Yoˇhaˬ 7:37 - Akha

³⁷ Sehˬ gʼawˆ-euˬ Bawˬ-iˬ gʼeh-eu aˇ saˬ saˬ-eu aˇ nah pyeuꞈ-eu huiˬ dui dui-eu aˇ nah kʼoeˇ nah-ahˇ, Yeˬsuˇ tuˇ -awˇ, teˇ saˇ yaw kʼaˆ kʼaˆ-ehˇ -ehˇ-eu, “Iˇ cuꞈ kʼaˇ mehꞈ-eu tsawˇ haˬ ngaˇ jawˇ gaˇ laˇ-awˇ dawˇ laˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁷ Yawbui bui-eu arsaqsaq ngae nan-aq, huiqdzaeq-eu nan mae. Yeqsur gawqyawf yawf-awr, tersar yawkhav-aer heulof-aer aer-eu mae, “Ircuf kharmaef-eu tsawrhaq, ngar jawr-eu gar lar-awr dawrlar-awq.

Yoˇhaˬ 7:37 Iomraidhean Croise

Neˬhaˬmiˇ 8:18

Bawˬ-iˬ gʼeh dahˬ beh-euˬ nah-ahˇ neh aˇ saˬ saˬ-eu nah-ahˇ keuˆ ni, aˬ yawꞈ nah yawꞈ Miˬyehˇ-euˬ zahˇ dawˬ kʼoꞈ dawˬ gui-euˬ meh. Shiꞈ nah keuˆ ni aˬ yawꞈ maꞈ bawˬ-iˬ gʼeh-awˇ, zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, yehꞈ nah tiˬ nah-ahˇ bawˬ-iˬ gʼeh-eu piˬ tehˬ-eu bawˬ-iˬ jahˇ-euˬ meh.

Jaceuq 143:6

Ngaˬ-euˬ aˬ laꞈ cawˬ diˇ-awˇ nawˬ-ahˇ guiˬ lahˬ shaˇ luꞈ-eu ma. Miˇ tsaˬ yaw gui iˇ cuꞈ mehꞈ-eu loꞈ-ehˇ, nawˬ-ahˇ ngaˇ mehꞈ luꞈ-eu ma.

Jaceuq 42:2

Iˇcuꞈmehꞈdui dui-eu loꞈ-ehˇ, dehꞈluꞈ-eu ngaˬ-euˬMiˬyehˇ-ahˇ, ngaˬ-euˬsaꞈlaˇmehꞈluꞈ-eu ma. Nawˬ-euˬmehˬshi ngaˇle keuˆ-awˇ, aˬmyah uˬduˬya tahˬleˇnmˇ.

Jaceuq 63:1

Miˬyehˇ-oˇ, nawˇ-aˬ ngaˬ-euˬ Miˬyehˇ pyeuꞈ-awˇ, nawˬ-ahˇ ngaˇ noeˬ tmˬ luꞈ-eu ma. Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ noeˬ tmˬ luꞈ-eu ma. Iˇ cuꞈ maˬ jaˆ ehˇ koˆ kaˆ ni tsawˬ paˆ-iˇ taˬ-euˬ miˇ tsaˬ tiˬ tsahˇ iˇ cuꞈ mehꞈ-eu loꞈ-ehˇ, ngaˬ-euˬ saꞈ laˇ nawˬ-ahˇ noeˬ tmˬ luꞈ-eu ma.

Dawqdaq 1:20

Naˇ haˬ sheˇ, meuˬ-eu gaˇ ma doe ni zaˬ siˬ tsawˇ gahˇ guˇ luꞈ meh. Lehˆ kawˆ doe ni yaw kʼaˆ-ehˇ guˇ luꞈ meh.

Dawqdaq 8:1

Naˇ haˬ sheˇ. Zaˬ siˬ tsawˇ gahˇ aˬ dui-ahˇ kuˇ luꞈ meh. Noeˬ siˬ noeˬ mawˇ nya-eu jeˬ-euˬ teˇ saˇ gaˬ le luꞈ meh.

Dawqdaq 8:17

Ngaˬ-ahˇ gaˬ-eu deuˬ-ahˇ ngaˇ gaˬ-awˇ, ngaˬ-ahˇ leh jeh-awˇ poˆ-eu deuˬ, ngaˬ-ahˇ poˆ mawˇ-eu meh.

Dawqdaq 8:3

Meuˬ lahˇ laˇ gʼoˆ dawˬ peh hawˇ-eu, meuˬ-euˬ gʼoˆ kʼehˬ gaˇ dzeˇ aˬ yawꞈ heu loꞈ-ehˇ guˇ luꞈ meh.

Dawqdaq 9:3

Aˬ yawꞈ-euˬ zaˬ miˬ zaˬ zaˬ kʼaˆ deuˬ-ahˇ meuˬ-ahˇ pyehˬ gʼeh-awˇ, jawˇ duˬ yaw goˇ-ahˇ daˆ-awˇ heu loꞈ-ehˇ bi guˇ-euˬ meh.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Iˇsaˬyaˇ 12:3

Iˇ cuꞈ mehꞈ luꞈ-eu tsawˇ haˬ deuˬ, lah duˬ iˇ cuꞈ-ahˇ laˬ kʼaˬ cehˇ-eu loꞈ-ehˇ, Miˬyehˇ-euˬ tsawˇ haˬ deuˬ, aˬ yawꞈ ka kʼoꞈ nehˬ gaˇ laˬ kʼaˬ cehˇ-eu meh.”

Iˇsaˬyaˇ 40:2

“Yeˬluˇsaˬlehˬ meuˬ-ahˇ jawˇ-eu deuˬ-ahˇ gʼaˬ biꞈ nehˬ-awˬ. Aˬ yawꞈ maꞈ shaˬ zahˬ mˇ luꞈ-eu myahˇ laˇ-awˇ, nymˬ-mˇ aˬ yawꞈ maꞈ-ahˇ iˬ baˇ pyehˬ nehˬ-euˬ ma. Aˬ yawꞈ maꞈ neh mˇ-euˬ iˬ baˇ aˇ poeˬ, oꞈ-eu geuˇ-eu loꞈ-ehˇ kʼehˬ gʼaˬ kʼaˆ gʼaˬ-euˬ ma.”

Iˇsaˬyaˇ 40:6

“Guˇ gaˬ nehˬ-awˬ” lehˇ teˇ saˇ mahˇ doˆ laˇ-awˇ, “Aˬ jeˬ ya guˇ gaˬ nmˇ” lehˇ ngaˇ naˇ haˬ-euˬ ma. “Heu loꞈ-ehˇ guˇ gaˬ nehˬ-awˬ. Tsawˇ jeuˬ dawˬ tawˆ luꞈ yaˇ moꞈ loˆ ni tehꞈ-ehˇ tawˬ-awˇ, bawˇ tsahˬ aˇ yehˆ naˆ maˬ tseˇ maˬ gmˬ-a.

Iˇsaˬyaˇ 44:3

“Iˇ cuꞈ mehꞈ-eu miˇ kʼahˬ-ahˇ ngaˇ iˇ cuꞈ biꞈ-awˇ, miˇ tsaˬ gui gaˇ lawˇ gawˆ bi yoeˇ le ma. Nawˬ-euˬ zaˬ deuˬ uˆ deuˬ kʼoeˇ taˆ ngaˇ baoˬ shehˆ daˆ nehˬ-awˇ, nawˬ-eu zaˬ deuˬ uˆ deuˬ-ahˇ ngaˇ guiˬ lahˬ biꞈ ma.

Iˇsaˬyaˇ 55:1

Sahˬpaˬ Miˬyehˇ heu loꞈ-ehˇ ehˇ-eu meh. “Iˇ cuꞈ kʼaˇ mehꞈ-eu tsawˇ haˬ deuˬ, iˇ cuꞈ jaˆ gaˇ laˇ-awˬ. Pyuˇ maˬ ahˇ-eu tsawˇ haˬ deuˬ kʼawꞈ, zeuˇ dzaˬ zeuˇ dawˇ laˇ-awˬ. Pyuˇ maˬ ahˇ-ehˇ aˇ poeˬ maˬ biꞈ nya kʼawꞈ, aˬ gaꞈ dzaˇ uiˇ hawˇ-eu mawˇ neˇ aˬ coeˇ zeuˇ dawˇ laˇ-awˬ.

Iˇsaˬyaˇ 55:3

“Naˬ bawˇ ciˬ kʼmˇ-awˇ ngaˇ jawˇ gaˇ laˇ-awˬ. Dehꞈ-eu saꞈ laˇ za ni naˇ haˬ laˇ-awˬ. Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ, naw maꞈ nehˬ-ehˇ ngaˇ dzaˬ-eu ma. Daˬbiˇ-ahˇ saˇ jaˇ biꞈ taˬ-euˬ guiˬ lahˬ, naw maꞈ-ahˇ ngaˇ biꞈ ma.

Iˇsaˬyaˇ 58:1

Sahˬpaˬ Miˬyehˇ heu loꞈ-ehˇ ehˇ-eu meh. “Nawˇ kʼaˇ guˇ doˆ coeˇ-eu guˇ-awˇ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ, aˬ yawꞈ maꞈ-euˬ iˬ baˇ gaˇ kawˆ-ehˇ gaˬ nehˬ-awˬ.

Yeˬlaˬmiˇ 16:19

Sahˬpaˬ Miˬyehˇ-oˇ, ngaˬ-ahˇ haw piˇ-awˇ gʼaˬ biꞈ nehˬ laꞈ-eu gʼaˬ nawˇ meh. Shaˬ-eu zahˬ-eu aˇ yamˬ laꞈ kʼoeˇ, nawˇ ngaˬ-ahˇ ngehˬ gʼeh dah teˬ nehˬ laꞈ-euˬ meh. Miˇ tsaˬ tsawˇ jeuˬ deuˬ mˬ dzeˇ miˇ dzeˇ-ahˇ neh nawˇ jawˇ gaˇ laˇ-awˇ, heu loꞈ-ehˇ ehˇ tehꞈ-a. “Nga maꞈ-euˬ aˬ poeˬ aˬ bawˇ deuˬ-aˬ, maˬ ngeuˇ-eu miˬ yehˇ deuˬ-ahˇ tehꞈ-ehˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ deuˬ-ahˇ tehꞈ-ehˇ jah-euˬ meh.

Yeˬlaˬmiˇ 2:2

“Yeˬluˇsaˬlehˬ meuˬ-ahˇ iˇ-awˇ, tsawˇ haˬ yawˬ gʼaˬ na luꞈ-ahˇ heu loꞈ-ehˇ ehˇ nehˬ-awˬ. “Iˇsaˬleˬlaˆ-oˇ, nawˇ yaw nyiˇ gʼeh ngeh, ngaˬ-ahˇ saˇ jaˇ ziꞈ-euˬ ngaˇ siˬ nya ma. Aˇ nyaꞈ sheuˬ dahˬ dzaˬ-euˬ yaw shuiꞈ pyeuꞈ ngeh, nawˇ ngaˬ-ahˇ gaˬ dui dui-euˬ meh. Kʼaˇ shuiꞈ deh ga bawˇ tsahˬ bawˇ dahˇ hawˇ-eu, yaˇ maˬ mˇ dzaˬ haw-euˬ miˇ gahˬ gahˬ ma laꞈ kʼoeˇ, ngaˬ-euˬ mehˬ nah nawˇ caw teh laꞈ-euˬ meh.

Yeˬsaˬgeˬlaˇ 47:9

Iˇ cuꞈ heu gawˆ kʼaˇ yoeˇ ka gʼeh gaˇ, jeˬ zaˬ hawˇ-eu ngaˬ shaˬ yawˬ jeˬ na luꞈ jawˇ kuꞈ-eu meh. Lawˇ baˬ heu gawˆ-aˬ, Shiˇ-eu iˬ ma laˆ shaˆ iˇ cuꞈ-ahˇ yaw shuiꞈ shuiꞈ-ehˇ paˇ bi pyeuꞈ laˇ-awˇ, aˬ yawꞈ kʼaˇ yoeˇ ka gʼeh gaˇ, yawˬ jeˬ na luꞈ-ahˇ yaw dehꞈ bi dehꞈ-eu meh.

Uˬ duˬ 23:36

Shiꞈ nah keuˆ ni, dzaˬ dzaˬ dawˇ dawˇ lawˇ-eu jeˬ yawˬ nah na luꞈ ya lawˇ meh. Yehꞈ nah tiˬ nah-ahˇ, uˬ duˬ tahˬ-eu gʼaˇ duˬ, tiˬ kawˆ loꞈ-ehˇ paˇ ya uiˬ leˇ-awˇ, dzaˬ dzaˬ dawˇ dawˇ lawˇ-eu jeˬ ya lawˇ meh. Aˇ nah kʼoeˇ nah-aˬ, uˬ duˬ tahˬ-eu aˇ nah pyeuꞈ-awˇ, naw maꞈ gaˇ maˬ ya mˇ-a.

Uˬ duˬ 23:39

Naw maꞈ cehˇ laˆ luiˆ gʼaˬ ngeh, ba la shiꞈ siˬ tiˬ siˬ, tseˇ ngaˬ nah-ahˇ aˇ dahˬ beh-awˇ, shiꞈ nah keuˆ ni bawˬ-iˬ heu hmˬ naw maꞈ gʼeh-awˬ. Yaw beh nah-aˬ, naw maꞈ gʼaˬ naˬ ya naˬ-eu aˇ nah pyeuꞈ-eu meh.

Miˇkaˬ 6:9

Sahˬpaˬ Miˬyehˇ-ahˇ guˆ-eu tsawˇ haˬ-aˬ, tsawˇ gahˇ ahˇ-eu tsawˇ haˬ meh. Yeˬluˇsaˬlehˬ meuˬ-ahˇ Sahˬpaˬ Miˬyehˇ guˇ-awˇ ehˇ-eu, “Meuˬ laꞈ kʼoeˇ uiˬ leˇ taˬ-euˬ tsawˇ haˬ deuˬ naˇ haˬ yawˬ.

Zaˬkaˬliˇ 9:15

Baoˬ huiˬ-eu Sahˬpaˬ Miˬyehˇ-aˬ, yawꞈ-euˬ tsawˇ haˬ-ahˇ haw piˇ-awˇ, aˬ yawꞈ-euˬ tsawˇ haˬ kʼoeˇ deuˬ-aˬ, muiˇ-eu deuˬ-ahˇ laˆ cawˆ tehꞈ-a. Jiˇ baˬ yehꞈ-eu tsawˇ haˬ loꞈ-ehˇ, guiˇ deuˆ luꞈ ngeh yawꞈ maꞈ guˇ-awˇ, muiˇ-eu deuˬ-ahˇ shiˬ sehꞈ doˆ ngeh, naˬ bo-ahˇ dahˬ-eu lawˇ-euˬ shiˬ, lawˇ guiˇ kʼoeˇ taˆ shehˆ doˆ gʼeh ngeh, yoeˇ kʼaˇ le gaˇ duˇ leˇ tehꞈ-a.

Bawˇtsahˬ 29:35

Yehꞈ nah tiˬ nah-ahˇ, gaˇ maˬ mˇ ni tiˬ gaˇ uiˬ leˇ-awˇ uˬ duˬ ya tahˬ meh.

Maꞈtehˬ 11:28

“Kʼaˆ behˆ yaw kah pi-awˇ gʼaˬ doeˇ doeˇ-eu tsawˇ haˬ dawˬ tawˆ luꞈ ngaˇ jawˇ gaˇ laˇ-awˬ. Ngaˇ naw maꞈ-ahˇ gʼaˬ naˬ bi naˬ ma.

Maꞈtehˬ 3:3

Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ-euˬ dawˬ heu dawˬ-aˬ, Yoˇhaˬ-ahˇ ehˇ-euˬ dawˬ pyeuꞈ-eu meh. “Bawˇ tsahˬ bawˇ dahˇ laꞈ kʼoeˇ jawˇ-awˇ, heu loꞈ-ehˇ tiˬ gʼaˬ guˇ luꞈ meh. ‘SahˬpaˬMiˬyehˇ oe-eu gʼaˇ duˬ, gaˇ ma lehˬ hmˬ laˆ saˆ taˬ-awˬ. Aˬ yawꞈ oe-eu gaˇ ma tiˬ kahˇ, dawˇ coe ni shaˇ dahˇ doˆ taˬ-awˬ.’ ”

Maꞈtehˬ 5:6

“Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

Yoˇhaˬ 1:23

Yoˇhaˬ ehˇ-eu, “‘SahˬpaˬMiˬyehˇ oe-eu gʼaˇ duˬ gaˇ ma shaˇ dahˇ-awˬ’ lehˇ, bawˇ tsahˬ bawˇ dahˇ laꞈ kʼoeˇ tsawˇ haˬ tiˬ gʼaˬ guˇ tehꞈ-a lehˇ, Miˬyehˇ gʼaˇ duˬ ngehˬ dah-eu Iˇsaˬyaˆ neh ehˇ-euˬ kʼoeˇ ngaˇ ma.”

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Yoˇhaˬ 4:10

Yeˬsuˇ ehˇ-eu, “Miˬyehˇ neh biꞈ leꞈ-euˬ jeˬ hawˇ-eu nawˬ-ahˇ iˇ cuꞈ shaˇ dawˇ-eu gʼaˬ-ahˇ nawˇ siˬ nya law nmˇ-aˬ, nawˇ aˬ yawꞈ-ahˇ iˇ cuꞈ shaˇ dawˇ-awˇ, aˬ yawꞈ nawˬ-ahˇ dehꞈ-eu saꞈ laˇ biꞈ-eu iˇ cuꞈ bi dawˇ laꞈ tehꞈ-a.”

Yoˇhaˬ 4:11

Zaˬ miˬ zaˬ kʼoeˇ gʼaˬ ehˇ-eu, “Saˬ laˬ-oˇ, nawˇ iˇ cuꞈ kʼawꞈ doˆ-eu gʼaˇ duˬ iˇ cuꞈ bahˬ keuˆ maˬ ahˇ-eu uˬ taꞈ, lah duˬ heu duˬ naꞈ dui dui-eu meh. Dehꞈ-eu saꞈ laˇ biꞈ-eu iˇ cuꞈ kʼoeˇ nawˇ aˬ gaˇ kʼawꞈ laˬ-iˇ-eu duˇ teˬ.

Yoˇhaˬ 4:14

Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”

Yoˇhaˬ 5:40

Ehˇ kʼawꞈ, maˇ maˇ ni gʼeh-eu dehꞈ-eu jeˬ-ahˇ za ni, ngaˇ jawˇ gaˇ naw maꞈ maˬ laˇ mawꞈ-a.

Yoˇhaˬ 6:35

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˇ-aˬ, saꞈ laˇ bi dehꞈ-eu kaˬ muˇ ma. Ngaˇ jawˇ gaˇ kʼaˇ laˇ-eu tsawˇ haˬ-aˬ, tiˬ jawˇ-iˬ hawˬ maˬ paˇ mehꞈ-aˇ. Ngaˬ-ahˇ kʼaˇ jah-eu tsawˇ haˬ-aˬ, tiˬ jawˇ-iˬ iˇ cuꞈ maˬ paˇ mehꞈ-aˇ.

Yoˇhaˬ 6:37

Ngaˬ Da neh ngaˬ-ahˇ kʼaˇ biꞈ laꞈ-euˬ tsawˇ haˬ yawˬ gʼaˬ yawˬ na luꞈ ngaˇ jawˇ gaˇ laˇ tehꞈ-a. Ngaˇ jawˇ gaˇ laˇ-eu tsawˇ haˬ aˬ geu gʼaˬ-ahˇ maˬ kaˬ, ngaˇ maˬ ha geuꞈ nehˬ ni maˬ byehˇ.

Yoˇhaˬ 6:55

Aˬ jeˬ miˇ neh ehˇ naˇ, ngaˬ-euˬ shaˬ jiˇ-aˬ, maˇ maˇ ni gʼeh-eu dzaˬ-eu jeˬ pyeuꞈ-awˇ, ngaˬ-euˬ shiˬ-aˬ, maˇ maˇ ni gʼeh-eu dawˇ-eu jeˬ pyeuꞈ-eu ma.

Yoˇhaˬ 7:28

Yeˬsuˇ Uˬ duˬ tahˬ nymˇ nymˇ ma laꞈ kʼoeˇ mehˬ nehˬ tsoˆ nehˬ luꞈ ngeh, teˇ saˇ yaw kʼaˆ-ehˇ heu loꞈ-ehˇ ehˇ-eu meh. “Ngaˇ aˬ suˇ gʼaˬ pyeuꞈ-awˇ aˬ gaˇ neh oe-euˬ naw maꞈ siˬ duˬ ma loˇ. Ngaˇ ngaˬ-euˬ nui noeˬ oe-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-aˬ, yaw tsawˬ yaw dawˇ meh. Naw maꞈ aˬ yawꞈ-ahˇ maˬ siˬ nya-a.

1 Gawˇliˬtu 10:21

Sahˬpaˬ Yeˬsuˇ-euˬ kʼmˬ maˬ hawˇ-eu nehꞈ-euˬ kʼmˬ maˬ heu nyiˬ jeˬ luꞈ-ahˇ naw maꞈ maˬ dawˇ nya-a. Sahˬpaˬ Yeˬsuˇ-euˬ hawˬ jeh hawˇ-eu nehꞈ-euˬ hawˬ jeh heu nyiˬ jeˬ luꞈ-ahˇ naw maꞈ maˬ dzaˬ nya-a.

1 Gawˇliˬtu 10:4

Mˬ taˆ-euˬ iˇ cuꞈ kʼawꞈ tiˬ kawˆ loꞈ-ehˇ dawˇ-euˬ meh. Aˬ yawꞈ maꞈ nehˬ-ehˇ tiˬ kawˆ loꞈ-ehˇ iˇ luꞈ-eu mˬ taˆ-euˬ Kʼaˬ lo-ahˇ neh yoeˇ le-euˬ iˇ cuꞈ aˬ yawꞈ maꞈ dawˇ-euˬ meh. Kʼaˬ lo kʼoeˇ-aˬ, Ka li meh.

1 Gawˇliˬtu 11:25

Kʼoeˇ loꞈ-ehˇ duˇ ni, ciꞈ hawˬ kʼoeˇ byawˇ dzaˬ gʼaˬ ngeh, kʼmˬ maˬ ciˬ-awˇ, “Kʼmˬ maˬ heu-aˬ, ngaˬ-euˬ shiˬ-ahˇ gʼoe-awˇ dzaˬ-eu Miˬyehˇ-euˬ dawˬ ma saˇ jaˇ yaw shuiꞈ pyeuꞈ-eu meh. Naw maꞈ kʼaˇ dawˇ-eu yawˬ poˆ na luꞈ, ngaˬ-ahˇ noeˬ keuˆ-awˇ dawˇ-awˬ” lehˇ ehˇ-euˬ meh.

1 Gawˇliˬtu 12:13

Kʼoeˇ loꞈ-ehˇ duˇ ni, aˬ dui dawˬ tawˆ luꞈ, Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, Yaw sahˇ Miˬyehˇ neh gʼawˇ mawˇ tiˬ mawˇ laꞈ kʼoeˇ iˇ cuꞈ bi shawˇ gʼaˬ-awˇ, aˬ dui dawˬ tawˆ luꞈ Yaw sahˇ Miˬyehˇ tiˬ gʼaˬ-ahˇ tehꞈ-ehˇ dawˇ luꞈ-eu ma.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

Panmaeq 21:6

Aˬ yawꞈ paˇ ehˇ-eu, “Jiˇ-euˬ ma. Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma. Iˇ cuꞈ kʼaˇ mehꞈ-eu tsawˇ haˬ-ahˇ, dehꞈ-eu saꞈ laˇ lawˇ gawˆ-euˬ iˇ cuꞈ yawꞈ ngehꞈ-ehˇ bi dawˇ ma.

Panmaeq 22:1

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ dehꞈ-eu saꞈ laˇ lawˇ baˬ mehˬ nehˬ laꞈ-euˬ meh. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ-ahˇ neh yoeˇ doˆ le-awˇ, doˆ coˆ-ehˇ haw mawˇ nya-eu shawˇ jehˆ ni gʼeh-eu lawˇ baˬ pyeuꞈ-eu meh.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.