Yoˇhaˬ 7:13 - Akha

¹³ Ehˇ kʼawꞈ, Yuˇdaˆ tsawˇ haˬ aˬ yuiꞈ aˬ tsu deuˬ-ahˇ gaˬ leˇ gaˇ guˆ-eu miˇ neh, tiˬ gʼaˬ-iˬ bya cehˆ ni maˬ ja doˆ peuˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aerkhawf, aqyawfmaf, Yurdav tsawrhaq-anr guv-eu mirnae, tiqghaq-iq Yeqsur-euq garkawv byacaevni maq japeuq-a.

Yoˇhaˬ 7:13 Iomraidhean Croise

Dawqdaq 29:25

Tsawˇ haˬ zaˬ neh maˬ bi noeˬ doeˇ ni dehꞈ-eu jeˬ guˆ kʼaˇ za-awˇ, Sahˬpaˬ Miˬyehˇ-euˬ nui kʼahˇ dehꞈ byah-eu jeˬ nui saˇ oꞈ-eu meh.

Yoˇhaˬ 19:38

Kʼoeˇ naˇ, Aˬliˇmaꞈtehˬ meuˬ-ahˇ jawˇ-eu Yoˇsehˆ kʼoeˇ gʼaˬ, Yeˬsuˇ-euˬ gʼawˇ mawˇ baꞈ kʼoꞈ gʼeh-eu gʼaˇ duˬ, sahˬ paˬ Piˇlaˆ-ahˇ shaˇ leˇ-euˬ meh. Yoˇsehˆ kʼoeˇ gʼaˬ-aˬ, Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh, Yeˬsuˇ-euˬ zaˬ lahˇ ciˬ cuˇ ni geuꞈ kʼoeˬ taˬ-euˬ tsawˇ haˬ meh. Yeˬsuˇ-euˬ gʼawˇ mawˇ baꞈ kʼoꞈ gʼeh-eu gʼaˇ duˬ sahˬ paˬ Piˇlaˆ neh aˬ yawꞈ-ahˇ aˬ kawˬ-aˬ biꞈ-euˬ miˇ neh, aˬ yawꞈ le-awˇ, baꞈ kʼoꞈ laˬ leˇ-euˬ meh.

Yoˇhaˬ 20:19

Tiˬ jaw laꞈ kʼoeˇ aˇ dahˬ beh-eu aˇ nah pyeuꞈ-eu kʼoeˇ ngeh nah uˬ ciꞈ paw, zaˬ lahˇ deuˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh, tiˬ gaˇ uiˬ leˇ jiˇ-awˇ, laˇ gʼoˆ sehˬ sehˬ tehˬ-awˇ jawˇ-eu meh. Kʼoeˇ ngeh, Yeˬsuˇ aˬ yawꞈ maꞈ jawˇ gaˇ yawꞈ le-awˇ, “Naw maꞈ nui saˇ oꞈ luꞈ-uˇ” lehˇ ehˇ le-euˬ meh.

Yoˇhaˬ 3:2

Tiˬ miˇ-aˬ, Yeˬsuˇ jawˇ gaˇ aˬ yawꞈ le-awˇ, heu loˬ-ehˇ ehˇ nehˬ-euˬ meh. “Saˬ laˬ-oˇ, nawˇ-aˬ Miˬyehˇ neh kʼehˇ gʼeh leꞈ-euˬ saˬ laˬ tiˬ gʼaˬ meh lehˇ nga maꞈ siˬ nya ma. Miˬyehˇ aˬ yawꞈ laꞈ kʼoeˇ maˬ jawˇ naˇ, tsawˇ haˬ tiˬ gʼaˬ-iˬ nawˬ neh mˇ-euˬ kʼaˆ jeˬ-ehˇ gʼeh-eu heu jeˬ maˬ mˇ mehˬ nya-aˇ.”

Yoˇhaˬ 7:1

Kʼoeˇ naˇ, Gaˬliˬlehˇ miˇ kʼahˬ-ahˇ Yeˬsuˇ cah-euˬ meh. Yuˇdaˆ miˇ kʼahˬ-ahˇ aˬ yawꞈ maˬ cah mawꞈ-a. Aˬ jeˬ miˇ neh ehˇ naˇ, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ mawꞈ-eu meh.

Yoˇhaˬ 7:11

Yuˇdaˆ tsawˇ haˬ aˬ yuiꞈ aˬ tsu deuˬ, “Aˬ yawꞈ aˬ gaˇ jawˇ ta” lehˇ naˇ haˬ naˇ haˬ-ehˇ, Bawˬ-iˬ laꞈ kʼoeˇ Yeˬsuˇ-ahˇ poˆ luꞈ-eu meh.

Yoˇhaˬ 7:15

Yuˇdaˆ tsawˇ haˬ aˬ yuiꞈ aˬ tsu deuˬ zahˬ leˇ-awˇ ehˇ-eu, “Tsawˇ haˬ heu gʼaˬ tiˬ jeˬ-iˬ maˬ ya dzaw haw-euˬ gaˇ, aˇ naˆ naˆ-ehˇ siˬ nya-eu nga teu.”

Yoˇhaˬ 9:22

Aˬ da aˬ ma kʼoeˇ nyiˬ gʼaˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh kʼoeˇ loꞈ-ehˇ ehˇ-eu meh. Aˬ jeˬ miˇ neh ehˇ naˇ, Yeˬsuˇ-ahˇ Meˬsiˇya meh lehˇ kʼaˇ jah-eu tsawˇ haˬ deuˬ-ahˇ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh-eu gʼaˇ duˬ, Yuˇdaˆ tsawˇ haˬ aˬ yuiꞈ aˬ tsu deuˬ neh bawˬ tsehˆ taˬ-euˬ meh.

Yoˇhaˬ 9:34

Aˬ yawꞈ maꞈ aˬ yawꞈ-ahˇ ehˇ-eu, “Nawˇ loꞈ-ehˇ gʼeh-eu iˬ baˇ laꞈ kʼoeˇ dehꞈ le-awˇ huiˬ laˇ-euˬ tsawˇ haˬ tiˬ gʼaˬ nga maꞈ-ahˇ paˇ mehˬ paˇ tsoˆ-eu gʼeh te loˇ.” Kʼoeˇ naˇ, aˬ yawꞈ-ahˇ Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh nehˬ-euˬ meh.

Panmaeq 2:13

Nawˇ aˬ gaˇ jawˇ-eu ngaˇ siˬ nya ma. Nehꞈ Saˬdaˬ-euˬ dzoeˬ dzaˬ nuiˇ mahˬ jaˆ gaˇ nawˇ jawˇ-eu meh. Nawˇ ngaˬ-ahˇ saˇ jaˇ ziꞈ-eu meh. Saˇ jaˇ ziꞈ-eu ngaˬ-euˬ gaˇ kawˆ saˇ kiˇ kamˬ-eu gʼaˬ pyeuꞈ-eu Aˬdiˇpaˆ-ahˇ nehꞈ Saˬdaˬ jawˇ gaˇ sehꞈ ngeh kʼawꞈ, ngaˬ-ahˇ jah-eu jeˬ-ahˇ nawˇ maˬ byehˇ dzeh-aˬ.