Yoˇhaˬ 7:39 - Akha

³⁹ Yeˬsuˇ kʼoeˇ loꞈ-ehˇ ehˇ-eu-aˬ, aˬ yawꞈ-ahˇ kʼaˇ jah-eu tsawˇ haˬ deuˬ Yaw sahˇ Miˬyehˇ za gaˇ ehˇ mawꞈ-eu meh. Aˇ yamˬ kʼoeˇ yamˬ-ahˇ keuˆ ni Yaw sahˇ Miˬyehˇ maˬ biꞈ leꞈ-aˬ siˬ. Aˬ jeˬ miˇ neh ehˇ naˇ, Yeˬsuˇ-ahˇ yaw shehꞈ kʼahˬ sehˇ laꞈ kʼoeˇ maˬ ciˬ daˆ kʼoꞈ leꞈ-aˬ siˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Yeqsur heulof-aer aer-eu-aq, aqyawf-anr jan-eu tsawrhaq deuq aqkar muiq-eu Saflar za-eu gar aermawf-eu mae. Aqjeq mirnae aqkar za-eu laer aernar-aq, Yeqsur yawshaef khanqsaer maqza-euq siq mirnae, aqyawf maf-anr Yawshawr Saflar maq bifdan-aq siq.

Yoˇhaˬ 7:39 Iomraidhean Croise

Jaceuq 68:18

Tsawˇ haˬ gʼawˬ mya ni aˬ yawꞈ nyehꞈ gʼeh-awˇ, gawˬ jawˬ yaw goˇ-ahˇ daˆ leˇ tehꞈ-a. Aˬ yawꞈ-ahˇ puiˬ-eu tsawˇ haˬ deuˬ-ahˇ keuˆ ni, aˬ yawꞈ-ahˇ laꞈ sawˬ biꞈ laˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ kʼoeˇ gaˇ jawˇ tehꞈ-a.

Dawqdaq 1:23

Ngaˇ saˇ kiˇ kamˬ gaˇ naˇ haˬ sheˇ. Ngaˬ-euˬ nui gahˇ naw maꞈ-ahˇ shehˆ daˆ nehˬ-awˇ, ngaˬ-euˬ dawˬ naw maꞈ-ahˇ bi gaˬ le ma.

Iˇsaˬyaˇ 12:3

Iˇ cuꞈ mehꞈ luꞈ-eu tsawˇ haˬ deuˬ, lah duˬ iˇ cuꞈ-ahˇ laˬ kʼaˬ cehˇ-eu loꞈ-ehˇ, Miˬyehˇ-euˬ tsawˇ haˬ deuˬ, aˬ yawꞈ ka kʼoꞈ nehˬ gaˇ laˬ kʼaˬ cehˇ-eu meh.”

Iˇsaˬyaˇ 32:15

Ehˇ kʼawꞈ, Miˬyehˇ Yaw sahˇ aˬ dui kʼoeˇ taˆ paˇ keuˆ le-awˇ, miˇ tsaˬ yaw cawˆ miˇ muiˬ paˇ muiˬ laˇ-awˇ, dzaˬ la gʼo cehˇ za dui dui le tehꞈ-a.

Iˇsaˬyaˇ 44:3

“Iˇ cuꞈ mehꞈ-eu miˇ kʼahˬ-ahˇ ngaˇ iˇ cuꞈ biꞈ-awˇ, miˇ tsaˬ gui gaˇ lawˇ gawˆ bi yoeˇ le ma. Nawˬ-euˬ zaˬ deuˬ uˆ deuˬ kʼoeˇ taˆ ngaˇ baoˬ shehˆ daˆ nehˬ-awˇ, nawˬ-eu zaˬ deuˬ uˆ deuˬ-ahˇ ngaˇ guiˬ lahˬ biꞈ ma.

Yawˇlaˆ 2:28

“Aˬ kaˇ keuˆ laˇ-eu aˇ yamˬ-ahˇ, yawˬ gʼaˬ yawˬ na luꞈ-euˬ kʼoeˇ taˆ, ngaˬ-euˬ yaw sahˇ shehˆ daˆ nehˬ-awˇ, naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Tsawˇ mawˬ deuˬ yuꞈ maˆ maˆ mawˇ-awˇ, zaˬ guˬ deuˬ kʼawꞈ yaw sahˇ laꞈ kʼoeˇ, siˬ-eu mawˇ-eu jeˬ za tehꞈ-a.

Maꞈtehˬ 16:14

Aˬ yawꞈ maꞈ ehˇ-eu, “Tiˬ paˆ na deuˬ Iˇ cuꞈ shawˇ-eu Yoˇhaˬ nga lehˇ ehˇ-awˇ, tiˬ paˆ na deuˬ Eˇliˇyaˆ nga lehˇ ehˇ-eu meh. Tiˬ paˆ na deuˬ-aˬ, Yeˬlaˬmiˇ maˬ ngeuˇ naˇ, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na ngaˇ lehˇ ehˇ-eu meh.”

Maꞈtehˬ 21:11

Tsawˇ haˬ aˇ maꞈ kʼoeˇ maꞈ ehˇ kʼoꞈ nehˬ-eu, “Tsawˇ haˬ heu gʼaˬ-aˬ, Yeˬsuˇ lehˇ kuˇ-eu, Gaˬliˬlehˇ miˇ kʼahˬ Naˬzaˬlehˇ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ meh.”

Luˇkaꞈ 24:49

Ngaˬ Da neh ngaˬ-ahˇ biꞈ taˬ-euˬ saˇ jaˇ dawˬ, naw maꞈ-ahˇ ngaˇ paˇ biꞈ-eu ma. Ehˇ kʼawꞈ, mˬ taˆ-euˬ baoˬ naw maꞈ kʼoeˇ taˆ maˬ keuˆ le kʼoeˇ keuˆ ni, meuˬ laꞈ kʼoeˇ naw maꞈ ya dawˬ tawˬ meh.”

Luˇkaꞈ 3:16

Kʼoeˇ ngeh, aˬ yawꞈ maꞈ dawˬ tawˆ luꞈ-ahˇ Yoˇhaˬ heu loꞈ-ehˇ ehˇ kʼoꞈ nehˬ-euˬ meh. “Ngaˇ naw maꞈ-ahˇ iˇ cuꞈ laꞈ kʼoeˇ iˇ cuꞈ shawˇ nehˬ-eu ma. Ehˇ kʼawꞈ, ngaˇ naˆ maˬ tseˇ huiˬ dzehˬ mahˇ dzehˬ-eu gʼaˬ oe luꞈ meh. Ngaˇ-aˬ, aˬ yawꞈ-euˬ sehˬ nawˆ aˇ caˆ puiˇ nehˬ-eu tehꞈ-ehˇ kʼawꞈ, mˇ-eu maˬ geuˇ nya. Aˬ yawꞈ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu miˬ dzaˬ laꞈ kʼoeˇ, naw maꞈ-ahˇ iˇ cuꞈ shawˇ nehˬ laꞈ tehꞈ-a.

Luˇkaꞈ 7:16

Aˬ yawꞈ maꞈ dawˬ tawˆ luꞈ guˆ dui dui-awˇ, Miˬyehˇ-ahˇ ja ceuˬ-euˬ meh. “Miˬyehˇ gʼaˇ duˬ ngehˬ dah-eu huiˬ dui dui-eu gʼaˬ aˬ dui jawˇ gaˇ doˆ laˇ-euˬ ngaˇ” lehˇ hawˇ-eu, “Miˬyehˇ aˬ yawꞈ-euˬ tsawˇ haˬ deuˬ-ahˇ haw le-euˬ ngaˇ” lehˇ, aˬ yawꞈ maꞈ ehˇ-eu meh.

Yoˇhaˬ 1:21

Aˬ yawꞈ maꞈ ehˇ-eu, “Toˆ-ehˇ ngeuˇ naˇ, nawˇ aˬ suˇ gʼaˬ te. Eˇliˇyaˆ te loˇ.” Yoˇhaˬ ehˇ-eu, “Maˬ ngeuˇ.” Aˬ yawꞈ maꞈ ehˇ-eu, “Miˬyehˇ gʼaˇ duˬ ngehˬ dah-eu tsawˇ haˬ te loˇ.” Yoˇhaˬ ehˇ-eu, “Maˬ ngeuˇ.”

Yoˇhaˬ 1:25

Aˬ yawꞈ maꞈ Yoˇhaˬ-ahˇ naˇ haˬ-eu, “Nawˇ-aˬ, Ka li kʼawꞈ maˬ ngeuˇ, Eˇliˇyaˆ kʼawꞈ maꞈ ngeuˇ, Miˬyehˇ gʼaˇ duˬ ngehˬ dah-eu tsawˇ haˬ kʼawꞈ maˬ ngeuˇ lehˇ ehˇ-eu jeˬ maˇ-iˬ, aˬ jeˬ miˇ neh aˬ cawˬ-ahˇ iˇ cuꞈ shawˇ nehˬ te.”

Yoˇhaˬ 1:33

Ngaˇ aˬ yawꞈ-ahˇ maˬ siˬ nya-aˬ siˬ. Ehˇ kʼawꞈ, iˇ cuꞈ neh iˇ cuꞈ bi shawˇ nehˬ le-eu lehˇ ngaˬ-ahˇ kʼehˇ gʼeh leꞈ-euˬ Miˬyehˇ ehˇ-eu, ‘Yaw sahˇ Miˬyehˇ tsawˇ haˬ tiˬ gʼaˬ kʼoeˇ taˆ zaꞈ le-awˇ jawˇ gaˇ nawˇ ya mawˇ tehꞈ-a. Aˬ yawꞈ-aˬ, Yaw sahˇ Miˬyehˇ neh iˇ cuꞈ shawˇ nehˬ-euˬ gʼaˬ meh’ lehˇ ehˇ-eu meh.

Yoˇhaˬ 12:16

Pyeuꞈ laˇ-euˬ gaˇ kawˆ kʼoeˇ-euˬ dawˬ tsuiꞈ-ahˇ, aˇ dahˬ beh ngeh zaˬ lahˇ deuˬ maˬ siˬ nya-a. Ehˇ kʼawꞈ, Yeˬsuˇ gʼoꞈ dehꞈ laˇ-awˇ yaw shehꞈ kʼahˬ sehˇ za gʼaˬ ngeh, Jaˇliꞈ laꞈ kʼoeˇ ehˇ taˬ-euˬ kʼoeˇ aˬ yawꞈ-ahˇ ehˇ-euˬ jeˬ pyeuꞈ-awˇ, aˬ yawꞈ maꞈ Yeˬsuˇ-ahˇ ha-euˬ kʼoeˇ-aˬ, Jaˇliꞈ laꞈ kʼoeˇ ehˇ taˬ-euˬ dawˬ byah laˇ ni mˇ-euˬ jeˬ pyeuꞈ-eu gaˇ kawˆ, aˬ yawꞈ maꞈ siˬ duˬ-euˬ meh.

Yoˇhaˬ 12:23

Yeˬsuˇ aˬ yawꞈ nyaꞈ-ahˇ ehˇ nehˬ-eu, “Tsawˇ haˬ-euˬ Zaˬmaˇ huiˬ dui dui-eu yaw shehꞈ kʼahˬ sehˇ za-eu aˇ yamˬ keuˆ laˇ-euˬ meh.

Yoˇhaˬ 14:13

Zaˬmaˇ laꞈ kʼoeˇ Aˬda-euˬ yaw shehꞈ kʼahˬ sehˇ ya mawˇ ni, naw maꞈ ngaˬ-euˬ tsawˇ myahˇ laꞈ kʼoeˇ kʼaˇ shaˇ-eu yawˬ jeˬ na luꞈ ngaˇ mˇ byah nehˬ ma.

Yoˇhaˬ 14:26

Aˬda kʼehˇ gʼeh leꞈ-eu lehˇ gʼeh-eu Caw ba-eu gʼaˬ pyeuꞈ-eu Yaw sahˇ Miˬyehˇ-aˬ, naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ-awˇ, ngaˬ neh ehˇ taˬ yaꞈ-euˬ dawˬ deuˬ-ahˇ naw maꞈ noeˬ mawˇ ni caw ba nehˬ laꞈ tehꞈ-a.

Yoˇhaˬ 16:14

Ngaˬ-euˬ yaw shehꞈ kʼahˬ sehˇ doˆ laˇ ni aˬ yawꞈ mˇ tehꞈ-a.

Yoˇhaˬ 16:7

Ngaˇ naw maꞈ-ahˇ maˇ jawˆ ni ehˇ-eu ma. Ngaˇ gʼoꞈ leˇ-eu-aˬ, naw maꞈ gʼaˇ duˬ muiˬ dzehˬ meh. Aˬ jeˬ miˇ neh ehˇ naˇ, ngaˇ maˬ gʼoꞈ leˇ naˇ, Caw ba-eu gʼaˬ naw maꞈ jawˇ gaˇ maˬ oe nya-a. Ngaˇ gʼoꞈ leˇ naˇ, Caw ba-eu gʼaˬ-ahˇ kʼehˇ gʼeh leꞈ ma.

Yoˇhaˬ 17:1

Yeˬsuˇ kʼoeˇ loꞈ-ehˇ ngehˬ gʼaˬ tmˇ gʼaˬ ngeh, mˬ paw gʼawˇ leuˇ-awˇ heu loꞈ-ehˇ ehˇ-eu meh. “Aˬda-oˇ, aˇ yamˬ keuˆ le-euˬ meh. Zaˬ maˇ baˬ da neh nawˬ-euˬ yaw shehꞈ kʼahˬ sehˇ-ahˇ aˬ cawˬ mawˇ nya ni, nawˬ-euˬ Zaˬmaˇ-ahˇ yaw shehꞈ kʼahˬ sehˇ biꞈ laꞈ-awˬ.

Yoˇhaˬ 17:5

Miˇ tsaˬ tahˬ kʼawˇ maˬ beh mi naˆ-ehˇ, nawˬ neh ngaˬ-ahˇ biꞈ taˬ-euˬ yaw shehꞈ kʼahˬ sehˇ kʼoeˇ, nawˬ-euˬ mehˬ shi aˬ cawˬ-ahˇ bi mawˇ laꞈ-awˬ.

Yoˇhaˬ 20:22

Kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ kʼoeˇ taˆ aˬ yawꞈ saꞈ baw nehˬ-awˇ, heu loꞈ-ehˇ ehˇ nehˬ-euˬ meh. “Muiˬ-eu Shawˇ-eu Yaw sahˇ Miˬyehˇ-ahˇ ha geuꞈ-awˬ.

Yoˇhaˬ 6:14

Yeˬsuˇ neh mˇ-euˬ zahˬ leˇ paˬ-ehˇ gʼeh-eu kʼoeˇ-ahˇ tsawˇ haˬ kʼoeˇ deuˬ ya mawˇ ngeh, “Tsawˇ haˬ heu gʼaˬ-aˬ, maˇ maˇ ni miˇ tsaˬ kʼoeˇ taˆ oe meh lehˇ ehˇ taˬ-euˬ Miˬyehˇ gʼaˇ duˬ ngehˬ dah-eu kʼoeˇ gʼaˬ ngaˇ” lehˇ ehˇ-eu meh.

Yoˇhaˬ 7:12

Tsawˇ haˬ aˇ maꞈ laꞈ kʼoeˇ, aˬ yawꞈ-euˬ gaˇ kawˆ gʼawˬ mya jeˬ ja kʼoeˬ luꞈ-eu meh. Tiˬ paˆ na deuˬ-aˬ, aˬ yawꞈ muiˬ-eu gaˇ kawˆ ja-eu meh. Tiˬ paˆ na deuˬ-aˬ, kʼoeˇ loꞈ-ehˇ maˬ ja ni, aˬ yawꞈ aˬ cawˬ-ahˇ gaˇ ma sheuˬ bahˬ-eu tsawˇ haˬ meh lehˇ ja-eu meh.

Yoˇhaˬ 8:54

Yeˬsuˇ ehˇ-eu, “Ngaˇ yawˬ haˇ yawˬ ha taˬ huiˬ naˇ, ngaˬ neh taˬ huiˬ-euˬ kʼoeˇ maˬ poeˬ maˬ lawˬ-aˇ. Ngaˬ-ahˇ taˬ huiˬ-eu gʼaˬ-aˬ, ngaˬ Da meh. Naw maꞈ-euˬ Miˬyehˇ ma lehˇ naw maꞈ ehˇ-eu kʼoeˇ gʼaˬ meh.

Gʼaˬkʼehˇ 19:2

Aˬ yawꞈ maꞈ-ahˇ aˬ yawꞈ ehˇ nehˬ-eu, “Naw maꞈ jah-eu tsawˇ haˬ pyeuꞈ laˇ ngeh Muiˬ-eu shawˇ-eu Yaw sahˇ Miˬyehˇ-ahˇ za maˬ loˇ.” Aˬ yawꞈ maꞈ ehˇ-eu, “Muiˬ-eu shawˇ-eu Yaw sahˇ Miˬyehˇ jawˇ meh lehˇ ehˇ-eu nga maꞈ tiˬ poˆ-iˬ maˬ gaˬ haw-aˬ.”

Gʼaˬkʼehˇ 2:17

‘Miˬyehˇ neh ehˇ taˬ-euˬ dawˬ-aˬ, Aˇ saˬ saˬ-eu aˇ nah keuˆ ngeh, tsawˇ haˬ yawˬ gʼaˬ na luꞈ kʼoeˇ taˆ, ngaˬ-euˬ Yaw sahˇ shehˆ daˆ nehˬ ma. Naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Naw maꞈ-euˬ tsawˇ haˬ zaˬ guˬ deuˬ, Yaw sahˇ mehˬ-eu jeˬ ya mawˇ-awˇ, naw maꞈ-euˬ tsawˇ mawˬ tsawˇ kʼaˆ deuˬ, yuꞈ maˆ gʼawˬ mya jeˬ maˆ tehꞈ-a.

Gʼaˬkʼehˇ 2:33

Aˬ yawꞈ-euˬ Aˬda pyeuꞈ-eu Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ ciˬ mahˇ keuˆ nehˬ-awˇ, Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Yaw sahˇ Miˬyehˇ za-euˬ meh. Nymˬ-mˇ naw maꞈ ya gaˬ ya mawˇ luꞈ-eu heu-aˬ, a yawꞈ neh Yaw sahˇ Miˬyehˇ shehˆ daˆ nehˬ laꞈ-euˬ jeˬ pyeuꞈ-eu meh.

Gʼaˬkʼehˇ 2:38

Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Gʼaˬkʼehˇ 2:4

Aˬ yawꞈ maꞈ dawˬ tawˆ luꞈ-ahˇ Muiˬ-eu shawˇ-eu Yaw sahˇ Miˬyehˇ byah laˇ-awˇ, Yaw sahˇ Miˬyehˇ neh bi ngehˬ bi tmˇ-euˬ loꞈ-ehˇ, dawˬ gʼawˬ mya jeˬ ngehˬ-euˬ meh.

Gʼaˬkʼehˇ 3:13

Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu aˬ dui maꞈ-euˬ aˬ poeˬ aˬ bawˇ deuˬ-euˬ Miˬyehˇ neh, a yawꞈ-euˬ Zaˬ kʼaˆ Yeˬsuˇ-ahˇ muiˬ-eu shawˇ-eu yaw shehꞈ kʼahˬ sehˇ biꞈ nehˬ-euˬ meh. Ehˇ kʼawꞈ, aˬ yawꞈ-ahˇ miˇ kʼahˬ sahˬ paˬ sahˬ ma deuˬ-euˬ aˬ laꞈ laꞈ kʼoeˇ naw maꞈ a nehˬ-awˇ, aˬ yawꞈ-ahˇ pyehˬ nehˬ-eu gʼaˇ duˬ sahˬ paˬ Piˇlaˆ noeˬ tsehˆ gʼaˬ-euˬ kʼawꞈ, sahˬ paˬ Piˇlaˆ mehˬ shi aˬ yawꞈ-ahˇ naw maꞈ iˬ baˆ poˆ-euˬ meh.

Gʼaˬkʼehˇ 4:31

Aˬ yawꞈ maꞈ guiˬ lahˬ shaˇ gʼaˬ ngeh, aˬ yawꞈ maꞈ uiˬ leˇ-awˇ jawˇ-eu jawˇ duˬ kʼoeˇ tsahˇ luˆ laˇ nyeh laˇ-awˇ, aˬ yawꞈ maꞈ dawˬ tawˆ luꞈ Muiˬ-eu shawˇ-eu Yaw sahˇ Miˬyehˇ byah laˇ-awˇ, nui ma kʼaˬ duˬ ni Miˬyehˇ dawˬ kawˬ mehˬ-euˬ meh.

Lormav 8:9

Nui ma laꞈ kʼoeˇ Miˬyehˇ-euˬ Yaw sahˇ maˇ maˇ ni jawˇ naˇ, yawˬ ha-euˬ shiˬ shaˬ jiˇ nui noeˬ neh kʼaˇ bi dehꞈ-euˬ loꞈ-ehˇ maˬ dehꞈ ni, Yaw sahˇ Miˬyehˇ-euˬ ehˇ dawˬ naˇ haˬ-awˇ dehꞈ tehꞈ-a. Yawˬ ha laꞈ kʼoeˇ Ka liˬ-euˬ Yaw sahˇ maˬ jawˇ-eu tsawˇ haˬ aˬ geu gʼaˬ maˬ kaˬ, aˬ yawꞈ-ahˇ maˬ taꞈ-a.

2 Gawˇliˬtu 3:8

Yaw sahˇ Miˬyehˇ neh mˇ-euˬ gaˇ deuˬ-ahˇ taꞈ leˇ-eu yaw shehꞈ kʼahˬ sehˇ-aˬ, aˇ naˆ ni paˇ kʼaˆ dzehˬ nmˇ.

Eˇpeˇsu 4:30

Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.