Yoˇhaˬ 7:19 - Akha

¹⁹ Moˇseˬ neh naw maꞈ-ahˇ Zahˇ dawˬ kʼoꞈ dawˬ biꞈ yaꞈ-euˬ maˬ ngeuˇ-a loˇ. Ehˇ kʼawꞈ, naw maꞈ tiˬ gʼaˬ-iˬ Zahˇ dawˬ kʼoꞈ dawˬ-ahˇ maˬ caw teh-a. Aˬ jeˬ miˇ neh naw maꞈ ngaˬ-ahˇ sehꞈ-eu lehˇ leh jeh te.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Morseq, nawmaf-anr zanrdawq bif-euq maqngeur-a lor? Aerkhawf, nawmaf tiqghaq-iq zanrdawq-euq maeqnan maq cantae-a. Ngaq-anr aqjeq mirnae saef-eu laer jawq-eu le?”

Yoˇhaˬ 7:19 Iomraidhean Croise

Maꞈtehˬ 12:14

Kʼoeˇ ngeh, Paˬliˬsehˇ deuˬ doˆ-iˇ-awˇ, Yeˬsuˇ-ahˇ sehꞈ-eu gʼaˇ duˬ bawˬ kʼoeˬ-euˬ meh.

Maꞈtehˬ 21:38

Ehˇ kʼawꞈ, aˬ gaꞈ yaˇ kmˇ mˇ paˇ paˆ-eu deuˬ aˬ li kʼoeˇ gʼaˬ-ahˇ ya mawˇ ngeh, heu loꞈ-ehˇ ehˇ-eu meh. ‘Heu gʼaˬ-aˬ, aˬ gaꞈ yaˇ kmˇ yaw sahˇ-euˬ aˬ li ngaˇ. Oe-awˬ, aˬ yawꞈ-ahˇ sehꞈ kaˇ-euˇ. Aˬ yawꞈ-ahˇ oꞈ-eu jeˬ biˇ deuˬ aˬ dui maꞈ za tehꞈ-a.’

Maˬkuˆ 11:18

Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ dawˬ kʼoeˇ dawˬ ya gaˬ ngeh, aˬ yawꞈ-ahˇ sehꞈ-eu gaˇ ma poˆ-euˬ meh. Aˬ jeˬ miˇ neh ehˇ naˇ, tsawˇ haˬ aˇ maꞈ dawˬ tawˆ luꞈ, aˬ yawꞈ neh mehˬ nehˬ tsoˆ nehˬ-euˬ gaˇ zahˬ dui dui leˇ-euˬ meh.

Maˬkuˆ 3:4

Kʼoeˇ naˇ, tsawˇ haˬ kʼoeˇ deuˬ-ahˇ aˬ yawꞈ naˇ haˬ-eu, “Jawˇ nah ngeh nah Zahˇ dawˬ kʼoꞈ dawˬ aˬ dui-ahˇ aˬ geu jeˬ bi mˇ laꞈ taˬ. Yaw muiˬ jeˬ bi mˇ laꞈ taˬ loˇ. Maˬ muiˬ-eu jeˬ bi maˇ laꞈ taˬ loˇ. Aˬ cawˬ-euˬ saꞈ laˇ-ahˇ ka kʼoꞈ-eu jeˬ bi mˇ laꞈ taˬ loˇ. Aˬ cawˬ-ahˇ sehꞈ-eu jeˬ bi mˇ laꞈ taˬ loˇ.” Ehˇ kʼawꞈ, tsawˇ haˬ kʼoeˇ deuˬ dawˬ maˬ tmˇ-a.

Maˬkuˆ 3:6

Kʼoeˇ ngeh, Paˬliˬsehˇ deuˬ uˬ duˬ tahˬ nymˇ laꞈ kʼoeˇ neh doˆ-iˇ-awˇ, Heˬloˆ aˇ muˇ laꞈ kʼoeˇ uˇ-eu tsawˇ haˬ deuˬ nehˬ-ehˇ tahˬ dzoeˇ-awˇ, Yeˬsuˇ-ahˇ sehꞈ-eu gʼaˇ duˬ bawˬ dzaˬ-euˬ meh.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Yoˇhaˬ 10:39

Kʼoeˇ ngeh, aˬ yawꞈ maꞈ Yeˬsuˇ-ahˇ nyehꞈ-eu lehˇ paˇ leh jeh-eu meh. Ehˇ kʼawꞈ, aˬ yawꞈ maꞈ neh maˬ bi nyehꞈ mi ni law-iˇ-euˬ meh.

Yoˇhaˬ 11:53

Kʼoeˇ ngeh nah neh dahˬ beh-awˇ, Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ sehꞈ-eu gʼaˇ duˬ lehˬ hmˬ-euˬ meh.

Yoˇhaˬ 5:16

Kʼoeˇ ngeh neh naˇ, aˬ yawꞈ maꞈ Yeˬsuˇ-ahˇ laˆ shaˬ-eu jeˬ aˇ dahˬ beh-euˬ meh. Aˬ jeˬ miˇ neh ehˇ naˇ, Jawˇ nah ngeh nah aˬ yawꞈ aˬ cawˬ-ahˇ naˇ gawˇ laˆ taˬ nehˬ-euˬ meh.

Yoˇhaˬ 5:18

Aˬ yawꞈ kʼoeˇ loꞈ-ehˇ ehˇ-eu miˇ neh, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ-eu gʼaˇ duˬ noeˬ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ, Jawˇ nah-ahˇ maˬ mˇ kʼmˬ-eu jeˬ mˇ-eu tehꞈ-ehˇ maˬ loꞈ ni, Miˬyehˇ-aˬ aˬ yawꞈ-euˬ Aˬ da ma lehˇ ehˇ-eu laꞈ kʼoeˇ, Miˬyehˇ hawˇ-eu aˬ yawꞈ tiˬ kawˆ ma lehˇ ehˇ gaˇ duˇ leˇ-euˬ meh.

Yoˇhaˬ 5:45

Ngaˇ-aˬ, naw maꞈ-euˬ yaw lehˬ Ngaˬda-ahˇ ja mehˬ leˇ-eu gʼaˬ meh lehˇ taˬ noeˬ. Naw maꞈ noeˬ tmˬ-awˇ nui ma huiˬ taˬ-euˬ Moˇseˬ-aˬ, naw maꞈ-euˬ yaw lehˬ Ngaˬda-ahˇ ja mehˬ leˇ tehꞈ-a.

Yoˇhaˬ 7:1

Kʼoeˇ naˇ, Gaˬliˬlehˇ miˇ kʼahˬ-ahˇ Yeˬsuˇ cah-euˬ meh. Yuˇdaˆ miˇ kʼahˬ-ahˇ aˬ yawꞈ maˬ cah mawꞈ-a. Aˬ jeˬ miˇ neh ehˇ naˇ, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ mawꞈ-eu meh.

Yoˇhaˬ 7:25

Yeˬluˇsaˬlehˬ meuˬ-ahˇ jawˇ-eu tsawˇ haˬ tiˬ paˆ na deuˬ ehˇ-eu, “Aˬ yuiꞈ aˬ tsu deuˬ sehꞈ-eu lehˇ poˆ luꞈ-eu kʼoeˇ heu gʼaˬ-ahˇ poˆ-eu maˬ ngeuˇ-a loˇ.

Gʼaˬkʼehˇ 7:38

Iˇsaˬleˬlaˆ tsawˇ haˬ deuˬ bawˇ tsahˬ bawˇ dahˇ kʼaˇ shuiꞈ deh yaˇ-ahˇ uiˬ leˇ-awˇ jawˇ ngeh, aˬ yawꞈ maꞈ nehˬ-ehˇ jawˇ-euˬ kʼoeˇ gʼaˬ Moˇseˬ meh. Aˬ dui-euˬ aˬ poeˬ aˬ bawˇ deuˬ nehˬ-ehˇ jawˇ-euˬ kʼoeˇ gʼaˬ aˬ yawꞈ meh. Siˇnaˆ Gawˬ jawˬ-ahˇ mˬ taˆ gʼaˬ kʼehˇ dawˬ ngehˬ cawˬ le ngeh jawˇ-euˬ gʼaˬ kʼawꞈ, aˬ yawꞈ meh. Aˬ dui-ahˇ biꞈ-eu gʼaˇ duˬ Miˬyehˇ dawˬ kawˬ za-euˬ gʼaˬ kʼawꞈ, aˬ yawꞈ meh.

Gaˬlaˬtiˆ 3:19

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ aˬ jeˬ-euˬ gʼaˇ duˬ pyeuꞈ ta. Kʼoeˇ-aˬ, mˇ lehˬ-euˬ jeˬ-ahˇ bi siˬ nya-eu gʼaˇ duˬ biꞈ lahˬ laꞈ-euˬ jeˬ pyeuꞈ-awˇ, Miˬyehˇ neh saˇ jaˇ dzaˬ taˬ-euˬ gʼaˬ pyeuꞈ-eu Aˬbyaˬhaˬ-euˬ zaˬ kʼoeˇ gʼaˬ oe keuˆ ngeh keuˆ ni bi zmˬ-eu gʼaˇ duˬ biꞈ taˬ-euˬ jeˬ pyeuꞈ-eu meh. Zahˇ dawˬ kʼoꞈ dawˬ-aˬ, mˬ taˆ gʼaˬ kʼehˇ neh hehˇ ka leꞈ-awˇ, tsawˇ kaˬ tiˬ gʼaˬ-ahˇ neh tiˬ tiˆ biꞈ nehˬ le-euˬ jeˬ pyeuꞈ-eu meh.

Gaˬlaˬtiˆ 6:13

Baˆ kʼoˆ mehˬ dzaˬ yehˬ-euˬ tsawˇ haˬ deuˬ kʼawꞈ, Zahˇ dawˬ kʼoꞈ dawˬ mehˬ nah maˬ caw teh-a. Shiˬ shaˬ jiˇ gʼawˇ mawˇ-ahˇ taꞈ-eu zahˇ heu hmˬ-ahˇ naw maꞈ mˇ ni aˬ yawꞈ maꞈ jahˇ nya ma lehˇ kʼahˬ sehˇ jehˆ mawꞈ-eu miˇ neh, naw maꞈ-ahˇ baˆ kʼoˆ mehˬ dzaˬ bi yehˬ mawꞈ-eu meh.

Dawˬmehˬ 1:17

Yaˇ kʼaˬ daˇ ngeh, myaˆ pyawˬ huiˬ nyiˇ taˬ tseˇ. Aˬ joˆ-ehˇ gʼeh-eu tsawˇ haˬ-ahˇ maˬ kaˬ, daˇ nehˬ-awˬ. Tsawˇ haˬ tiˬ gʼaˬ-ahˇ-iˬ taˬ guˆ. Aˬ jeˬ miˇ neh ehˇ naˇ, naw maꞈ neh yaˇ kʼaˬ daˇ-euˬ kʼoeˇ-aˬ, Miˬyehˇ neh daˇ-euˬ jeˬ pyeuꞈ-eu meh. Naw maꞈ gʼaˇ duˬ aˇ dzehˬ-ehˇ shaˬ-eu gaˇ doˆ laˇ naˇ, ngaˇ jawˇ gaˇ laˇ-awˬ. Ngaˇ jahˇ jiˇ nehˬ ma.

Dawˬmehˬ 33:4

Moˇseˬ neh aˬ dui-ahˇ biꞈ-euˬ, aˬ dui gʼaˇ duˬ poeˬ dui dui-eu, Zahˇ dawˬ kʼoꞈ dawˬ-ahˇ caw teh ma.