Yoˇhaˬ 5:25 - Akha

²⁵ Shiˇ taˬ-euˬ loꞈ-ehˇ duˇ-eu tsawˇ haˬ deuˬ, Miˬyehˇ Zaˬmaˇ-euˬ dawˬ ya gaˬ-eu aˇ nah keuˆ le luꞈ-awˇ, aˇ nah kʼoeˇ nah heu gaˇ keuˆ le taˬ-euˬ meh. Aˬ yawꞈ-euˬ dawˬ-ahˇ naˇ haˬ geuꞈ-eu tsawˇ haˬ deuˬ yaw dehꞈ ya dehꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ “Ngar, nawmaf-anr aqdir aqmar aernaeq nyar, shir-euq tsawrhaq deuq, Miqyaer-euq Zaqyo-euq tersar-anr yagaq-eu aryamq keuvle luf-eu mae. Nymq-mr nae keuvle-euq mae. Yagaq-euq tsawrhaq yadaef taef-a.

Yoˇhaˬ 5:25 Iomraidhean Croise

Luˇkaꞈ 15:24

Aˬ jeˬ miˇ neh ehˇ naˇ, ngaˬ li heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.’ Kʼoeˇ naˇ, aˬ yawꞈ maꞈ laˬ kʼaˬ tiˬ cehˇ dzaˬ taꞈ dawˇ taꞈ-euˬ meh.

Luˇkaꞈ 15:32

Laˬ kʼaˬ tiˬ cehˇ dzaˬ taꞈ dawˇ taꞈ-eu heu-aˬ, jahˇ paˬ-ehˇ gʼeh-eu tiˬ jeˬ meh. Aˬ jeˬ miˇ neh ehˇ naˇ, nawˬ-euˬ aˬ nyiˇ heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.”’

Luˇkaꞈ 9:60

Yeˬsuˇ aˬ yawꞈ-ahˇ ehˇ nehˬ-eu, “Shiˇ-euˬ tsawˇ haˬ deuˬ-ahˇ shiˇ-euˬ deuˬ neh bi baꞈ pahˬ luꞈ-uˇ. Ehˇ kʼawꞈ, nawˇ-aˬ, Miˬyehˇ Miˬkʼahˬ gaˇ kawˆ mehˬ-iˇ-awˬ.”

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Yoˇhaˬ 17:1

Yeˬsuˇ kʼoeˇ loꞈ-ehˇ ngehˬ gʼaˬ tmˇ gʼaˬ ngeh, mˬ paw gʼawˇ leuˇ-awˇ heu loꞈ-ehˇ ehˇ-eu meh. “Aˬda-oˇ, aˇ yamˬ keuˆ le-euˬ meh. Zaˬ maˇ baˬ da neh nawˬ-euˬ yaw shehꞈ kʼahˬ sehˇ-ahˇ aˬ cawˬ mawˇ nya ni, nawˬ-euˬ Zaˬmaˇ-ahˇ yaw shehꞈ kʼahˬ sehˇ biꞈ laꞈ-awˬ.

Yoˇhaˬ 4:21

Yeˬsuˇ aˬ yawꞈ-ahˇ ehˇ nehˬ-eu, “Zaˬ miˬ aˬ buˇ-oˇ, ngaˇ ehˇ gaˇ jah-awˬ. Gawˬ jawˬ heu jawˬ kʼoeˇ taˆ maˬ ehˇ, Yeˬluˇsaˬlehˬ meuˬ-ahˇ maˬ ehˇ, Aˬda-ahˇ uˬ duˬ maˬ paˇ tahˬ-eu aˇ nah keuˆ le tehꞈ-a.

Yoˇhaˬ 4:23

Ehˇ kʼawꞈ, Miˬyehˇ-euˬ Yaw sahˇ-euˬ baoˬ baˬ da neh, Aˬda-ahˇ siˬ duˬ-eu laꞈ kʼoeˇ uˬ duˬ tahˬ-awˇ, maˇ maˇ ni aˬ yawꞈ geuꞈ mawꞈ-eu uˬ duˬ tahˬ-eu jeˬ mˇ byah nya-eu aˇ nah keuˆ le luꞈ meh. Nymˬ-mˇ kʼawꞈ keuˆ le taˬ-euˬ meh.

Yoˇhaˬ 5:21

Aˬda-aˬ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-awˇ, dehꞈ-eu jeˬ biꞈ-eu loꞈ-ehˇ, Zaˬmaˇ kʼawꞈ, aˬ yawꞈ biꞈ mawꞈ-eu tsawˇ haˬ-ahˇ dehꞈ-eu jeˬ biꞈ-eu meh.

Yoˇhaˬ 5:28

Gaˇ kawˆ heu hmˬ-ahˇ naw maꞈ taˬ zahˬ leˇ. Shiˇ dzeuˇ-euˬ tsawˇ haˬ dawˬ tawˆ luꞈ aˬ yawꞈ-euˬ dawˬ ya gaˬ-eu aˇ nah keuˆ le luꞈ meh.

Yoˇhaˬ 6:60

Yeˬsuˇ kʼoeˇ loꞈ-ehˇ ehˇ gaˇ ya gaˬ ngeh, aˬ yawꞈ-euˬ zaˬ lahˇ gʼawˬ mya gʼaˬ ehˇ-eu, “Aˬ yawꞈ mehˬ-euˬ gaˇ kawˆ teu hmˬ teu naˆ naˆ-ehˇ kʼaˆ-eu beu tawˇ. Aˬ suˇ gʼaˬ ha geuꞈ coeˇ paˬ nga.”

Yoˇhaˬ 8:43

Ngaˇ ehˇ gaˇ aˬ jeˬ miˇ neh naw maꞈ maˬ gʼoˆ shaw nya ta lehˇ naw maꞈ siˬ nya ma loˇ. Ngaˬ-euˬ dawˬ-ahˇ naw maꞈ maˬ naˇ haˬ nahˇ-eu miˇ neh meh.

Yoˇhaˬ 8:47

Miˬyehˇ jawˇ gaˇ neh oe-euˬ tsawˇ haˬ-aˬ, Miˬyehˇ-euˬ ehˇ dawˬ naˇ haˬ tehꞈ-a. Ehˇ kʼawꞈ, naw maꞈ-aˬ, Miˬyehˇ jawˇ gaˇ neh oe-euˬ maˬ ngeuˇ-a. Kʼoeˇ miˇ neh, Miˬyehˇ-euˬ ehˇ dawˬ naw maꞈ maˬ naˇ haˬ mawꞈ-a.”

Yoˇhaˬ 9:27

Tsawˇ haˬ kʼoeˇ gʼaˬ ehˇ-eu, “Ngaˇ naw maꞈ-ahˇ ehˇ nehˬ gʼa-euˬ ma tawˇ. Aˬ jeˬ miˇ neh paˇ gaˬ poˆ mawꞈ-eu nya. Naw maꞈ jiˇ aˬ yawꞈ-euˬ zaˬ lahˇ geuꞈ mawꞈ-eu nya loˇ.”

Lormav 6:4

Aˬ dui iˇ cuꞈ shawˇ-euˬ baˬ da neh aˬ yawꞈ nehˬ-ehˇ tiˬ kawˆ loꞈ-ehˇ bi baꞈ pahˬ-awˇ, a yawꞈ shiˇ-euˬ gaˇ taꞈ-eu ma. Kʼoeˇ-aˬ, Aˬda Miˬyehˇ-euˬ yaw shehꞈ kʼahˬ sehˇ huiˬ-eu baoˬ neh Ka li-ahˇ bi gʼoꞈ dehꞈ laˇ-euˬ loꞈ-ehˇ, aˬ dui kʼawꞈ yaw shuiꞈ dehꞈ paˇ nya-eu gʼaˇ duˬ pyeuꞈ-eu ma.

Eˇpeˇsu 2:1

Dzeuˇ laˇ ngeh naw maꞈ Miˬyehˇ-euˬ dawˬ-ahˇ maˬ naˇ haˬ-ehˇ iˬ baˇ mˇ-euˬ miˇ neh, guiˬ lahˬ saꞈ laˇ paw shiˇ-euˬ gaˇ duˇ-eu meh.

Eˇpeˇsu 2:5

Kʼoeˇ miˇ neh, aˬ dui Miˬyehˇ-euˬ ehˇ dawˬ maˬ naˇ haˬ-ehˇ guiˬ lahˬ saꞈ laˇ paw shiˇ luꞈ ngeh, aˬ yawꞈ aˬ dui-ahˇ Ka li nehˬ-ehˇ bi dehꞈ laꞈ-euˬ meh. Naw maꞈ ka kʼoꞈ-eu jeˬ za-euˬ kʼoeˇ-aˬ, Miˬyehˇ gʼawˬ shaˬ gaˬ-eu guiˬ lahˬ baˬ da neh meh.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

Gawˇlawˇsehˇ 2:13

Yaw beh naw maꞈ Yuˇdaˆ tsawˇ haˬ maˬ ngeuˇ-eu uˬ taꞈ, Zahˇ dawˬ kʼoꞈ dawˬ maˬ jaˆ-eu baˬ da neh maˬ ehˇ, naw maꞈ-euˬ iˬ baˇ baˬ da neh maˬ ehˇ, saꞈ laˇ shiˇ taˬ-euˬ gaˇ duˇ-eu meh. Ehˇ kʼawꞈ, nymˬ-mˇ-aˬ, Miˬyehˇ neh naw maꞈ-ahˇ Ka li nehˬ-ehˇ bi dehꞈ laˇ-euˬ meh. Aˬ dui-euˬ iˬ baˇ dawˬ tawˆ luꞈ-ahˇ Miˬyehˇ pyehˬ nehˬ laꞈ-euˬ meh.

Panmaeq 3:1

“Saˬdiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, Miˬyehˇ-euˬ Yaw sahˇ shiꞈ sahˇ jawˇ-awˇ, aˬ guiˇ shiꞈ siˬ jaˆ-eu gʼaˬ-euˬ dawˬ meh. Nawˇ aˬ jeˬ mˇ luꞈ-eu gaˇ kawˆ ngaˇ siˬ nya ma. Nawˇ-aˬ, shiˇ-euˬ kʼawꞈ, dehꞈ luꞈ-eu meh lehˇ aˬ cawˬ sawˇ taˬ-euˬ meh.