17:58

“Aˬ li zaˬ guˬ-oˇ, nawˇ aˬ suˇ gʼaˬ-euˬ aˬ li te” lehˇ Sawˇluˆ naˇ haˬ ngeh. “Ngaˇ-aˬ, Behˬlehˬhehˬ meuˬ-ahˇ jawˇ-eu nawˬ-euˬ zaˬ kʼaˆ Yeˬshehˇ-euˬ aˬ li ma” lehˇ, Daˬbiˇ ehˇ kʼoꞈ nehˬ-euˬ meh.