Yoˇhaˬ 7:14 - Akha

¹⁴ Bawˬ-iˬ gʼeh-eu aˇ nah aˇ yamˬ tiˬ paˆ jiˇ leˇ ngeh, Yeˬsuˇ Uˬ duˬ tahˬ nymˇ nymˇ ma-ahˇ le-awˇ mehˬ nehˬ tsoˆ nehˬ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Yawbui bui-eu tiqpav pavlar ngae, Yeqsur, uqduq tanqnymr nymrma-anr le-awr maeqnaeq tsovnaeq-euq mae.

Yoˇhaˬ 7:14 Iomraidhean Croise

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

Bawˇtsahˬ 29:17

Nyiˬ nah tiˬ nah-ahˇ maˇ byawꞈ maˬ baw-eu mawˇ neˇ mawˇ gaw zaˬ tseˇ nyiꞈ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ tseˇ oeˬ mawˇ ya lawˇ meh.

Bawˇtsahˬ 29:20

Smˬ nah tiˬ nah-ahˇ, maˇ byawꞈ maˬ baw-eu mawˇ neˇ mawˇ gaw zaˬ tseˇ tiꞈ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ tseˇ oeˬ mawˇ ya lawˇ meh.

Maꞈtehˬ 21:12

Uˬ duˬ tahˬ nymˇ nymˇ ma laꞈ kʼoeˇ Yeˬsuˇ uˇ leˇ-awˇ, ahˬ taꞈ zeuˇ taꞈ luꞈ-eu tsawˇ haˬ dawˬ tawˆ luꞈ-ahˇ teh doˆ-euˬ meh. Pyuˇ dawˬ paˇ-eu tsawˇ haˬ deuˬ-euˬ hawˬ jeh hawˇ-eu, lawˇ-eu shehˇ-eu yaˇ miˇ kʼaˬ kʼoeˬ ahˬ-eu tsawˇ haˬ deuˬ-euˬ nuiˇ mahˬ deuˬ, aˬ yawꞈ ngawˬ dzeh nehˬ-euˬ meh.

Maꞈtehˬ 26:55

Kʼoeˇ naˇ, tsawˇ haˬ aˇ maꞈ kʼoeˇ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Smˇ kʼoeˬ tahˇ joe-ahˇ nyehꞈ-eu loꞈ-ehˇ, naw maꞈ mi cehˇ hawˇ-eu daˇ kawˬ baꞈ-awˇ ngaˬ-ahˇ ya nyehꞈ le ta loˇ. Uˬ duˬ tahˬ nymˇ nymˇ ma laꞈ kʼoeˇ ngaˇ yawˬ nah na luꞈ nuiˇ-awˇ mehˬ nehˬ tsoˆ nehˬ luꞈ kʼawꞈ, naw maꞈ ngaˬ-ahˇ maˬ nyehꞈ le-a.

Luˇkaꞈ 19:47

Yawˬ nah na luꞈ, Uˬ duˬ tahˬ nymˇ nymˇ ma laꞈ kʼoeˇ Yeˬsuˇ mehˬ nehˬ tsoˆ nehˬ-euˬ meh. Piˇ ma aˬ yuiꞈ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, miˇ kʼahˬ zaˬ-euˬ aˬ yuiꞈ aˬ tsu deuˬ, aˬ yawꞈ-ahˇ sehꞈ mawꞈ-eu meh.

Yoˇhaˬ 18:20

Yeˬsuˇ ehˇ-eu, “Ngaˇ aˬ cawˬ-ahˇ dawˬ kʼaˇ ngehˬ cawˬ ngeh, tsawˇ haˬ gʼawˬ mya ni jawˇ-eu mehˬ shi bya cehˆ ni ngehˬ cawˬ-euˬ ma. Tsawˇ haˬ dawˬ tawˆ luꞈ uiˬ laˇ-eu jawˇ duˬ pyeuꞈ-eu uˬ duˬ tahˬ nymˇ deuˬ hawˇ-eu, Uˬ duˬ tahˬ nymˇ nymˇ ma laꞈ kʼoeˇ tehꞈ-ehˇ ngaˇ mehˬ-euˬ tsoˆ-euˬ ma. Yaw zaꞈ-ahˇ ngehˬ kʼoeˬ tmˇ kʼoeˬ-euˬ tiˬ jeˬ-iˬ maˬ jaˆ.

Yoˇhaˬ 5:14

Kʼoeˇ naˇ kʼah, Uˬ duˬ tahˬ nymˇ nymˇ ma-euˬ lahˇ laꞈ kʼoeˇ tsawˇ haˬ kʼoeˇ gʼaˬ-ahˇ Yeˬsuˇ paˇ tahˬ puˬ-awˇ ehˇ nehˬ-eu, “Naˇ haˬ sheˇ. Nymˬ-mˇ nawˇ jawˇ saˇ doˆ laˇ-euˬ meh. Teu miˇ neh iˬ baˇ taˬ paˇ mˇ. Maˬ ngeuˇ naˇ yaw beh naˆ maˬ tseˇ nawˇ paˇ ya shaˬ tehꞈ-a.”

Yoˇhaˬ 7:2

Sehˬ gʼawˆ-euˬ Bawˬ-iˬ gʼeh-eu aˇ yamˬ peh laˇ-euˬ meh.

Yoˇhaˬ 7:28

Yeˬsuˇ Uˬ duˬ tahˬ nymˇ nymˇ ma laꞈ kʼoeˇ mehˬ nehˬ tsoˆ nehˬ luꞈ ngeh, teˇ saˇ yaw kʼaˆ-ehˇ heu loꞈ-ehˇ ehˇ-eu meh. “Ngaˇ aˬ suˇ gʼaˬ pyeuꞈ-awˇ aˬ gaˇ neh oe-euˬ naw maꞈ siˬ duˬ ma loˇ. Ngaˇ ngaˬ-euˬ nui noeˬ oe-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-aˬ, yaw tsawˬ yaw dawˇ meh. Naw maꞈ aˬ yawꞈ-ahˇ maˬ siˬ nya-a.

Yoˇhaˬ 7:37

Sehˬ gʼawˆ-euˬ Bawˬ-iˬ gʼeh-eu aˇ saˬ saˬ-eu aˇ nah pyeuꞈ-eu huiˬ dui dui-eu aˇ nah kʼoeˇ nah-ahˇ, Yeˬsuˇ tuˇ -awˇ, teˇ saˇ yaw kʼaˆ kʼaˆ-ehˇ -ehˇ-eu, “Iˇ cuꞈ kʼaˇ mehꞈ-eu tsawˇ haˬ ngaˇ jawˇ gaˇ laˇ-awˇ dawˇ laˇ-awˬ.

Yoˇhaˬ 8:2

Yawˬ nah yawˬ uˬ shawˬ yaw naꞈ-ehˇ Uˬ duˬ tahˬ nymˇ nymˇ ma-ahˇ aˬ yawꞈ le-euˬ meh. Tsawˇ haˬ dawˬ tawˆ luꞈ aˬ yawꞈ jawˇ gaˇ uiˬ laˇ-awˇ, aˬ yawꞈ nuiˇ-awˇ aˬ yawꞈ maꞈ-ahˇ mehˬ nehˬ tsoˆ nehˬ-euˬ meh.

Yoˇhaˬ 8:20

Yeˬsuˇ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ daˬ bahˬ keuˆ deuˬ baꞈ taˬ-euˬ lawˆ-ahˇ jawˇ-awˇ, gaˇ kawˆ kʼoeˇ deuˬ mehˬ nehˬ tsoˆ nehˬ-euˬ meh. Ehˇ kʼawꞈ, tsawˇ haˬ tiˬ gʼaˬ-iˬ aˬ yawꞈ-ahˇ maˬ nyehꞈ-a. Aˬ jeˬ miˇ neh ehˇ naˇ, aˬ yawꞈ-euˬ aˇ yamˬ maˬ keuˆ laˇ-euˬ miˇ neh meh.