Yoˇhaˬ 6:12 - Akha

¹² Aˬ yawꞈ maꞈ dzaˬ dehˆ gʼaˬ jiˇ ngeh, “Kʼaˇ dzehˬ laˇ-euˬ dawˬ tawˆ luꞈ tiˬ pawꞈ-iˬ maˬ bi cawˆ-iˇ ni gʼoˆ uiˬ jiˇ-awˬ” lehˇ, zaˬ lahˇ deuˬ-ahˇ aˬ yawꞈ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aqyawfmaf dzaqdaev ghaq ngae, Yeqsur, aqyawf-euq zaqlanr deuq-anr aernaeq-eu, “Tiqjeq-iq maqya bicawv-ir ni, dzaeqlar-euq yawpyaeq yawmeur deuq ghovuiq-awq.”

Yoˇhaˬ 6:12 Iomraidhean Croise

Neˬhaˬmiˇ 8:10

Iˇ kahˇ-ahˇ gʼoꞈ-iˇ-awˇ dzaˬ-iˇ dawˇ-iˇ-awˬ. Naw maꞈ-euˬ dzaˬ dzaˬ dawˇ dawˇ hawˇ-eu aˬ gaꞈ dzaˇ uiˇ-ahˇ, maˬ jaˆ-eu tsawˇ haˬ deuˬ-ahˇ kʼawꞈ biˇ nehˬ-awˇ bi dzaˬ-awˬ. Iˬ nah-aˬ, aˬ dui-euˬ Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah pyeuꞈ-eu miˇ neh, nui ma shaˬ zahˬ taˬ mˇ. Sahˬpaˬ Miˬyehˇ laꞈ kʼoeˇ laˬ kʼaˬ cehˇ-eu jeˬ-aˬ, naw maꞈ-euˬ gʼaˬ meh.”

Neˬhaˬmiˇ 9:25

Ziꞈ-eu meuˬ deuˬ hawˇ-eu muiˬ-eu miˇ tsaˬ maˬ ehˇ, pyuˇ shuiˇ byah-eu nymˇ deuˬ hawˇ-eu duˬ gʼaˬ taˬ-euˬ lah duˬ maˬ ehˇ, Saˬloˬ aˇ bawˇ, aˇ siˬ aˇ bawˇ, aˬ gaꞈ yaˇ kmˇ maˬ ehˇ, nawˬ-euˬ tsawˇ jeuˬ deuˆ za-euˬ meh. Aˬ yawꞈ maꞈ kʼaˇ dzaˬ mawꞈ-eu jeˬ dzaˬ-awˇ tsuˇ laˇ-euˬ meh. Nawˬ neh biꞈ-euˬ muiˬ-eu guiˬ lahˬ deuˬ-ahˇ, aˬ yawꞈ maꞈ laˬ kʼaˬ cehˇ dui dui-euˬ meh.

Dawqdaq 18:9

Yaw doeˇ doeˇ-eu jeˬ-aˬ, aˬ dzawˬ aˇ gah-ahˇ mehˇ nmˇ jawꞈ-eu meh.

Luˇkaꞈ 1:53

Mehꞈ-eu shuꞈ-eu tsawˇ haˬ deuˬ-ahˇ, dzaˇ kuiˇ dzaˇ myehˇ tiˬ dehˆ biꞈ-awˇ, smˇ muiˬ smˇ baw aˬ da deuˬ-ahˇ, yawꞈ ngehꞈ-ehˇ teh dzeh nehˬ-eu meh.

Luˇkaꞈ 15:13

Gʼawˬ mya nah maˬ gʼeh-ehˇ, aˬ li aˬ nyiˇ gʼaˬ aˬ yawꞈ kʼaˇ jaˆ-eu yuˇ jiˇ-awˇ, gaˇ mahˇ kaˬ-eu miˇ kʼahˬ-ahˇ doˆ-iˇ-awˇ, kʼaˇ dehꞈ mawꞈ-eu dehꞈ-awˇ, aˬ yawꞈ-euˬ pyuˇ shuiˇ myawˬ gahˬ zmˬ dzeh jiˇ-euˬ meh.

Luˇkaꞈ 16:1

Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh.“Tiˬ poˆ-aˬ, smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-euˬ myawˬ bi jeˬ-hmˬ-euˬ tiˬ gʼaˬ jawˇ-awˇ, myawˬ jeˬ hmˬ-eu tsawˇ haˬ kʼoeˇ gʼaˬ aˬ yawꞈ-euˬ myawˬ gahˬ zmˬ dzeh luꞈ-eu gaˇ kawˆ, aˬ cawˬ aˬ yawꞈ-ahˇ tsaꞈ gaˬ laˇ-euˬ meh.

Luˇkaꞈ 9:17

Aˬ yawꞈ maꞈ dawˬ tawˆ luꞈ tiˬ dehˆ dzaˬ gʼaˬ-awˇ, maˬ dzaˬ jiˇ coeˇ-ehˇ dzeˇ laˇ-euˬ deuˬ gʼoˆ uiˬ ngeh, kʼaˆ puˬ tseˇ nyiꞈ puˬ byah laˇ-euˬ meh.

Yoˇhaˬ 2:2

Yeˬsuˇ hawˇ-eu aˬ yawꞈ-euˬ zaˬ lahˇ deuˬ-ahˇ kʼawꞈ, oeˇ mˇ baˇ gaˇ kuˇ taˬ-euˬ meh.