Yoˇhaˬ 6:9 - Akha

⁹ “Lawˬ loeˇ neh jahˇ taˬ-euˬ kaˬ muˇ ngaˬ yaˆ hawˇ-eu ngaˬ shaˬ nyiˬ mawˇ pi luꞈ-eu aˬ li tiˬ li jawˇ meh. Ehˇ kʼawꞈ, tsawˇ haˬ heu deuˬ-ahˇ aˬ joˆ-ehˇ jahˇ-awˇ biˇ oꞈ nehˬ nya nmˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ “Heugar aqlizaq tiq ghaq lawqloer kaqmur ngaq siq hawr-eu ngaqshaq nyiq mawr anrluf ngar-a. Aerkhawf, tsawrhaq heumyav myav-aer ghae-eu gar aqjox-aer birlof naeqnya nmr-mq?”

Yoˇhaˬ 6:9 Iomraidhean Croise

1 Sahˬpaˬ 4:28

Miˇ kʼahˬ kʼahˬ zaˬ kʼoeˇ deuˬ kʼoeˇ taˆ haw luꞈ pyaˆ luꞈ-eu sahˬ paˬ sahˬ ma aˬ yawꞈ gʼaˬ yawꞈ, yawˬ ha-ahˇ kʼaˇ daˇ-eu loꞈ-ehˇ, laˆ lawˬ gʼeu-eu mahˬ deuˬ hawˇ-eu mahˬ nui deuˬ bi dzaˬ-eu gʼaˇ duˬ, kʼaˇ loˬ-eu tsahˇ-ahˇ lawˬ loeˇ hawˇ-eu gʼoˆ yoeˬ tawˬ ha nehˬ-euˬ meh.

2 Sahˬpaˬ 7:1

Eˇliˇshehˇ ehˇ-eu, “Sahˬpaˬ Miˬyehˇ-euˬ dawˬ-ahˇ naˇ haˬ sheˇ. Ni shawˬ nah heu yamˬ-ahˇ, Saˬmaˬliˆ meuˬ laꞈ kʼoeˇ muiˬ dui dui-eu cehˇ pyuˇ smˇ pehˬ-euˬ pyuˇ maˇ byaˆ tiˬ byaˆ-ahˇ keuˆ ni ga le-awˇ, lawˬ loeˇ koꞈ pehˬ-euˬ tiˬ byaˆ-ahˇ keuˆ ni ga le tehꞈ-a.”

Jaceuq 147:14

Nawˬ-euˬ miˇ kʼahˬ-ahˇ nui saˇ oꞈ-eu jeˬ aˬ yawꞈ neh bi keuˆ le-awˇ, nawˬ-euˬ nui kʼahˇ tiˬ shiˇ muiˬ dui dui-eu cehˇ bi za le-euˬ meh.

Jaceuq 78:19

Miˬyehˇ-ahˇ coeˬ leˇ-eu dawˬ aˬ yawꞈ maꞈ ngehˬ-awˇ, heu loꞈ-ehˇ ehˇ-euˬ meh. “Kʼaˇ shuiꞈ deh ga laꞈ kʼoeˇ Miˬyehˇ hawˬ bi dzaˬ laꞈ nya meh loˇ.

Jaceuq 78:41

Miˬyehˇ-ahˇ tiˬ poˆ saˇ-iˬ tiˬ poˆ aˬ yawꞈ maꞈ lawˬ haw-awˇ, Iˇsaˬleˬlaˆ-euˬ Muiˬ-eu shawˇ-eu Miˬyehˇ-ahˇ nui ma shaˬ zahˬ bi mˇ-euˬ meh.

Jaceuq 81:16

Ehˇkʼawꞈ ngaˇ naw maꞈ-ahˇ, muiˬ dui dui-eu cehˇ bi dzaˬ-awˇ, lo guˇ byaˬ uiˇ bi dawˇ dehˆ ma.”

Yeˬsaˬgeˬlaˇ 27:17

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ-aˬ, cehˇ, byaˬ byaˬ uiˇ, saˬ loˬ tsiˇ hawˇ-eu tsiˇ yaw saw gʼawˬ mya jeˬ yuˇ leꞈ-awˇ, nawˬ-euˬ myawˬ gahˬ deuˬ paˇ geuꞈ le-eu meh.

Maꞈtehˬ 14:17

Zaˬ lahˇ deuˬ ehˇ-eu, “Nga maꞈ kaˬ muˇ ngaˬ yaˆ hawˇ-eu ngaˬ shaˬ nyiˬ mawˇ ahˇ-eu tehꞈ ma.”

Maꞈtehˬ 16:9

Naw maꞈ iˬ nah keuˆ ni maˬ gʼoˆ shaw-ehˇ jawˇ te siˬ loˇ. Tsawˇ haˬ ngaˬ heˇ gʼaˬ gʼaˇ duˬ ngaˬ neh kaˬ muˇ ngaˬ yaˆ ngawˬ pyehˬ-awˇ, naw maꞈ kʼaˆ puˬ aˇ myaˆ puˬ gʼoˆ byah-euˬ gaˇ kawˆ ngehˇ jiˇ maˬ loˇ.

Maˬkuˆ 6:38

Yeˬsuˇ aˬ yawꞈ maꞈ-ahˇ ehˇ nehˬ-eu, “Naw maꞈ kaˬ muˇ aˇ myaˆ yaˆ ahˇ te. Tiˬ poˆ haw-iˇ sheˇ.” Aˬ yawꞈ maꞈ poˆ haw-iˇ-awˇ ehˇ-eu, “Kaˬ muˇ ngaˬ yaˆ hawˇ-eu ngaˬ shaˬ nyiˬ mawˇ ahˇ-eu tehꞈ nga.”

Maˬkuˆ 8:19

Ngaˇ kaˬ muˇ ngaˬ yaˆ ngawˬ pyehˬ-awˇ tsawˇ haˬ ngaˬ heˇ gʼaˬ-ahˇ bi dzaˬ ngeh, maˬ dzaˬ jiˇ coeˇ-ehˇ dzeˇ laˇ-euˬ deuˬ naw maꞈ gʼoˆ uiˬ-euˬ kʼoeˇ, kʼaˆ puˬ aˇ myaˆ puˬ byah laˇ taˬ.” Aˬ yawꞈ maꞈ ehˇ-eu, “Tseˇ nyiꞈ puꞈ byah laˇ-euˬ meh.”

Luˇkaꞈ 9:13

Ehˇ kʼawꞈ, Yeˬsuˇ aˬ yawꞈ maꞈ-ahˇ ehˇ-eu, “Naw maꞈ aˬ yawꞈ maꞈ-ahˇ tiˬ jeˬ paˬ biꞈ-awˇ bi dzaˬ-awˬ.” Aˬ yawꞈ maꞈ ehˇ-eu, “Nga maꞈ kaˬ muˇ ngaˬ siˬ hawˇ-eu ngaˬ shaˬ nyiˬ mawˇ ahˇ-eu tehꞈ ma. Tsawˇ haˬ heu deuˬ dawˬ tawˆ luꞈ gʼaˇ duˬ dzaˬ dzaˬ dawˇ dawˇ zeuˇ laˬ-iˇ-awˬ loˇ.”

Yoˇhaˬ 11:21

Maˬta Yeˬsuˇ-ahˇ ehˇ nehˬ-eu, “Sahˬpaˬ-oˇ, nawˇ heu gaˇ jawˇ zaˬ-euˬ law nmˇ-aˬ, ngaˬ-euˬ aˬ mahˇ aˬ da maˬ shiˇ-aˇ.

Yoˇhaˬ 11:32

Maˬliˇ Yeˬsuˇ jawˇ gaˇ iˇ keuˆ-awˇ, aˬ yawꞈ-ahˇ ya tahˬ puˬ-euˬ nehˬ- ehˇ tiˬ poˆ tehꞈ-ehˇ, “Sahˬpaˬ-oˇ, nawˇ heu gaˇ jawˇ-euˬ law nmˇ-aˬ, ngaˬ-euˬ aˬ mahˇ aˬ da maˬ shiˇ-aˇ” lehˇ ehˇ nehˬ-euˬ meh.

Yoˇhaˬ 21:10

“Naw maꞈ neh nymˬ-mˇ dzeh mi-euˬ ngaˬ shaˬ teu ui cuiˆ hehˇ laꞈ-awˬ” lehˇ, aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Yoˇhaˬ 21:13

Yeˬsuˇ kaˬ muˇ yuˇ laˬ-iˇ-awˇ, aˬ yawꞈ maꞈ-ahˇ biˇ nehˬ-euˬ meh. Ngaˬ shaˬ tehˬ ba-euˬ kʼoeˇ kʼawꞈ paˇ yuˇ laˬ-iˇ-awˇ biˇ nehˬ-euˬ meh.

Yoˇhaˬ 21:9

Aˬ yawꞈ maꞈ dahˇ taˆ daˆ doˆ laˇ ngeh, kʼaˬ gʼeuˬ baw doꞈ taˬ-euˬ gaˇ ngaˬ shaˬ tehˬ ba taˬ-awˇ, kaˬ muˇ gʼeh jaˆ luˬ gaˇ ya mawˇ-euˬ meh.

Yoˇhaˬ 6:11

Yeˬsuˇ kaˬ muˇ kʼoeˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-awˇ, kʼoeˇ gaˇ nuiˇ luꞈ-eu tsawˇ haˬ kʼoeˇ deuˬ-ahˇ bi biˇ nehˬ-euˬ meh. Ngaˬ shaˬ kʼoeˇ kʼawꞈ, kʼoeˇ loꞈ-ehˇ bi biˇ nehˬ-euˬ meh. Tsawˇ haˬ dawˬ tawˆ luꞈ tiˬ dehˆ dzaˬ-euˬ meh.

Yoˇhaˬ 6:7

Piˇliˇpuˆ ehˇ-eu, “Tsawˇ haˬ heu deuˬ-ahˇ tiˬ gʼaˬ ui cuiˆ ui cuiˆ bi dzaˬ-eu kaˬ muˇ zeuˇ kʼawꞈ, pyuˇ maˇ byaˆ nyiˬ yaˇ byaˆ neh maˬ zeuˇ loꞈ nya-aˇ.”

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

Dawˬmehˬ 32:14

Mawˇ neˇ, ciꞈ myehꞈ, aˬ coeˇ mehˇ-awˇ, yawˇ, ciꞈ myehꞈ, mawˇ neˇ loˆ-awˇ, dzaˬ la gʼo cehˇ muiˬ dui dui-awˇ, aˬ gaꞈ dzaˇ uiˇ kuiˇ dui dui-eu, yawꞈ maꞈ dehꞈ dzaˬ-euˬ gaˇ kawˆ meh.

Dawˬmehˬ 8:8

dzaˬ la gʼo cehˇ maˬ ehˇ, aˬ gaꞈ aˇ siˬ maˬ ehˇ, siˬ guˬ aˇ siˬ maˬ ehˇ, aˇ ka uˆ aˇ siˬ maˬ ehˇ, saˬ loˬ tsiˇ maˬ ehˇ, byaˬ byaˬ uiˇ maˬ ehˇ, za dui dui le-eu miˇ kʼahˬ-ahˇ, naw maꞈ-ahˇ sheuˬ gʼeh luꞈ-eu meh.

Panmaeq 6:6

Dehꞈ luꞈ-eu jeˬ zaˬ oeˬ mawˇ jawˇ gaˇ neh doˆ le-euˬ teˇ saˇ-ahˇ duˇ-awˇ, heu loꞈ-ehˇ ehˇ-eu dawˬ-ahˇ ngaˇ ya gaˬ-euˬ ma. “Cehˇ tiˬ pehˬ-euˬ tiˬ nah gʼaˬ gaˇ poeˬ tsaˬ-awˇ, lawˬ loeˇ smˇ pehˬ-euˬ tiˬ nah gʼaˬ gaˇ poeˬ tsaˬ-eu meh. Ehˇ kʼawꞈ, saˬ loˬ aˇ bawˇ hawˇ-eu aˬ gaꞈ gaꞈ yaˇ-ahˇ taˬ laˆ cawˆ.”