Yoˇhaˬ 6:30 - Akha

³⁰ Aˬ yawꞈ maꞈ ehˇ-eu, “Nga maꞈ nawˬ-ahˇ jah laˇ ni nawˇ zahˬ leˇ paˬ-ehˇ gʼeh-eu aˬ geu jeˬ mˇ mehˬ nmˇ. Nawˇ aˬ geu jeˬ mˇ mehˬ-eu gʼeh te.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Khoerngae, aqyawfmaf heulof-aer paraer-eu mae, “Tox-aer mar-iq, nga’maf ya’mawr-awr nawq-anr janlarni, nawr, bisiq bimawr-eu aqgeu jeq mr nmr-mq? Nawr gar aqgeu jeq mr-eu laer ghae-eu le?

Yoˇhaˬ 6:30 Iomraidhean Croise

1 Sahˬpaˬ 13:3

Miˬyehˇ gʼaˇ duˬ ngehˬ dah-eu kʼoeˇ gʼaˬ paˇ ehˇ-eu, “Lawˇ duˬ heu coˬ pyaˆ-awˇ, lawˇ duˬ kʼoeˇ taˆ jaˆ-eu kʼaˬ lehˇ deuˬ ga kʼaˇ jiˇ tehꞈ-a. Kʼoeˇ ngeh, ngaˬ-ahˇ gʼoe-awˇ Sahˬpaˬ Miˬyehˇ dawˬ ngehˬ-eu gaˇ kawˆ naw maꞈ yaw muiˬ paˬ-ehˇ ya siˬ duˬ tehꞈ-a.”

1 Sahˬpaˬ 13:5

Miˬyehˇ gʼaˇ duˬ ngehˬ dah-eu kʼoeˇ gʼaˬ neh Sahˬpaˬ Miˬyehˇ-euˬ tsawˇ myahˇ uˬ moˆ ehˇ taˬ-euˬ loꞈ-ehˇ, lawˇ duˬ kʼoeˇ hmˬ coˬ pyaˆ-awˇ, kʼaˬ lehˇ kʼoeˇ deuˬ miˇ tsa ga kʼaˇ jiˇ-euˬ meh.

Doˆ-iˇ 4:8

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Zahˬ leˇ paˬ-ehˇ gʼeh-eu yaw beh jeˬ nawˇ jahˇ mehˬ nehˬ ngeh, aˬ yawꞈ maꞈ nawˬ-ahˇ maˬ jah naˇ, zahˬ leˇ paˬ-ehˇ gʼeh-eu nyiˬ jeˬ tiˬ jeˬ paˇ jahˇ mehˬ nehˬ-awˬ. Aˬ yawꞈ maꞈ nawˬ-ahˇ jah laˇ tehꞈ-a.

Doˆ-iˇ 7:9

“Naw nyaꞈ-ahˇ Sahˬpaˬ Miˬyehˇ neh kʼehˇ gʼeh leꞈ-euˬ ngeuˇ naˇ, kʼaˆ jeˬ-ehˇ gʼeh-eu jeˬ mˇ mehˬ haw sheˇ lehˇ sahˬ paˬ kʼoeˇ gʼaˬ naw nyaꞈ-ahˇ kʼehˇ laˇ naˇ, ‘Sahˬ paˬ-euˬ mehˬ shi nawˬ-euˬ gawˬ yoeˬ pyehˬ dzeh-awˬ’ lehˇ Aˬloˬ-ahˇ ehˇ nehˬ-awˬ. Gawˬ yoeˬ kʼoeˇ aˇ lawˇ pyeuꞈ-iˇ tehꞈ-a.”

Iˇsaˬyaˇ 5:19

Aˬ yawꞈ maꞈ heu loꞈ-ehˇ ehˇ-eu meh. “Sahˬpaˬ Miˬyehˇ aˬ yawꞈ neh kʼaˇ ehˇ taˬ-euˬ jeˬ, aˬ dui-ahˇ mawˇ laˇ ni, yaw kawˇ-ehˇ bi mˇ haw sheˇ. Iˇsaˬleˬlaˆ-euˬ muiˬ-eu shawˇ-eu Miˬyehˇ neh noeˬ taˬ-euˬ jeˬ, aˬ dui -ahˇ siˬ duˬ laˇ ni, yaw kawˇ-ehˇ bi keuˆ le haw sheˇ.”

Maˬkuˆ 15:32

Iˇsaˬleˬlaˆ tsawˇ jeuˬ-euˬ sahˬ paˬ pyeuꞈ-eu Ka li heu gʼaˬ, hehˬ nymˬ-mˇ laꞈ yaꞈ kʼoeˇ taˆ neh zaꞈ ka le gaˇ ya mawˇ law nmˇ-aˬ, aˬ dui maꞈ aˬ yawꞈ-ahˇ jah ma ehˇ lawˬ.” Aˬ yawꞈ nehˬ-ehˇ laꞈ yaꞈ kʼoeˇ taˆ bi taꞈ tehˬ taˬ-euˬ kʼoeˇ nyiˬ gʼaˬ kʼawꞈ, aˬ yawꞈ-ahˇ yehˬ bawˬ sehˇ lu-ehˇ ehˇ-eu meh.

Maˬkuˆ 8:11

Paˬliˬsehˇ deuˬ Yeˬsuˇ jawˇ gaˇ laˇ-awˇ, tsawˇ pyehˇ pyehˇ laˇ-euˬ meh. Aˬ yawꞈ Miˬyehˇ-euˬ tsawˇ haˬ pyeuꞈ-eu siˬ duˬ laˇ ni, kʼaˆ jeˬ-ehˇ gʼeh-eu jeˬ mˇ mehˬ laꞈ-awˬ lehˇ aˬ yawꞈ maꞈ ehˇ-eu meh. Aˬ yawꞈ maꞈ aˬ yawꞈ-ahˇ lahˇ ju kʼmˇ paꞈ mawꞈ-eu miˇ neh, kʼoeˇ loꞈ-ehˇ ehˇ-eu meh.

Yoˇhaˬ 10:38

Ehˇ kʼawꞈ, ngaˬ Da neh bi mˇ-euˬ gaˇ deuˬ-ahˇ ngaˇ mˇ luꞈ-eu yaw duˬ baw naˇ, naw maꞈ ngaˬ-euˬ mawˇ do-ahˇ maˬ jah kʼawꞈ, ngaˬ neh mˇ-euˬ gaˇ deuˬ-ahˇ jah-eu tsaˬ tehꞈ-a. Aˬda ngaˬ-euˬ laꞈ kʼoeˇ jawˇ-awˇ, ngaˇ Aˬda-euˬ laꞈ kʼoeˇ jawˇ-eu gaˇ kawˆ naw maꞈ siˬ duˬ nya ni kʼoeˇ loꞈ-ehˇ jah-eu tsaˬ tehꞈ-a.”

Yoˇhaˬ 12:37

Aˬ yawꞈ maꞈ-euˬ mehˬ shi zahˬ leˇ paˬ-ehˇ gʼeh-eu jeˬ kʼoeˇ naˆ ni mˇ mehˬ-euˬ kʼawꞈ, aˬ yawꞈ maꞈ aˬ yawꞈ-ahˇ maˬ jah-a.

Yoˇhaˬ 2:18

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ ehˇ-eu, “Nawˇ teu loꞈ-ehˇ jahˇ nya-eu a kawˬ-aˬ jaˆ-eu nga maꞈ ya siˬ duˬ ni, kʼaˆ jeˬ-ehˇ gʼeh-eu bi siˬ bi mawˇ-eu aˬ geu jeˬ nga maꞈ-ahˇ jahˇ mehˬ-eu gʼeh te.”

Yoˇhaˬ 4:8

(Aˬ yawꞈ-euˬ zaˬ lahˇ deuˬ-aˬ, dzaˬ dzaˬ dawˇ dawˇ zeuˇ-eu gʼaˇ duˬ meuˬ-ahˇ le uˇ-euˬ meh.)

Yoˇhaˬ 6:14

Yeˬsuˇ neh mˇ-euˬ zahˬ leˇ paˬ-ehˇ gʼeh-eu kʼoeˇ-ahˇ tsawˇ haˬ kʼoeˇ deuˬ ya mawˇ ngeh, “Tsawˇ haˬ heu gʼaˬ-aˬ, maˇ maˇ ni miˇ tsaˬ kʼoeˇ taˆ oe meh lehˇ ehˇ taˬ-euˬ Miˬyehˇ gʼaˇ duˬ ngehˬ dah-eu kʼoeˇ gʼaˬ ngaˇ” lehˇ ehˇ-eu meh.

Yoˇhaˬ 6:2

Tsawˇ haˬ aˇ maꞈ maꞈ ma aˬ yawꞈ-euˬ mehˬ nah caw teh gʼeh-euˬ meh. Aˬ jeˬ miˇ neh ehˇ naˇ, aˬ yawꞈ neh mˇ-euˬ zahˬ leˇ paˬ-ehˇ gʼeh-eu naˇ-eu tsawˇ haˬ deuˬ-ahˇ laˆ taˬ nehˬ-euˬ jeˬ-ahˇ aˬ yawꞈ maꞈ ya mawˇ haw-euˬ meh.

Yoˇhaˬ 6:36

Naw maꞈ ngaˬ-ahˇ mawˇ-euˬ kʼawꞈ maˬ jah-aˇ lehˇ, naw maꞈ-ahˇngaˇ ehˇ nehˬ-euˬ ma.

Gʼaˬkʼehˇ 4:30

Nawˬ-euˬ aˬ laꞈ cawˬ ja-eu laꞈ kʼoeˇ, naˇ-eu gawˇ-eu tsawˇ haˬ deuˬ-ahˇ bi taˬ leˇ-awˇ, nawˬ-euˬ muiˬ-eu shawˇ-eu Zaˬkʼaˆ pyeuꞈ-eu Yeˬsuˇ-euˬ tsawˇ myahˇ-ahˇ gʼoe-awˇ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ mehˬ laꞈ.”

1 Gawˇliˬtu 1:22

Yuˇdaˆ tsawˇ ha deuˬ-aˬ, yawˬ ha jah-eu gʼaˇ duˬ zahˬ leˇ paˬ-ehˇ gʼeh-eu jeˬ-ahˇ mawˇ mawꞈ-awˇ, Heˬlaˬsaˇ tsawˇ haˬ deuˬ-aˬ, za siˬ tsawˇ gahˇ-ahˇ poˆ-eu meh.

HeˬByehˇ 2:4

Miˬyehˇ aˬ yawꞈ kʼawꞈ, aˬ yawꞈ nui ma kʼaˇ tsaˬ-eu loꞈ-ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ-eu uˬ taꞈ, Yaw sahˇ Miˬyehˇ neh biꞈ-euˬ laꞈ sawˬ deuˬ-ahˇ bi za-eu laꞈ kʼoeˇ, aˬ yawꞈ maꞈ nehˬ-ehˇ saˇ kiˇ caw kamˬ luꞈ-eu meh.