Yoˇhaˬ 6:7 - Akha

⁷ Piˇliˇpuˆ ehˇ-eu, “Tsawˇ haˬ heu deuˬ-ahˇ tiˬ gʼaˬ ui cuiˆ ui cuiˆ bi dzaˬ-eu kaˬ muˇ zeuˇ kʼawꞈ, pyuˇ maˇ byaˆ nyiˬ yaˇ byaˆ neh maˬ zeuˇ loꞈ nya-aˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Pirlirpuv, aqyawf-anr aerkhof-eu, “Tsawrhaq heudeuq, tiq ghaq uicuiv taef-aer yadzaqni, kaqmur, 200 byav arpoeq zeur-eu khawf maq lofler luf-a.”

Yoˇhaˬ 6:7 Iomraidhean Croise

2 Sahˬpaˬ 4:43

Ehˇ kʼawꞈ, “Dzaˇ heu tsawˇ haˬ tiˬ yaˇ gʼaˬ dzaˬ loꞈ tehꞈ-a lehˇ nawˇ noeˬ te loˇ” lehˇ, zaˬ kʼaˆ kʼoeˇ gʼaˬ ehˇ-eu meh. Eˇliˇshehˇ ehˇ-eu, “Aˬ yawꞈ maꞈ-ahˇ dzaˇ kʼoeˇ bi dzaˬ-awˬ. Aˬ jeˬ miˇ neh ehˇ naˇ, aˬ yawꞈ maꞈ dzaˬ dehˆ-eu uˬ taꞈ, dzehˬ laˇ tehꞈ-a lehˇ Sahˬpaˬ Miˬyehˇ ehˇ-eu meh.”

Maꞈtehˬ 18:28

“Kʼoeˇ naˇ, zaˬ kʼaˆ kʼoeˇ gʼaˬ gʼoꞈ-iˇ-awˇ, aˬ yawꞈ-ahˇ pyuˇ tiˬ yaˇ byaˆ tehꞈ-ehˇ daˆ-eu aˬ yawꞈ-euˬ cawˬ zaˬ kʼaˆ tiˬ gʼaˬ-ahˇ tahˬ puˬ-euˬ meh. Aˬ yawꞈ-euˬ cawˬ kʼoeˇ gʼaˬ-euˬ kuˬ byahˬ-ahˇ aˬ yawꞈ tsuˆ-awˇ, ‘Ngaˬ-euˬ dziˇ dzoˆ tsoeˬ nehˬ laꞈ’ lehˇ kʼaˬ nehˬ-euˬ meh.

Maˬkuˆ 6:37

Yeˬsuˇ ehˇ-eu, “Naw maꞈ aˬ yawꞈ maꞈ-ahˇ tiˬ jeˬ paˬ bi dzaˬ-awˬ.” Aˬ yawꞈ maꞈ ehˇ-eu, “Tsawˇ haˬ heu deuˬ-ahˇ bi dzaˬ-eu gʼaˇ duˬ, pyuˇ mehˇ byaˆ nyiˬ yaˇ byaˆ poeˬ kaˬ muˇ zeuˇ laˬ-iˇ-awˬ loˇ.”

Yoˇhaˬ 1:43

Yawˬ nah yawˬ Gaˬliˬlehˇ miˇ kʼahˬ-ahˇ iˇ-eu lehˇ Yeˬsuˇ noeˬ tsehˆ-euˬ meh. Piˇliˇpuˆ-ahˇ aˬ yawꞈ mawˇ-awˇ,“Ngaˬ nehˬ-ehˇ oe-awˬ” lehˇ ehˇ nehˬ-euˬ meh.

Yoˇhaˬ 1:44

(Piˇliˇpuˆ-aˬ, Aˬdehˬlehˬ hawˇ-eu Beˬtuˆluˆ aˬ nyaꞈ nmˇ jawˇ-eu Behˬdzeˇdaˬ meuˬ-ahˇ jawˇ-eu meh.)

Yoˇhaˬ 1:45

Naˬdaˬneˬlaˇ-ahˇ Piˇluˇpuˆ mawˇ-awˇ ehˇ nehˬ-eu, “Moˇseˬ neh boꞈ-euˬ Zahˇ dawˬ kʼoꞈ dawˬ laꞈ kʼoeˇ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ ehˇ taˬ-euˬ kʼoeˇ gʼaˬ-ahˇ nga maꞈ mawˇ-euˬ ma. Aˬ yawꞈ-aˬ, Naˬzaˬlehˇ meuˬ-ahˇ jawˇ-eu Yoˇsehˆ-euˬ aˬ li meh.”

Yoˇhaˬ 1:46

Naˬdaˬneˬlaˇ ehˇ-eu, “Naˬzaˬlehˇ meuˬ-ahˇ gaˇ dahˇ tsoeˬ-eu jeˬ mˇ doˆ laꞈ nya-eu tsawˇ haˬ jawˇ tehꞈ-a loˇ.” Piˇliˇpuˆ ehˇ-eu, “Haw laˇ-awˬ tawˇ.”

Yoˇhaˬ 1:48

Naˬdaˬneˬlaˇ ehˇ-eu, “Nawˇ ngaˬ-ahˇ aˬ joˆ-ehˇ siˬ nya te.” Yeˬsuˇ ehˇ-eu, “Piˇliˇpuˆ nawˬ-ahˇ maˬ kuˇ le mi naˆ-ehˇ, nawˇ siˬ guˬ aˇ bawˇ dawˬ pehˬ-ahˇ nuiˇ luꞈ ngeh neh nawˬ-ahˇ ngaˇ mawˇ-euˬ ma.”

Yoˇhaˬ 12:5

“Aˬ jeˬ miˇ neh tsiˇ yaw saw jeˬ teu pyuˇ maˇ byaˆ smˬ yaˇ byaˆ-ehˇ neh ahˬ-awˇ, shaˬ zaˬ zahˬ zaˬ deuˬ-ahˇ maˬ biˇ nehˬ te.”