Yoˇhaˬ 7:15 - Akha

¹⁵ Yuˇdaˆ tsawˇ haˬ aˬ yuiꞈ aˬ tsu deuˬ zahˬ leˇ-awˇ ehˇ-eu, “Tsawˇ haˬ heu gʼaˬ tiˬ jeˬ-iˬ maˬ ya dzaw haw-euˬ gaˇ, aˇ naˆ naˆ-ehˇ siˬ nya-eu nga teu.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Yurdav tsawrhaq zanqler-awr aer-eu, “Tsawrhaq teughaq-aq, sanqbof maq dzawhaw-euq gar nae, sanqbof aqjox-aer siqnya-eu nga?”

Yoˇhaˬ 7:15 Iomraidhean Croise

Iˇsaˬyaˇ 29:12

Sahˬ boꞈ maˬ gui nya-eu tsawˇ haˬ jawˇ gaˇ yuˇ gʼeh-awˇ paˇ bi gui haw ngeh, “Ngaˇ sahˬ boꞈ maˬ siˬ nya nya” lehˇ ehˇ tehꞈ-a.

Maꞈtehˬ 13:54

aˬ yawꞈ jawˇ-eu meuˬ-ahˇ gʼoꞈ leˇ-euˬ meh. Aˬ yawꞈ uˬ duˬ tahˬ nymˇ laꞈ kʼoeˇ mehˬ nehˬ tsoˆ nehˬ gʼaˬ ngeh, ya gaˬ-euˬ tsawˇ haˬ deuˬ zahˬ leˇ-awˇ, heu loꞈ-ehˇ ehˇ-eu meh. “Heu loꞈ-ehˇ gʼeh-eu zaˬ siˬ tsawˇ gahˇ deuˬ aˬ yawꞈ aˬ gaˇ neh za-euˬ nga. Zahˬ leˇ paˬ-ehˇ gʼeh-eu gaˇ heu deuˬ aˬ yawꞈ aˬ joˆ-ehˇ mˇ nya-eu nga.

Maꞈtehˬ 22:22

Dawˬ kʼoeˇ dawˬ-ahˇ aˬ yawꞈ maꞈ ya gaˬ ngeh, zahˬ leˇ jiˇ-awˇ, Yeˬsuˇ jawˇ gaˇ neh doˆ-iˇ-euˬ meh.

Maꞈtehˬ 22:33

Yeˬsuˇ kʼoeˇ loꞈ-ehˇ ehˇ gaˇ tsawˇ haˬ aˇ maꞈ maꞈ ma ya gaˬ ngeh, aˬ yawꞈ mehˬ nehˬ tsoˆ nehˬ gaˇ zahˬ dui dui leˇ-euˬ meh.

Luˇkaꞈ 2:47

Aˬ yawꞈ ehˇ gaˇ kʼaˇ ya gaˬ-euˬ tsawˇ haˬ dawˬ tawˆ luꞈ, aˬ yawꞈ-euˬ zaˬ siˬ tsawˇ gahˇ hawˇ-eu aˬ yawꞈ neh ngehˬ kʼoꞈ tmˇ kʼoꞈ-euˬ dawˬ deuˬ-ahˇ zahˬ dui dui leˇ-eu meh.

Luˇkaꞈ 4:22

Aˬ yawꞈ maꞈ dawˬ tawˆ luꞈ aˬ yawꞈ-ahˇ ja ceuˬ-eu meh. Aˬ yawꞈ-euˬ kʼaˬ meh-ahˇ ngehˬ doˆ laꞈ-euˬ muiˬ dui dui-eu dawˬ deuˬ-ahˇ aˬ yawꞈ maꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yoˇsehˆ-euˬ aˬ li maˬ ngeuˇ-a loˇ.”

Yoˇhaˬ 1:19

Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ neh, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Yoˇhaˬ jawˇ gaˇ kʼehˇ gʼeh-awˇ, “Nawˇ aˬ suˇ gʼaˬ te” lehˇ bi naˇ haˬ-iˇ-euˬ meh.

Yoˇhaˬ 7:11

Yuˇdaˆ tsawˇ haˬ aˬ yuiꞈ aˬ tsu deuˬ, “Aˬ yawꞈ aˬ gaˇ jawˇ ta” lehˇ naˇ haˬ naˇ haˬ-ehˇ, Bawˬ-iˬ laꞈ kʼoeˇ Yeˬsuˇ-ahˇ poˆ luꞈ-eu meh.

Yoˇhaˬ 7:13

Ehˇ kʼawꞈ, Yuˇdaˆ tsawˇ haˬ aˬ yuiꞈ aˬ tsu deuˬ-ahˇ gaˬ leˇ gaˇ guˆ-eu miˇ neh, tiˬ gʼaˬ-iˬ bya cehˆ ni maˬ ja doˆ peuˬ-a.

Yoˇhaˬ 7:46

Yehˇ kʼoeˇ deuˬ ehˇ-eu, “Tsawˇ haˬ tiˬ gʼaˬ-iˬ tsawˇ haˬ heu gʼaˬ loꞈ-ehˇ dawˬ ngehˬ-eu maˬ gaˬ haw-aˬ.”

Gʼaˬkʼehˇ 26:24

Pawˇluˆ aˬ yawꞈ-euˬ gaˇ kawˆ ngehˬ kʼoꞈ-awˇ kʼoeˇ loꞈ-ehˇ dzawˇ luꞈ ngeh, sahˬ paˬ Beˬtuˇ aˬ yawꞈ-ahˇ guˇ-awˇ ehˇ-eu, “Pawˇluˆ-oˇ, nawˇ uˬ tsehˆ-euˬ ngaˇ. Nawˇ tsawˇ gahˇ aˇ dzehˬ dzaw dzeuˇ-awˇ dzaw uˬ-euˬ ngaˇ.”

Gʼaˬkʼehˇ 4:13

Beˬtuˆluˆ hawˇ-eu Yoˇhaˬ aˬ nyaꞈ zaˬ siˬ tsawˇ gahˇ maˬ ya dzaw haw-euˬ dahˇ taˆ zaˬ pyeuꞈ kʼawꞈ, kʼoeˇ loꞈ-ehˇ kʼaˬ duˬ ni ngehˬ gaˇ tmˇ gaˇ, Baꞈ dzah aˇ muˇ laꞈ kʼoeˇ uˇ-eu aˬ yuiꞈ aˬ tsu deuˬ zahˬ leˇ-euˬ meh. Kʼoeˇ mi neh, aˬ yawꞈ nyaꞈ Yeˬsuˇ nehˬ-ehˇ jawˇ haw-euˬ tsawˇ haˬ pyeuꞈ-eu ngaˇ lehˇ aˬ yawꞈ maꞈ siˬ duˬ-euˬ meh.

1 Saˬmeuˬlaˆ 10:11

Aˬ yawꞈ kʼoeˇ loꞈ-ehˇ gʼeh luꞈ gaˇ aˬ yawꞈ-ahˇ siˬ nya-eu tsawˇ haˬ deuˬ ya mawˇ ngeh, “Giˇshaˆ-euˬ aˬ li aˬ jeˬ pyeuꞈ-iˇ-euˬ nga lehˇ haw sheˇ. Sawˇluˆ gʼeh Miˬyehˇ gʼaˇ duˬ ngehˬ dah-eu tsawˇ haˬ pyeuꞈ tsehˆ shaw taˬ loˇ” lehˇ, tiˬ gʼaˬ tiˇ gʼaˬ naˇ haˬ-eu meh.