Yoˇhaˬ 5:39 - Akha

³⁹ Jaˇ liꞈ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ poˆ mawˇ nya tehꞈ-a lehˇ naw maꞈ noeˬ-awˇ, Jaˇ liꞈ gui-eu meh. Naw maꞈ gui-eu Jaˇ liꞈ kʼoeˇ-euˬ laꞈ kʼoeˇ, ngaˬ-euˬ gaˇ kawˆ ehˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ “Yaerbof-euq lafkhoer mqmaq maqbyav yarzir daef-eu jeq anr-eu mae laer nawmaf noeq-eu mirnae, nawmaf, Yaerbof guigui-aer povtser luf-eu mae. Yaerbof khoer-aq, ngaq-euq garkawv sarkir kamq-eu mae.

Yoˇhaˬ 5:39 Iomraidhean Croise

Jaceuq 1:2

SahˬpaˬMiˬyehˇ-euˬ Zahˇdawˬ-ahˇ, naˇhaˬgeuꞈgaˇ laˬkʼaˬcehˇ-awˇ, uˬciꞈnah gʼahˇ maˬtsehˆleˇni, Zahˇdawˬ dzaw geuꞈ-eu baˬda neh,

Jaceuq 119:11

Nawˬ-ahˇ ngaˇ maˬ ya mˇ bahˬ ni, nawˬ-euˬ zahˇ dawˬ kʼoꞈ dawˬ nui ma laꞈ kʼoeˇ pi ma.

Jaceuq 133:3

Heˬlaˬmoˬ gawˬ jawˬ-ahˇ ga-eu ceuˬ, Ziˇoˬ gawˬ duˇ kʼoeˇ taˆ ga le-euˬ gaˇ duˇ-eu meh. Kʼoeˇ loꞈ-ehˇ dehꞈ taꞈ jawˇ taꞈ-eu jeˬ kʼoeˇ taˆ, mˬ maˬ maˬ byaˆ zaˇ ziˇ ziꞈ-eu guiˬ lahˬ yaw dzahˇ, Sahˬpaˬ Miˬyehˇ biꞈ ma lehˇ saˇ jaˇ dzaˬ taˬ-euˬ meh.

Jaceuq 16:11

Dehꞈ-eu saꞈlaˇgaˇma tiˬkahˇ, nawˇngaˬ-ahˇtoeˬmehˬnehˬlaꞈ-awˇ, nawˬ-euˬmehˬshi ngaˇya jawˇngeh, laˬkʼaˬcehˇ-eu jeˬbyah-eu meh. Aˬmyah luꞈ laˬkʼaˬcehˇ-eu jeˬ, nawˬ-euˬaˇmaˇlaꞈ-ahˇjaˆmeh.

Jaceuq 21:4

Aˬyawꞈnawˬ-ahˇziˇlahˬshaˇngeh, ziˇza guiˬlahˬ nawˇbiꞈ-euˬmeh.

Jaceuq 36:9

Nawˇ-aˬ, saꞈlaˇiˇbyoe pyeuꞈ-awˇ, nawˬ-euˬ yaw shehꞈ baˬda baˇneh, nga maꞈyaw shehꞈmawˇnya-eu ma.

Dawqdaq 6:23

Dawˬ mehˬ dawˬ tsoˆ tsoˆ-eu jeˬ-aˬ, tsiˇ kʼmˬ yaw shehꞈ loꞈ-ehˇ duˇ-awˇ, nawˬ-ahˇ dehꞈ jeˬ dehꞈ kawˆ gaˇ ma mehˬ-eu meh.

Iˇsaˬyaˇ 34:16

Jeˬ zaˬ deuˬ gaˇ kawˆ boꞈ ahˇ taˬ-euˬ, Sahˬpaˬ Miˬyehˇ-euˬ sahˬ boꞈ pah haw sheˇ. Jeˬ zaˬ heu deuˬ tiˬ mawˇ-iˬ maˬ ya byoˆ-iˇ-eu uˬ taꞈ, aˇ gu ma baw-eu aˇ teˬ maˬ ya bi jawˇ-a lehˇ, Sahˬpaˬ Miˬyehˇ dawˬ biꞈ taˬ-eu jaˆ-awˇ, aˬ yawꞈ maꞈ-ahˇ aˬ yawꞈ tiˬ gaˇ sheuˬ dzoeˇ tehꞈ-a.

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Yeˬlaˬmiˇ 8:9

Zaˬ siˬ tsawˇ gahˇ ahˇ-eu deuˬ ya shaꞈ dawˇ tehꞈ-a. Baw gʼaꞈ-ahˇ teuˆ lahˇ-euˬ loꞈ-ehˇ ya shaˬ tehꞈ-a. Ngaˬ-euˬ zahˇ dawˬ kʼoꞈ dawˬ-ahˇ byehˇ dzeh gʼaˬ-euˬ-aˬ, zaˬ siˬ tsawˇ gahˇ aˬ geu jeˬ paˇ ahˇ nmˇ.

Daˬyeˬlaˇ 12:2

Shiˇ dzeuˇ-euˬ tsawˇ haˬ gʼawˬ mya ni paˇ gʼoꞈ dehꞈ laˇ tehꞈ-a. Tiˬ paˆ na deuˬ mˬ maˬ maˬ byaˆ zaˇ ziˇ dehꞈ-eu jeˬ za-awˇ, tiˬ paˆ na deuˬ mˬ maˬ maˬ byaˆ zaˇ ziˇ daˬ ga-eu jeˬ za tehꞈ-a.

Maꞈtehˬ 22:29

Aˬ yawꞈ maꞈ-ahˇ Yeˬsuˇ ehˇ nehˬ-eu, “Naw maꞈ lehˬ dui dui meh. Aˬ jeˬ miˇ neh ehˇ naˇ, naw maꞈ Jaˇliꞈ maˬ siˬ nya-a.

Maˬkuˆ 10:3

Yeˬsuˇ ehˇ-eu, “Moˇseˬ neh naw maꞈ-ahˇ biꞈ taˬ-euˬ zahˇ dawˬ kʼoꞈ dawˬ aˬ joˆ-ehˇ jaˆ ta.”

Maˬkuˆ 12:10

Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ maˬ gui haw-aˬ loˇ. ‘Nymˇ gawˬ-eu deuˬ maˬ geuꞈ nahˇ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh.

Luˇkaꞈ 16:29

“Aˬbyaˬhaˬ ehˇ-eu, ‘Moˇseˬ hawˇ-eu Miˬyehˇ gʼaˇ duˬ ngehˬ dah-eu deuˬ jawˇ meh. Aˬ yawꞈ maꞈ-euˬ ehˇ dawˬ-ahˇ aˬ ha mehˇ nmˇ naˇ haˬ luꞈ-uˇ.’

Luˇkaꞈ 16:31

Ehˇ kʼawꞈ, Aˬbyaˬhaˬ ehˇ-eu, ‘Moˇseˬ hawˇ-eu Miˬyehˇ gʼaˇ duˬ ngehˬ da-eu deuˬ-euˬ dawˬ-ahˇ aˬ yawꞈ maꞈ maˬ naˇ haˬ naˇ, shiˇ-euˬ tsawˇ haˬ gʼoꞈ dehꞈ laˇ-awˇ ehˇ nehˬ-iˇ kʼawꞈ, aˬ yawꞈ maꞈ maˬ jah-aˇ.”’

Luˇkaꞈ 24:25

Kʼoeˇ ngeh jawˇ, aˬ yawꞈ nyaꞈ-ahˇ Yeˬsuˇ ehˇ nehˬ-eu, “Dawˇ ga-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh kʼaˇ ehˇ taˬ-euˬ dawˬ tawˆ luꞈ-ahˇ jah tuˆ leꞈ-eu gʼaˇ duˬ, aˇ naˆ naˆ-ehˇ ga-eu nya.

Luˇkaꞈ 24:27

Kʼoeˇ naˇ, aˬ yawꞈ nyaꞈ-ahˇ Yeˬsuˇ ja shaw nehˬ-euˬ meh. Jaˇliꞈ laꞈ kʼoeˇ aˬ yawꞈ-euˬ gaˇ kawˆ kʼaˇ ehˇ taˬ-euˬ yawˬ jeˬ na luꞈ, Moˇseˬ neh boꞈ-euˬ sahˬ boꞈ deuˬ-ahˇ neh dahˬ beh-awˇ, Miˬyehˇ gʼaˇ duˬ ngeh dah-eu deuˬ neh boꞈ-euˬ sahˬ boꞈ deuˬ-ahˇ keuˆ ni, aˬ yawꞈ nyaꞈ gʼoˆ shaw nya ni Yeˬsuˇ ja mehˬ nehˬ-euˬ meh.

Luˇkaꞈ 24:44

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ sahˬ boꞈ deuˬ laꞈ kʼoeˇ maˬ ehˇ, Ja ceuˬ-eu sahˬ boꞈ laꞈ kʼoeˇ maˬ ehˇ, ngaˬ-euˬ gaˇ kawˆ boꞈ taˬ-euˬ yawˬ jeˬ na luꞈ, heu loꞈ-ehˇ pyeuꞈ laˇ-awˇ ya byah laˇ meh lehˇ, ngaˇ naw maꞈ nehˬ-ehˇ jawˇ ngeh neh naw maꞈ-ahˇ ehˇ nehˬ-euˬ ma.”

Yoˇhaˬ 1:45

Naˬdaˬneˬlaˇ-ahˇ Piˇluˇpuˆ mawˇ-awˇ ehˇ nehˬ-eu, “Moˇseˬ neh boꞈ-euˬ Zahˇ dawˬ kʼoꞈ dawˬ laꞈ kʼoeˇ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ ehˇ taˬ-euˬ kʼoeˇ gʼaˬ-ahˇ nga maꞈ mawˇ-euˬ ma. Aˬ yawꞈ-aˬ, Naˬzaˬlehˇ meuˬ-ahˇ jawˇ-eu Yoˇsehˆ-euˬ aˬ li meh.”

Yoˇhaˬ 5:32

Ehˇ kʼawꞈ, ngaˬ-euˬ gʼaˇ duˬ saˇ kiˇ kamˬ-eu tiˬ gʼaˬ jawˇ meh. Aˬ yawꞈ ngaˬ-euˬ gaˇ kawˆ saˇ kiˇ kamˬ-euˬ kʼoeˇ tsaˬ meh lehˇ ngaˇ siˬ nya ma.

Yoˇhaˬ 5:36

Ehˇ kʼawꞈ, Yoˇhaˬ neh saˇ kiˇ kamˬ-euˬ naˆ maˬ tseˇ huiˬ dzehˬ-eu ngaˬ-euˬ gaˇ kawˆ saˇ kiˇ kamˬ taˬ-euˬ jaˆ ma. Ngaˬ Da neh ngaˬ-ahˇ bi mˇ laꞈ-euˬ ngaˬ neh mˇ-euˬ gaˇ kʼoeˇ deuˬ ngaˬ-euˬ dah zaˇ dawˬ ngehˬ gaˇ duˇ ni, Aˬda neh ngaˬ-ahˇ kʼehˇ gʼeh leꞈ-euˬ meh lehˇ saˇ kiˇ kamˬ-eu jeˬ pyeuꞈ-eu meh.

Yoˇhaˬ 5:40

Ehˇ kʼawꞈ, maˇ maˇ ni gʼeh-eu dehꞈ-eu jeˬ-ahˇ za ni, ngaˇ jawˇ gaˇ naw maꞈ maˬ laˇ mawꞈ-a.

Yoˇhaˬ 5:46

Naw maꞈ Moˇseˬ-ahˇ aˬ diˇ jah law nmˇ-aˬ, ngaˬ-ahˇ kʼawꞈ jah tehꞈ-a. Aˬ jeˬ miˇ neh ehˇ naˇ, aˬ yawꞈ ngaˬ-euˬ gaˇ kawˆ boꞈ-euˬ meh.

Yoˇhaˬ 7:52

Aˬ yawꞈ maꞈ aˬ yawꞈ-ahˇ ehˇ-eu, “Nawˇ gʼeh Gaˬliˬlehˇ miˇ kʼahˬ-ahˇ neh oe-euˬ tsawˇ haˬ te loˇ. Jaˇliꞈ-ahˇ gui duˬ haw sheˇ. Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ Gaˬliˬlehˇ miˇ kʼahˬ-ahˇ neh maˬ doˆ le haw-euˬ nawˇ ya siˬ duˬ tehꞈ-a.”

Gʼaˬkʼehˇ 13:27

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ hawˇ-eu aˬ yawꞈ maꞈ-euˬ aˬ yuiꞈ aˬ tsu deuˬ-aˬ, aˬ yawꞈ Ka kʼoꞈ-eu gʼaˬ pyeuꞈ-eu gaˇ kawˆ siˬ nya-eu maˬ ngeuˇ-a. Jawˇ nah aˬ yawꞈ nah yawꞈ gui luꞈ-eu Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ kʼawꞈ, aˬ yawꞈ maꞈ maˬ siˬ nya-a. Ehˇ kʼawꞈ, aˬ yawꞈ maꞈ Yeˬsuˇ-ahˇ muiˇ-eu laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ neh ehˇ taˬ-euˬ dawˬ byah laˇ ni jahˇ-euˬ meh.

Gʼaˬkʼehˇ 17:11

Kʼoeˇ gaˇ jawˇ-eu tsawˇ haˬ deuˬ-aˬ, Teˇsaˬloˇni meuˬ-ahˇ jawˇ-eu tsawˇ haˬ deuˬ naˆ maˬ tseˇ nui ma laˇ gʼoˆ pah taˬ-awˇ, guiˬ lahˬ dawˬ-ahˇ nui ma keuˆ-eu laꞈ kʼoeˇ naˇ haˬ-awˇ, Pawˇluˆ neh ehˇ-euˬ kʼoeˇ tsaˬ-eu maˬ tsaˬ-eu siˬ duˬ laˇ ni yawˬ nah na luꞈ Jaˇliꞈ-ahˇ gui haw luꞈ-eu meh.

Gʼaˬkʼehˇ 26:27

Sahˬ paˬ Aˬgiˇpaˆ-oˇ, Miˬyehˇ gʼaˇ duˬ ngehˬ dah-eu deuˬ-ahˇ nawˇ maˬ jah loˇ. Nawˇ jah meh lehˇ ngaˇ siˬ nya ma.”

Lormav 1:2

Jaˇliꞈ laꞈ kʼoeˇ boꞈ taˬ-euˬ loꞈ-ehˇ, Miˬyehˇ aˬ yawꞈ-euˬ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, Laˬ kʼaˬ cehˇ-eu Guiˬ lahˬ dawˬ bi keuˆ le ma lehˇ, aˇ hu ba neh saˇ jaˇ dzaˬ taˬ-euˬ jaˆ-eu meh.

Lormav 3:2

Ngeuˇ meh. Yawˬ jeˬ na luꞈ laꞈ kʼoeˇ guiˬ lahˬ baw dzehˬ meh. Miˬyehˇ-euˬ dawˬ Yuˇdaˆ tsawˇ haˬ deuˬ-ahˇ jeˬ huˬ a nehˬ-euˬ meh.

Dawˬmehˬ 18:15

Ngaˇ loꞈ-ehˇ gʼeh-eu aˬ yawꞈ gʼaˇ duˬ ngehˬ dah-eu tsawˇ haˬ tiˬ gʼaˬ aˬ yawꞈ bi oe-awˇ, kʼoeˇ gʼaˬ-euˬ ehˇ dawˬ-ahˇ naw maꞈ ya naˇ haˬ tehꞈ-a.

Dawˬmehˬ 18:18

Nawˇ loꞈ-ehˇ gʼeh-eu ngaˬ-euˬ gʼaˇ duˬ ngehˬ dah-eu tsawˇ haˬ tiˬ gʼaˬ, aˬ yawꞈ maꞈ laꞈ kʼoeˇ ngaˇ bi doˆ laˇ ma. Aˬ joˆ-ehˇ ya ngehˬ ya tmˇ-eu gaˇ kawˆ ngaˇ aˬ yawꞈ-ahˇ ehˇ nehˬ-awˇ, ngaˬ neh dawˬ kʼaˇ biꞈ-euˬ yawˬ jeˬ na luꞈ, aˬ yawꞈ maꞈ-ahˇ aˬ yawꞈ ehˇ nehˬ tehꞈ-a.

Dawˬmehˬ 29:29

“Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh zaꞈ taˬ-euˬ jeˬ jaˆ-eu meh. Ehˇ kʼawꞈ, aˬ yawꞈ-euˬ Zahˇ dawˬ kʼoꞈ dawˬ deuˬ aˬ dui-ahˇ pah mehˬ laꞈ-euˬ loꞈ-ehˇ, aˬ dui hawˇ-eu aˬ dui-euˬ zaˬ deuˬ mˬ maˬ maˬ byaˆ zaˇ ziˇ ya naˇ haˬ geuꞈ tehꞈ-a.

Dawˬmehˬ 32:47

Mehˬ-eu tsoˆ-eu dawˬ heu deuˬ-aˬ, gaˇ dahˇ maˬ tsoeˬ-eu dawˬ deuˬ maˬ ngeuˇ-a. Heu-aˬ, naw maꞈ-euˬ dehꞈ jeˬ dehꞈ kawˆ meh. Heu deuˬ-ahˇ naˇ haˬ geuꞈ naˇ, naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ paw jaˆ-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ gʼawˬ myahˇ ni ya dehꞈ ya jawˇ tehꞈ-a.”

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

HeˬByehˇ 11:16

Kʼoeˇ naˆ maˬ tseˇ muiˬ dzehˬ-eu mˬ taˆ miˇ kʼahˬ-ahˇ aˬ yawꞈ maꞈ noeˬ tsoˆ taˬ-euˬ meh. Kʼoeˇ miˇ neh, tsawˇ haˬ kʼoeˇ deuˬ Miˬyehˇ-ahˇ aˬ yawꞈ maꞈ-euˬ Miˬyehˇ ma lehˇ kuˇ gaˇ Miˬyehˇ maˬ shaꞈ dawˇ-a. Aˬ jeˬ miˇ neh ehˇ naˇ, aˬ yawꞈ maꞈ gʼaˇ duˬ meuˬ tiˬ meuˬ aˬ yawꞈ lehˬ hmˬ taˬ-euˬ meh.

HeˬByehˇ 11:35

Jah-eu jeˬ baˬ da neh, zaˬ miˬ zaˬ deuˬ shiˇ dzeuˇ-euˬ yawˬ ha-euˬ aˬ yuiꞈ aˬ nyiˇ deuˬ-ahˇ bi gʼoꞈ dehꞈ laˇ nya-euˬ meh. Tiˬ deuˬ-aˬ, muiˬ dzehˬ-eu gʼoꞈ dehꞈ laˇ-eu jeˬ-ahˇ za nya ni, bi buˬ bi law-iˇ-eu jeˬ-ahˇ maˬ ha geuꞈ-ehˇ bi kʼehˬ bi kʼaˆ sehꞈ leꞈ-euˬ meh.

Yawˇshuˆ 1:8

Nawˇ uˬ duˬ kʼaˇ tahˬ ngeh, Zahˇ dawˬ kʼoꞈ dawˬ sahˬ boꞈ-ahˇ maˬ ngehˇ ni gui-awˬ. Uˬ ciꞈ nah gʼahˇ maˬ ehˇ, maˬ byehˇ ni gui-eu laꞈ kʼoeˇ, kʼoeˇ gaˇ kʼaˇ boꞈ taˬ-euˬ yawˬ jeˬ na luꞈ-ahˇ naˇ haˬ geuꞈ-awˬ. Kʼoeˇ loꞈ-ehˇ jahˇ naˇ, nawˇ baw le za le-awˇ, mˇ-eu shaˇ-eu yawˬ jeˬ na luꞈ laꞈ kʼoeˇ, guiˬ lahˬ baw tehꞈ-a.

Panmaeq 19:10

Mˬ taˆ gʼaˬ kʼehˇ kʼoeˇ gʼaˬ-euˬ mehˬ shi ngaˇ ga byaˆ-awˇ uˬ duˬ tahˬ-eu lehˇ gʼeh-euˬ ma. Ehˇ kʼawꞈ, aˬ yawꞈ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ deuˬ hawˇ-eu Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ kʼaˇ tuˆ tehˬ luꞈ-eu deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.” Aˬ jeˬ miˇ neh ehˇ naˇ, Yeˬsuˇ neh pah mehˬ-euˬ yaw tsaˬ yaw dawˇ kʼoeˇ-aˬ, Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ neh bi noeˬ doˆ-euˬ yaw tsaˬ yaw dawˇ kʼoeˇ meh.